Yangiliklar

Saylovlar demokratik huquqiy davlatning ajralmas belgisi, xalq xohish-irodasining erkin ifodalanishi, fuqarolarning jamiyat va davlat ishlarini boshqarishda bevosita hamda o'z vakillari orqali ishtirok etishining asosiy ko'rinishlaridan biridir. Shu bois ham bo'lajak saylovni har jihatdan puxta va yuqori saviyada o'tishiga alohida e'tibor qaratilmoqda. Jumladan, joylarda viloyat adliya boshqarmasi, shahar va tuman bo'limlari xodimlari tomonidan saylovoldi targ'ibot tadbirlari davom etmoqda. Navbatdagi manzil Jizzax viloyat yuridik texnikumida tashkil etilgan 33- saylov uchastkasi bo'ldi. Ushbu 33-saylov uchastkasida saylovga tayyorgarlik ishlari qat'iy va belgilangan reja asosida olib borilmoqda.

Saylovlar demokratik huquqiy davlatning ajralmas belgisi, xalq xohish-irodasining erkin ifodalanishi, fuqarolarning jamiyat va davlat ishlarini boshqarishda bevosita hamda o'z vakillari orqali ishtirok etishining asosiy ko'rinishlaridan biridir. Shu bois ham bo'lajak saylovni har jihatdan puxta va yuqori saviyada o'tishiga alohida e'tibor qaratilmoqda. Jumladan, joylarda viloyat adliya boshqarmasi, shahar va tuman bo'limlari xodimlari tomonidan saylovoldi targ'ibot tadbirlari davom etmoqda. Navbatdagi manzil Jizzax viloyat yuridik texnikumida tashkil etilgan 33- saylov uchastkasi bo'ldi. Ushbu 33-saylov uchastkasida saylovga tayyorgarlik ishlari qat'iy va belgilangan reja asosida olib borilmoqda.

– Saylov uchastkamizda 1738 ta saylovchi ro'yxatga olingan, – deydi 33 - uchastka saylov komissiyasi raisi Suyarbek Saydiev. – Ulardan 47 nafari saylovlardan ilk bor qatnashadigan, birinchi bor ovoz beradigan yoshlardir. Aholi, ayniqsa, yoshlar saylov qonunchiligiga oid tartiblar, ovoz berish qoidalari, saylovda ishtirok etayotgan siyosiy partiyalar tomonidan ko'rsatilgan nomzodlar to'g'risidagi ma'lumotlar bilan tanishtirilmoqda, umuman, zarur targ'ibot-tashviqot ishlari olib borilmoqda. Ma'lumki, saylov qonunchiligimizda xizmat safariga borish yoki boshqa sabablarga ko'ra, saylov kuni saylov uchastkasiga kelolmaydigan saylovchilarning oldindan ovoz berishi mumkinligi belgilangan. Shundan kelib chiqib, uchastkamizda saylov kuni kelolmaydigan saylovchilarning oldindan kelib, tegishli tartibda ovoz berishlari uchun ham zarur choralar ko'rildi.

Viloyat adliya boshqarmasi mas'ul xodimlari ishtirokchilar tomonidan berilgan savollarga javob berib, saylovda faol ishtirok etishni taklif etdilar.

Huquqiy targ'ibot va ma'rifat bo'limi

Zarbdor tuman davlat organlari va tashkilotlariga yuridik xizmat ko'rsatish markazi boshlig'i A.Eshbekov tomonidan tuman Xalq ta'limi bo'limi, Tibbiyot birlashmasi, Madaniyat bo'limi xodimlari ishtirokida Saylov kodeksining mazmun-mohiyatini tushuntirish bo'yicha targ'ibot tadbiri o'tkazildi. Targ'ibot tadbirida saylov qonunchiligi bilan bog'liq savollarga tushuntirishlar berildi.

Bundan tashqari Zarbdor tumani Yuridik Xizmat Ko'rsatish Markazi tashkil etilganligi, qanday funktsional vazifalarni o'z oldiga qo'ygani haqida, kimlar Markaz xizmatlaridan foydalanishi mumkunligi to'g'risida to'xtalib o'tildi. Ishtirokchilar o'zlari qiziqtirgan savollariga to'liq javob olishdi.

Adliya boshqarmasi

Huquqiy targ'ibot va ma'rifat bo'limi

Prezidentimiz Shavkat Mirziyoev Birlashgan Millatlar Tashkiloti minbarlarida sof o'zbek tilida nutq so'zladilar. Bir yuz to'qson uch davlat vakillari va dunyo televideniesida o'zbek tili yangradi. 

Muhabbat, sadoqat koshonasida,

Humo qush parvozi peshonasida,

Uchinchi renessans ostonasida

BMTda yangragan Navoiy tili!

Tariximsan, taqdirimsan, kelajagimsan, ona tilim…

Darhaqiqat, tarixdan so'z ochsalar, mag'rurlanadigan shonli tarixga egamiz. Jizzax yuridik texnikumi direktori Abror Idiboev tilimizning qadim tarixi, tilimizga bo'lgan e'tibor xususida "Qadring baland bo'lsin, ona tilim!" nomli tadbir avvalida o'z fikr-mulohazalarini bildirdi. Tadbir texnikum binosining faollar zalida, talaba yoshlar ishtirokida bo'lib o'tdi.

Tadbir davomida viloyat adliya boshqarmasi bo'lim boshlig'i Jahongir Ishonqulov "O'zbekiston Respublikasining Davlat tili to'g'risida"gi O'zbekiston Respublikasining Qonuniga o'zgartish va qo'shimchalar kiritish haqida"gi Qonun mazmun-mohiyati, davlat tili to'g'risidagi qonun hujjatlari, O'zbekistonning davlat tili, O'zbekistonda boshqa tillarning maqomi, til bo'yicha kamsitishga yo'l qo'yilmaslik, davlat tilini rivojlantirishdagi davlat siyosatining asosiy yo'nalishlari haqida talaba yoshlarga tushunchalar va ma'lumotlar berdi.

Shundan so'ng, tadbirda texnikum talaba yoshlari ona tilimizning jozibadorligini tarannum etuvchi eng sara she'rlar, g'azallardan namunalar o'qidi hamda ular asosida yaralgan mumtoz kuy-qo'shiqlar ijro etildi.

Abdulla Qodiriy o'zbek adabiy tilining buyuk siymosi. Adibning badiiy so'zida betakror joziba mujassam bo'lgani bois “O'tkan kunlar”ni necha bor o'qisa ham, odam to'ymaydi, qayta mutolaaga ehtiyoj sezaveradi. Roman o'quvchini zeriktirmaydi. Tadbir so'nggida talabalar asardan parchani mahorat bilan ijro qilib berishdi.

Tadbir ko'tarinki kayfiyat bilan yakunlandi. 

Huquqiy targ'ibot ma'rifat bo'limi

Savol: Turmush o'rtog'imga nisbatan Jinoyat kodeksi 168-moddasi 2 qismi a bandi bilan jinoyat ishi qo'zg'atilib tergov xarakatlari olib borilmokda. U jabrlanuvchi bilan yarashib, jabrlanuvchi da'vosidan voz kechsa jazo engillatilishi mumkinmi?

Javob: Bunday vaziyatda jinoyat sodir etgan shaxs bazaviy hisoblash miqdorining yuz baravaridan uch yuz baravarigacha miqdorda jarima yoki uch yilgacha axloq tuzatish ishlari yoki uch yildan besh yilgacha ozodlikni cheklash yoxud uch yildan besh yilgacha ozodlikdan mahrum qilish bilan jazolanadi.Sizning turmush o'rtog'ingizga nisbatan esa 168-moddasi ikkinchi qismi a bandi bilan jinoiy ish qo'zg'atilgan. Shuning uchun turmush o'rtog'ingiz javobgarlikdan ozod etilmasligi mumkin. 

JK 168-moddasi beshinchi qismiga asosan etkazilgan moddiy zararning o'rni qoplangan taqdirda ozodlikni cheklash va ozodlikdan mahrum qilish tariqasidagi jazo qo'llanilmaydi. 

JK 55-moddasiga muvofiq quyidagi holatlar jazoni engillashtiruvchi holatlar deb topiladi:

a) aybni bo'yniga olish to'g'risida arz qilish, chin ko'ngildan pushaymon bo'lish yoki jinoyatni ochish uchun faol yordam berish;

b) etkazilgan zararni ixtiyoriy ravishda bartaraf qilish;

v) og'ir shaxsiy, oilaviy sharoitlar oqibatida yoki boshqa mushkul ahvolda jinoyat sodir etish. 

Agar turmush o'rtog'ingiz qilmishini tan olsa, chin ko'ngildan pushaymon bo'lsa va zararni to'liq qoplasa, sud jazoni engillashtirishi mumkin.Shunday ekan turmush o'rtog'ingiz zararni to'liq qoplasa, unda unga yuqoridagi jazo choralari qo'llanilmaydi.

Rahimberdi Yunusov

Jizzax shahar Madad NNT bosh mutaxassisi

O‘zbek tilining xalqimiz ijtimoiy hayotida va xalqaro miqyosdagi obro‘-e’tiborini tubdan oshirish, unib-o‘sib kelayotgan yoshlarimizni vatanparvarlik, milliy an’ana va qadriyatlarga sadoqat ruhida tarbiyalash, mamlakatimizda davlat tilini to‘laqonli joriy etishni ta’minlash, O‘zbekistondagi millat va elatlarning tillarini saqlash va rivojlantirish, davlat tili sifatida o‘zbek tilini o‘rganish uchun shart-sharoitlar yaratish, o‘zbek tili va til siyosatini rivojlantirishning strategik maqsadlari, ustuvor yo‘nalish va vazifalarini hamda istiqboldagi bosqichlarini belgilash hukumatimiz oldida turgan bosh maqsadlardan biri desak mubolag‘a bo‘lmaydi.

Barchamizga ma’lumki, “O‘zbekiston Respublikasining Davlat tili to‘g‘risida“gi O‘zbekiston Respublikasining Qonuniga o‘zgartish va qo‘shimchalar kiritish haqida”gi Qonunda 21 oktyabr sanasi O‘zbek tili bayrami kuni haqidagi norma o‘z ifodasini topgan. Qayd etish kerak, huquqiy sohada hamda milliy qonunchilikda amalga oshirilayotgan islohotlarni to‘liq aks ettirish va «Davlat tili haqida"gi Qonunning to‘g‘ridan-to‘g‘ri amal qilishini ta’minlash maqsadida ushbu Qonun yangi tahrirda ishlab chiqildi.

Shu ma’noda, 21 oktyabr - O‘zbek tili bayrami kuni munosabati bilan viloyat adliya boshqarmasida Til soati doirasida “Til - jamiyat tayanchi” mavzusida seminar tashkil etildi. Tadbirda Jizzax pedagogika instituti pedagoglari hamda yuridik texnikumi o‘quvchilari ishtirok etdi.

Tadbirda so‘zga chiqqanlar davlat organlari va tashkilotlari faoliyatida davlat tilining qo‘llanilishi, ish yuritish tili, davlat organlari va tashkilotlari tomonidan o‘tkaziladigan tadbirlarda davlat tilining qo‘llanilishi, normativ-huquqiy va boshqa hujjatlar, shuningdek, ularning loyihalarida foydalaniladigan til, jismoniy va yuridik shaxslarning murojaatlarida ishlatiladigan til masalalari haqida batafsil ma’lumotlar berishdi.

Tadbir davomida Jizzax yuridik texnikumi o‘quvchilari o‘z ijodlaridan namunalar - she’rlar, hikoyalarini ishtirokchilarga havola etishdi.

Huquqiy targ‘ibot va ma’rifat bo‘limi

1-oktyabrdan boshlab, respublikamizning barcha tuman va shaharlarida hududiy adliya boshqarmalari huzurida ish olib boradigan yuridik xizmat ko‘rsatish markazlari faoliyat boshladi. Ushbu Markazlar o‘z faoliyatini “E-huquqshunos” elektron tizimi orqali amalga oshiradi. Shuni inobatga olgan holda, viloyat adliya boshqarmasi boshlig‘i Shokir Saidov joylarda tizimdan foydalanish hamda Markazlar ishini samarali tashkil qilish bo‘yicha amaliy seminarlar o‘tkazmoqda.

Zafarobod tumanida tashkil etilgan ana shunday seminarda, avvalo, yuridik xizmat ko‘rsatish markazi xodimlari uchun qanday ofis sharoiti yaratilgani, kompyuter texnikalari, moddiy-texnik bazasi atroflicha ko‘zdan kechirildi.

So‘ngra, tuman hokimligi binosida tegishli mutaxassislarga “E-huquqshunos” elektron tizimidan foydalanish bo‘yicha tavsiya va ko‘rsatmalar berildi.

Bu kabi amaliy seminarlar viloyatning barcha tumanlarida ham o‘tkazilmoqda.



Huquqiy targ‘ibot va ma’rifat bo‘limi

Har bir mamlakatda demokratik jarayonlar darajasi avvalo, saylovlar qanchalik ochiq, oshkora, adolatli o‘tishi va albatta, fuqarolar ayniqsa, yoshlar faolligi bilan belgilanadi. Bu tamoyillar esa saylovchilarning siyosiy bilimi, huquqiy madaniyatiga bog‘liq. Saylovda ilk bor ovoz beradigan yoshlar saylov qonunchiligidan xabardormi? Ular saylov nima ekani, o‘z ovozlari mamlakat taraqqiyotida qanday ahamiyatga egaligini qanchalik tushunib yetmoqda? Viloyat adliya boshqarmasi tashabbusi bilan  Jizzax davlat pedagogika institutida tashkil etilgan “Saylov-2021: Kelajaging uchun ovoz ber!” targ‘ibot tadbirining bosh g‘oyasi yuqoridagi savollarga javob bo‘ldi.

Tadbirda viloyatdagi barcha oliy ta’lim muassasalari talabalari ishtirok etdi.

Tadbirda Jizzax shahar adliya bo‘limi boshlig‘i Sh.Ermatov  Yangi O‘zbekistonning zamonaviy saylov tizimi yaratilishi ko‘p yillik evolyutsion jarayon va har tomonlama ­siyosiy muloqot mahsuli ekanligini, saylov qonunchiligiga saylov jarayonini takomillashtirishga qaratilgan ko‘plab o‘zgartishlar hamda qonunchilik hujjatlarini yosh saylovchilarga tushuntirib  berdi.

Tadbir yakunida yoshlarni qiziqtirgan savollarga qonunchilik hujjatlari asosida javoblar berildi.



Huquqiy targ‘ibot va ma’rifat bo‘limi

Yaqin kunlarda bo‘lib o‘tadigan saylov jarayonlari har birimizdan siyosiy faollikni, tashabuskorlikni talab etadi. Ayniqsa, bugungi zamon yoshlarining oldida turgan muhim vazifalardan biri ushbu siyosiy jarayonda faol ishtirok etishdan iboratdir. G‘allaorol tuman adliya bo‘limi tomonidan “Saylovda yoshlarning o‘rni” mavzusida tadbir tashkil etildi. Unda tumandagi barcha yoshlar ishtirok etishdi. Yoshlarning huquqiy va siyosiy bilimlarini oshirish, saylov qonunchiligi bo‘yicha keng ma’lumotlar berishga qaratilgan mazkur tadbirda O‘zbekiston Respublikasi Saylov kodeksining mazmun-mohiyati, saylov qonunchiligiga kiritilgan o‘zgartirishlar xususida so‘z bordi.

Tadbirda G‘allaorol tuman adliya bo‘limi boshlig‘i Shukrullo G‘oziyev saylovda yoshlarning faol ishtirokini ta’minlash, ularning siyosiy savodxonligini oshirish borasida o‘z fikr-mulohazalarini bildirdi.
Tadbir davomida bu yilgi saylovda ilk marotaba ovoz beradigan yigit-qizlarning ushbu muhim siyosiy jarayon haqidagi tasavvur va qarashlari bilan o‘zaro fikr almashildi.


Huquqiy targ‘ibot va ma’rifat bo‘limi

4-oktyabr kuni Maʼmuriy javobgarlik toʻgʻrisidagi kodeksga qoʻshimcha va oʻzgartishlar kiritish haqida Qonun Prezident tomonidan imzolandi. Unga koʻra, Kodeksning bir qator moddalarida nazarda tutilgan maʼmuriy huquqbuzarliklarni sodir etgan shaxs, agar u oʻz aybiga iqror boʻlsa, jabrlanuvchi bilan yarashsa va yetkazilgan zararni bartaraf etsa, maʼmuriy javobgarlikdan ozod etilishi mumkin.
Viloyat adliya boshqarmasi tashabbusi bilan ushbu Qonunning mazmun-mohiyati yuzasidan Jizzax teleradiokompaniyasining “TV Sharh” koʻrsatuvida davra suhbati tashkil etildi.

Suhbatda Arnasoy tuman adliya boʻlimi boshligʻi Hosilmurod Kushmatov va jinoyat ishlari boʻyicha Jizzax shahar sudi sudyasi Ergash Qarshiyev.

Viloyat adliya boshqarmasi, shahar va barcha tuman adliya bo‘limlari tomonidan saylov qonunchiligi targ‘ibotiga bag‘ishlangan davra suhbatlari, tadbirlari o‘tkazilmoqda. Tadbirlarda asosiy e’tibor, muhim siyosiy jarayon Prezident sayloviga ko‘rilayotgan tayyorgarlik, Saylov kodeksi, saylov qonunchiligi bo‘yicha tushuntirish ishlarini olib borishdan iborat. Tadbirda Milliy gvardiya Jizzax viloyati qo‘riqlash boshqarmasi xodimlari ishtirok etdi.

Ana shunday targ‘ibot tadbirlaridan biri Jizzax shahar adliya bo‘limi tomonidan o‘tkazildi. Tadbirda so‘zga chiqqan Jizzax shahar adliya bo‘limi boshlig‘i Sherzod Ermatov bu yilgi Prezident saylovi, yangilangan milliy saylov qonunchiligi, umume’tirof etilgan xalqaro standartlarga mos, demokratik tamoyillar asosida ochiq va oshkora o‘tkazilishi haqida ma’lumotlar berdi.

Tadbir erkin savol-javob shaklida yakunlandi.



Huquqiy targ‘ibot va ma’rifat bo‘limi