Yangiliklar

Viloyatimizning barcha tuman hokimliklarida “Ye-qaror” dasturi orqali birorta qogʻoz ishlatilmasdan tuman hokimi qarorlari qabul qilinishi yoʻlga qoʻyila boshlandi.

Adliya vazirligi ishchi guruh aʼzolari viloyatimizning barcha hududlarida “E-qaror” dasturi ustida ish olib bormoqdalar. 

Joriy yilnig 21-may kuni Zomin tuman hokimligi va tuman tashkilotlari masʼullari uchun oʻquv seminar tashkil etildi. Seminarda Vazirlar Mahkamasining 2020-yil 14-apreldagi “Mahalliy ijro etuvchi hokimiyat organlari tomonidan qabul qilinayotgan qarorlarni ishlab chiqish, kelishish va roʻyxatdan oʻtkazilishning yagona elektron tizimini joriy etish chora-tadbirlari toʻgʻrisida”gi 218-son Qarori ijrosi yuzasidan “E-qaror” elektron tizimida ishlash tartibini tushuntirish boʻyicha amaliy mashgʻulot oʻtkazildi. Sohaga dahldor masʼul mutaxassislar tamonidan tizimda yoʻlga qoʻyilayotgan ushbu yangiliklikning qulayliklari atroflicha tushintirib berildi. Qatnashchilar  tamonidan   berilgan   savollarga  atroflicha  javoblar berildi.

Yangiobod tumani hokimi qarorlari “E-qaror” elektron tizimi orqali qabul qilinishi yoʻlga qoʻyildi.

Mahalliy ijro etuvchi hokimiyat organlarining qarorlar qabul qilish jarayonlarini soddalashtirish va shaffofligini taʼminlash, shu bilan birga, sohaga zamonaviy axborot-kommunikatsiya texnologiyalarini joriy etish maqsadida respublikamizda “E-qaror” elektron tizimi yoʻlga qoʻyilmoqa.

Oʻzbekiston Respublikasi Vazirlar Mahkamasining 2020-yil 14-apreldagi “Mahalliy ijro etuvchi hokimiyat organlari tomonidan qabul qilinadigan qarorlarni ishlab chiqish, kelishish va roʻyxatdan oʻtkazishning yagona elektron tizimini joriy etish chora-tadbirlari toʻgʻrisida” 218-son qarori asosida joriy etilayotgan ushbu elektron tizim orqali barcha mahalliy davlat hokimiyati organlarining qarorlari qabul qilinadi va keng jamoatchilikka hokimliklar tomonidan qabul qilinayotgan qarorlarni kuzatib borish imkoniyati yaratiladi.

Bugun Oʻzbekiston Respublikasi Adliya Vazirligi hamda Axborot texnologiyalari va kommunikatsiyalarini rivojlantirish vazirligi tizimi masʼullari boshchiligidagi ishchi guruh tomonidan Yangiobod tumani hokimligi va tashkilotlarining masʼul xodimlari ishtirokida oʻquv seminar tashkil etilib, unda “E-qaror” elektron tizimidan foydalanish, tizimga qaror loyihalarini joylashtirish va imzolash tartibi yuzasidan amaliy mashgʻulotlar tarzida tushunchalar berildi.

Shu kuni “E-qaror” elektron tizimida Yangiobod tumani hokimi I.Qarshiboyevning ilk qarori elektron raqamli imzo orqali imzolandi.

Forish tumanida “E-qaror” elektron tizimini ishga tushirilib, u orqali tuman hokimining qarori qabul qilindi.

Joriy yilnig 20-may kuni Forish tuman hokimligi va tuman tashkilotlari masʼullari uchun  adliya vazirligi ishchi guruhi tomonidan  seminar-trening tashkil etildi.



Hududda dastlab, adliya vazirligi ishchi gruhi tomonidan hokimliklarda qarorlarni “E-qaror” elektron tizimi orqali qabul qilishni tashkil etishga koʻmaklashish boʻyicha tuzilgan ishchi guruhi tomonidan tegishli soha vakillari oʻrtasida oʻquv-seminar tashkil etildi.

 Kunning birinchi yarmida sohaga aloqador barcha mutaxassislarga elektron tizimdan foydalanish, uning afzalliklari batafsil tushuntirilib, amaliy mashgʻulotlar yordamida bilimlar mustahkamlandi. Shundan soʻng, tuman xokimining qarori elektron tizim orqali imzolanib qabul qilindi.

Jizzax viloyatida birinchilardan boʻlib Baxmal tumanida “E-qaror” dasturi orqali tuman hokimi qarorlari qabul qilinishi yoʻlga qoʻyildi.

Adliya vazirligi ishchi guruh aʼzolari viloyatimizning barcha hududlarida “Ye-qaror” dasturi ustida ish olib bormoqdalar.
Joriy yilnig 19-may kuni Baxmal tuman hokimligi va tuman tashkilotlari masʼullari uchun oʻquv seminar tashkil etilib, seminarda Vazirlar Mahkamasining 2020-yil 14-apreldagi “Mahalliy ijro etuvchi hokimiyat organlari tomonidan qabul qilinayotgan qarorlarni ishlab chiqish, kelishish va roʻyxatdan oʻtkazilishning yagona elektron tizimini joriy etish chora-tadbirlari toʻgʻrisida”gi 218-son Qarori ijrosi yuzasidan “E-qaror” elektron tizimida ishlash tartibini tushuntirish boʻyicha amaliy mashgʻulot oʻtkazildi hamda tuman hokimi M.Anarbayevning ilk bor “Ye-qaror” dasturida qarori qabul qilindi.

«Е-QAROR» ELEKTRON TIZIMI AMALDA

Adliya vazirligi tomonidan hokimliklarda qarorlarni “E-qaror” elektron tizimi orqali qabul qilishni tashkil etishga koʻmaklashish boʻyicha tuzilgan ishchi guruhi tomonidan Jizzax viloyatida ham oʻquv seminari tashkil etildi.

“E-qaror” elektron tizimini respublikamizning barcha hokimliklarida joriy etish orqali fuqarolarimizning mahalliy norma ijodkorligi jarayonida faol ishtirokini taʼminlash, bu orqali esa shaffoflik, adolatni qaror toptirish, korrupsiyaga qarshi keskin kurashish mumkinligini aloxida etirof etish mumkin. 

Kunning birinchi yarmida mazkur sohaga aloqador barcha mutaxassislar ishtirokida oʻquv seminarlari tashkil etilib, ularga elektron tizimdan foydalanish, uning afzalliklari batafsil tushuntirib oʻtildi.

Jizzax viloyat xokimining qarori ilk marotaba mazkur elektron tizim orqali imzolanib qabul qilindi. Ushbu tadbir tantanali tarzda jamoatchilik ishtirokida tashkil qilindi.

Kuzatuvchilar hamda shahar, tuman hokimlariga bu jarayon master klass vazifasini ham oʻtadi deb ayta olishimiz mumkin. Xalq manfaati, aholi farovonligi yoʻlida amalga oshirilayotgan bu kabi yangiliklar jizzaxliklar tomonidan mana shunday koʻtarinki kayfiyatda qarshi olindi.

Jizzaxda saylov jarayoni ishtirokchilarining malakasini oshirishni tashkil etish boʻyicha hududiy seminar-treninglar oʻtkazilmoqda

17-may kuni Jizzax davlat pedagogika institutida hududiy trenerlar uchun oʻquv mashgʻulotlari boshlandi.

Jizzax viloyatida 95 nafar, shundan 52 nafari hududiy trenerlar, 8 nafari hududiy trenerlar zahirasi, 9 nafar hududiy shtab aʼzolari 26 nafar shahar va tumanlardan masʼullar uchun 17-21-may kunlari mashgʻulotlar oʻtkaziladi.

Bugun 17-may kuni Jizzax davlat pedagogika institutida hududiy trenerlar uchun oʻquv mashgʻulotlari boshlandi.

Jizzax viloyatida 95 nafar, shundan 52 nafari hududiy trenerlar, 8 nafari hududiy trenerlar zahirasi, 9 nafar hududiy shtab aʼzolari 26 nafar shahar va tumanlardan masʼullar uchun 17-21-may kunlari mashgʻulotlar oʻtkaziladi.

Mazkur oʻqishlar joriy yilda mamlakatimiz siyosiy hayotidagi gʻoyat muhim siyosiy voqelik – Prezidentlik saylovini yuqori saviyada tashkil etish uchun saylov jarayonining asosiy tashkilotchilari boʻlgan saylov komissiyalari aʼzolarining malakasini oshirishga jalb etilgan hududiy trenerlarning saylov qonunchiligi va jarayoni boʻyicha bilim hamda koʻnikmalarini oshirishga xizmat qiladi.

Shuningdek, saylov jarayonidagi masʼul tashkilotchilarga mamlakatimizda Prezident saylovini oʻtkazish, uni saylov qonunchiligi va jahon standartlari asosida tashkil etish borasida zurur bilim va koʻnikmalarni oʻzlashtirish imkonini yaratadi.

Matbuot anjumani boʻlib oʻtdi.

Joriy yilning 12-may kuni Jizzax viloyat adliya boshqarmasi tomonidan matbuot anjumani tashkil etildi.

Jizzax viloyat Adliya boshqarmasida Oʻzbekiston Respublikasi Prezidentining 2021-yil 23-martdagi “Aholi va tadbirkorlik subyektlariga davlat xizmatlaridan foydalanishda yanada qulay sharoitlar yaratish, bu borada byurokratik toʻsiqlarni qisqartirish boʻyicha qoʻshimcha chora-tadbirlar toʻgʻrisida”gi PF-6191-sonli farmoniga bagʻishlangan matbuot anjumani tashkil etildi.

Oʻzbekiston Respublikasi Prezidentining ushbu farmoniga koʻra, Davlat xizmatlarini koʻrsatishda byurokratizm, sansalorlik va boshqa maʼmuriy toʻsiqlarni bartaraf etish, eskirgan, zamon talablariga mos kelmaydigan tartib-taomillar tubdan qisqaradi. Jumladan, joriy yilning 1-iyunidan boshlab fuqarolik holati dalolatnomalarini qayd etish; nikohlanuvchi shaxslarni tibbiy koʻrikdan oʻtkazish va xorijga chiqish biometrik pasportini rasmiylashtirish eksterritorial tamoyil asosida amalga oshiriladi; notarial harakatlarni amalga oshirishda fuqarolik holati dalolatnoma yozuvlari bilan bogʻliq barcha maʼlumotlar “FHDYOning yagona elektron arxivi” axborot tizimi orqali olinadi. Eng muhimi, tadbirkorlik subyekti boʻlgan yuridik shaxslarga davlat xizmatlaridan foydalanish borasida 10 dan ziyod qulayliklar yaratib beriladi.

Matbuot anjumanida viloyat Adliya boshqarmasi tomonidan Oʻzbekiston Respublikasi Prezidentining 2021-yil 23-martdagi PF-6191-sonli farmoni ijrosini taʼminlash borasida mutasaddi idora va tashkilotlar bilan hamkorlikda amalga oshirilayotgan ishlar xususida batafsil maʼlumot berilishi bilan birga viloyat adliya boshqarmasi tomonidan 1-chorak davomida amalga oshirilgan ishlar yuzasidan taqdimot qilindi.

Huquqiy-uslubiy koʻmak berib borilmoqda

“Oʻzneftgazinspeksiya” Jizzax viloyati hududiy boʻlimida qonunchilik hujjatlari va topshiriqlari ijrosini amalga oshirish yuzasidan tashkilotning masʼul xodimlariga seminar tashkil qilindi.
Seminarda adliya boshqarmasi xodimlari ishtirok etib, qatnashganlarga energetika sohasida qabul qilingan qonunchilik hujjatlarida belgilangan topshiriqlar ijrosini amalga oshirish boʻyicha tushuntirishlar berdi. Seminar soʻnggida qatnashchilar tomonidan berilgan savollarga javoblar berildi.

Jizzax viloyati adliya boshqarmasi
bosh maslahatchisi M.Musurmonov

Yoshlarga etibor-kelajakka etibor

Jizzax viloyati yuridik texnikumi bitiruvchilarini kasbga bo’lgan qiziqishlarini oshirish maqsadida  Majburiy ijro byurosi Jizzax viloyat boshqarmasi boshlig'i bilan uchrashuv tashkil etildi. 

Uchrashuvda, yoshlarni ishga qabul qilish masalasi yuzasidan huquqiy tushunchalar berildi.
Shuningdek tadbirga hozirda ijrochi bo‘lib ishlayotgan sobiq o‘quvchilarimiz ham o‘z tajribalari va tavsiyalari bilan o‘rtoqlashishdi.

Shu yerning o‘zida byuro bilan 3 yil muddatga hamkorlik shartnomasi imzolandi. O’quvchilar o’zlarini qiziqtirgan savollarga atroflicha javob olishdi.

Prezident xujjatlarining yangicha nazorat tizimi

Joriy yilning 8-may kuni Doʻstlik tumani hokimligi binosida Prezident hujjatlari va topshiriqlarini davlat boshqaruvining eng quyi tuzilmalarida ijro qilinishi tahliliga bagʻishlangan amaliy seminar boʻlib oʻtdi. 

Seminarda  Oʻzbekiston Respublikasi Prezidenti Adminstratsiyasi xamda Adliya vazirligi  masul xodimlari ishtirok etishdi.

Dastlab, Adliya vazirligi, viloyat adliya boshqarmasi xodimlari tomonidan Doʻstlik tuman hokimligi, tumandagi barcha davlat organlari va tashkilotlarining qonunchilik hujjatlari va topshiriqlari ijrosini amalga oshirish bilan bogʻliq faoliyati oʻrganilib, tahlil qilindi. Tahlil natijalari yuzasidan tumandagi barcha tashkilot rahbarlari va ijro intizomi uchun masʼul boʻlgan xodimlar ishtirokida, qonunchilik hujjatlari ijrosini amalga oshirishda yoʻl qoʻyib kelinayotgan xato va kamchiliklar muhokamasi boʻlib oʻtdi.

Seminar ishtirokchilariga mutaxassislar tomonidan zarur tushuntirish hamda tavsiyalar berildi.

Jizzax viloyat Adliya boshqarmasi