Yangiliklar

Бугун мамлакатимизнинг сиёсий, ижтимоий, ҳуқуқий ҳаётида нодавлат нотижорат ташкилотларининг ўрни тобора ортиб бормоқда. Жиззах вилоят адлия бошқармаси, вилоят ИИБ ва Ўз.ННТМА(нодавлат нотижорат ташкилотлари миллий ассоцацияси) ҳамкорлигида вилоят халк таьлими бошкармаси хамда вилоятда таьлим сохасида фаолият юритаётган ннт.лар иштирокида "Нодавлат нотижорат ташкилотларнинг коррупцияга қарши курашишда иштирок этишининг ҳуқуқий асослари" мавзусида ташкил этилган семинар-тренинг бу борадаги ислохатларда давлат ва нодавлат ташкилотларининг ҳамкорлигини кучайтиришга бағишланганлиги билан аҳамиятлидир.



ИИБ томонидан коррупцияга қарши курашишда нодавлат-нотижорат ташкилотлар билан ҳамкорлиги жиҳатлари ва бу соҳада амалга оширилиши лозим бўлган ишлар ҳусусида ҳам батафсил фикр-мулоҳазалар алмашилди. Халқ таълими тизимида коррупцияга қарши курашиш соҳасида олиб борилаётган ишлар, ютуқ ва камчиликлар ҳақида соҳа мутасаддиларининг ахборотлари тингланди. Иштирокчилар томонидан коррупциянинг салбий оқибатларидан аҳоли хабардорлигини ошириш, ёшларда бу иллатга қарши муросасизлик туйғусини шакллантиришда қайси усул ва воситалардан фойдаланилса самаралироқ бўлиши юзасидан билдирган таклиф ва тавсиялар ўртага ташланди.



Ўзбекистон нодавлат-нотижорат ташкилотлари миллий Ассоциацияси вилоят бўлинмаси раҳбари Назифа Камалова томонидан мавзу юзасидан мастер-класс машғулотлари олиб борилди. Эркин суҳбат, ўзаро тажриба алмашиш тарзида ташкил этилган бундан тадбирларни бошка сохалардаги (согликни саклаш, маданият, спорт, мехнат... каби) ННТ.лар билан хам давомли тарзда ўтказиб боришга келишиб олинди.

Жиззах вилоят адлия бошқармаси

Jizzax viloyat adliya boshqarmasi va O’zbekiston yoshlar ittifoqi Jizzax viloyat Kengashi bilan hamkorlikda Konstitutsiyamiz qabul qilinganligining 28 yilligi munosabati bilan joriy yilning 29-noyabridan 6-dekabr sanasiga qadar “Konstitutsiya – baxtimiz qomusi” shiori ostida video roliklar tanlovini e'lon qiladi.


Ijtimoiy tarmoqlarda O‘zbekiston Konstitutsiyasi asosida onlayn viktorinalar, fuqarolarning Konstitutsiyada belgilangan huquq va majburiyatlarini targ‘ib etuvchi mahsulotlar (videolar) chellenji e‘lon qilinadi. 

Aziz yoshlar ushbu loyiha doirasida  faol ishtirok eting. 
Videoroliklar ushbu manzilda qabul qilinadi

Хафтанинг ҳар пайшанба куни вилоят Халқ қабулхонасида Жиззах вилоят адлия бошқармаси бошлиғи Ш.Саидовнинг фуқаролар мурожаатларини қабул қилиш куни этиб белгиланган. Ўтказилган қабул давомида 10 га яқин муаммоли масалалар тингланди. Фуқаро И.Хнинг "Қишлоқ қурилиш инвест" МЧЖ билан тузган шартномаси вақтида бажарилмаганидан норози бўлиб қилган мурожаати, Жиззах шаҳрида яшовчи фуқаро М.Анинг мол-мулк ва ер солиғидан қарздорлиги бўлмасада суддан қарздорликни тўлаш бўйича келган хатидан норози эканлиги ва шу каби бир нечта муаммоли масалалар ўрганиш ва ечимини топиш учун иш юритувига қабул қилинди. Халқ ишончи ва умидини уйғотувчи бу каби амалий харакатлар инсон манфаатларининг кафолати ҳамдир.

Мирзачўл туман адлия бўлимига Мирзачўл МТП агросервис МЧЖ нинг бир нечта ходимлари шикоят аризаси билан мурожаат қилиб, 2020 йилнинг ўтган даври мобайнида МЧЖ да ишлаган даврлари учун жами 19 015 436 сўм миқдоридаги иш ҳақларини ололмаётганлигини билдирган.

Бўлим томонидан ушбу мурожаатлар иш юритувга қабул қилиниб, ўрганилиш жараёнида, ҳақиқатдан ҳам Мирзачўл ''МТП Агросервис'' МЧЖ нинг жамият мехнизаторлари ва техник ходимлари иш ҳақларидан қарздорлиги борлиги аниқланди.

Юқоридагилардан келиб чиқиб, туман адлия бўлими томонидан фуқаролик ишлари бўйича Дўстлик туманлараро судига жамият ишчилари Чирмашев Жамшид, Расулов Асан, Урушов Абдуразик ҳамда Беккамова Ойгуллар манфаатида суд буйруғи чиқарилиши юзасидан ариза киритилди.

Натижада, суд томонидан қарздор Мирзачўл МТП агросервис МЧЖ ҳисобидан юқорида исмлари қайд этилган фуқаролар фойдасига жами

19 015 436 сўм миқдоридаги иш ҳақлари ундирилиши белгиланди.

Улмас АБДИЕВ

Мирзачўл туман адлия бўлими бошлиғи

Жиззах вилоят адлия бошқармасида “Юксалиш” Умуммиллий ҳаракати Жиззах вилояти ҳудудий бўлинмаси ташаббуси билан вилоят ҳокимлиги, вилоят адлия бошқармаси ва Ўзбекистон нодавлат нотижорат ташкилотлари Миллий Ассоциацияси вилоят бўлинмаси ҳамкорлигида “Давлат органларининг нодавлат нотижорат ташкилотларини қўллаб-қувватлаш ва улар ўртасидаги ижтимоий шериклик муносабатларини самарали йўлга қўйиш” мавзусида очиқ мулоқот тадбири  ташкил этилди.
Тадбирда вилоятдаги 30 та нодавлат  нотижорат ташкилотлари раҳбарлари ва вакиллари иштирок этди.
Тадбир иштирокчиларига тадбир ҳамкорлари томонидан мамлакатимизда нодавлат  нотижорат ташкилотлари фаолиятига доир олиб борилаётган ислохотлар, амалга оширилган ишлар, соҳа вакиллари малакасини ошириш ва ННТлар ўртасида тажриба алмашиш тизимини йўлга қўйиш, ижтимоий шериклик муносабатлари соҳасидаги мавжуд ютуқ ва камчиликлар хусусида тушунтиришлар берилди.
Тадбир сўнгида “Юксалиш” Умуммиллий ҳаракати Жиззах вилояти ҳудудий бўлинмаси раҳбари томонидан бир қанча ННТларнинг раҳбарларига “Юксалиш” Умуммиллий ҳаракатига аъзолик сертификатлари топширилди.

(Умумий ўрта таълим мактаблари, коллеж ва лицейлар бўйича)

                                                                        Жиззах вилояти                                            2020 йил 20 ноябрь

Адлия вазирлиги томонидан ташкил этилган “Биз коррупцияга қаршимиз” мегатанлови доирасида ўтказилаётган “Коррупция – тараққиёт кушандаси” умуммиллий иншолар танлови ўтказилмоқда.
Жиззах вилоятида танловнинг туман (шаҳар) босқичи ҳудудлардаги адлия бўлимлари ва бошқа ҳамкор идоралар билан ўтказилиб, сараланган ўқувчилар вилоят босқичида иштирок этдилар. 
Шунингдек, танлов олий таълим муассасалари ўқувчилари ўртасида ҳам ўтказилиб, ғолиблар аниқланди.
Бугун Жиззах вилоят адлия бошқармасида танловнинг вилоят босқичида ғолиб бўлган ва республика босқичига йўлланмани қўлга киритган ўқувчи ёшлар бошқарма бошлиғининг диплом ва эсдалик совғалари билан тақдирландилар.



Жиззах вилоят адлия бошқармаси

"Бепул ҳуқуқий маслаҳат билан ҳар бирга уйга" шиори остида Бахмал туман адлия бўлими томонидан Бахмал тумани, Ўрмончи МФЙ ҳудудида уйма-уй юриш чоғида фуқаро А.Суяровнинг оёқлари учун протезларни алмаштирилиши лозимлиги маълум бўлди.

Бахмал туман адлия бўлимининг аралашуви билан Жиззах вилоят тиббий ижтимоий хизматлар бўлими Бахмал туман шўъбасининг 16.11.2020 йил кунги протез ортопедия буюмини олиш учун 000545-сонли йўлланма талони расмийлаштирилиб, мурожаат ўз жойида қаноатлантирилди.

Бахмал туман адлия
бўлими бошлиғи Н.Қодиров

Жиззах вилоят адлия бошқармаси вилоят ёшлари билан мустаҳкам алоқа ўрнатган. Сабаби ёшлар катта куч, келажагимиз эгалари, шу сабаб уларнинг ҳуқуқий онги ва ҳуқуқий маданиятини ошириш ҳар бир соҳа тараққиётини белгиловчи мезонлардан биридир. Бугун Жиззах вилоят адлия бошқармаси ва Ўзбекистон Ёшлар Иттифоқи Жиззах вилоят Кенгаши ўртасида ҳамкорлик келишуви имзоланди. Эндиликда аксарият тарғибот тадбирларида ёшдар иштирокини таъминлаш кўзда кутилмоқда.



Тадбир давомида бир гурух ёшлар адлия бошқармаси фаолияти, бўлимларнинг вазифа ва функциялари ҳақида яқиндан танишдилар. Очик мулоқот ва самимий суҳбат шаклида ўтган учрашувда бошқарма бошлиғи Ш.Саидов ёшларга яратилган чексиз имкониятлар, интилувчан, изланувчан ўғил-қизларга берилаётган имтиёзлар, қонунчиликда ҳам ёшлар масаласига алоҳида эътибор қаратилгани ҳусусида тўхталиб ўтдилар. Суҳбат давомида ёшлар томонидан билдирилган фикрлар, айтиб ўтилган таклифларга алохида эътибор қаратилиб, мазкур масалалар ижроси юзасидан истиқболдаги вазифалар белгиланди.

Зомин туман адлия бўлими томонидан 42 нафар фуқароларнинг Зомин туман давлат санитария-эпидемиология назорати марказида ишлаган даврларида фойдаланилмаган меҳнат таътиллари учун компенсация ундириб беришда амалий ёрдам сўраб ёзган мурожаати ўрганиб чиқилди.

Аниқланишича, мазкур фуқаролар Зомин тумани ДСЭНМда ишлаб келиб, 31.12.2019 йилда ташкилот раҳбарининг 48-к-сонли буйруғи билан меҳнат шартномаси бекор қилинган бўлишига қарамасдан, улар билан ҳисоб-китоб ишлари амалга оширилмаган. Меҳнат Кодексининг 151-моддасида меҳнат шартномаси бекор қилинганда ходимга фойдаланилмаган барча йиллик асосий ва қўшимча таътиллар учун пуллик компенсация тўланиши кўрсатилган.

Шунга кўра, Зомин туман адлия бўлими томонидан тегишли ҳужжатлар тўпланиб, Ўзбекистон Республикаси ФПКнинг 188-189-моддалари, Меҳнат кодексининг 151, 274-моддалари, “Давлат божи тўғрисида”ги Қонуннинг 8-моддаси, ҳамда Адлия вазирлиги тўғрисидаги Низомга асосан ФИБ Зарбдор туманлараро судига даъво аризаси киритиши таъминланган. Мазкур даъво аризалар асосида 42 нафар ходимларга 62 374 000 сўм пул маблағлари ундирилиши таъминланди.

Нодир Ўразалиев

Зомин туман адлия бўлими

етакчи маслаҳатчиси