Yangiliklar

Jizzax shahar Yuridik xizmat ko'rsatish markazi xodimlari 2021 yil 28 oktyabrь kuni Jizzax shaxar hokimligi xuzuridagi Obodonlashtirish boshqarmasida targ'ibot ishlarini olib bordilar.

Tadbir jarayonida O'zbekiston Respublikasi Prezidentining 2021 yil 29 iyunь kunidagi PQ-5168-son Qarori bilan tasdiqlangan "Yuridik xizmat ko'rsatish markazlari to'g'risida"gi Nizom va "Е-huquqshunos" elektron tizimidan foydalanish tartibi va Mehnat qonunchiligi normalari yuzasidan huquqiy tushuntirishlar berildi.

Жиззах шахар ҳокимлиги хузуридаги Ободонлаштириш бошқармаси  ходимлари семинар давомида фаолиятлари билан боғлиқ хуқиқий холатларга доир саволларга Марказ ходимлари томонидан батафсил жавоблар берилди ва семинар иштирокчилари ўзларига керакли бўлган маълумотларга эга бўлишди.

Yuridik markazlar qanday vazifalarni amalga oshiradi? 
Ular qaysi tashkilotlarga xizmat ko'rsatadi?
Markazlarning tashkil etilishidan maqsad nima?                                                     

Mazkur savollar bugunda axoli orasida ko'p bora uchramoqda. Shu kabi savollarga Paxtakor tuman yuridik xizmat ko'rsatish markazi boshlig'i Dildora Juraboeva "Assalom, Jizzax" dasturi orqali javob beradi.

Sharof Rashidov tuman Yuridik xizmat ko'rsatish markazi xodimlari 2021 yil 27 oktyabrь kuni tuman tibbiyot bo'limida  targ'ibot ishlarini olib bordilar.

Tadbir jarayonida O'zbekiston Respublikasi Prezidentining 2021 yil 29 iyunь kunidagi PQ-5168-son Qarori bilan tasdiqlangan "Yuridik xizmat ko'rsatish markazlari to'g'risida"gi Nizom va "Е-huquqshunos" elektron tizimidan foydalanish tartibi, Jismoniy va yuridik shaxslarning murojaatlari to'g'risida Konun va Mehnat qonunchiligi normalari yuzasidan huquqiy tushuntirishlar berildi.

Tuman tibbiyot  xodimlari o'zlariga kerakli bo'lgan ma'lumotlarga ega bo'lib,  seminar ishtirokchilari tomonidan berilgan savollarga markaz xodimlari tomonidan batafsil javoblar berildi.

Markazlar tomonidan yuridik xizmat ko'rsatilishi belgilangan tashkilotlarning markazlar bilan kelishilmagan holda yuridik tusdagi xujjatlar qabul kilinishiga yo'l qo'yilmasligi, xujjatlar qabul qilingan paytdan e'tiboran xech qanday yuridik kuchga ega emasligi to'g'risida tushunchalar berildi.

Tumandagi davlat organlari va tashkilotlari tuman yuridik xizmat ko'rsatish markazlaridan so'rashlari mumkin bo'lgan masalalar bo'yicha tarqatma materiallari tarqatildi.

Joriy yilning sentyabrь oyi davomida viloyatda faoliyat yuritayotgan NNTlar tomonidan chet davlatlardan, xalqaro va chet el tashkilotlaridan, chet davlatlarining fuqarolaridan yoki ularning topshirig'iga binoan boshqa shaxslardan ajratilgan pul mablag'lari va mol-mulklarni olinishida Vazirlar Mahkamasining 2019 yil 9 oktyabrdagi 858-sonli qaror talablariga rioya etilishi ahvoli monitoring tartibida o'rganildi.

Monitoring davomida, aniqlangan qonunbuzilishi holatlarini bartaraf etish yuzasidan 3 ta nodavlat notijorat tashkilotiga taqdimnoma kiritilishi, shuningdek 37 ming AQSh dollari mablag'ini olishda kelishilmaganlik holati yuzasidan ma'muriy huquqbuzarlik to'g'risida bayonnoma rasmiylashtirilib javobgarlikka tortilishi ta'minlandi.

Moxinur Raximova 

NNT bo'limi

Jizzax viloyat Sh.Rashidov tuman Moliya bo'limi, Veterinariya bo'limi va Obodanlashtirish bosharmalarining mas'ul xodimlariga Jizzax viloyat adliya boshqarmasi huzuridagi Sh.Rashidov tuman yuridik xizmat ko'rsatish markazi boshlig'i va xodimlari tomonidan Saylov qonunchiligi bo'yicha hamda O'zbekiston Respublikasi Prezidentining “Davlat organlari va tashkilotlariga yuridik xizmat ko'rsatish faoliyatini yanada takomillashtirish chora-tadbirlari to'g'risida”gi qarorining mazmun mohiyatini, ijrosinini ta'minlash hamda "E-huquqshunos" elektron dasturini ishga tushurish va shu orqali hujjatlar almashuvini yo'lga qo'yish yuzasidan o'quv amaliy seminar o'tkazildi.

Seminar yakunida Moliya bo'limi, Veterinariya va chorvachilikni rivojlantirish bo'limi va Obodanlashtirish boshqarmalarining xodimlari o'zlariga kerakli bo'lgan ma'lumotlarga ega bo'lib, seminar ishtirokchilari tomonidan berilgan savollarga markaz xodimlari tomonidan batafsil javoblar berildi.

Jizzax viloyat adliya boshqarmasi huzuridagi Sh.Rashidov tuman yuridik xizmat ko'rsatish markazi.

Saylovlar demokratik huquqiy davlatning ajralmas belgisi, xalq xohish-irodasining erkin ifodalanishi, fuqarolarning jamiyat va davlat ishlarini boshqarishda bevosita hamda o'z vakillari orqali ishtirok etishining asosiy ko'rinishlaridan biridir. Shu bois ham bo'lajak saylovni har jihatdan puxta va yuqori saviyada o'tishiga alohida e'tibor qaratilmoqda. Jumladan, joylarda viloyat adliya boshqarmasi, shahar va tuman bo'limlari xodimlari tomonidan saylovoldi targ'ibot tadbirlari davom etmoqda. Navbatdagi manzil Jizzax viloyat yuridik texnikumida tashkil etilgan 33- saylov uchastkasi bo'ldi. Ushbu 33-saylov uchastkasida saylovga tayyorgarlik ishlari qat'iy va belgilangan reja asosida olib borilmoqda.

Saylovlar demokratik huquqiy davlatning ajralmas belgisi, xalq xohish-irodasining erkin ifodalanishi, fuqarolarning jamiyat va davlat ishlarini boshqarishda bevosita hamda o'z vakillari orqali ishtirok etishining asosiy ko'rinishlaridan biridir. Shu bois ham bo'lajak saylovni har jihatdan puxta va yuqori saviyada o'tishiga alohida e'tibor qaratilmoqda. Jumladan, joylarda viloyat adliya boshqarmasi, shahar va tuman bo'limlari xodimlari tomonidan saylovoldi targ'ibot tadbirlari davom etmoqda. Navbatdagi manzil Jizzax viloyat yuridik texnikumida tashkil etilgan 33- saylov uchastkasi bo'ldi. Ushbu 33-saylov uchastkasida saylovga tayyorgarlik ishlari qat'iy va belgilangan reja asosida olib borilmoqda.

– Saylov uchastkamizda 1738 ta saylovchi ro'yxatga olingan, – deydi 33 - uchastka saylov komissiyasi raisi Suyarbek Saydiev. – Ulardan 47 nafari saylovlardan ilk bor qatnashadigan, birinchi bor ovoz beradigan yoshlardir. Aholi, ayniqsa, yoshlar saylov qonunchiligiga oid tartiblar, ovoz berish qoidalari, saylovda ishtirok etayotgan siyosiy partiyalar tomonidan ko'rsatilgan nomzodlar to'g'risidagi ma'lumotlar bilan tanishtirilmoqda, umuman, zarur targ'ibot-tashviqot ishlari olib borilmoqda. Ma'lumki, saylov qonunchiligimizda xizmat safariga borish yoki boshqa sabablarga ko'ra, saylov kuni saylov uchastkasiga kelolmaydigan saylovchilarning oldindan ovoz berishi mumkinligi belgilangan. Shundan kelib chiqib, uchastkamizda saylov kuni kelolmaydigan saylovchilarning oldindan kelib, tegishli tartibda ovoz berishlari uchun ham zarur choralar ko'rildi.

Viloyat adliya boshqarmasi mas'ul xodimlari ishtirokchilar tomonidan berilgan savollarga javob berib, saylovda faol ishtirok etishni taklif etdilar.

Huquqiy targ'ibot va ma'rifat bo'limi

Zarbdor tuman davlat organlari va tashkilotlariga yuridik xizmat ko'rsatish markazi boshlig'i A.Eshbekov tomonidan tuman Xalq ta'limi bo'limi, Tibbiyot birlashmasi, Madaniyat bo'limi xodimlari ishtirokida Saylov kodeksining mazmun-mohiyatini tushuntirish bo'yicha targ'ibot tadbiri o'tkazildi. Targ'ibot tadbirida saylov qonunchiligi bilan bog'liq savollarga tushuntirishlar berildi.

Bundan tashqari Zarbdor tumani Yuridik Xizmat Ko'rsatish Markazi tashkil etilganligi, qanday funktsional vazifalarni o'z oldiga qo'ygani haqida, kimlar Markaz xizmatlaridan foydalanishi mumkunligi to'g'risida to'xtalib o'tildi. Ishtirokchilar o'zlari qiziqtirgan savollariga to'liq javob olishdi.

Adliya boshqarmasi

Huquqiy targ'ibot va ma'rifat bo'limi

Prezidentimiz Shavkat Mirziyoev Birlashgan Millatlar Tashkiloti minbarlarida sof o'zbek tilida nutq so'zladilar. Bir yuz to'qson uch davlat vakillari va dunyo televideniesida o'zbek tili yangradi. 

Muhabbat, sadoqat koshonasida,

Humo qush parvozi peshonasida,

Uchinchi renessans ostonasida

BMTda yangragan Navoiy tili!

Tariximsan, taqdirimsan, kelajagimsan, ona tilim…

Darhaqiqat, tarixdan so'z ochsalar, mag'rurlanadigan shonli tarixga egamiz. Jizzax yuridik texnikumi direktori Abror Idiboev tilimizning qadim tarixi, tilimizga bo'lgan e'tibor xususida "Qadring baland bo'lsin, ona tilim!" nomli tadbir avvalida o'z fikr-mulohazalarini bildirdi. Tadbir texnikum binosining faollar zalida, talaba yoshlar ishtirokida bo'lib o'tdi.

Tadbir davomida viloyat adliya boshqarmasi bo'lim boshlig'i Jahongir Ishonqulov "O'zbekiston Respublikasining Davlat tili to'g'risida"gi O'zbekiston Respublikasining Qonuniga o'zgartish va qo'shimchalar kiritish haqida"gi Qonun mazmun-mohiyati, davlat tili to'g'risidagi qonun hujjatlari, O'zbekistonning davlat tili, O'zbekistonda boshqa tillarning maqomi, til bo'yicha kamsitishga yo'l qo'yilmaslik, davlat tilini rivojlantirishdagi davlat siyosatining asosiy yo'nalishlari haqida talaba yoshlarga tushunchalar va ma'lumotlar berdi.

Shundan so'ng, tadbirda texnikum talaba yoshlari ona tilimizning jozibadorligini tarannum etuvchi eng sara she'rlar, g'azallardan namunalar o'qidi hamda ular asosida yaralgan mumtoz kuy-qo'shiqlar ijro etildi.

Abdulla Qodiriy o'zbek adabiy tilining buyuk siymosi. Adibning badiiy so'zida betakror joziba mujassam bo'lgani bois “O'tkan kunlar”ni necha bor o'qisa ham, odam to'ymaydi, qayta mutolaaga ehtiyoj sezaveradi. Roman o'quvchini zeriktirmaydi. Tadbir so'nggida talabalar asardan parchani mahorat bilan ijro qilib berishdi.

Tadbir ko'tarinki kayfiyat bilan yakunlandi. 

Huquqiy targ'ibot ma'rifat bo'limi

Savol: Turmush o'rtog'imga nisbatan Jinoyat kodeksi 168-moddasi 2 qismi a bandi bilan jinoyat ishi qo'zg'atilib tergov xarakatlari olib borilmokda. U jabrlanuvchi bilan yarashib, jabrlanuvchi da'vosidan voz kechsa jazo engillatilishi mumkinmi?

Javob: Bunday vaziyatda jinoyat sodir etgan shaxs bazaviy hisoblash miqdorining yuz baravaridan uch yuz baravarigacha miqdorda jarima yoki uch yilgacha axloq tuzatish ishlari yoki uch yildan besh yilgacha ozodlikni cheklash yoxud uch yildan besh yilgacha ozodlikdan mahrum qilish bilan jazolanadi.Sizning turmush o'rtog'ingizga nisbatan esa 168-moddasi ikkinchi qismi a bandi bilan jinoiy ish qo'zg'atilgan. Shuning uchun turmush o'rtog'ingiz javobgarlikdan ozod etilmasligi mumkin. 

JK 168-moddasi beshinchi qismiga asosan etkazilgan moddiy zararning o'rni qoplangan taqdirda ozodlikni cheklash va ozodlikdan mahrum qilish tariqasidagi jazo qo'llanilmaydi. 

JK 55-moddasiga muvofiq quyidagi holatlar jazoni engillashtiruvchi holatlar deb topiladi:

a) aybni bo'yniga olish to'g'risida arz qilish, chin ko'ngildan pushaymon bo'lish yoki jinoyatni ochish uchun faol yordam berish;

b) etkazilgan zararni ixtiyoriy ravishda bartaraf qilish;

v) og'ir shaxsiy, oilaviy sharoitlar oqibatida yoki boshqa mushkul ahvolda jinoyat sodir etish. 

Agar turmush o'rtog'ingiz qilmishini tan olsa, chin ko'ngildan pushaymon bo'lsa va zararni to'liq qoplasa, sud jazoni engillashtirishi mumkin.Shunday ekan turmush o'rtog'ingiz zararni to'liq qoplasa, unda unga yuqoridagi jazo choralari qo'llanilmaydi.

Rahimberdi Yunusov

Jizzax shahar Madad NNT bosh mutaxassisi