Yangiliklar

Bugun Jizzax viloyat soliq boshqarmasida "Yangi O'zbekistonda - yangi tahrirdagi Konstitutsiya" mavzusida  viloyat Adliya boshqarmasi  mutaxassisi bilan uchrashuv tashkil etildi.

Unda Adliya boshqarmasi bosh maslahatchisi Sh.Sulaymonov  ishtirok etib, tadbir ishtirokchilariga yangi tahrirdagi konstitutsiya loyihasi yuzasidan keng tushuntirishlar berdi.

Jumladan, yangilanayotgan konstitutsiyada inson huquq va erkinliklari qonunlarimizning, har bir vazirlik va idora faoliyatining mazmuniga aylanishi qat’iy talab sifatida belgilanmoqda, bu hol davlat organlari hamda mansabdor shaxslarning faqat va faqat fuqarolarning manfaatlarini ko‘zlab faoliyat ko‘rsatishiga asos bo‘lishi ta’kidlab o‘tildi.

Shuningdek, “Inson qadri” tamoyiliga asosan qonunlardagi noaniqliklar inson foydasiga hal bo‘lishi shart va zarur ekanligi,  davlat va inson o‘rtasida munosabatlarni tartibga soluvchi qonunchilikdagi noaniqliklar, turli tushunmovchiliklar bartaraf etiladi, fuqarolarning ortiqcha ovoragarchiliklari oldi olinishi aytib o‘tildi.

Zero, yangilanayotgan Konstitutsiyada jamiyatning barcha qatlamlari manfaatlari inobatga olingani, Yangi O‘zbekistonni qurish g‘oyasi atrofida butun jamiyat jipslashgani, Bosh Qomusimiz tom ma’noda xalq Konstitutsiyasi bo‘layotganidan dalolat beradi.

Uchrashuvda ishtirokchilar tomonidan berilgan savollarga atroflicha javoblar qaytarildi.

Oʻzbekiston Respublikasi Mehnat kodeksining 154-moddasida ish beruvchi oʻzining moliyaviy holatidan qatʼi nazar xodimga bajargan ishi uchun haqni belgilangan mehnat haqi shartlariga muvofiq ushbu Kodeksning 161-moddasida koʻrsatilgan muddatlarda toʻlashi shart deb belgilangan. Shuningdek, 161-moddasiga muvofiq, mehnatga haq toʻlash muddatlari jamoa shartnomasi yoki boshqa lokal normativ hujjatda belgilanadi va har yarim oyda bir martadan kam boʻlishi mumkin emas.

Ammo, O‘zbekiston pochtasi AJ Jizzax filiali Paxtakor tumanlararo pochta aloqa bo‘limida ushbu normalarga amal qilinmagan holda 5 nafar xodimga 3 oy davomida ish haqi  to'lanmagan. Ushbu muammo yuzasidan qilingan murojaat Arnasoy tuman adliya bo'limi tomonidan ijobiy hal etildi. O'rganishlar asosida tashkilotga kiritilgan hatga ko'ra  xodimlarga to'lanmay kelingan jami 18 mln 50 ming so'm miqdordagi ish haqlari to'lab berildi.

O'z vaqtida olinmagan tug'ilganlik tog'risidagi guvohnomasi, bir qancha  muammolarni keltirib chiqarishi aniq. Sababi har birimizning shaxsimizni tasdiqlovchi dastlabki hujjat bu tug'ilganlik tog'risidagi guvohnoma hisoblanadi.

Ammo yurtdoshlarimizning orasida o'z vaqtida tug'ilganlik tog'risidagi guvohnomani rasmiylashtirmay keyinchalik muammolarga duch kelayotganlar ham yo'q emas.

Huddi shunday fuqarolardan biri Paxtakor tuman adliya bo'limiga murojaat bilan kelgan. Tuman adliya bo'limi hodimlari tomonidan tegishli tartibda murojaat o'rganib chiqilib, fuqaroning murojaati ijobiy hal etildi va 1 yildan ko'proq vaqtga kechikkan tug'ilganlik tog'risidagi guvohnoma o'z egasiga topshirildi.

Jizzax viloyati yuridik texnikumi bitiruvchilariga diplom topshirish marosimi  bo‘lib o‘tdi.
Joriy yilda Jizzax viloyati yuridik texnikumining 125 nafar bitiruvchi-o‘quvchilariga texnikumni tamomlaganligi bo‘yicha davlat namunasidagi diplom taqdim etildi.
Tadbirda Jizzax viloyat adliya boshqarmasi boshlig‘i A.Ergashev ishtirok etib, bitiruvchi yoshlarga egallagan kasbi bo‘yicha yetuk kadr bo‘lib  doimo xalq xizmatiga tayyor, vatanparvar, fidoyi inson sifatida faoliyat yuritishni va yuksak natijalar, muvaffaqiyatlar hamroh bo‘lishini tiladi.
Tadbirda o‘quvchilarning ota-onalari, sud va huquqni muhofaza qiluvchi organ vakillari ham ishtirok etdi.

"Jizzax ovozi" gazetasining novbatdagi sonida "Adliya maslahatxonasi" ruknida Jizzax viloyat adliya boshqarmasi xodimlarining maqolalari chop etildi.

Қонунчиликка  (https://lex.uz/docs/97664)кўра, (https://lex.uz/docs/97664#5451032) қуйидаги ҳаракатлар жисмоний ва юридик шахсларнинг мурожаатлари тўғрисидаги қонун ҳужжатларини бузиш ҳисобланади:

➖ мурожаатларни қабул қилиш ва кўриб чиқишни қонунга хилоф равишда рад этиш;
➖ мурожаатларни кўриб чиқиш муддатларини узрли сабабларсиз бузиш;
➖ мурожаатларга ёзма ёхуд электрон шаклда жавоб юбормаслик;
➖ мурожаатлар тўғрисидаги қонун ҳужжатларига зид қарор қабул қилиш;
➖ жисмоний ва юридик шахсларнинг бузилган ҳуқуқлари тикланишини, мурожаат муносабати билан қабул қилинган қарорнинг бажарилишини таъминламаганлик.

Ушбу ҳаракатларни содир этиш мансабдор шахсларга 300 минг сўмдан 900 минг сўмгача миқдорда жарима солишга сабаб бўлади.

Adliya boshqarmasi hamda Zarbdor tuman adliya boʻlimi hamkorligida tuman dehqon bozorida sayyor davlat xizmatlari koʻrsatildi. Mazkur tadbir jarayonida tadbirkorlar bilan uchrashib muommalari oʻraganildi, 20 dan ortiq davlat xizmatlari koʻrsatilidi.

Hodimlarning mantiqiy bilimlarini oshirish, intellektual o‘yinlarga keng jalb qilish shuningdek,  intellektual salohiyatini yuksaltirish maqsadida Jizzax viloyat adliya boshqarmasi hodimlari uchun zakovat intellektual o'yini o'tkazildi

Qizg'in bo'lib o'tgan bahsda eng kam bal to'plagan jamoa o'yinni tark etdi, yuqori balga ega bo'lgan 4 ta jamoa o'yinning keyingi bosqichiga o'tdi.

Jizzax viloyat adliya boshqarmasi hamda Zafarobod tuman hokimligi bilan hamkorlikda "Alisher Navoiy" hiyobonida mamlakatimizda amalga oshirilayotgan konstitutsiyaviy islohotlar tog‘risidagi qonunchilik hujjatlari mazmun-mohiyati hamda ahamiyatini keng aholiga etkazish, shuningdek fuqarolarga bepul huquqiy maslahatlar berish maqsadida “Konstitutsiya – kelajagimiz  kafolati” shiori ostida huquqiy aksiya tashkil etildi.

Mazkur aksiya doirasida:
-fuqarolarga huquqiy maslahatlar berish,
-ularning ijtimoiy va siyosiy huquqlari tushuntirish,
-aholi muammolari oʻrganish,
-sayyor qabullarni tashkil qilish,
-sayyor xizmatlar ko'rsatish,
-aholiga yangilanayotgan konstitutsiya mazmun-mohiyati boʻyicha ma'lumotlar berish ishlari olib borildi.
Shu bilan birga viktorina o'yinlari ham tashkil etildi.

Adliya vazirligi tashabbusi bilan referendum qonunchligi, uning o'tkazilish tartibi bo'yicha yoshlarning huquqiy savodxonligini oshirish maqsadida tashkil etilgan "Targ'ibot poyezdi" Jizzaxga yetib keldi. Toshkent davlat yuridik universiteti o'qituvchi va talabalaridan tashkil topgan targ'ibot guruhi joylardagi uchrashuvlarda ishtirok etishmoqda. Dastlab Jizzax jamoat salomatligi texnikumida o'quvchilar bilan uchrashuv tashkil etildi.  
3 kun davomida targʻibot guruhi tomonidan Jizzax shahrida joylashgan 5 ta oliy taʼlim muassasalarida 2000 dan ortik talaba yoshlar bilan uchrashuvlar, yuzma-yuz muloqotlar olib borildi.