Yangiliklar

Zarbdor tuman adliya bo‘limi tomonidan “Huquqiy mahalla” konsepsiyasi doirasida Yangkent MFY  yettiligi ishtirokida seminar tashkil etildi. Mahalla yettiligining faoliyatiga oid uslubiy qo’llanmalar tarqatildi.

O‘zbekiston Respublikasi Prezidentining 2024 yil 24-maydagi PF-80-sonli Farmonida belgilangan vazifalarni amalga oshirish maqsadida Yangikent MFY “Huquqiy mahalla” deb etirof etilganligi hamda mart oyi davomida ushbu mahallada istiqomat qiluvchi aholining huquq va manfaatlarini ta‘minlashga qaratilgan normalar va standartlarning ishlashini monitoring qilish hamda aholining huquqiy muammolarini aniqlash va bartaraf etish yuzasidan  uyma-uy yurish va huquqiy targ'ibot ishlari olib borilmoqda.

Jizzax viloyati Adliya boshqarmasi tomonidan tasdiqlangan "Adliya kuni" reja-grafigiga asosan Huquqiy targʻibot tadbiri oʻtkazildi.

Ayol – go‘zallik, cheksiz mehr-muhabbat va sadoqat timsoli, u bor maskanga fayz kiradi. U bir vaqtning o‘zida sevimli rafiqa, jonkuyar ona, orasta uy bekasi bo‘lishi bilan birga jamiyat va davlat boshqaruvida o‘z o‘rniga ega bo‘lgan insondir.

8-mart - Xalqaro xotin-qizlar kuni munosabati bilan Jizzax viloyat adliya boshqarmasida bayram tadbiri tashkil qilindi.

Boshqarma boshlig‘i A.Ergashev sohada faoliyat yuritayotgan xotin-qizlarni ulug' ayyom bilan samimiy tabriklab, ayollarning jamiyatda, oilada tutgan o'rni beqiyos ekanligini alohida e'tirof etdi. 

Tadbir davomida adliya xotin-qizlariga bayram tabriklari, ezgu tilaklar yo'llandi, bayram sovg'alari ulashildi.

8-mart bayrami adliyaga o'zgacha shukuh va bahor tarovatini olib kirdi.

Yuritimzda davom etayotgan “Kontrafaktsiz oy” oyligi va O‘zbekiston Respublikasi Prezidentining “Tadbirkorlar huquqlari va qonuniy manfaatlarini ishonchli himoya qilish chora-tadbirlari to‘g‘risida”gi 2024-yil 14-noyabrdagi
PF–184-son Farmoniga muvofiq tadbirkorlarga intellektual mulk huquqiga rioya qilish va uning huquqiy oqibatlari yuzasidan xabardorligini oshirishga oid
seminar-treninglar tashkil etilmoqda.

Xususan, joriy yilning 4-mart kuni Adliya vazirligi va Jizzax viloyat adliya boshqarmasi xodimlari viloyatda faoliyat yurituvchi tadbirkorlik subyektlari ishtirokida tovar belgisiga ega bo‘lish va uni qonuniy himoya qilish to‘g‘risida seminar trening tashkil etildi. Uchrashuv davomida “Senator” tovar belgisidan noqonuniy foydalanilayotgani, tovar belgisini himoya qilish masalasida joyida murojaat qabul qilinib, vazirlik ish yurutuviga olindi.

Shuningdek, intellektual mulk obyektlarini himoya qilish uchun tegishli davlat organlariga murojaat qilish, tovar belgilariga nisbatan huquqbuzarlik uchun javobgarlik choralari to‘g‘risida qonunchilikka kiritilgan o‘zgartirishlar haqida batafsil ma’lumot berildi.

Kunning ikkinchi yarmida “BYD O‘zbekistan” MChJ rahbari bilan BYD tovar belgilarini himoya qilish, xususan, kontrafakt mahsulotlarni aniqlag ususllari boʼyicha hamkorlikda maʼlumot almashinuv yoʼlga qoʼyildi.

Xalq orasiga yaqinroq kirib borish orqali muamolarni tizimli hal qilish, ularning yechimi borasida samarali natijaga erishish mumkin. Mazkur mexanizm bugun o‘zini to‘la oqladi va rahbarlarning mahalla aholisi bilan yuzma-yuz muloqotlari sabab ko‘pgina masalalarga oydinlik kiritilayotgani ayni haqiqat. Shu sabab davlatimiz rahbari tomonidan "Obod honadon-obod ko‘cha-obod mahalla" mezonlari asosida ishlarni tashkil qilish kerakligi takidlangan edi.

Jizzax viloyati bo‘yicha ijtimoiy-iqtisodiy jihatdan og‘ir bo‘lgan mahallalarning infratuzilmasini yaxshilash, kambag‘allik va ishsizlikni kamaytirish borasida amaliy ishlar boshlab yuborildi. Adliya boshqarmasiga biriktirilgan Zarbdor tumanidagi 5 ta mahalla fuqarolar yig‘inida boshqarma va tuman adliya bo‘limi xodimlaridan tuzilgan ishchi guruhlari tomonidan doimiy ravishda o‘rganish o‘tkazilib, xudud aholisi bilan uchrashuvlar tashkil etilmoqda. Andijon, Sharq yulduzi, Nurafshon mahallalarida uyma-uy yurgan holda muammolar o‘rganilib, tegishli tashkilotlar bilan birgalikda ularni ijobiy hal qilish choralari ko‘rildi.

Bundan tashqari davlat tashkilotlari va muassasalari xodimlari bilan ham davra suhbatlari tashkil etildi. Umumta’lim maktabi o‘quvchilari bilan ham uchrashuvlar o‘tkazilib, ularning huquqiy savodxonligini oshirib borish choralari ko‘rilmoqda. Huquqiy ma’lumotlar aks ettirilgan tarqatma materiallari tarqatilmoqda. Aholiga davlat xizmatlaridan foydalanish imkoniyati yaratilmoqda.

Jizzax viloyati adliya boshqarmasi boshlig‘i A.Ergashevning Jizzax shahridagi "Bog'ishamol" mahallasida sayyor qabuli tashkil etildi.

Qabul davomida tuman adliya bo‘limi, mahalla ettiligi va boshqa hamkor tashkilotlarning ham ishtiroki ta’minlanib, murojaat qiluvchilarning savollariga dastlab huquqiy tushuntirishlar berildi. Muammoni hal etishda to'g'ri yo'l ko'rsatildi. O'rganish talab etiladigan muammolar ish yurituviga qabul qilinib mutasaddilar ishtirokida hal qilib berish choralari ko‘rildi.

Notarial sohadagi murojaatlarga notariuslar tomonidan tushuntirishlar berildi. Shu bilan birga fuqarolarga sayyor tartibda davlat xizmatlari ham ko'rsatildi.

Jizzax viloyat adliya boshqarmasi tomonidan fuqaro X. Parmonovaning o‘ziga tegishli bo‘lgan Jizzax shahar, Yoshlik MFYda joylashgan sobiq “Bolalar sport zali va maishiy xizmat ko‘rsatish majmuasi” binosi jamoat ehtiyoji uchun olinganligi natijasida yetkazilgan zararni Jizzax shahar hokimligidan undirishda amaliy yordam berishni so‘rab yozgan murojaati o‘rganib chiqiiganda quyidagilar aniqlandi. Jumladan, fuqaro X. Parmonovaga kadastr hujjatlariga asosan tegishli bo‘lgan majmua binosi Jizzax shahrining arxitekturaviy qiyofasini yaxshilash bo‘yicha tegishli hukumat qarori bilan “Obod mahalla” dasturiga tushganligi inobatga olinib, mazkur dastur ijrosini ta’minlash  munosabati  bilan  shahar  hokimining tegishli qarorihamda  Jizzax shahar hokimi hamda fuqaro X.Parmonova o‘rtasida tuzilgan “Mulkiy zararni qoplash to‘g‘risida”gi shartnomasiga  asosan bir qismi buzdirilib, hujjatga ko‘ra yer maydoni davlat va jamoat ehtiyojlari uchun olib qo‘yilgan.
Biroq, shahar hokimligi tomonidan murojaati ko'rib chiqilgan kuniga qadar yani olti yildan ortiq muddat davomida fuqaro X.Parmonovaning mulkiga etkazilgan zarar uchun kompensatsiya to‘lab berilmaganligi ma'lum bo'ldi.

Ushbu asosda, adliya boshqarmasi tomonidan fuqaro X.Parmonova foydasiga javobgar Jizzax shahar hokimligidan  885 532 538  so'm miqdorida mulkiga etkazilgan zarar uchun kompensatsiya undirish to'g'risida sudga da'vo ariza kiritildi

Mazkur da'vo ariza fuqarolik ishlari bo'yicha Do'stlik tumanlararo sudining raisi B.Kazakov tomonidan ko'rib chiqilib, da'vo talabi to'liq qanoatlantirildi.

Ayni paytda Jizzax viloyat adliya boshqarmasi tashabbusi bilan Zarbdor tumaniga biriktirilgan boshqarma xodimi Sh.Sulaymonov tomonidan Oʻzbekiston respublikasi Prezidentining “2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish boʻyicha chora-tadbirlar toʻgʻrisida”gi Qarorida belgilangan vazifalar yuzasidan onlayn davra suhbati tashkil etilmoqda. Unda Zarbdor tumanidagi mahallalarining raislari, xokim yordamchilari, ijtimoiy xodimlar, xotin qizlar faollari, profilaktika inspektorlari, soliq inspeksiyasi xodimlari, yoshlar faolllari yoshtirok etishmoqda.

Jinoyatlarning oldini olishda profilaktik tadbirlarning oʻrni, qonun va qoidalarga amal qilmaslik uchun javobgarlik muqarrar ekanligi, firibgarlik, aldov va tovlamachilik jinoyatlarining aholi orasida kupayib borishi aynan huquqiy savodxonlikning yetishmasligidan kelib chiqayotganligi taʼkidlandi. Har bir ishni samarali tashkil etish uchun hamkorlik asosiy jihat ekanligi aytib oʻtildi.

Savol-javob va ochiq fikr almashish shaklida oʻtkazilgan tadbir davomida ishtirokchilar tomonidan berilgan savollarga atroflicha javoblar berildi. Faoliyatda kerak boʻladigan barcha maʼlumotlar yetkazildi, kelajakdagi rejalar belgilab olindi.

G'allaorol tumanidagi “Tozaurug'", "Oqtom", "Sarbozor" va "G'.G'ulom" mahallalarida Oʻzbekiston Respublikasi Prezidentining “2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish boʻyicha chora-tadbirlar toʻgʻrisida”gi Qarori mazmun-mohiyatiga bagʻishlangan davra suhbatlari tashkil etildi.

Mazkur mahallalarga adliya boʻlimi xodimlari tomonidan qaror mazmun-mohiyatiga bagʻishlangan tarqatma materiallar yetkazilgan.

Bu borada belgilangan reja-grafiklar asosida ishchi guruhi tomonidan “mahalla yettiligi” bilan uchrashuvlar tashkil etildi. Jinoyatchilik va huquqbuzarliklarni oldini olish, ularning oqibatlar va qilmish uchun jazo muqarrarligi masalalari yetkazilib, “mahalla yettiligi” lavozim majburiyatlari ham tushuntirildi.

Jizzax shahar adliya bo’limi tomonidan “A.Navoiy” MFYda uy-uyma yurish orqali aholining muammolari o'rganilib, tegishliligi bo'yicha yechim topmoqda.

O‘zbekiston Respublikasi Prezidentining “Ma’muriy islohotlar doirasida adliya organlari va muassasalarining mas’uliyatini yanada oshirish hamda ixcham boshqaruv tizimini shakllantirish to‘g‘risida”gi PF-80-sonli Farmonida belgilangan vazifalarni amalga oshirish maqsadida Jizzax shahar “A.Navoiy” MFY “Huquqiy mahalla” deb etirof etilganligi hamda fevral oyi davomida ushbu mahallada istiqomat qiluvchi aholining huquq va manfaatlarini ta‘minlashga qaratilgan normalar va standartlarning ishlashini monitoring qilish hamda aholining huquqiy muammolarini aniqlash va bartaraf etish maqsadida uyma-uy yurish orqali aholi muammolari o'rganilmoqda.

Aholi tomonidan yo'llangan murojaatga asosan A.Navoiy MFY hududida joylashgan Archazor va Charxpalak ko'chasi 3-sonli umumta'lim maktabiga borish yo'lida piyodalar o'tish yo'lagi tashkil etilib, yo'l belgilari o'rnatildi.

Ayni kunlarda Jizzax viloyati aholisi uchun ommaviy sayyor qabullar tashkil etilmoqda. Unda fuqarolarni qiynab kelayotgan muammolar oʻrganilib, yechimi boʻyicha tizimli ishlar amalga oshirilishi belgilangan.

Sayyor qabulda viloyat adliya boshqarmasi boshligʻi A.Ergashev tomonidan sohaga aloqador murojaatlar oʻrganilib, ularni bartaraf etish choralari belgilandi.

Bunday uchrashuvlar rahbarlarning xalq orasiga yanada yaqinroq kirib borishiga va bu orqali muammo va kamchiliklarni bartaraf etishga, eng muhimi ularning sabablarini aniqlashga yordam berishi bilan ahamiyatlidir.

Qabul davomida fuqarolarga sayyor tartibda davlat xizmatlaridan foydalanish imkoniyati yaratildi. Shu bilan birga, zaruratga ko'ra notariuslar tomonidan huquqiy maslahatlar berilib, tegishli xizmatlar ko'rsatildi.