Yangiliklar

Jizzax shahar adliya bo'limi yuridik xizmat ko'rsatish markazi bosh yuriskonsulti A.Muxtarov tomonidan Jizzax MTRK Jizzax televideniyasida O’zbekiston Respublikasining 19.04.2025 yildagi “Oila va xotin-qizlarni qo‘llab-quvvatlash tizimi takomillashtirilishi munosabati bilan O‘zbekiston Respublikasining ayrim qonun hujjatlariga qo‘shimcha va o‘zgartirishlar kiritish to‘g‘risida”gi O'RQ-1053 sonli Qonunining mazmun-mohiyati yuzasidan suhbat o’tkazildi.

O‘zbekiston Respublikasi Adliya vazirligi tomonidan tashkillashtirilgan “Bepul huquqiy maslahat har bir uyga” aksiyasi doirasida Jizzax shahar "Sangzor" MFY hududida joylashgan mahalla binosida aholi o'rtasida keng ko‘lamli huquqiy targ‘ibot tadbirlari tashkil etildi.

Tadbirlar davomida aholining huquqiy savodxonligini oshirish maqsadida yoshlar, ijtimoiy himoyaga muhtoj shaxslar va tadbirkorlik bilan shug‘ullanuvchi fuqarolarga ularning qonuniy huquq va erkinliklari, imtiyozlar, subsidiya va kompensatsiyalar, shuningdek davlat tomonidan ko‘rsatiladigan bepul xizmatlardan qanday foydalanish mumkinligi haqida batafsil ma’lumotlar berildi.

Tadbir davomida, O‘zbekiston Respublikasi Prezidentining 24.05.2024-yildagi “Ma’muriy islohotlar doirasida adliya organlari va muassasalarining mas’uliyatini yanada oshirish hamda ixcham boshqaruv tizimini shakllantirish to‘g‘risida”gi PF-80-son Farmonida belgilangan vazifalarni amalga oshirish maqsadida Davlatimiz rahbarining 01.04.2025-yildagi “Yoqilg‘i-energiya resurslaridan noqonuniy foydalanish va behuda sarflanishining oldini olish hamda energiya samaradorligini oshirish bo‘yicha chora-tadbirlarni takomillashtirish to‘g‘risida”gi PQ–133-son va 03.01.2025-yildagi “2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida”gi PQ-1-son qarorlari yuzasidan tushuntirishlar berildi.

Tadbirlar jarayonida ishtirokchilarga amaldagi qonunchilikdagi o‘zgarishlar, yangiliklar va ularning hayotdagi ahamiyati yuzasidan tushuntirishlar berildi. Uchrashuv yakunida fuqarolarni qiziqtirgan savollarga mutaxassislar tomonidan atroflicha va asosli javoblar berildi.

Jizzax shahar adliya bo'limi yuridik xizmat ko'rsatish markazi bosh yuriskonsulti M.Yokubjonova tomonidan Jizzax MTRK Jizzax radio kanali FM 105.5 FM 106.2 to'lqinlarida jonli efirda O’zbekiston Respublikasi Prezidentining 14.03.2025 yildagi “Oila va xotin-qizlarni qo’llab-quvvatlash tizimini yanada takomillashtirish chora-tadbirlari to’g’risida”gi PQ-103 sonli Qarorining mazmun-mohiyati yuzasidan suhbat o’tkazildi.

Suhbat davomida tinglovchilar tomonidan yo’llangan savollarga javob berildi.

Joriy yilning 1-may kuni Xalq deputatlari Jizzax viloyat Kengashining navbatdagi to'qqizinchi sessiyasi bo‘lib o‘tdi. Sessiyada  21 nafar fuqaroning  uy-joylariga bo'lgan huquqlari xalq deputatlari viloyat Kengashida ko‘rib chiqilib, ularning yer maydoni uchun ijara huquqi va unda qurilgan binolar va inshootlar uchun mulk huquqi e'tirof etildi.

Jumladan G'allaorol tumanida 10 nafar, Zomin tumanida 7 nafar, Zarbdorda 4 nafar fuqarolarning o'zboshimchalik bilan egallab olingan yer-uchastkalari hamda ularda qurilgan bino va inshoatlariga bo'lgan mulk huquqlarini e'tirof etish bo‘yicha xalq deputatlari Jizzax viloyat Kengashining qarori qabul qilindi.

Jizzax viloyat adliya boshqarmasining Kadrlar bo'yicha inspektori Qarshiboyeva Sharofat Axat qizi aprel oyining eng yaxshi texnik xodimi deb topildi.

Adliya vazirligi tizimidagi mehnat faoliyatini 2020-yilda Jizzax viloyat yuridik texnikumi Yuridik klinika yetakchi mutaxassisi lavozimidan boshlagan Sharofat Qarshiboyeva 2021-2023 yillar Yuridik klinika rahbari lavozimida ishlagan.

Sh.Qarshiboyeva 2023-yildan hozirgi kunda qadar Jizzax viloyat adliya boshqarmasining kadrlar bo'yicha inspektori lavozimida faoliyat yuritib kelmoqda.
 
Jizzax viloyat adliya boshqarmasi jamoasi Sharofat Qarshiboyevani ushbu eʼtirof bilan tabriklaydi. Kelgusidagi ishlarida muvaffaqiyat, gʻayrat va shijoat doimiy hamroh boʻlishini tilaydi.

Jizzax viloyat adliya boshqarmasining Rejalashtirish va samaradorlikni baholash sho‘basi bosh maslahatchisi Ibroximov Ulug‘bek Sharif o‘g‘li aprel oyining eng yaxshi boshqaruv xodimi deb topildi.

O‘z mehnat faoliyatini 2023-yilda Toshkent shahar adliya boshqarmasi, Shayxontoxur tuman adliya bo‘limi Davlat xizmatlari markazi Davlat ro‘yxatidan o‘tkazish va ruxsat beruvchi hujjatlarni rasmiylashtirish xizmatlarini ko‘rsatish bo‘limi katta mutaxassisi lavozimidan boshlagan.

U.Ibrohimov 2024-yildan Jizzax viloyat adliya boshqarmasi Rejalashtirish va samaradorlikni baholash sho‘basi bosh maslahatchisi faoliyat yuritib kelmoqda.
  
Jizzax viloyat adliya boshqarmasi jamoasi Ibrohimov Ulug‘bekni ushbu e’tirof bilan tabriklaydi. Kelgusidagi ishlarida muvaffaqiyat, g‘ayrat va shijoat doimiy hamroh bo’lishini tilaydi.

Zarbdor tuman adliya bo'limi va Madad NNT tomonidan "Adirobod" MFYda mahalla yettiligi o'rtasida va uyma-uy yurilib ijtimoiy himoyaga muhtoj fuqarolar, xotin-qizlar va tarbiyasi og'ir yoshlar hamda probatsiya hisobidagi shaxslar bilan yakka tartibda suhbat o'tkazilgan holda targʻibot tadbiri tashkil etildi.

Tadbir davomida ishtirokchilarga Oʻzbekiston Respublikasi Prezidentining 01.04.2025 yildagi PQ 133-sonli va 2025-yil 3-yanvardagi PQ-1-son qarori ijrosi yuzasidan - aholining huquqiy ongi, ijtimoiy faolligi va fuqarolik masuliyatini oshirish,  fuqarolar va yoshlarni turli qonunbuzarliklardan himoya qilish, xususan firibgarlik jinoyatlarini oldini olish, bu borada qonunchilikdagi jazo choralari xususida maʼlumotlar berildi.

Aholining huquqiy ongi va huquqiy madaniyatini yanada oshirishga qaratilgan targ‘ibot materiallari tarqatildi.

Jizzax shahar adliya bo‘limi Yuridik xizmat ko'rsatish markazi va “Madad” NNT mas'ul xodimlari tomonidan O‘zbekiston Respublikasi Prezidentining “Ma’muriy islohotlar doirasida adliya organlari va muassasalarining mas’uliyatini yanada oshirish hamda ixcham boshqaruv tizimini shakllantirish to‘g‘risida”gi PF-80-son Farmonida belgilangan vazifalarni ijrosini ta’minlash maqsadida Jizzax shahar "Do'stlik" MFY “Huquqiy mahalla” deb e'tirof etilganligi sababli 4-son oilaviy poliklinikada fuqarolar, shu jumladan, ijtimoiy himoyaga muhtoj, “Temir daftar”, “Ayollar daftari”, “Yoshlar daftari” hamda “Ijtimoiy himoya yagona reyestri” axborot tizimiga kiritilgan fuqarolar uchun chuqurlashtirilgan tibbiy ko‘rik tashkil etildi.

Bunda, tibbiyot muassasasi tomonidan "Do'stlik" MFY da yashovchi jami 137 nafar fuqarolar chuqurlashtirilgan tibbiy ko‘rikdan o‘tkazilib, topilgan kasalliklar 20 tani tashkil qildi, ular nazoratga olinib, sog‘lomlashtirish rejalari tuzildi. Tibbiy ko‘rikda ishtirok etganlardan 5 nafariga kunduzgi statsionar tartibda davolanish uchun, 4 nafariga viloyat shifoxonalarida yotib davolanishlari va 11 nafariga ambulator davolanish uchun yo‘llanmalar bеrildi.

Shuningdek, tibbiyot xodimlari tomonidan ijtimoiy himoyaga muhtoj, nogironligi bo‘lgan va keksa yoshdagi jami 1 nafar fuqarolarga sayyor tibbiy ko‘rik tashkil etildi va ular bepul dori-darmonlar bilan ta’minlandi.

Bundan tashqari, yuridik xizmat ko‘rsatish markazi xodimlari tomonidan poliklinikada faoliyat ko‘rsatayotgan xodimlarning mehnat munosabatlariga oid hujjatlari, ya’ni jamoa shartnomasi, mehnat shartnomalari, buyruqlari va boshqa lokal hujjatlari monitoring qilinib, yagona huquqni qo‘llash amaliyotini shakllantirishda metodik huquqiy yordam ko‘rsatildi va xodimlar bilan davra suhbati tashkil etildi.

Adliya organlarining bevosita aholi muammolarini hal etish va ularga amaliy yordam koʻrsatish borasidagi faoliyatini samaradorligi oshirish maqsadida joriy yilning 3-martidan “Hech bir shaxs hujjatsiz qolmaydi” huquqiy aksiyasiga start berilgan.

Ushbu loyiha doirasida Sharof Rashidov tuman FHDY boʻlimi tomonidan qator ishlar amalga oshirilmoqda.

Jumladan, 17.12.2003 yilda tugʻilgan, tugʻilganlik haqida dalolatnoma yozuvi maʼlum bir sabablarga koʻra qayd ettirilmasdan qoʻlib ketgan 22 yoshli G.Jumanovaning tugʻilishi qayd etilib  tugʻilganlik haqida guvohnoma topshirildi.

Oʻzbekiston Ekologik partiyasi Jizzax viloyat Kengashi va Adliya boshqarmasi bilan hamkorlikda  "Saylov huquqi, tamoyillar va undagi gender tenglik masalalari" mavzusida (video chat orqali)  seminar bo‘lib o‘tdi.

Seminarda viloyat Adliya boshqarmasi bo'lim boshlig'i Sh.Sulaymonov, Jizzax viloyat kengashi xodimlari va tuman (shahar) raislari ishtirok etdilar.

Unda saylov jarayonlarining demokratik asoslari, fuqarolarning saylov huquqlari, ayniqsa, ayollar faolligini oshirishga qaratilgan qonuniy kafolatlar va gender tengligining ta’minlanishi xususida ma’ruzalar tinglandi.