Yangiliklar

"Xalq farovonligini saqlash har bir fuqaroning burchidir!","Qizil hududga qarshi kurashamiz!" mavzulari yuzasida huquqbuzarlikka qarshi kurashish hamda uning oldini olish, aholining barcha qatlamlarida huquqiy savodxonlikni shakillantirish, o‘z huquqlarini biladigan va bilimlarini kundalik hayotda qo‘llay oladigan, faol fuqarolarni tarbiyalash borasida  Sh.Rashidov tuman adliya bo'limi, ichki ishlar xodimlari, "Yoshlar ishlar agentligi", mahalla fuqarolar yig'ini raislari bilan birgalikda  tushuntirish va targ‘ibot tadbirlari o‘tkazilmoqda.
Ma’lumki, mamlakatimizda amalga oshirilayotgan keng ko‘lamli islohotlar doirasida aholining tinch va osoyishta hayotini ta’minlash hamda jamiyatimizda qonunga itoatkorlik va jamoat xavfsizligi madaniyatini shakllantirishga alohida e’tibor qaratilmoqda.
Ushbu targ'ibot tadbirlari davomida katta e'tibor qizil toifaga kiritilgan hududlarga  qaratilmoqda. Hayrobot va Sharilloq MFYlari ham Qizil toifaga kiritilgan hududlar hisoblanib, ushbu hududlarda joylashgan umum ta'lim maktablari, maktabgacha ta'lim muassasalarida ham ushbu toifa yuzasidan tushuntirish ishlari olib borilmoqda.
Xususan, tadbirlarni tashkil etishdan asosiy maqsad tumanda yuzaga kelayotgan jinoyatchilik, qotillik, o'g'rilik, yoshlar orasida vujudaga kelayotgan huquqbuzarliklarni oldini olish hamda yoshlarning vaqtini mazmunli tashkil etishdan iborat.

Zafarobod tuman adliya bo'limi hamda tuman ichki ishlar xodimlari bilan birgalikda  "Qizil hududga qarshi kurashamiz!" mavzusi doirasida huququbuzarliklarning oldini olish, fuqarolar o'rtasida huquqiy bilimlarni shakillantirish maqsadida har bir mahalla negizida targ'ibot va tashviqot ishlari olib borilmoqda.
Tahlillarga ko‘ra, tumanda tinchlik va osoyishtalikni ta’minlash maqsadida olib borilgan ishlarni aynan shunday yondashuvda tashkil etish natijasida, 2022 yilning 6 oyida o‘tgan yilning shu davriga qadar sodir etilgan ayrim turdagi jinoyatlar ya’ni, bosqinchilik, talonchilik, tovlamachilik, bezorilik, transport vositasini olib qochish kabi jinoyatlar umuman sodir etilmadi, qolaversa o‘g‘irlik va bosqinchilik jinoyatlari kamayishiga erishilgan. Shuningdek, tuman hududida sodir etilgan jinoyatlar 10 ta mahallalalardan 4 tasida ya’ni Bo‘ston, Cho‘liguliston, Nurafshon va Pistalikent mahallalarida jinoyatlar umuman sodir etilmadi.
O’tgan 6 oy mobaynida jami jinoyatlar o‘tgan yilning shu davriga nisbatan 14 taga ya’ni 23 tadan 37 taga yoki 60,8 foizga oshgan. Xususan, ijtimoiy xavfi katta bo‘lmagan jinoyatlar 4 taga ya’ni, 6 tadan 10 taga yoki 66,6 foizga; Og‘ir turdagi jinoyatlar 10 taga ya’ni 4 tadan 14 taga yoki 250 foizga; O’ta og‘ir turdagi jinoyatlar 1 taga ya’ni 1 tadan 2 taga yoki 100 foizga; Shu jumladan qotillik 1 (0) taga, nomusga tegish 1 (0) taga, firibgarlik 3 (1) taga, o‘lim bog‘liq yo‘l-transport hodisalari 2 (0) taga jinoyatlari, jamoat joyida sodir etilgan jinoyatlar 1 (0) taga, ko‘chada sodir etilgan jinoyatlar 1(0) ta 100 foizga oshgan.
Natijada, joriy yilning 4 oyida qizil hududga tushgan mahallalar “Uzun”, “Cho‘liguliston”, “Yorqin” va “Chimqo‘rg‘on” MFYlarni tashkil qilsa, 5 oyda “Bo‘ston”, “Uzun” va “Chimqo‘rg‘on” MFYlar, 6 oyida “Uzun” va “Chimqo‘rg‘on” MFYlar qizil hududga tushgan. Ushbu hududlarda tuman adliya bo‘limi tomonidan tuman IIB, YXHB, mahalla, “Yoshlar ishlari agentligi” tuman bo‘limi va boshqa taalluqli tashkilotlar bilan hamkorlikda 19 marta tushuntirish va targ‘ibot tadbirlari o‘tkazilgan.
Xususan, har bir mahallada “Yoshlar ishlari agentligi” tuman bo‘limi bilan hamkorlikda yoshlar o‘rtasida 10 marta, tuman IIB xodimlari bilan birga tumanning “Uzun”, “Cho‘liguliston”, “Yorqin”, “Chimqo‘rg‘on”, “Bo‘ston” MFYlarda fuqarolar o‘rtasida 6 marta, yo‘l-transport xodisalari bilan bog‘liq jinoyatlarni oldini olish bo‘yicha yo‘nalishsiz taksis haydovchilar o‘rtasida 3 marta tushuntirish va targ‘ibot tadbirlari o‘tkazilgan. Bundan tashqari, tumanning 1, 10 va 17-sonli umumta’lim maktablarida o‘quvchilar o‘rtasida huquqbuzarlik va jinoyatchilikni oldini olish bo‘yicha targ‘ibot tadbirlari o‘tkazilib, “Tazarru” nomli video lavhasi namoyish etildi.
Qilinayotgan barcha sa'y-harakatlarning hammasi fuqarolar o'rtasida ayniqsa yoshlar o'rtasida vujudga kelayotgan huquqbuzarliklarning oldini olish, fuqarolar o'rtasida huquqiy madaniyatni oshirish, aholi tinchligini saqlash maqsadida amalga oshirilmoqda.
Hozirgi kunda tuman adliya bo‘limi tomonidan hududlarda yo‘l transport hodisalarni oldini olish, yo‘l belgilarining qonuniyligini ta’minlash bo‘yicha monitoringlar o‘tkazilmoqda. Monitoring davomida ayrim yo‘l belgilari belgilangan me’yorlar talablariga javob bermasligi ma’lum bo‘ldi. Adliya bo‘limi tomonidan o‘tkazilayotgan monitoring natijasiga ko‘ra, tegishli ta’sir choralar qo‘llanilishi ta’minlanadi.

Vazirlar Mahkamasining 2022 yil 16 maydagi “2022-2023 yillarda jamiyatda huquqiy madaniyatni yuksaltirish bo‘yicha chora-tadbirlar dasturini tasdiqlash to‘g‘risida”gi 259-sonli Qarori qabul qilingan. Mazkur qaror bilan 2022-2023 yillarda jamiyatda huquqiy madaniyatni yuksaltirish bo‘yicha Chora-tadbirlar dasturi tasdiqlangan. Ushbu qaror yuzasidan asosiy e’tibor: oilada va ta’lim muassasalarida huquqiy tarbiyani shakllantirish va huquqiy madaniyatni yuksaltirish; davlat organlari va tashkilotlari xodimlarining huquqiy madaniyatini yuksaltirish; aholi barcha qatlamlarining huquqiy madaniyatini yuksaltirish bo‘yicha amalga oshiriladigan; jamiyatda huquqiy madaniyatni yuksaltirishda huquqiy targ‘ibotning innovatsion usullarini joriy qilish, shuningdek, ommaviy axborot vositalarining rolini kuchaytirish; yuridik ta’limni, shuningdek, yuridik kadrlarni tayyorlash, qayta tayyorlash va ularning malakasini oshirish tizimini rivojlantirish, huquqiy madaniyatni yuksaltirishning ilmiy asoslarini tadqiq etishga qaratilgan. Shuningdek, ushbu vazifalardan kelib chiqib, alohida yo‘nalishlar bo‘yicha aniq yo‘nalishlar belgilab berilgan.
Ushbu qaror talbidan kelib chiqib,  Zafarobod tuman adliya bo‘limi tomonidan aholining barcha qatlamlari huquqiy savodxonlikka erishishi, mustahkam irodali, o‘z huquqlarini biladigan va qonunlarni hurmat qiladigan, huquqiy bilimlarini kundalik hayotda qo‘llay oladigan, faol fuqarolik pozitsiyasiga ega bo‘lgan va huquqbuzarlikka nisbatan murosasiz munosabatda bo‘ladigan fuqarolarni tarbiyalash borasida tushuntirish va targ‘ibot tadbirlari o‘tkazilmoqda.
Bundan tashqari, O’zbekiston Respublikasi Prezidentining 2021 yil 29 noyabrdagi “O’zbekiston Respublikasi jamoat xavfsizligi konsepsiyasini tasdiqlash va uni amalga oshirish chora-tadbirlari to‘g‘risida”gi PF-27-sonli Farmoni qabul qilingan. Ma’lumki, mamlakatimizda amalga oshirilayotgan keng ko‘lamli islohotlar doirasida aholining tinch va osoyishta hayotini ta’minlash hamda jamiyatimizda qonunga itoatkorlik va jamoat xavfsizligi madaniyatini shakllantirishga alohida e’tibor qaratilmoqda.  Xususan, jamoat xavfsizligini ta’minlash yo‘nalishidagi ishlarni «Xalq manfaatlariga xizmat qilish» tamoyili asosida tashkil etishning mutlaqo yangi mexanizm va tartiblari joriy etilib, davlat organlarining jamoatchilik tuzilmalari bilan o‘zaro maqsadli hamkorligi yo‘lga qo‘yildi.
Shu bilan birga, jahonda kuchayib borayotgan turli xavf-xatar va ziddiyatlar, el-yurt tinchligi va osoyishtaligiga tahdidlar, pandemiya, tabiiy va texnogen ofatlar mas’ul davlat tuzilmalariga o‘z faoliyatini «Barcha sa’y-harakatlar inson qadri uchun» degan ustuvor g‘oya asosida yanada takomillashtirish vazifasini yuklamoqda.

Joriy yilning 18-iyul sanasida Jizzax shahar adliya bo'limi yuridik xizmat ko'rsatish markazi bosh yuriskonsulti Abdulaziz Raxmatov tomonidan "BRITISH SCHOOL" nodavlat ta'lim muassasasida yoshlarga "Adliya tizimida mamlakatimizda amalga oshirilayotgan islohotlar" mavzusida seminar mashg'uloti tashkil etildi.
Ushbu tadbirda Abdulaziz Raxmatov tomonidan yig'ilish ishtirokchilari O‘zbekiston Respublikasi Prezidentining 13.04.2018 yildagi "O‘zbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar to‘g‘risida"gi PQ-3666-sonli Qarori, O‘zbekiston Respublikasi Prezidentining 13.04.2018 yildagi "Davlat huquqiy siyosatini amalga oshirishda adliya organlari va muassasalari faoliyatini tubdan takomillashtirish chora-tadbirlari to‘g‘risida"gi PF-5415-son Farmoni, O‘zbekiston Respublikasi Prezidentining 29.06.2021 yildagi "Davlat organlari va tashkilotlariga yuridik xizmat ko‘rsatish faoliyatini yanada takomillashtirish chora-tadbirlari to‘g‘risida"gi PQ-5168-son qarori, O‘zbekiston Respublikasi Prezidentining 17.03.2022 yildagi "Fuqarolarning huquq va erkinliklarini ta’minlash hamda huquqiy xizmat ko‘rsatishda adliya organlari va muassasalari faoliyati samaradorligini yanada oshirish chora-tadbirlari to‘g‘risida"gi PF-89-son Farmoni, O‘zbekiston Respublikasi Prezidentining  18.03.2022 yildagi "Yuridik xizmat ko‘rsatish markazlari faoliyatini yanada kengaytirish bo‘yicha qo‘shimcha chora-tadbirlar to‘g‘risida"gi PQ-173-son qarori, O‘zbekiston Respublikasi Prezidentining 31.01.2020 yildagi "Davlat xizmatlari ko‘rsatish milliy tizimini jadal rivojlantirish bo‘yicha qo‘shimcha chora-tadbirlar to‘g‘risida"gi PF-5930-son Farmonilari bilan yaqindan tanishtirildi.
Yig'ilishda ishtirok etgan yoshlarning barcha savollariga atroflicha tushuntirish berildi. Tadbir natijasida yoshlarning huquq sohasiga qiziqishlari yanada ortdi va kelgusida Toshkent davlat yuridik universitetiga o'qishga kirib, a'lo baholarga o'qib yakunda Adliya tizimida faoliyat ko'rsatishlari uchun yo'l-yo'riqlar ko'rsatildi.

O‘zbekiston Respublikasi adliya vazirining 2022-yil 25-maydagi 106-um-son buyrug‘i bilan tasdiqlangan “Oʻzbekiston Respublikasi Vazirlar Mahkamasining 2022-yil 16-maydagi 259-son “2022-2023-yillarda jamiyatda huquqiy madaniyatni yuksaltirish bo‘yicha chora-tadbirlar dasturini tasdiqlash to‘g‘risida”gi Qarorda belgilangan vazifa va tadbirlarni amalga oshirish yuzasidan Zafarobod tuman adliya bo‘limi tomonidan majburiy mehnatning har qanday ko‘rinishlarini oldini olish choralari va bunday holatlarga yo‘l qo‘ymaslik, majburiy mehnat uchun javobgarlik choralari bo‘yicha targ‘ibot tadbiri o‘tkazildi.
Bundan tashqari ushbu seminar mashg'ulotida asosiy qomusimiz hisoblangan Konstitutsiyaga Referendum asosida kiritilayotgan qo'shimcha va o'zgartirishlar  bo'yicha batafsil tushunchalar berilib, bu borada keng jamoatchilikning fikrlari va takliflari eshitildi.

Jizzax shahar adliya bo'limida joriy yilning 18-iyul sanasida korrupsiyaga qarshi profilaktik tadbir o'tkazildi. Tadbirda Jizzax shahar adliya bo'limi boshlig'i Musaxon Asatullayev nutq so'zlab xodimlarni korrupsiyaga nisbatan murosasiz bo'lishga chaqirdi va korrupsiya-davlatlarning iqtisodiy o‘sishi va rivojlanishiga ulkan to‘siq ekanligini, mamlakat rivojlanishining bugungi bosqichida korrupsiya O‘zbekiston davlati va jamiyati taraqqiyoti uchun eng jiddiy xavf-xatarlardan biri ekanligi korrupsiya holatlarining har qanday ko‘rinishlariga nisbatan murosasiz munosabatda bo‘lish va unga qarshi ayovsiz kurashish kerakligini ta'kidlab o'tdi.O'zbekiston Respublikasi Jinoyat kodeksining korrupsiyaga oid moddalari
birma-bir sharhlandi.


  210-modda. Pora olish

Pora olish, ya’ni davlat organi, davlat ishtirokidagi tashkilot yoki fuqarolarning o‘zini o‘zi boshqarish organi mansabdor shaxsining o‘z xizmat mavqeyidan foydalangan holda sodir etishi lozim yoki mumkin bo‘lgan muayyan harakatni pora berayotgan shaxsning manfaatlarini ko‘zlab bajarishi yoki bajarmasligi evaziga shaxsan o‘zi yoki vositachi orqali qonunga xilof ekanligini bila turib, moddiy qimmatliklar olishi yoxud mulkiy manfaatdor bo‘lishi, —
bazaviy hisoblash miqdorining ellik baravaridan yuz baravarigacha miqdorda jarima yoki muayyan huquqdan mahrum etilgan holda ikki yildan besh yilgacha ozodlikni cheklash yoxud besh yilgacha ozodlikdan mahrum qilish bilan jazolanadi.

Pora olish:
a) takroran, xavfli retsidivist yoki ilgari ushbu Kodeksning 211 yoki 212-moddalarida nazarda tutilgan jinoyatlarni sodir etgan shaxs tomonidan;

b) ko‘p miqdorda;

v) tamagirlik yo‘li bilan;

g) bir guruh mansabdor shaxslar tomonidan oldindan til biriktirib sodir etilgan bo‘lsa, —besh yildan o‘n yilgacha ozodlikdan mahrum qilish bilan jazolanadi.

Pora olish:
a) juda ko‘p miqdorda;
b) uyushgan guruh manfaatlarini ko‘zlab sodir etilgan bo‘lsa, —
o‘n yildan o‘n besh yilgacha ozodlikdan mahrum qilish bilan jazolanadi.

211-modda. Pora berish

Pora berish, ya’ni davlat organi, davlat ishtirokidagi tashkilot yoki fuqarolarning o‘zini o‘zi boshqarish organi mansabdor shaxsiga mazkur mansabdor shaxsning o‘z xizmat mavqeyidan foydalangan holda sodir etishi lozim yoki mumkin bo‘lgan muayyan harakatni pora bergan shaxsning manfaatlarini ko‘zlab bajarishi yoki bajarmasligi evaziga qonunga xilof ekanligini bila turib bevosita yoki vositachi orqali moddiy qimmatliklar berish yoki uni mulkiy manfaatdor etish, —

bazaviy hisoblash miqdorining ellik baravaridan yuz baravarigacha miqdorda jarima yoki ikki yildan besh yilgacha ozodlikni cheklash yoxud besh yilgacha ozodlikdan mahrum qilish bilan jazolanadi.

Pora berish:
a) takroran, xavfli retsidivist yoki ilgari ushbu Kodeksning 210 yoki 212-moddalarida nazarda tutilgan jinoyatlarni sodir etgan shaxs tomonidan;

b) ko‘p miqdorda sodir etilgan bo‘lsa, —

besh yildan o‘n yilgacha ozodlikdan mahrum qilish bilan jazolanadi.

Pora berish:

a) juda ko‘p miqdorda;

b) uyushgan guruh manfaatlarini ko‘zlab sodir etilgan bo‘lsa, —

o‘n yildan o‘n besh yilgacha ozodlikdan mahrum qilish bilan jazolanadi.

Basharti, shaxsga nisbatan pora so‘rab tovlamachilik qilingan bo‘lsa va ushbu shaxs jinoiy harakatlar sodir etilganidan keyin bu haqda o‘ttiz sutka mobaynida o‘z ixtiyori bilan arz qilsa, chin ko‘ngildan pushaymon bo‘lib, jinoyatni ochishda faol yordam bergan bo‘lsa, u javobgarlikdan ozod etiladi.

212-modda. Pora olish-berishda vositachilik qilish

Pora olish-berishda vositachilik qilish, ya’ni pora olish yoki berish xususidagi kelishuvga erishishga qaratilgan faoliyat, shuningdek manfaatdor shaxslarning topshirig‘i bilan porani bevosita berish, —

bazaviy hisoblash miqdorining ellik baravaridan yuz baravarigacha miqdorda jarima yoki ikki yildan besh yilgacha ozodlikni cheklash yoxud besh yilgacha ozodlikdan mahrum qilish bilan jazolanadi.

O‘sha harakat:

a) takroran, xavfli retsidivist yoki ilgari ushbu Kodeksning 210 yoki 211-moddalarida nazarda tutilgan jinoyatlarni sodir etgan shaxs tomonidan;

b) ko‘p miqdorda pora olish yoki berish vaqtida;
v) bir guruh mansabdor shaxslar tomonidan oldindan til biriktirib pora olayotganligi vositachiga ayon bo‘lgan holda sodir etilgan bo‘lsa, —

besh yildan o‘n yilgacha ozodlikdan mahrum qilish bilan jazolanadi.

Pora olish-berishda vositachilik qilish:

a) haq evaziga;

b) juda ko‘p miqdorda pora olish yoki berish vaqtida;

v) uyushgan guruh manfaatlarini ko‘zlab sodir etilgan bo‘lsa, —

o‘n yildan o‘n besh yilgacha ozodlikdan mahrum qilish bilan jazolanadi.

Basharti, pora olish-berishda vositachilik qilgan shaxs jinoiy harakatlarni sodir etganidan keyin bu haqda o‘ttiz sutka mobaynida o‘z ixtiyori bilan arz qilsa, chin ko‘ngildan pushaymon bo‘lib, jinoyatni ochishda faol yordam bergan bo‘lsa, javobgarlikdan ozod qilinishi xodimalarga tushuntirildi.

Davlat rahbarining  173-sonli  Qaroriga asosan  joriy yilning 1-avgustdan hududlardagi barcha maktabgacha ta'lim tashkilotlari, umumta'lim maktablari, aholi bandligiga ko'maklashish markazi, davlat soliq inspeksiyasi hamda  yana bir nechta davlat tashkilotlariga yuridik markaz tomonidan xizmat ko'rsatish belgilangan.
Ushbu qaror asosida, Joriy yilning 15-iyul kuni Jizzax viloyat adliya boshqarmasi , Zafarobod tuman adliya bo'limi boshlig'i B.Ikromov hamda "UNICON-SOFT" MChJ ning "E-huquqshunos" elektron  hujjat almashish tizimiga ma'sul xodimlar ishtirokida elektron tizim bo'yicha yangidan qamrab olinishi nazarda tutilgan davlat tashkiotlari, umumiy ta'lim maktablari, maktabgacha ta'lim muassasalari va oilaviy poliklinikalarning xodimlar ishtirokida o'quv seminar mashg'uloti o'tkazildi.

Jizzax viloyati adliya boshqarmasi tomonidan  tasdiqlangan Jismoniy va Yuridik shaxslarning vakillarini qabul qilish bo'yicha reja-grafikka asosan joriy yilning 14-iyul kuni Jizzax viloyat adliya boshqarmasi boshlig'ining birinchi o'rinbosari E.Maxammadiyev rahbarligida boshqarma bo'lim boshlig'i B.Bozorov, Inson huquqlarini himoya qilish bo'limi bosh maslahatchisi J.Karimov, tuman adliya bo'limi boshlig'i J.Abduholiqov ishtirokida Yangiobod tumanidagi Musiqa va san'at maktabida sayyor qabul o'tkazildi.
Qabul davomida jami 13 nafar fuqarolar qabul qilinib, ushbu murojaatlarning 4tasi fuqarolik pasportini olish masalasida, 2 tasi kadastr hujjatini rasmiylashtirish masalasida, 1 tasi nikoh tuzulganligi haqidagi guvohnoma olish va 5 tasi boshqa masalalarni tashkil etadi.
Shuningdek, 2 ta fuqaroning murojaati joyida hal etildi. 1 nafar fuqaroga huquqiy tushuntirish berilib, 10 nafar fuqaroning murojaati ish yurituvga qabul qilinib, tegishli mutassaddilarga tegishli topshiriqlar berildi hamda ijrosi nazoratga olindi.  

Joriy yilning 15-iyul kuni  Zafarobod tuman adliya bo'limining tashabbusi bilan adliya bo'limi binosida huquqni muhofaza qiluvchi organ xodimlari bilan hamkorlikda, "Odam savdosiga qarshi kurash to'g'risida"gi qonuni mazmun-mohiyatini tushuntirish, hamda huquqbuzarlik va jinoyatchilikka qarshi kurash borasida seminar mashg'uloti o'tkazildi.
Xususan, tadbirda "Odam savdosiga qarshi kurash to'g'risida"gi qonun loyihasi tadbir qatnashchilariga batafsil tushuntirib berildi va qonun loyihasi yuzasidan fikr almashildi.
Ushbu tadbirga tumanning "Uzun","Bo'ston" hamda "Samarqand" mahalla fuqarolar yig'inida yashovchi fuqarolar, Yoshlar ishlari agentligi Zafarobod tuman bo'limi xodimlari, barcha mahalladagi yoshlar yetakchilari, xotin-qizlar faollari, mahalla raislari va "Yoshlar daftari"ga kiritilgan yoshlar ishtirok etdi.

oriy yilning 14-iyul kuni Yangiobod tuman adliya bo`limi hamda tuman hokimligi Ma’naviyat va ma’rifat markazi bilan hamkorlikda tumandagi 9225-“K”-son harbiy qismiga qarashli Xo’jamushkent chegara postida "O’zbekiston Respublikasi Konstitutsiyasiga o‘zgartirish va qo‘shimchalar kiritish to‘g‘risida"gi qonun hamda “30-iyul Odam savdosiga qarshi kurashish butunjahon kuni” munosabati bilan davra suhbati tashkil etildi.
Seminar davomida "Huquqiy, ijtimoiy, dunyoviy: Konstitutsiyaga kiritilayotgan oʻzgartish va qoʻshimchalarning zaruriyati va ularning umumiy mazmuni", "O‘zbekistonda o‘lim jazosi taqiqlanadi – yangi Konstitutsiyada inson huquqlari qadri eng asosiy qadriyatlardandir","Yangilanayotgan Konstitutsiyada murojaat qilish huquqi institutining takomillashtirilishi" mavzular hamda yangi Konstitutsiya loyihasi yuzasidan berilgan takliflar yuzasidan harbiy xizmatchilar bilan keng muhokamalar qilindi.
Shuningdek, harbiy xizmatchilarga sohaga oid qonunchilik hujjatlarini mazmun-mohiyat yuzasidan ham huquqiy tushuntirishlar berildi.