Yangiliklar

"Darakchi" gazetasining navbatdagi sonida Jizzax viloyat adliya boshqarmasi Inson resurslari bo'limi bosh maslahatchisi Sherzod Qaynarovning "Yer uchastkalarini rasmiylashtirish tugatildimi?" nomli maqolasi chop etildi.

Mamlakatimizda inson manfaatlari oliy qadriyat darajasiga koʻtarildi. Bugun barcha davlat idoralari faoliyatida aholining murojaatlari bilan ishlash boʻyicha sifat jihatidan mutlaqo yangi tizim yaratildi. Joylarda oʻtayotgan sayyor qabullar xalqning dardini eshitish, ularning muammolarini hal etishda, shak-shubhasiz, kutilgan natijalarni bermoqda.
Shu jumladan, Jizzax viloyati adliya boshqarmasi tomonidan tasdiqlangan Jismoniy va yuridik shaxslarning vakillarini qabul qilish bo‘yicha reja-grafikka asosan Mirzacho‘l tumani Paxtazor SHFYda Jizzax viloyat adliya boshqarmasi boshlig‘i o‘rinbosari S.Raximov tomonidan sayyor qabul tashkil etilib shu hududda yashovchi fuqarolarning murojaatlari tinglandi.
Sayyor qabul davomida ko'plab fuqarolarning murojaatlari tinglandi. Murojaatlarning asosiy qismi huquqiy savodxonlikning yetishmasligi oqibatida yuzaga kelmoqda. Shu sabab har bir masalaga huquqiy tushuntirish berish, yo'l-yo'riq ko'rsatish orqali ham ularni bartaraf etish mumkin. Shu sabab dastlab eng ko'p murojaat kelib tushadigan masalalarni tartibga solib beruvchi qonun hujjatlari yuzasidan ma'lumotlar berib o'tildi.
Yechimi vaqt talab etadigan masalalar ish yurituviga olindi, mutasaddilar bilan birgalikda yechimini ta'minlash borasida ishlar tashkil etiladi.

Korrupsiya haqqiqatan ham davr muammosidir. Har bir mamlakat rivojlanishi, taraqqiy etishi, rivojlangan mamalakatlar qatoridan joy olishi uchun albatta, bu muammodan qutulishi lozim. Shu sababdan, joriy yilning 13-dekabr kuni Jizzax viloyat maktabgacha ta'lim boshqarmasida jizzax viloyat adliya boshqarmasi, Maktabgacha taʼlim vazirligi, Jizzax viloyati prokuraturasi, viloyat IIB va qator tashkilotlar hamkorligida "Biz korrupsiyaga qarshimiz" mavzusi doirasida davra suhbati tashkil etildi. Tadbirda mamlakatimizda korrupsiyaga qarshi keskin va murosasiz kurash olib borilayotganligi, xususan, “Korrupsiyaga qarshi kurashish toʻgʻrisida”gi Qonunning qabul qilinganligi, shuningdek Korrupsiyaga qarshi kurashish boʻyicha respublika komissiyasining tashkil etilgani, korrupsiyaga qarshi kurashish boʻyicha Davlat dasturining tasdiqlangani yurtimizda korrupsiya bilan bogʻliq huquqbuzarliklarning oldini olishga qaratilgan chora-tadbirlardan ekanligi aholiga tushuntirib o'tildi. Seminar davomida fuqarolar mas'ul xodimlardan o'zlari qiziqan savolarga ham javob olishdi.



/Jamoatchilik bilan aloqalar bo'limi/

Hozirgi globallashuv davrida korrupsiya jamiyatni ich-ichidan yemirib, oxir-oqibat tanazzulga eltuvchi xavfli bir illat hisoblanadi.                                                                  

Shu bois mamlakatimizda korrupsiyaga qarshi keskin va murosasiz kurash olib borilmoqda. Xususan, “Korrupsiyaga qarshi kurashish to‘g‘risida”gi qonunning qabul qilingani, shuningdek, korrupsiyaga qarshi kurashish agentligining tashkil etilishi va korrupsiyaga qarshi kurashish bo‘yicha davlat dasturining tasdiqlanishi jamiyatimizda bu illat bilan bog‘liq huquqbuzarliklarning oldini olishga qaratilgan qator chora-tadbirlarni samarali amalga oshirishda muhim o‘rin tutadi.

Forish tuman adliya bo‘limi tomonidan  Xalqaro korrupsiyaga qarshi kurash kuni munosabati bilan  “ Korrupsiya taraqqiyotimiz kushandasi” mavzusida tadbir bo‘lib o‘tdi.                                                        

Oʻzbekiston Milliy universiteti Jizzax filialida 9-dekabr "Korrupsiyaga qarshi kurashish" kuni munosabati bilan davra suhbati tashkil etildi.

Tadbirda Jizzax viloyati Adliya boshqarmasi bosh maslaxatchisi   Sulaymonov Shuhrat ishtirok etib talabalarga bugungi kundagi korrupsiyaning oldini olish maqsadida qanday choralar ko'rilayotganligi haqida tushunchalar berib o'tdilar.

Tadbir yakunida 9-dekabr "Korrupsiyaga qarshi kurashish" kuni munosabati bilan o'tkazilgan Insholar  hamda Rasmlar tanlovining g'olib va sovrindorlari munosib taqdirlandilar.

Zomin tuman Adliya bo'limi tomonidan Zomin tumani “Qo'shtol” MFY Qangli qishlog'ida yashovchi 1959 yilda tug'ilgan fuqaro Mamanazarov Tursunboy Bozorboevichning hozirgi kunga qadar fuqarolik pasporti olmaganligini ma'lum qilib, ushbu masalada amaliy yordam so'rab yo'llagan murojaati o'rganib chiqildi. Uning fuqarolik pasportini olish haqida turli idoralarga yo'lgan murojaati rad etib kelingan.
Zomin tuman Adliya bo'limining bevosita aralashuvi bilan holat har tomonlama, to'liq va xolisona o'rganilib, fuqaro T.Mamanazarovning manfaatida tug'ilganlik faktini belgilash haqida fuqarolik ishlari bo'yicha Zarbdor tumanlararo sudiga da'vo arizasi kiritildi. Mazkur murojaatni o'rganib chiqish natijasiga ko'ra fuqaro Mamanazarov Tursunboy Bozorboevichga fuqarolik pasporti olib berilishi ta'minlanib, uning yillar davomida hal etilmasdan kelayotgan muammosi qonuniy hal etilishi ta'minlandi.

Jizzax viloyat teleradiokompaniyasi FM 105,5 hamda 106.2 toʻlqinlarida O'zbekiston Respublikasi Konstitutsiyasining 30 yilligi munosabati bilan Jizzax viloyat adliya boshqarmasi tomonidan "Huquqiy viktorina"  tashkil etildi.

Shuningdek,  Jizzax viloyat adliya boshqarmasi mas'ul hodimi Sh.Sulaymonov  konstitutsiyaviy bilimlarni tinglovchilar bilan o'rtoqlashdi.

O'zbekiston Respublikasi Konstitutsiyasi qabul qilingan kun munosabati bilan aholi orasida o'tkazilayotgan tadbirlarning eng samaralisi jonli muloqotlar va noodatiy loyihalarni amalga oshirish hisoblanadi. Jizzax viloyat adliya boshqarmasi tomonidan aholi gavjum joylarda "Bilasizmi" loyihasi doirasida tashkil etilgan tadbirlar yurtdoshlarimiz uchun ham qiziqarli ham foydali bo'ldi.

Viktorina savollari Konstitutsiyamizda belgilab qo'yilgan moddalar mazmun-mohiyati yuzasidan tuzilgan bo'lib, fuqarolarimiz ulardan qay darajada xabardor ekanliklari sinovdan o'tkazildi.

Ishtirokchilarga hozirlangan sovg'alar ichida aynan Konstitutsiya kitobining borligi, uni har bir oilaga kirib borishiga erishish kabi maqsadni ro'yobga chiqaradi.

E'tibor va e'tirof insonni yanada ruhlantirib, yangi marralar va zafarlar sari undovchi kuchdir. Jamoada yoshlarni rag'batlantirish orqali ularning bilimi, shijoati, yangilikka intilishi, zamonaviy g'oyalaridan yanada samarali foydalanish mumkin. Bu esa ularda ertangi kunga bo'lgan ishonch, o'z kasbiga bo'lgan mehr xissining yanada oshishiga ham xizmat qiladi.

Jizzax viloyat adliya tizimida ishlayotgan bir guruh yosh xodimlarning ota-onalariga O'zbekiston Respublikasi Konstitusiyasi qabul qilingan kun munosabati bilan boshqarma boshlig'ining tashakkurnomasi yo'llandi.

Tashakkurnomada quyidagi iliq fikrlar mavjud:
Bilimli va salohiyatli kadrlar har bir soha uchun nihoyatda zarur. O'z kasbiga sadoqat esa bugun adliya tizimiga kirib kelayotgan yoshlar uchun eng kerakli fazilat bo'lmog'i lozim. Sababi adliya qadriyatlari shunday! Bu tizimda ilm, intilish, mas'uliyat, shijoat, mehnat, fidoiylik kabi jihatlar yuksak darajada qadrlanadi, e'tirof etiladi.
Sizning farzandinggiz ham o'z faoliyati davomida mana shunday jonkuyarlik, o'z kasbiga sadoqat, vatanparvarlik kabi fazilatlari bilan boshqalarga o'rnak bo'lmoqda. Mamlakatimiz taraqqiyoti, soha rivoji uchun o'z bilimini ayamay xizmat qilayotgan farzand tarbiyalaganingiz uchun
Sizga katta rahmat!

O‘zbeksiton XDP Jizzax viloyat Kengashi tomonidan Jizzax politexnika institutida “Konstitusiya yoshlar nigohida” shiori ostida tadbir tashkil etildi.                                                                                              

Tadbirda O‘zbekiston XDP Jizzax viloyat Kengashi, Jizzax shahar Adliya bo‘limi mutahasisi hamda yoshlar ishtirok etdi. Konstitusiya taraqqiyotimizning bosh qomusidir. U sabab har bir fuqaro o‘z haq-huquqlarini bilib yashaydi. Bu yil O‘zbekiston Respublikasi Konstitusiyasi qabul qilinganiga 30 yil to‘ldi. Shu munosabat bilan joylarda turli tadbirlar ko‘tarinki ruhda tashkil etib kelinmoqda.