Yangiliklar

Har bir soha rivoji unda faoliyat yuritayotgan kadrlar salohiyati, bilimi va tajribasiga bevosita bog'liq. Adliya shunday tizimki, bu yerda kadrlar har tomonlama charxrlanadi, "pishadi", "yetiladi". Malakali yurist sifatida qanday sifatlar kerak bo'lsa barchasiga ega bo'ladi.

Bugun adliya boshqarmasi jamoasi Toshkent Davlat yuridik universitetining bitiruvchi kurs talabalari bilan bo‘sh ish o‘rinlariga ishga olish yuzasidan uchrashuv o‘tkazdilar.
Mustaqil hayotga qadam qo'yish arafasida turgan yoshlarga adliya tizimining faoliyat yo'nalishi, vazifa va funksiyalari batafsil tushuntirib o'tildi. Shu bilan birga Jizzax viloyat adliya boshqarmasida va tizimda ishlayotgan yosh kadrlarning taassurotlari, fikr-mulohazalari bitiruvchilar tomonidan katta qiziqish bilan tinglandi.

"Shiddat bilan rivojlanayotgan bugungi davr har bir insondan tezkorlikni, voqealar, yangiliklar va o'zgarishlar bilan birgama-birga qadam tashlashni taqazo etadi. Bir kun o'z ustida ishlamaslik hammadan bir qadam ortda qolishga sabab bo'ladi, shuning uchun izlanish va o'rganishdan bir daqiqa ham to'xtamaslik kerak. Adliya tizimi xuddi mana shu maktabni yarata olgan, o'zining mustahkam qadriyatiga ega soha" deya ta'kidlab o'tdi Jizzax viloyat adliya boshqarmasi boshlig'i Sh.Saidov.

Ushbu davra suhbati davomida o'z hayot yo'lini adliya sohasi bilan bog'lash niyati paydo bo'lgan yoshlarga ishga kirish tartibi ham tushuntirib o'tildi.

Qizg'in va ko'tarinki ruhda o'tgan davra suhbatidan so'ng Adliya vazirligi faoliyati bilan ham yaqindan tanishildi. Muzey, kutubxona, psixologik trening xonalari faoliyatning yanada samarali bo'lishi uchun ruhiy quvvat manbaidir.

Har bir xodim o'z yo'nalishi bo'yicha boshqarmalar ish jarayonlari bilan yaqindan tanishdi, hamkasblar bilan dildan suhbat qurildi. Jamoani ochiq chehra va samimiyat bilan kutib olgan vazirlik xodimlaridan juda katta energiya oldik.

Poytaxtdagi o'zgarishlarni, obodonchilik va yangiliklarni kuzatish naqadar zavqli. Hamkasblar bilan esa bu yanada maroqli. Biz bugungi kunimizdan judayam minnatdormiz.

Bitiruvchi talabalarga esa yana bir gap, TANLOVDA ADASHMANG!!!

Ayni paytda Jizzax viloyat ekologiya va atrof-muhitni muhofaza qilish boshqarmasi binosida "Yashil makon" umummilliy loyihasi doirasida amalga oshirilgan ishlar va chiqindilarni qayta ishlash sohasida olib borilayotgan islohotlar" mavzusiga bagʻishlangan matbuot anjumani  boʻlib oʻtmoqda.

Unda viloyatdagi OAV vakillari, matbuot kotiblari,  jurnalist va blogerlar ishtirok etmoqda.

Arnasoy tumanida 15 may Xalqaro oilalar kuni munosabati bilan tuman Davlat xizmatlari markazi zalida “Oila muqaddas” shiori ostida ajrim yoqasida turgan va notinch oilalar hamda aliment masalasidagi 23 nafar oilalar bilan suhbat olib borildi.

Mazkur masalalar yuzasidan 2 ta oila joyida yarashtirildi va 11 ta muammosi bilan kelgan oilalarning murojaatlari qanoatlantirildi hamda uzoq muddat talab etiladigan murojaatlarning 12 tasi nazoratga olindi.

Shuningdek yosh oilalarga nikohlanuvchilar o'rtasida oilaning muqaddasligi, er-xotinlik mas'uliyati, kelin va kuyovning burch va vazifalar borasida tushinchalar berildi.

Azaldan mahalla xalqimizning tarixan shakllangan, yagona ijtimoiy hayotining o'ziga xos xususiyatlarini aks ettiruvchi, milliy an'analari, urf-odatlari, axloqiy-ma'naviy qadriyatlarini avlodlarga yetkazuvchi muqaddas maskan bo'lib kelgan. Bugungi kunga kelib esa mahalla chin ma'noda oilalarning eng yaqin maslahatchisi, tayanchiga aylandi. Har bir tashabbus mahalla tizimida amalga oshirilgandagina yuksak samara berishi amaliyotda isbotlandi.

Fuqarolar yig'inlari raislari (oqsoqollari) sayloviga tayyorgarlik ko'rish davomida Jixzax viloyat Adliya boshqarmasi mahallalarda O'zbekiston Respublikasi “Fuqarolar yig'ini raisi (oqsoqoli) saylovi to'g'risida”gi Qonuni mazmun-mohiyatini tushuntirish ishlarini amalga oshirishi belgilab qo'yilgan.

Bugunda barcha tuman, shahar adliya bo'limlari xodimlari tomonidan tasdiqlangan reja-grafikka asosan barcha tumanlarda tuman ishchi guruhi a'zolarining huquqiy savodxonligini oshirish bo'yicha seminarlar o'tkazilmokda.

Shu bilan birga saylovga tayyorgarlik ko'rish va uni o'tkazish bo'yicha qonunchilik mazmun mohiyatini keng jamoatchilikka yetkazish maqsadida tuman adliya bo'limlari tomonidan tashkilotlar xodimlari bilan ham uchrashuvlar o'tkazilmoqda.

Вилоятимиз аҳли ва шаҳримиз мехмонлари диққатига!
13-май  куни соат 16:00-19:00 га қадар Жиззах шаҳридаги марказий “Ўрда” истироҳат боғида ташкил этилаётган   Аҳолининг ҳуқуқий онги ва ҳуқуқий маданиятини юксалтиришга қаратилган “Адлия сайли”га таклиф этамиз.
Ушбу сайилда Сиз:
Ҳуқуқий билимларингизни янада оширишингиз;
Ҳуқуқий маслаҳатлар олишингиз;
Очиқ суд жараёнида иштирок этишингиз;
Меҳнат ярмаркасида ўзингизга муносиб иш топишингиз;
Давлат хизматларидан фойдаланишингиз;
Спортчиларнинг чиқишларини томоша қилишингиз;
Гўзал куй-қўшиқлар оҳангидан маданий хордиқ олишингиз;
Харбийларнинг кўргазмали чиқишларини кузатишингиз;
Ҳуқуқий заковат ўйинида иштирок этиб қимматбахо совғалардан бирини қўлга киритишингиз мумкин.
Тадбирда иштирок этиш  мутлақо бепул.
Барча юртдошларимизни сайлда кутамиз!

"АДЛИЯ САЙЛИ"ГА МАРҲАМАТ!

Jizzax viloyati adliya tizimida ichki tanlov asosida lavozimlariga tayinlangan xodimlarni tantanali tarzda tanishtiruv tadbirlari davom etmoqda. Navbatdagi manzil Zafarobod va Mirzacho'l tumanlari.

O'zbekiston Respublikasi adliya vazirining tegishli buyrug'iga asosan quyidagi xodimlar mazkur lavozimlarga tayinlandi: Ikromov Bunyod Baxriddinovich Zafarobod tuman adliya bo'limi boshlig'i etib, Norxo'jaev Hamidulla Haydarovich Zafarobod tuman davlat xizmatlari markazi boshlig'i etib tayinlandi.

Tuman hokimi N.Radjapov lavozimlarga tayinlanganlarni tabriklab, kelgusida birgalikda, hamfikr ish olib borishlarini ta'kidlab o'tdi. Tuman sektor rahbarlari va tizim xodimlari ham bu islohotlarga o'zlarining ijobiy munosabatlarini bildirishdi.

Oʻzbekiston Respublikasi Adliya vazirining tegishli buyrugʻiga asosan Mirzacho'l tuman adliya boʻlimi boshligʻi etib Aminov Aziz Salimovich, Mirzacho'l tuman davlat xizmatlari markazi boshlig'i etib Esanov Bobir Raxmonberdiyevich tayinlandi. Shu munosabat bilan viloyat adliya boqarmasi boshlig'i o'rinbosari A.Ergashev, Mirzacho'l tuman xokimi, sektor rahbarlari va tizim xodimlari ishtirok etgan tadbirda lavozimga tayinlanganlar jamoaga tanishtirildi.

Tuman hokimi va sektor rahbarlari tomonidan adliya boʻlimi faoliyati, ularning tuman hokimligi va boshqa xizmatlar bilan huquqiy sohadagi hamkorligi ijobiy eʼtirof etilib, kelajakda ham mana shunday hamkorlikda ishlash boʻyicha kelishib olindi. Ulkan ishonchni oqlashda soha xodimlariga omad va zafarlar tiladi.

/Jamoatchilik bilan aloqalar boʻlimi/

Xotira va qadrlash – xalqimizning asriy qadriyatlari, ulug' fazilatlaridan. El-yurtining tinchligi, osoyishtaligi, erki va ozodligi uchun kurashgan insonlar hamisha xalqimiz ardog'idadir. Ayni kunlarda yurtimizda keng nishonlanayotgan Hotira va qadrlash kuniga bag'ishlangan tadbirlarda, ona diyorimizni, xalqimizning ozodlik va istiqlolini, erkin va farovon hayotini mardlik va shijoat bilan himoya qilgan fidoyi yurtdoshlarimizga ko'rsatilayotgan g'amxo'rlik, hurmat-ehtirom yanada yaqqol namoyon bo'lmoqda. Bugunda Jizzax viloyati bo'yicha 8 nafar 2-jaxon urushi qatnashchilari istiqomat qilishmoqda. Jizzax viloyat adliya boshqarmasi tomonidan ular xolidan xabar olinib, sovg'alar va oziq-ovqat mahsulotlari topshirildi.

Sh.Rashidov tuman adliya bo'limi tomonidan (davlat xizmatlari markazi, tuman FHDYo organi va MFY raisi ishtirokida) tuman markazidan uzoq bo'lgan "Havastlik" mahallasida uyma-uy yurib sayyor qabul tashkil qilindi. Mazkur mahalla aholisining muammolari oldindan o'rganilganda adliya organlari vakolatida bo'lgan bir nechta masala yuzasidan yordam berilishi kerakligi aniqlangan edi. Shu sabab aynan sayyor qabul jarayonida 13 nafar fuqarolarga nikohni qayd etish guvohnomasi va 5 nafar fuqarolarga tug'ilganlik guvohnomalari berilishi ta'minlandi.

Mazkur jarayonlar "Zamon" informasion dasturi orqali yoritiladi.

Jizzax mintaqaviy o'quv markazida tahsil olayotgan tinglovchilar va markaz doimiy shahsiy tarkibi ishtirokida Ma'naviyat va ma'rifat mashg'ulotlari tashkil etildi. Unda Milliy gvardiya tizimida qabul qilinayotgan qonunchilikdagi o'zgarishlar, amalga oshirilayotgan huquqiy islohatlar yuzasidan va Milliy gvardiya xodimlariga qonunosti hujjatlar ijrosini ta'minlash majburiyatlari to'g'rida tushunchalar berish maqsadida Jizzax shahar yuridik xizmat ko'rsatish markazi yuristlari ishtirokida davra suhbati tashkil etildi.

Mana shunday huquqiy targ'ibot tadbirlarini o'tkazishda doimiy ravishdagi amaliy hamkorlik uchun Jizzax viloyat addiya boshqarmasi rahbariyatiga tashakkurnoma taqdim etildi

Jizzax viloyati adliya tizimida ichki tanlov asosida lavozimlariga tayinlangan xodimlarni tantanali tarzda tanishtiruv tadbirlari davom etmoqda. Navbatdagi manzil Paxtakor tumani.
Oʻzbekiston Respublikasi Adliya vazirining tegishli buyrugʻiga asosan Paxtakor tumani adliya boʻlimi boshligʻi etib Kushmatov Xosilmurod Namazovich tayinlandi.

Paxtakor tuman yuridik xizmat koʻrsatish markazi boshligʻi etib Mirzayev Farrux Yuldashevich tayinlandi.

Paxtakor tuman davlat xizmatlari markazi boshligʻi etib Bekmurodov Nasim Salaxitdinovich tayinlandi.
Mazkur tadbirda adliya boshqarmasi rahbariyati, tuman hokimi, sektor rahbarlari, tizim xodimlari ishtirok etib lavozimga tayinlanganlarning barchasini samimiy tabriklashdi. Kelgusidagi ishlariga omad va zafarlar tilashdi.

/Jamoatchilik bilan aloqalar boʻlimi/