Yangiliklar

Navqiron yosh avlod har bir mamlakatning umidi, ertasining ishonchi. Shu bois ham yurtimizda yoshlarning ma’naviyati, ular ta’lim tarbiyasi, kamoloti eng dolzarb masalalardan biri sifatida qaralmoqda. Prezidentimiz  butun mamlakatimiz yoshlariga murojaat qilib, “Hech qachon unutmang, sizlar har tomonlama erkin, ozod va farovon yurtda yashaydigan yangi O‘zbekiston, yangi Renessans bunyodkorisizlar. Sizlarning hayotda o‘z munosib o‘rningizni topishingiz uchun davlatimiz va jamiyatimiz bor kuch va to‘la imkoniyatlarini safarbar etadi”,- degan so‘zlarni qat’iy ishonch bilan ta’kidladilar. Prezident yoshlarga murojaat qilarkan, ularni har tomonlama qo‘llab-quvvatlash, ularning baxtu-saodati, kamoloti yo‘lida qilinishi lozim bo‘lgan ishlarga alohida urg‘u berdi. Yuridik texnikumda o‘tkazilgan madaniy-ma’rifiy tadbirning ham bosh g‘oyasi aynan shu mazmunda bo‘ldi.

Yuridik texnikumda barcha ko‘tarinki kayfiyatda. “Birinchi qo‘ng‘iroq”, “Bilimlar kuni” tadbiriga o‘quvchilar, o‘qituvchilar, o‘quvchilarning ota-onalari hamda ta’lim sohasi fidoyilari  taklif etildi.  Tadbirda so‘zga chiqqan adliya boshqarmasi boshlig‘i Shokir Saidov ta’lim sohasida olib borilayotgan keng miqyosli islohotlar, bu jarayonda yuridik ta’limga qaratilayotgan alohida e’tibor haqida o‘z munosabatini bildirdi.

Ta’kidlandiki, yuridik kadrlar jamiyat tayanchidir. Ular islohotlarning huquqiy jihatdan qo‘llab-quvvatlanishi, qonun ustuvorligi, eng avvalo, fuqarolar huquqlari va qonuniy manfaatlari himoyasini ta’minlaydi. Aynan shuning uchun ham yuridik kadrlarni tayyorlash doimo hukumatimiz diqqat markazida.



Yuridik texnikumning 5 nafar eng iqtidorli o‘quvchilari Adliya vazirligi stipendiyasi sohibi bo‘ldi. Shuni qayd etib o‘tish kerakki, adliya vazirligi tomonidan yuridik texnikumlarning iqtidorli o‘quvchilarini qo‘llab-quvvatlash va rag‘batlantirish maqsadida, “Adliya vazirligi stipendiyasi” ta’sis etilgan. Shu munosabat bilan, yangi o‘quv yili boshlanishi oldidan yuridik texnikumning 2-bosqichida o‘qiydigan o‘zlashtirish ko‘rsatkichi eng yuqori bo‘lgan 5 nafar iqtidorli o‘quvchilarga adliya boshqarmasi boshlig‘i Shokir Saidov hamda texnikum direktori Abror Idiboyev maxsus guvohnomalar topshirdi.

Huquqiy targ‘ibot va ma’rifat bo‘limi

“Jizzax haqiqati” gazetasining Mustaqilligimizning 30 yilligiga bag‘ishlangan bayram sonida viloyat adliya boshqarmasi boshlig‘i Shokir Saidov hamda adliya jamoasining yurtdoshlarimizga yo‘llagan tabrigi chop etildi.

Yangi O‘zbekiston tarixidagi buyuk va shonli sana Vatanimiz mustaqilligining o‘ttiz yillik bayramini xalqimiz katta shodu xurramlik bilan kutib olmoqda. Yurtimizda yangi demokratik davlat, fuqarolik jamiyati barpo etish yo‘lida o‘tgan davrda amalga oshirilgan ulkan ishlar, erishilgan yuksak natijalarda, hech shubhasiz, hayotimizning turli soha va tarmoqlarida fidokorona mehnat qilayotgan yurtdoshlarimizning beqiyos hissasi bor.



Bunday olijanob insonlarning el-yurt oldidagi xizmatlarini e’tirof etish va munosib taqdirlash vatandoshlarimiz, ayniqsa, yoshlarimizni yuksak marralar sari ruhlantirish, ular qalbida Vatanga muhabbat va sadoqat tuyg‘ularini kuchaytirishda muhim ahamiyat kasb etadi.

Jizzax viloyat Adliya boshqarmasida tantanali tadbir bo‘lib o‘tdi. Tadbirda adliya xodimlari bilan birga, tizimdagi barcha idoralar, jumladan, notarial idoralar, advokatura, ta’lim muassasalari mas’ullari ishtirok etdi.

Tantanada mamlakatimizda amalga oshirilayotgan keng ko‘lamli islohotlarda faollik ko‘rsatib, o‘zining bilim va iqtidori, intiluvchanligi va tashabbuskorligi, halol va samarali mehnati bilan Vatanimiz taraqqiyotini yuksaltirishga munosib hissa qo‘shib kelayotgan Jizzax viloyat adliya boshqarmasi va uning tizimida faoliyat yuritayotgan xodimlar Prezidentimizning 2021 yil 23 avgustdagi Farmoni bilan ta’sis etilgan “O‘zbekiston Respublikasi Mustaqilligining 30 yilligi” ko‘krak nishoni bilan taqdirlandilar.

Viloyat adliya boshqarmasi jamoasi hamyurtlarimizni Mustaqilligimizning 30 yilligi munosabati bilan chin dildan tabriklab, ularga mustahkam sog‘liq, baxt-saodat hamda xonadonlariga tinchlik, fayzu - baraka tilaydi.


Huquqiy targ‘ibot va ma’rifat bo‘limi

“Yangi O‘zbekistonda erkin va farovon yashaylik!” shiori ostida viloyat Adliya boshqarmasi tashabbusi bilan tashkil etilgan kubok musobaqalarida adliya va huquq-tartibot idoralari xodimlaridan iborat tarkibdagi jamoalar o‘zaro kuch sinashdi. Davlat xizmatlari agentligining “Mustaqillik”hamda Bojxona boshqarmasining “Humo” basketbolchilari qarama-qarshiligida “Mustaqillik” jamoasining qo‘li baland keldi.

Ikkinchi o‘yin Adliya boshqarmasining “Odillik” hamda Majburiy ijro byurosi Jizzax viloyat boshqarmasining “Burgut” jamoalari o‘rtasida kechdi va  adliyachilar majburiy ijro xodimlarining kutilmagan qarshiligiga duch kelishdi.  Yakunda “Burgut” jamoasi ustunlikka erishib, keyingi bosqichga yo‘l oldi.

Uchinchi o‘rin uchun kechgan bahsda esa g‘oliblik bojxonachilarga nasib etdi. Shunday qilib, davlat organlari va tashkilotlari o‘rtasida bo‘lib o‘tgan basketbol bo‘yicha “Adliya kubogi” musobaqalarida 3-o‘rin Bojxona boshqarmasining “Humo” jamoasiga,  2-o‘rin DXAning “Mustaqillik” jamoasiga nasib etdi. MIB boshqarmasining “Burgut” jamoasi 1-o‘rinni egallab, musobaqa kubogini qo‘lga kiritdi.



Ғолибларни тақдирлаш маросимида сўзга чиққан вилоят баскетбол Федерацияси раҳбари, Адлия бошқармаси бошлиғи Шокир Саидов сўзга чиқиб, барча ғолибларни ютуқ билан қутлар экан, оммавий спортни, хусусан, баскетболни ривожлантириш борасида Федерация олдида турган келажак тадбирлар хақида атрофлича сўз юритди.

–Bugungi natijalardan shaxsan mening ko‘nglim to‘ldi, Federatsiya faoliyatida kelajak ishlar rejasini kelishib olishga ham ulgurdik, - dedi Adliya boshqarmasi boshlig‘i Sh.Saidov.


Huquqiy targ‘ibot va ma’rifat bo‘limi

Hayotning uzluksiz zanjiri kecha, bugun va ertagadan iborat. Bugun yoshmiz, ertaga ulg‘ayamiz, keyin esa keksayamiz. Aynan mana shunday o‘zaro munosabatni “Uch avlod” uchrashuvlarida ko‘rish mumkin. Mana shunday uchrashuv bugun Jizzax viloyat adliya boshqarmasi tashabbusi bilan tashkil etildi.



Ancha yillik hayot tajribasiga ega adliya tizimida, boshqarmaning turli bo‘limlarida faoliyat yuritgan fahriylar, bugun bel bog‘lab, jamiyat rivojiga munosib ulush qo‘shayotgan o‘rta yosh avlod vakillari hamda shijoatli, iqtidorli yosh huquqshunoslarning o‘ziga xos davrasi bo‘lgan bu tadbir Mustaqilligimizning 30 yilligi arafasida ajoyib tuhfa bo‘ldi desak mubolag‘a bo‘lmaydi.



Adliya boshqarmasi boshlig‘i Shokir Saidov so‘z avvalida, Mustaqilligimizning 30 yillik shodiyonasi bilan fahriylarni tabriklab, ularning hayot yo‘lidagi boy tajribalari doimo yosh avlodga o‘rnak va ibrat bo‘lishini alohida ta’kidlab o‘tdilar. So‘ngra qonunchilikdagi yangiliklar, mustaqillik yillarida adliya tizimidagi o‘zgarishlar va islohotlar haqida to‘xtalib o‘tdilar.



Qancha sinovlarni boshdan o‘tkazgan, voqeiliklarni ko‘z bilan ko‘rgan fahriylarimiz o‘zlarining yoshlik paytlari, g‘ayrat, shijoatga to‘la talabalik davri, adliya tizimida ish boshlagan ilk yillari haqida xotirladilar. Fahriylarning hayot yo‘llaridagi tajribalari yosh huquqshunoslarga hayotda adashmaslik, tinmay o‘z ustida mehnat qilish, to‘g‘ri yo‘ldan maqsadli yurishga o‘rgatadi.

Uchrashuv yakunida fahriylarga adliya boshqarmasining  esdalik sovg‘alari topshirildi.

Huquqiy targ‘ibot va ma’rifat bo‘limi

Forish tuman adliya bo‘lim boshlig‘i O.Yo‘ldoshevning  “Forish tonggi” gazetasining navbatdagi sonida “Korrupsiyaga qarshi kurash choralari kuchaytirilmoqda” nomli maqolasi chop etildi

Shu kunlarda yurtimizda prezidentlik sayloviga tayyorgarlik ko‘rish, saylovni jahonning eng ilg‘or tajribalari asosida o‘tkazish, ayni jarayonda saylovchilar, xususan, fuqarolarning huquqiy madaniyatini yuksaltirish borasida  amaliy ishlar bajarilmoqda. Shu ma’noda, Sharof Rashidov tumanidagi majlislar zalida adliya bo‘limi tomonidan mahalla fuqarolar yig‘ini raislari ishtirokida “Prezident saylovi-kelajakni tanlash huquqi” va “Demokratik davlatda saylovning o‘rni” mavzularida targ‘ibot tadbiri o‘tkazildi.

Tadbirda tuman Mahalla va oilani qo‘llab-quvvatlash bo‘limi xodimlari hamda barcha mahalla fuqarolar yig‘ini raislari ishtirok etdi. Ta’kidlandiki, yurtimizning yangi tarixi solnomasidan munosib o‘rin oladigan keyingi besh yil jahon hamjamiyati tomonidan milliy davlatchiligimizning mustahkamlanishi, demokratik an’analarning rivojlanish bosqichi sifatida e’tirof etilayotgani barchamizni behad mamnun etadi. Haqiqatan ham ushbu davrda fuqarolarning siyosiy jarayonlar, davlat va jamiyatni boshqarishda ishtirok etishining huquqiy asoslari mustahkamlandi. Ayni jarayonda saylov qonunchiligi yangilandi, saylovlarni tashkil etish va o‘tkazish bilan bog‘liq jarayonlar yangicha talablarga muvofiq tarzda isloh etildi.



Bundan tashqari, Saylov qonunchiligi takomillashtirilishi munosabati bilan O‘zbekiston Respublikasining ayrim qonun hujjatlariga o‘zgartish va qo‘shimchalar kiritish to‘g‘risida“ gi Qonun hamda  ”Davlat organlari va tashkilotlariga yuridik xizmat ko‘rsatish faoliyatini yanada takomillashtirish chora-tadbirlari to‘g‘risida" gi Prezident qarori mazmun-mohiyati haqida tadbir ishtirokchilariga batafsil ma’lumotlar berildi.

Tadbir so‘nggida mutaxassislar tomonidani qatnashchilarni qiziqtirgan barcha masalalar va savollarga atroflicha javob berildi.



Huquqiy targ‘ibot va ma’rifat bo‘limi

“TV Yurist”

“O‘zbekiston Respublikasining Saylov Kodeksi”

Forish tuman adliya bo‘limi bosh maslahatchisi Abdulaziz Rahmatov

“Jizzax haqiqati” gazetasining navbatdagi sonida Huquqiy targ‘ibot bo‘limi yetakchi maslahatchisi Qizlarxon Saidovaning “Mas’uliyat va javobgarlik” nomli maqolasi chop etildi.

Jizzax viloyatida saylov jarayonlarini qonunchilikka mos tarzda uyushqoqlik bilan tashkil etish uchun uchastka saylov komissiyasi a’zolari hamda viloyat adliya boshqarmasi Mirzacho‘l adliya bo‘limi xodimlari hamkorlikda saylov komissiyasi a’zoligiga nomzodlarning saylov qonunchiligi bo‘yicha malakasini oshirish, ularning huquqiy bilim va amaliy ko‘nikmasini yanada yuksaltirish bo‘yicha bir qator zarur tadbirlarni amalga oshirmoqda.

Bugun Mirzacho‘l tumanining katta majlislar zalida saylov komissiyasi a’zoligiga nomzodlar va boshqa tashkilotchilarning saylov qonunchiligi bo‘yicha malakasini oshirish tizimining uchinchi bosqich seminar-trening darslari bo‘lib o‘tdi. Aytib o‘tish kerak, bu kabi keng qamrovli seminar-treninglar butun Jizzax viloyati bo‘ylab bir necha bosqichda o‘tkazilmoqda.

Seminarda tinglovchilar olgan bilimlarini amaliy jihatdan mustahkamlash imkoniyatiga ega bo‘ldi. Ahamiyatli jihati shundaki, tinglovchilarni saylov kuniga qadar kamida uch marta takror o‘qitish rejalashtirilgan edi va har birining yakuni bo‘yicha bugun onlayn test topshirildi. Natijalar tahlil qilindi. O‘quv seminarini viloyatdagi barcha tumanlar onlayn kuzatish imkoniyatiga ega bo‘ldi.

Diqqatga sazovor yana bir jihati shundaki, o‘quv dasturining mavzulari bo‘yicha yuqori malakali ekspertlar tomonidan 5-10 daqiqalik videodarslar tayyorlandi va o‘quv jarayonida tinglovchilarga taqdim etildi. Tinglovchilar mazkur videorolikni ko‘rish orqali saylovchilar ro‘yxati bilan ishlash, muddatidan oldin ovoz berishni tashkil etish, ovoz berish xonalarini jihozlash, saylov kuni ovoz berishni tashkil etish va o‘tkazish, “Bir saylovchi - bir ovoz” tamoyiliga amal qilish, kuzatuvchilar bilan ishlash, saylov natijalarini hisoblab chiqarish kabi nazariy bilimini amaliy mashg‘ulotlarda mustahkamlab oldi. Maqsad esa aniq, komissiya a’zoligiga nomzodlarning saylov qonunchiligiga oid nazariy bilimini mustahkamlash barobarida ularni saylovni qonunga muvofiq to‘g‘ri tashkil etish va o‘tkazishga o‘rgatish, ya’ni amaliy ko‘nikmasini chuqurlashtirishdir.



Huquqiy targ‘ibot va ma’rifat bo‘limi