Yangiliklar

Seminar-trening tashkil etildi.

Umumjamoaviy ruhni oshirish va oʻzaro munosabatlarini yanada yaxshilash maqsadida joriy yilning 14-iyun kunida psixolog bilan seminar-trening tashkil etildi.

Ushbu seminar-treningda Jizzax viloyati yuridik texnikumi psixologi D.Dauronova tomonidan qiziqarli testlar va trening mashgʻulotlari tashkil etildi.

Pilla xirmonida fermerlar bilan uchrashuv tashkil etildi.

“Fermerga madad” huquqiy aksiyasi doirasida Forish tumanda xududda faoliyat yuritayotgan fermer hoʻjaliklari rahbarlari bilan uchrashuv tashkil qilindi. Tadbir davomida yigʻilganlar dastlab sohaga oid qonun xujjatlarining mazmuni bilan tanishtirildi.

Aksiya doirasida fermerlarga adliya boshqarmasi tomonidan tashkil etilgan telegram messenjeridagi “Fermer va adliya” guruxiga aʼzo boʻlishlari tavsiya etildi va bu bilan qonunchilikdagi yangiliklardan xabardor boʻlishlari, mazkur ijtimoiy tarmoq ooqali murojaat yoʻllashlari ham mumkinligi tushuntirildi.

Uchrashuvda ikki nafar fermer xoʻjaliklari rahbarlariga muammoli masalalari yuzasidan tegishli tavsiya va huquqiy maslahatlar berilgan boʻlsa, ikki nafar fermer xoʻjaliklarining murojaatlari ish yurituviga qabul qilindi.

“Fermerga madad” huquqiy aksiyasi doirasida samarali loyihalar amalga oshirilmoqda

Har bir tashabbus zamirida inson manfaati, yurt tinligi va xalq roziligi mujassam boʻlsagina uning koʻlami oʻz-oʻzidan kengayib boraveradi. “Fermerga madad” huquqiy aksiyasi doirasida amalga oshirilayotgan turli yoʻnalishdagi tadbirlar ham barcha fermerlarga yaqindan yordam berish, ular faoliyatida yuzaga kelayotgan toʻsiq va kamchiliklarni aniqlash, shu orqali maqsadli va samarali koʻmak koʻrsatish, bu bilan esa yurt farovonligi, insonlarning yashash sifati darajasini oshishiga erishishni maqsad qilgan. Bu borada ular bilan yuzma-yuz muloqat oʻrnatish, yaqindan tanishish, barcha muammolarni ularning oʻzidan tinglash eng yaxshi natijani berishga qodir. Shu maqsadda tashkil etilayotgan uchrashuvlar Jizzax viloyatining barcha tumanlarida davom etmoqda. Paxtakor tumanida oʻtkazilgan uchrashuvda ham fermerlar murojaatlariga quloq tutildi.

12 nafar fermer hoʻjaligi rahbarlari ishtirok etgan uchrashuvda 4 nafar fermerlarning murojaatlari ish yurituviga qabul qilinib, muammolarni vaqtida hal etish choralari oʻrganildi.

“Fermerga madad” huquqiy aksiyasi — murojaatlar yechimiga zamin

Jizzax viloyat adliya boshqarmasi tomonidan “Fermerga madad” huquqiy aksiyasi doirasida hududlardagi fermerlar bilan davra suhbatlari tashkil etilmoqda. Yuzma-yuz muloqatlar jarayonida ular  faoliyatini amalga oshirishda duch kelayotgan toʻsiq va muammoli holatlarni bartaraf etish maqsad qidib olingan.

Shu bilan birga, fermerlarning murojaatlarini oʻrganishning alohida tartibi joriy etildi.

Jizzax viloyat adliya boshqarmasi boshligʻi Sh.Saidov tomonidan joriy yilning 9-iyun kuni Arnasoy va Sh.Rashidov tumanlarida ana shunday uchrashuv tashkil etildi.

Shuningdek, mazkur hududdagi fermer xoʻjaligi rahbarlariga sohaga oid normativ-huquqiy hujjatlarning mazmun-mohiyati tushuntirildi hamda tadbirda ishtirok etgan 3 nafar fermer xoʻjaliklarining muammolari eshitilib, tegishli tashkilotlar bilan birgalikda amaliy yordam koʻrsatilishi taʼminlandi. Bu kabi ishlar adliya boshqarmasi tomonidan muntazam davom ettirib boriladi.

Jizzaxda “Yangi Oʻzbekiston yoshlari, birlashaylik!” shiori ostida boʻlib oʻtayotgan festivalda Adliya boshqarmasi ham munosib ishtirok etmoqda

“Yangi Oʻzbekiston yoshlari, birlashaylik!” shiori ostida oʻtkazilayotgan ommaviy tadbir bugun Jizzax yoshlarini shahar markazidagi Oʻrda ekologik bogʻida birlashtirdi.

Yoshlar oyligi doirasida ularning boʻsh vaqtlarini samarali tashkil etish maqsadida uyushtirilgan “Yoshlar festivali”  koʻtarinki karnay-surnay sadolari bilan koʻtarinki ruxda boshlandi.

Festivaldan koʻzlangan asosiy maqsad Prezidentimiz tomonidan ilgari surilgan beshta muhim tashabbus mohiyatini yoshlar ongiga yanada singdirish , isteʼdodli yoshlarni ragʻbatlantirish va eng asosiysi uyushmagan yoshlarning boʻsh vaqtlarini mazmunli tashkil etishdir.

Festival doirasida koʻplab koʻrik tanlovlar, koʻngilochar dasturlar, intelektual salohiyatni oshiruvchi loyihalar, sport oʻyinlarini oʻtkazilmoqda.

Shahrimiz markazidagi Oʻrda ekologik bogʻida boʻlib oʻtayotgan festival davomida yosh hunarmandlarning  oʻzlari qoʻl mehnati bilan yaratgan mahsulotlari koʻrgazmasi ham namoyish etildi.

Yurtimiz koʻp millatli xalq. Viloyatimiz aholisi orasida qozoq, qirgʻiz, tojik, rus millatiga mansub yurtdoshlarimiz talaygina. Qardosh xalqlarga xurmat-eʼtibor koʻrsatish xalqimizga xos hususiyatlardan biri albatta. Festival doirasi shunday xurmat va eʼtiborni aks ettirgan qardosh xalqlar urf-odatlari, milliy liboslari va raqslari koʻrgazmali chiqishlar namoyish etildi.

Adliya faoliyati bilan festival ishtirokchilarini yaqindan tanishtirib, ularning huquqiy savodxonligini oshiruvchi viktorinalar turli hil aql charxlovchi oʻyinlar tashkil etildi. Viktorinalarda gʻolib chiqqan yoshlar estalik sovgʻalari bilan taqdirlandi.

Jizzax viloyat Adliya boshqarmasa targʻibot boʻlimi

Yangi Oʻzbekiston yoshlari, birlashaylik

Jizzax viloyatida koʻtarinki rux va katta shodiyona tariqasida tashkil etilayotgan yoshlar festivali barcha oʻgʻil-qizlarni bir maqsad, ulkan marralar sari birlashtira oldi. “Oʻrda” ekologik bogʻi sport, sanʼat, adabiyot, fan va texnika sohasidagi yangiliklar aks etgan koʻrgazmalarga, badiiy chiqishlarga 2 kun davomida mezbonlik qiladi.

Jizzax viloyat adliya boshqarmasi ham mazkur tadbirda munosib ishtirok etmoqda. Jizzax yuridik texnikumi oʻqituvchi va oʻquvchilaridan tashkil topgan “Yangi Oʻzbekiston huquqshunos yoshlari” festivalda huquq olamidagi barcha yangiliklarni namoyish etishlari, yoshlarning huquqiy ongi va huquqiy madaniyatini oshirish yoʻlidagi harakatlari bilan munosib oʻringa ega boʻlib turishibdi.

Bugungi zamon yoshlarining aynan huquq sohasiga qiziqayotganligini hayotimizning har jabhasida huquqiy bilimlarning nihoyatda zurur boʻlib borayotganligi bilan eʼtirof etish mumkin. Shunday ekan festivaldan joy olgan huquqshunoslar burchagi va soha xodimlari oʻz bilimlarini mustahkamlamoqchi boʻlgan, qonunchilik yangiliklaridan habardor boʻlishni hoxlagan yoshlardan oʻz yordamini ayamaydi.

Adliya aralashgach fuqaroning murojaati hal etildi.

Doʻstlik tuman adliya boʻlimi tumandagi A.Navoiy MFY, Gʻishtkoʻprik koʻchasi 46-uyda yashovchi fuqaro T.Raximovning elektr energiyasi uchun toʻlangan toʻlovlar abanent xisob raqamiga tushirilmaganligidan norozi boʻlib qilgan murojaati kelib tushgan.

Murojaat yuzasidan oʻtkazilgan oʻrganish jarayonida, fuqaro T.Raximovning turmush oʻrtogʻi S.Raximova aynan shu masalada 2020-yilda Doʻstlik tuman elektr taʼminoti korxonasi qilgan murojaati tashkilot tomonidan oʻrganilganda fuqaroning elektr energiyasi uchun toʻlagan toʻlovlari PK “Elektrhisob” dasturiga notoʻgʻri xatlov qilinishi natijasida 3597 kVt kam kiritilganligi aniqlangan boʻlib, avgust oyida xatlov qilish yoʻli bilan toʻgʻirlab berilishi fuqaroga tushintirilgan.

 Biroq, avgust oyida toʻgʻirlab berilmaganligi sababli T.Raximov dekabr oyida ushbu masala yuzasidan murojaat qiladi. Murojaat Doʻstlik tuman elektr taʼminoti korxonasi tomonidan 2016-2017-yillarda toʻlagan toʻlov pattalari PK “Elektrhisob” dasturiga texnik sabablarga koʻra kiritilmaganligi aniqlandi.

 Doʻstlik tuman adliya boʻlimi tomonidan mazkur holatlarni bartaraf etish va kelgusida bu kabi holatlarni oldini olish maqsadadi taqdimnoma kiritilgan.

Mazkur taqdimnoma natijasi boʻyicha fuqaro T.Raximovning PK “Elektrhisob” dasturiga kiritilmay qolgan toʻlov pattalarini dasturga kiritilishi hamda qaytadan xisob-kitob ishlari amalga oshirilib, murojaat toʻliq qanoatlantirildi.

Jizzax viloyat adliya boshqarmasi

“Fermerga madad” masofadan ham berib boriladi.

Ijtimoiy tarmoq imkoniyatlaridan samarali foydalanish yangicha ishlash uslubining yana bir muhim yoʻnalishiga aylanib ulgurdi. Ayniqsa huquqiy ong va huquqiy madaniyatni yuksaltirish yoʻlida bu tajriba yaxshi natija bermoqda. Buni Jizzax viloyat adliya boshqarmasining “Fermerga madad” huquqiy aksiyasi doirasida tashkil etilgan telegram messenjerdagi “Fermer va adliya” guruxi misolida ham yaqqol ayta olamiz. Ayni paytda mazkur elektron maydonga viloyatdagi barcha fermerlik faoliyati bilan shugʻullanayotgan yurtdoshlarimiz jam boʻlmoqda.

Endilikda fermer xoʻjaliklarining muammolarini aniqlash maqsadida muntazam ravishda soʻrovnomalar oʻtkazib boriladi va shu orqali ularga huquqiy maslahat hamda koʻmak beriladi. Soha rivoji yoʻlida qonunchilikka takliflar bevosita oʻsha soha vakillaridan olinadi, eng muhimi tajriba almashiladi, muhokamalar va mulohazalar oʻrtaga tashlanadi. Vaqt va masofa tanlamaydigan bu elektron maydon ayni paytda yumushlari koʻpaygan, mavsum pallasida mehnati ortgan har bir fermerga murojaat qilishi uchun ayni muddaodir.

Bolalar huquqini taʼminlash davlatimizning doimiy eʼtiborida

Bugungi kunda yurtimizda bolalarni ijtimoiy, iqtisodiy, huquqiy, maʼnaviy jihatdan himoya qilish boʻyicha juda koʻplab ishlar amalga oshirilmoqda. Xususan, mamlakatimizda bolalar huquqlarini himoya qilish boʻyicha tegishli huquqiy baza shakllangan desak hech mubolagʻa boʻlmaydi. Jumladan, Oʻzbekiston Respublikasining Konstitutsiyasi, Oila kodeksi, Fuqarolik kodeksi, Mehnat kodeksi, Jinoyat kodeksi va boshqa bir qator qonun hujjatlarida bolalar huquqlarini himoya qilishga oid normalar oʻz ifodasini topgan.

Yana bir jixat, ijtimoiy himoyaga muxtoj, boquvchisini yoʻqotgan bolalarni muxofazalash davlat siyosatining ustuvor yunalishlaridan sanaladi.

Shu manoda joriy yilda mukammal taʼmirlangan Jizzax shahridagi 29- mexribonlik uyi “Mening baxtli uyim” nomi ostida tarbiyalanuvchilar uchun barcha imkoniyatlar eshigini ochdi.

1-iyun “Xalqaro bolalarni himoya qilish kuni” munosabati bilan Jizzax viloyat adliya boshqarmasi vakillari mazkur maskanga tashrif buyurib, bolalar bilan dildan suxbatlashdi va bolajonlar uchun sovgʻa sifatida badiiy kitoblar oʻquv qurollari topshirishdi.

Darvoqe, adliya boshqarmasi shu kunga qadar ham tarbiyalanuvchilar uchun oʻz yordamini berib kelmoqda. Masalan boshqarma tomonidan oʻrta maxsus talim muassasalarida taʼlim olayotgan oʻgʻil-qizlardan bir necha nafarining kontarkt toʻlovlari toʻlab berilgan. 

Bayram munosabati bilan oʻtkazilgan uchrashuvda mutaxassislar tomonidan bolalar huquqlari, voyaga yetmagan shaxslar toʻgʻrisida zaruriy huquqiy malumotlar yetkazildi.

Mexribonlik uyida iqtidorli yoshlar koʻp. Ular oʻz qiziqishi va layoqati bilan turli yoʻnalishlarda yutuqlarga erishib kelmoqda. Uchrashuvda ana shunday yoshlarga adliya boshqarmasining  estalik sovgʻalari topshirildi.

Jizzax viloyat Adliya boshqarmasi targʻibot boʻlimi

Xamkorlikdagi sayyor qabul - muammolarga tezkor yechim

Jizzax viloyat adliya boshqarmasi boshligʻining tuman shahar hokimlari bilan birgalikda fuqarolarni sayyor qabul qilish kelishuvi va reja jadvali tasdiqlandi. Bundan koʻzlangan asosiy maqsad fuqarolar tomonidan koʻtarilgan tuman va viloyat darajasidagi muammoli masalalarni tezkorlikda joyida hal etishdan iboratdir. Ushbu rejaga asosan joriy yil 26-may kuni Baxmal tumani Barlos QFYda bunday sayyor qabul oʻtkazildi.

Ushbu sayyor qabulda tuman hokimi va tumandagi tegishli mutasaddi tashkilot rahbarlari ham ishtirok etdi.

Oʻtkazilgan sayyor qabul davomida jami 16 nafar fuqarolardan murojaatlar qabul qilinib, shundan 7 tasi joyida hal qilindi. 9 nafar fuqarolarning murojaatlari boʻyicha boshqarmaning tarkibiy boʻlinmalari hamda tegishli mutasaddi tashkilotlarga koʻrsatmalar berilib ijrosi nazoratga olindi.