Боғланиш

Телефон
(372) 223-53-58

Электрон манзил
jizzax@adliya.uz

Ҳабарни юбориш
Ишонч телефони 1008

Янгиликлар

12
Adliya vazirligi: samarali, tejamkor va zamonaviy yangi amaliyot

Adliya vazirligi tomonidan doimiy ravishda ish faoliyatni samarali va tejamkor usulda tashkil qilishning zamonaviy va yangi metodlari qoʻllab kelinmoqda. 



Ushbu anʼanani davomi sifatida pandemiya sharoitidagi ijobiy tajribadan samarali foydalangan holda Jizzax viloyat adliya boshqarmasi va uning tizimida oʻtkazilgan tekshirishlar birinchi marotaba yangicha yondashish asosida masofadan turib onlayn amalga oshirildi.


09
Jizzaxda sud-huquq masalalari boʻyicha sayyor qabullar oʻtkazilmoqda.

Jizzax viloyatida Oʻzbekiston Respublikasi Prezidenti maslahatchisining birinchi oʻrinbosari B.Islomov rahbarligidagi respublika ishchi guruhi sud-huquq masalalari boʻyicha sayyor qabullar oʻtkazmoqda.

Mintaqaviy tartibda tashkil etilgan sayyor qabullarda Jizzax viloyat adliya boshqarmasi tomonidan hozirgi kunga qadar 42 nafar fuqaro qabul qilindi.



Xususan, uy-joy va yer uchastkasi olish, pensiya, tibbiyot sohasi, ijtimoiy himoya, ish bilan taʼminlash, taʼlim hamda boshqa masalalar boʻyicha fuqarolar murojaat qilishdi.

Shundan, 10 ta murojaat ijobiy hal qilindi, 7 ta murojaat boʻyicha huquqiy tushuntirishlar berilib, 25 ta murojaat ish yurituvga qabul qilindi.



Oʻzbekiston Respublikasi Prezidenti Administratsiyasi topshirigʻiga asosan sud-huquq masalalari boʻyicha oʻtkazilayotgan sayyor qabullar davom etmoqda.


Jizzax viloyat adliya boshqarmasi

08
Talabalar bilan uchrashuv

Toshkent Davlat yuridik universitetining Jizzaxlik bitiruvchilari hamda viloyat adliya boshkarmasining yosh xodimlari uchrashuvi tashkil etildi.

Uchrashuvdan koʻzlangan asosiy maqsad, adliya yoshlari tomonidan yuridik universitet bitiruvchilariga adliya organlari sohasini har tomonlama yaqindan tanishtirish, ularning bu sohaga qiziqishlarini shakllantirishdan iborat boʻldi.



Bundan tashqari, mazkur tadbirda yurtimizda yoshlarga berilayotgan eʼtibor, yaratilayotgan sharoitlar haqida soʻz yuritildi.



Uchrashuv viloyat adliya boshqarmasining yosh mutaxassislari va talabalar oʻrtasidagi savol-javob, fikr-mulohazalar bilan yanada qizgʻin tus oldi hamda talabalarda katta taassurot qoldirdi.

Jizzax viloyat adliya boshqarmasi

06
“Oyning eng yaxshi xodimi” eʼlon qilindi.

Jizzax viloyat adliya boshqarmasi tomonidan Ijtimoiy-iqtisodiy sohada huquqni qoʻllash amaliyotini oʻrganish boʻlimi bosh maslahatchisi Oʻrazaliyev Nodirbek Botirqul oʻgʻli 2021-yil mart oyining eng yaxshi xodimi deb eʼlon qilindi.
  N.Oʻrazaliyev adliya tizimidagi mehnat faoliyatini 2019-yilda boshladi va bugungi kunda tizimdagi turli lavozimlarda mehnat qilib kelmoqda.
  N.Oʻrazaliyev adliya boʻlimlariga yuklatilgan vazifalarni samarali bajarilishida yuqori natijalarga erishmoqda.
  Ijtimoiy-iqtisodiy sohada huquqni qoʻllash amaliyotini oʻrganish boʻlimi bosh maslahatchisi Oʻrazaliyev Nodirbek Botirqul oʻgʻlini tabriklab, kelgusidagi ishlariga muvaffaqiyat va ulkan zafarlar tilaydi.

05
PREZIDENT HUJJATLARI HAYOTDA, IJROSI ADLIYA NAZORATIDA

“27 yil davomida odamlar uchun uy-joylar qurilmagani juda katta muammolarning yigʻilishiga sabab boʻlgan. Odamlarning uy olishga imkoniyati boʻlmagan. Bizda qurilish industriyasi ham yoʻqolib ketgandi.

Biz odamlarning mana shu ijtimoiy muammolarini hal qilish uchun eng ogʻir inqirozli yildan chiqsak ham ipoteka, “Obod qishloq” va “Obod mahalla” dasturlari va ijtimoiy soha obyektlarini qurish uchun 31,5 trln soʻm mablagʻ, yaʼni 3 mlrd 50 mln AQSH dollari ajratyapmiz. Faqat bu katta mablagʻ ehtiyojlar oʻrganilgan holda, loyiha asosida odamlar hayotini yaxshilash uchun halol, pok yetkazilishi kerak.

Eng muhimi, bu mablagʻlar tashqi qarzimiz koʻpaymagan holda ajratilyapti.”

Sh. M. Mirziyoyev

Hozir uy-joyga talab yuqoriligiga sabablardan biri mentalitetimiz bilan bogʻliq: serfarzandmiz, ular tez ulgʻayishadi va ularni uy-joy bilan taʼminlashni oʻylaymiz. Bunday oʻylab qarasak, chet davlatlarda hammaning ham oʻzining shaxsiy uyi yoʻq. Ular koʻproq ijarada yashashadi. Ijara tizimi ham ularda yaxshi rivojlangan. Bizda ijara tushunchasi sal boshqacharoq. Hamma “oʻz uy-joyim boʻlsin”, deydi. Uy-joy butun dunyoda qimmat. Chet davlatda koʻpchilik topayotgan mablagʻiga qarab, ijarada yashaydi va undan orttirganini uy sotib olib pulni muzlatgandan koʻra, biznes qiladi yoki bankka qoʻyib, pulini aylantiradi. Chunki uyga juda katta mablagʻ ketib qoladi. Ular ijarada yashaganda ham nimadir toʻgʻri kelmay qoldimi, ijara joyini oʻzgartiraveradi.

Bir uyda koʻp oila yashaganda mojaro kelib chiqmoqda. Ilgari, koʻp oilalar serfarzand, aka-ukalar hozirgidek bir-biri bilan ajrimgacha olib keladigan darajada urishib yoki boshqa koʻngilsiz voqealar kam sodir boʻlardi. Hozir, aholi ham ish bilan taʼminlanib, ishlab chiqarish rivojlanmoqda. Shundan kelib chiqib, uy-joyga talab oshib bormoqda. Ipoteka soʻrashmoqda yoki mablagʻi borlar uy sotib olishmoqda. Toshkent shahri ulkan qurilish maydoniga aylangan. Nafaqat poytaxt balki butun respublika viloyatlari, tuman markazlari ham shunday, koʻp uylar qurilmoqda. Bunga sabab—uy-joyga talab oshgani va juda koʻp tadbirkorlar qurilish sohasiga kirib, oʻz biznesini rivojlantiryapti».
Shu bois, 2021-yilning 11-mart kuni Oʻzbekiston Respublikasi Prezidentining “Bozor tamoyillariga asoslangan ipoteka kreditlarini ajratish orqali aholini uy-joy bilan taʼminlashga oid qoʻshimcha chora-tadbirlar toʻgʻrisida”gi PF–6186-son Farmoni imzolandi.
Farmonga koʻra, bozor tamoyillariga asoslangan ipoteka kreditlari orqali aholini uy-joy bilan taʼminlashning yangi tartibi doirasida koʻp kvartirali uy-joylar quriladi.
Farmon bilan 2021-yilda yangi tartib doirasida:
respublika boʻyicha jami 33 114 ta kvartiralar va yakka tartibdagi uy-joylar;
qishloq joylarda 8 336 ta kvartiradan iborat koʻp qavatli arzon uy-joylar;
fuqarolarning alohida toifalari uchun 3 550 ta kvartiradan iborat koʻp qavatli uy-joylar quriladi.
Shuningdek, 2021-yil uchun uy-joylarning hisoblangan qiymati, bir qarz oluvchiga ajratiladigan ipoteka krediti va dastlabki badalning bir qismi uchun Davlat byudjetidan ajratiladigan subsidiyalarning eng koʻp miqdori tasdiqlandi.
Jismoniy shaxslarga yakka tartibdagi uy-joylarni qurish va rekonstruksiya qilish uchun kreditlarni ajratish tartibi barcha hududlarda joriy etildi (ilgari Andijon, Namangan va Fargʻona viloyatlarida joriy etilgan edi).
Bunda:
kreditlar Qoraqalpogʻiston Respublikasi va har bir viloyatda 500 ta, jami 6 500 ta yakka tartibdagi uy-joyni qurish (rekonstruksiyaqilish) uchun ajratiladi;
kreditlar ipoteka kreditining eng koʻp miqdorlaridan oshmaydigan va dastlabki badali yakka tartibdagi uy-joyni qurish (rekonstruksiya qilish) ishlari qiymatining 15 foizidan kam boʻlmagan miqdorda, 6 oylik imtiyozli davr bilan 20 yil (yigirmanchi yilni ham qoʻshgan holda) muddatga ajratiladi;
daromadi yuqori boʻlmagan va uy-joy sharoitini yaxshilashga muhtoj fuqarolarga yakka tartibdagi uy-joylarga ajratilgan ipoteka kreditlari boʻyicha dastlabki 5 yilmobaynida foiz stavkasining 10 foizlik punktdan oshgan qismini qoplash uchun Davlat byudjetidan subsidiyalar ajratiladi;
subsidiyalar qurilgan (rekonstruksiyaqilingan) yakkatartibdagi uy joyning kadastr hujjatlari rasmiylashtirilgan oyning keyingi oyidan boshlab toʻlanadi.
Farmonga koʻra, 2021-yil 1-iyundan boshlab ipoteka krediti boʻyicha dastlabki badal va foiz toʻlovlarining bir qismini qoplash uchun subsidiyalar toʻlashning soddalashtirilgan tartibi joriy qilinadi.

Unga muvofiq:fuqarolar tomonidan subsidiya olish uchun arizalar yil davomida topshirilishi mumkin;
subsidiya olish uchun murojaat qilgan ariza beruvchining daromadlariga u bilan birga yashamayotgan yaqin qarindoshlarining daromadlari ham kiritilishi mumkin;
subsidiya olish uchun murojaat qilgan ariza beruvchidan “Ijtimoiy himoya yagona reyestri” axborot tizimi orqali olish mumkin boʻlgan hujjatlarni (maʼlumotlarni) talab qilish man etiladi;
uy-joy sotib olish uchun subsidiya taqdim etish toʻgʻrisidagi xabarnoma ular berilgan vaqtdan boshlab 12 oy davomida amal qiladi.
Uy-joy sharoitlarini yaxshilashga muhtoj fuqarolar, shu jumladan xotin-qizlarni ijara huquqi asosida vaqtinchalik joylashtirish uchun uy-joylar sotib olinadi (1 000 ta kvartira).

2021-yil 1-iyundan Toshkent shahrida tajriba tariqasida boshpanasiz, ogʻir turmush sharoitiga tushib qolgan hamda “Ijtimoiy himoya yagona reyestri” axborot tizimida roʻyxatga olingan fuqarolarga ijara xarajatlarining bir qismini qoplash uchun 6 oy davomida oylik ijara toʻlovining 50 foizi miqdorida, biroq BHMning ikki yarim baravaridan oshmagan holda oylik pul kompensatsiyasini toʻlash tartibi joriy qilinadi.

Farmonga koʻra, ijtimoiy hamkorlikni yanada kuchaytirish, kompensatsiya, subsidiyalar va davlat tomonidan taqdim etiladigan boshqa imtiyozlarni adolatli taqsimlash hamda ulardan samarali foydalanish maqsadida “Xalqparvar” komissiyalari tashkil etiladi.

Shuningdek, 2021-yil 1-maygacha aholiga qulay shaklda maʼlumotlarni taqdim etuvchi ipoteka bozori veb-portali ishga tushiriladi.

Farmonga koʻra, uy-joylar narxini arzonlashtirish maqsadida 2021-yil 1-apreldan yangi tartib doirasida:

koʻp kvartirali uy-joylar qishloq joylarda 5 va undan yuqori qavatli, shaharlarda 9 va undan yuqori qavatli, monolit temir-beton va yirik panelli konstruksiyalar hamda boshqa qurilish materiallari asosida massiv shaklida quriladi;
uy-joy quruvchi tashkilotlar uchun moʻljallangan sement hamda metall prokati boʻyicha alohida birja savdo seksiyasi joriy qilinadi;
2021-yil 1-oktyabrgacha sement mahsulotini (TIF TN kodi 2523) Oʻzbekistonga olib kirishda bojxona bojining nol stavkasi qoʻllaniladi.

Shu bilan birga 2021-yil 1-maygacha yakka tartibdagi uy-joylarning namunaviy loyihalari ishlab chiqilib, Qurilish vazirligi rasmiy veb-saytida joylashtirilishi koʻzda tutilgan.

Albatta, vazifa yuklatilgan masʼullar ushbu hujjatning ijrosini halol va pok, adolatli taʼminlasa, ehtiyojmand oilalarning ehtiyoji qondirilgan, Davlat Rahbarining yuqorida taʼkidlagan soʻzlari oʻz isbotini topgan boʻlar edi. 

Oʻlmas ABDIYEV
Mirzachoʻl tuman adliya
boʻlimi boshligʻi

02
ADLIYA SAYILI 2021

Adliya sayili Jizzax
Jizzax shahri markazidagi “Oʻrda” istirohat bogʻida Adliya sayili boʻlib oʻtdi.
Dastlab ushbu tadbir Jizzax viloyat adliya boshqarmasi boshligʻi Sh.Saidov tomonidan kirish soʻzi bilan ochib berildi va davlatimiz madhiyasi yangradi.



Sayilda huquqiy maslahatlar berilish bilan birga “Kitoblar” va “Hunarmandlar” koʻrgazmalari tashkil etildi.



Shuningdek iqtidorli yoshlar ushbu sayilga jamlandi. Ular rasmlar tanlovi orqali oʻz iqtidorini namoyon qilishdi. Shovvoz bollar “varraklar” loyihasida uchirilgan varraklar saylga oʻzgacha shukuh bagʻishladi.





Sayilda viloyatdagi barcha huquqni muhofaza qiluvchi organlar tomonidan koʻrgazmalari tashkil etildi hamda fuqarolarni qiziqtirgan masalalari boʻyicha huquqiy maslahatlar berildi.







Sayilda viloyatdagi barcha tashkilot va idoralar tomonidan xam koʻrgazmalari tashkil etildi hamda fuqarolarni qiziqtirgan masalalari boʻyicha huquqiy maslahatlar berildi.
Saylda “Oʻrda” bogʻi markazida yangragan kuy qoʻshiqlar barchaning kayfiyatiga koʻtaringki ruh bagʻishladi.









01
DIQQAT, DIQQAT !!!

Barchangizni 2021-yil 2-aprel kuni soat 10:30 da Jizzax shahridagi markaziy “Oʻrda” istirohat bogʻida oʻtkaziladigan aholining huquqiy ongi va huquqiy madaniyatini yuksaltirishga qaratilgan “Adliya sayli”ga taklif etamiz.
Ushbu sayilda Siz: huquqiy bilimlaringizni yanada oshirishingiz; huquqiy maslahatlar olishingiz; mehnat yarmarkasida oʻzingizga munosib ish topishingiz; viktorinalar va savol-javoblarda ishtirok etib qimmatbaxo sovgʻalardan birini qoʻlga kiritishingiz mumkin.
Tadbirda ishtirok etish istagi bor barcha yurtdoshlarimizni taklif etamiz. Niqob taqishni unutmang “ADLIYA SAYLI”GA MARHAMAT

31
“Jaholatga qarshi ma’rifat” mavzusida davra suhbati bo’lib o’tdi.

Jizzax viloyati yuridik texnikumida o’quvchilar o’rtasida jinoyatchilikka qarshi kurash va oldini olish, yoshlarda yot ta’sirlarga qarshi mustahkam immunitetni shakllantirish maqsadida “Jaholatga qarshi ma’rifat” mavzusida davra suhbati bo’lib o’tdi.
Davra suhbatiga O'ratepalik Jome masjidi imom xatibi S.Jabborov taklif qilindi.Inson o’zligini anglashi dahldorligini bilishi atrof muhitdagi voqeliklarga befarq bo’lmasdan, dunyoviy va diniy bilimlarni chuqur o’rganish va bilish doimo izlanishda bo’lsa albatta "Jaholatga qarshi ma’rifat” kurasha olishini ta’kidlandi.

30
Yoshlar sud binosiga “ekskursiya”ga borishdi.

Bilimli hamda intellektual rivojlangan avlodni voyaga yetkazish, ularni mustaqil fikrlaydigan, qatʼiy fuqarolik pozitsiyasiga ega insonlar etib tarbiyalashga qaratilgan chora-tadbirlar mamlakatimizda olib borilayotgan keng koʻlamli islohotlarning eng muhim ustuvor yoʻnalishlaridan biri hisoblanadi.

Xalqning boy intellektual merosi va umumbashariy qadriyatlar asosida, zamonaviy madaniyat, iqtisodiyot, fan, texnika va texnologiyalarning yutuqlari asosida kadrlar tayyorlashning mukammal tizimini shakllantirish Oʻzbekiston taraqqiyotining muhim shartidir.

Jizzax viloyat yuridik texnikumida ham talabalarni yetuk kadr sifatida shakllantirish maqsadida oʻquv jarayonida mutaxassislik yoʻnalishlari koʻpaytirilib, nazariy va amaliy mashgʻulotlar oʻzaro uygʻun holda zamonaviy innovatsion texnologiyalar yordamida tashkil etilmoqda. Shuningdek soha muttahasisslari tomonidan amaliy darslar tashkil etilib talabalarning nazariy va amaliy bilimlari uygʻunlashtirilmoqda.

 Hususan,  joriy yilning 24-mart kunida ham  Jizzax viloyat adliya boshqarmasi, Jizzax viloyat sudi bilan hamkorlikda Jizzax viloyati yuridik texnikum oʻquvchilari uchun jinoyat ishlari boʻyicha Jizzax shahar sudiga “Ekskursiya” qilishdi.
Dastlab sud raisi tomonidan oʻquvchilarga sud-huquq sohasidagi islohotlar hamda Konstitutsiya va qonunlarga kiritilgan oʻzgartirishlar haqida gapirib berdi. Yangi qabul qilingan qonunlarning mazmun-mohiyati haqida batafsil maʼlumot berib oʻtildi. Suhbat davomida oʻquvchilar oʻzlarini qiziqtirgan barcha savollarga javob olishdi.

Suhbatdan soʻng oʻquvchilar bir necha ochiq sud majlislarida ishtirok etishdi, Jumladan, 2 nafar shaxsga nisbatan tayinlangan jazolardan Oʻzbekiston Respublikasi Jinoyat Kodeksining 73 moddasi tartibida jazoni oʻtashdan muddatidan ilgari shartli ozod qilindi.
6 nafar shaxsga nisbatan tayinlangan jazodan Oʻzbekiston Respublikasi Jinoyat Kodeksining 74 moddasi bilan jazoning yengilrogʻiga almashtirildi.

Shuningdek, oʻquvchilar sud binosi bilan tanishib, faoliyat yuritayotgan xodimlar bilan suhbatlashib chiqishdi. Sudlarda zamonaviy ilgʻir texnologiyalar, videokonferens aloqa rejimida oʻtkazish imkoyatiga ega boʻlgan sud majlislari, “E-XSUD” axborot almashuvi bazasidan foydalanish amalda koʻrsatildi. Oʻquvchilarga ushbu uchrashuv chuqur taassurot qoldirdi.