Yangiliklar

Mirzachoʻl tumanida istiqomat qiluvchi fuqaro O.Xalilovaning shikoyat arizasi bilan tuman adliya boʻlimiga qilgan yozma murojaati oʻrganib chiqilgan. 
2020-yilning 4-noyabr kuni Mirzachoʻl tuman adliya boʻlimi xodimlari tomonidan AT “Xalq banki” Mirzachoʻl tuman filialida “Mehnat organlariga boʻsh ish joylari (vakant lavozimlar) mavjudligi toʻgʻrisida va moʻljallanayotgan xodimlar ishdan ozod etilishi toʻgʻrisidagi maʼlumotlarni taqdim etish tartibi haqida”gi (22.12.1999-yil, roʻyxat raqam 858-son) Nizom talablariga rioya etilishi holati monitoring qilindi.
Filial tomonidan boʻsh ish joylari toʻgʻrisidagi maʼlumotlarni Aholini ish bilan taʼminlashga koʻmaklashish va ijtimoiy muhofaza qilish markaziga oʻz vaqtida taqdim etmaslik hamda boʻsh ish oʻrinlarini yashirishda ifodalangan qonunbuzilish holatlariga yoʻl qoʻyib, mehnat toʻgʻrisidagi qonun hujjatlariga zid ravishda ish yuritganligi aniqlandi.
Xususan, “Mehnat organlariga boʻsh ish joylari (vakant lavozimlar) mavjudligi toʻgʻrisida va moʻljallanayotgan xodimlar ishdan ozod etilishi toʻgʻrisidagi maʼlumotlarni taqdim etish tartibi haqida”gi Nizomning 4-bandida boʻsh ish joylari toʻgʻrisidagi maʼlumotlar Aholini ish bilan taʼminlashga koʻmaklashish va ijtimoiy muhofaza qilish markaziga har oyning 5 sanasigacha, Nizomning 2-ilovasidagi shaklga koʻra hisobot oyining 30 (31) kun holatiga taqdim etilishi belgilangan. Shunday boʻlsada, filialning 2020-yil fevral oyi boʻsh ish joylari toʻgʻrisidagi maʼlumotlari tuman Aholini ish bilan taʼminlashga koʻmaklashish va ijtimoiy muhofaza qilish markaziga taqdim etilmagan.
Shuningdek, 2020-yilning yanvar, fevral, may, iyun, sentyabr, oktyabr va noyabr oylarida mavjud boʻlgan ish oʻrinlari Aholini ish bilan taʼminlashga koʻmaklashish va ijtimoiy muhofaza qilish markaziga taqdim etilmagan. Xususan, 2019-yilning 4-dekabr va 2020-yilning 4-yanvar kunlari ABKM ga taqdim etilgan maʼlumotlarda boʻsh ish oʻrni mavjud emasligi koʻrsatilgan boʻlsada, filialning buyruqlarni roʻyxatga olish daftarida 2020-yilning 21-yanvar kuni Dexqonov Xursanboy Davlatovichning “Aktivlar monitoringi va muammoli aktivlar bilan ishlash boʻlimi bosh mutaxassisi” lavozimiga ishga qabul qilinganligi aniqlangan. 
Shuningdek, filialning buyruqlarni roʻyxatga olish daftarida 2020-yil 10-fevral kuni Djurayev Oʻtkir Gʻulomjonovich 09-kb son buyruq bilan bosh yuriskonsult lavozimiga, 2020-yilning 24-fevral kuni Suyarov Ilxom Nasriddinovich 12-kb son buyruq bilan “Ichki nazorat xizmati menedjeri” lavozimiga ishga qabul qilinganligi belgilangan boʻlsada, AT “Xalq banki” Mirzachoʻl tuman filiali mansabdor shaxslari belgilangan tartibda ABKM ga boʻsh ish oʻrinlari toʻgʻrisidagi maʼlumotni taqdim etmasdan Oʻzbekiston Respublikasi Maʼmuriy javobgarlik toʻgʻrisidagi Kodeksning 229-moddasida nazarda tutilgan huquqbuzarliklarni sodir etganligi aniqlanib,(Yuqoridagi qonunbuzilish holatlari yana 8 ta holatda takrorlangan) AT “Xalq banki” Mirzachoʻl tuman filiali mansabdorlarining harakatlariga huquqiy baho berish yuzasidan ABKM ga maʼmuriy taklif yuborilgan.
Natijada, fuqaro O.Halilovaga tadbirkorlik faoliyatini amalga oshirish uchun 03/847-son bilan 12 million soʻm kredit ajratilib, joriy yilning         24-dekabr kuni Davlat mehnat huquqi inspektori tomonidan AT Xalq banki Mirzachoʻl tuman filiali boshqaruvchisi Koʻchatov Akmalga  BHM 10 barobari miqdorida maʼmuriy jarima qoʻllanildi.

O'zbekiston yoshlar ittifoqi Jizzax viloyat Kengashi tashabbusi bilan, homiy va hamkor tashkilotlar bilan birgalikda "Yoshlar archasi" hamda "Mehrli yurak" hayriya loyihasining taqdimot marosimi bo'lib o'tdi. Maskur loyihada Jizzax viloyat adliya boshqarmasi ham bolajonlarga atalgan sovg'alari bilan ishtirok etdi. Bola huquqlari kafolatlangan yurtimizda ularning ijtimoiy himoyasiga ham davlat siyosatining ustuvor vazifasi sifatida e'tibor qaratiladi.

"Mehrli yurak" hayriya loyihasida 100 nafardan ortiq bolajonlarga homiy tashkilotlar va saxovatpesha insonlar tomonidan issiq kiyimlar beg'araz, sovg'a tariqasida topshirildi.

"Yoshlar archasi"da san'atkorlarning kuy qo'shiqlari bolajonlarga yuqori kayfiyat bag'ishladi! Endilikda "Mehrli yurak" loyihasi viloyatning har bir tumanida tashkil etilishi kelishib olindi.

Жиззах вилоят адлия бошқармаси бошлиғи томонидан тасдиқланган жисмоний ва юридик шахсларнинг вакилларини сайёр қабул қилиш бўйича режасига асосан бошқарма бошлиғининг биринчи ўринбосари Э.Махаммадиев томонидан 2020 йил 19 декабрь куни Зомин туманининг энг чекка қишлоқларидан бўлган "Дуоба" ҚФЙда сайёр қабул ўтказилди. Қабул жараёнида 22 нафар фуқароларнинг мурожаатлари тингланди.

Мурожаатларнинг аксарияти қиш мавсуми муаммолари билан боғлиқ бўлиб, суюлтирилган газ, электр энергияси таъминоти бўйича камчиликларни бартараф этиш борасида амалий ёрдам сўрашган. 14 нафар фуқароларга кадаср, кредит олиш тартиби, нафақа, моддий ёрдам ва шу каби масалаларда ҳуқуқий тушунтиришлар берилди. Қолган мурожаатлар иш юритувига қабул қилиниб, ижобий ечим топишида амалий ёрдам берилиши режалаштирилди.

Шароф Рашидов туман адлия бўлими, Бош вазир қабулхонаси туман бўлими ҳамда мутасадди ташкилотлар иштирокида "Адлия тадбиркорга дўст" лойиҳаси доирасида тумандаги тадбиркорлар билан учрашув ташкил этилди. Унда товар белгисининг тадбиркорлик фаолиятидаги ўрни ва самараси, товар белгиларидан ноқонуний фойдаланиш ҳолатларига барҳам бериш борасида сўз борди. Қонунчиликдаги янгиликлар ва ўзгаришлар, белгиланган имтиёзлар ва имкониятлар батафсил тушунтирилди.
Шу билан бирга тадбиркорлик субъектларининг жойига чиқилиб улар билан юзма-юз кўришган холда манзилли тарғибот тадбирлари ташкил этилди. Тадбиркорларга ҳуқуқий маслаҳатлар берилди.

Коррупция иллати мамлакатни пароканда қилади. Шу сабаб тараққиётга эришишнинг энг тўғри ва қисқа йўли сифатида адолат, шаффофлик, тўғрилик эътироф этилади. Биз бугун бу борада қонунчиликни мустаҳкамлаш билан бирга, инсонлар онгида энг эзгу ғоялар, фикрлар ва муносабатларга бевосита салбий тасир ўтказаётган, худди ўпқон мисоли ён-атрофидаги барча фойдали амалларни ўз домига тортаётган бу иллатнинг томирини юлиб ташламас эканмиз, мақсадимизга эришишимиз мушкул. Бунинг учун эса халқимиз айниқса ёшлар онгида коррупцияга муросасизлик туйғусини шакллантириш лозим.



Жиззах шаҳридаги "Умид" ихтисослашган мактаб интернатида бўлиб ўтган тадбирда адлия бошқармаси ходимлари иштирок этиб, қонунчиликдаги янгиликлар, коррупцияга қарши кураш борасида сўнги пайтда олиб борилаётган кенг кўламли ислохотлар, ўзгаришлар хусусида тушунча берди. Ўқувчиларга коррупция иллати, унинг аянчли оқибатлари акс эттирилган видеоролик намойиш этилди. Бирор-бир ҳаракатни бажаришдан олдин унинг оқибати ҳақида чуқурроқ мулоҳаза қилиш лозимлиги таъкидланди.

Жиззах вилоят телерадиокомпанияси орқали эфирга узатиладиган "ТВ шарх" кўрсатуви Ўзбекистон Республикасининг “Васийлик ва ҳомийлик тўғрисида"ги Қонуни мазмун-моҳиятига бағишланди. Ушбу кўрсатув 20 декабрь куни соат 19:30 да эфирга узатилади.

Адлия бошқармасининг 2020 йил 26 ноябрь кунги 1-13/13-8//4510-сонли топшириқ хати ижросини таъминлаш мақсадида 2020 йилнинг 30 ноябрь куни Мирзачўл туман адлия бўлими томонидан Мирзачўл туман ҳокимлиги молия бўлимида мониторинг ўтказилди. Ўтказилган мониторингда, Мирзачўл туман фермер хўжаликлари бухгалтерия ҳисоботини юритиш маркази ходимларига ҳақдорликлари тўлиқ молиялаштирилмаганлиги аниқланди ва молия бўлимига адлия бўлими томонидан 2020 йилнинг 30 ноябрь куни 1-25/71/348-сонли талабнома-хат киритилган.

Адлия бўлимининг ушбу талабномаси ижросини таъминлаш мақсадида, 2020 йилнинг 30 ноябрь - 4 декабрь кунлари туман ҳокимлиги молия бўлими томонидан Мирзачўл туман фермер хўжаликлари бухгалтерия ҳисоботини юритиш маркази ходимларига 170,034,602 (Бир юз етмиш миллион ўттиз тўрт минг олти юз икки) сўм ҳақдорликлари тўлиқ тўлаб берилди.

Жиззах вилояти адлия бошқармаси соғлиқни сақлаш соҳасида фаолият юритаётган нодавлат нотижорат ташкилотлари вакиллари билан “Нодавлат нотижорат ташкилотларнинг коррупцияга қарши курашишда иштирок этишининг ҳуқуқий асослари” мавзусида навбатдаги давра суҳбатини ўтказди.

Тадбирда вилоят прокуратураси, вилоят ИИБ ва вилоят соғлиқни сақлаш бошқармаси масъул раҳбарлари ҳамда ННТ соҳасида фаолият юритаётган ходимлар иштирок этишди.

Тадбирда соҳада фаолият олиб бораётган нодавлат нотижорат ташкилотларининг коррупцияга қарши курашишда иштирок этиши даражаси ва бу билан боғлиқ равишда жамоатчилик назоратини амалга оширишни кучайтириш масалалари мухокама қилинди ҳамда келгусида бажарилиши лозим бўлган вазифалар белгилаб олинди.

Иштирокчилар томонидан коррупциянинг салбий оқибатларидан аҳоли хабардорлигини ошириш, ёшларда бу иллатга қарши муросасизлик туйғусини шакллантиришда қайси усул ва воситалардан фойдаланилса самаралироқ бўлиши юзасидан таклиф ва тавсиялар берилди.

Зафаробод туман адлия бўлимига “Аброр Элёр қурилиш” МЧЖ рахбари Э.Худёров томонидан ободонлаштириш учун бажарилган ишларнинг пули тўлаб берилмаётганлиги ҳақидаги шикоят келиб тушган. Тақдим этилган ҳужжатларга кўра, “Аброр Элёр қурилиш” МЧЖ билан Зафаробод туман хокимлиги ўртасида 2019 йил 25 июлда пудрат шартномаси қиймати 1.418.744.535 сўмлик ишларни бажариш ҳақидаги шартнома тузилган.

“Аброр Элёр қурилиш” МЧЖ бажарилган ишларининг тўланмай қолган 344.389.200 сўм қарздорлигини тўлаш тўғрисида ҳокимликка ёзма равишда 2 маротаба талабномалар юборганлигига қарамай, қарздорликни шартнома шартларида кўрсатилган тартибда тўламасдан келмоқда. 

 Ўзбекистон Республикаси “Хўжалик юритувчи субъектлар фаолиятининг шартномавий-ҳуқуқий базаси тўғрисида”ги Қонунининг 32-моддаси 2-қисмида “Етказиб берилган товарлар (ишлар, хизматлар) ҳақини ўз вақтида тўламаганлик учун сотиб олувчи (буюртмачи) етказиб берувчига ўтказиб юборилган ҳар бир кун учун кечиктирилган тўлов суммасининг 0,4 фоизи миқдорида, аммо кечиктирилган тўлов суммасининг 50 фоизидан ортиқ бўлмаган миқдорида пеня тўлайди” деб кўрсатилган.

Шунга асосан 2020 йил 25 сентябрь кунги ҳолатига қарздорлик суммаси 344.389.200 сўм ҳамда асосий қарздорликдан келиб чиқиб хисоб-китоб қилинганда тўлов кечиктирилган кунларга яъни 2019 йил 31 декабрдан 244 кунга ҳисобланган пеня суммаси 335.937.492 сўмни, қонун талабига мувофиқ тўлаб берилмаган сумманинг 50 фоизи 167.968.746 сўмни ташкил қилади.

Мазкур мурожаат юзасидан Жиззах туманлараро иқтисодий судига ҳисобланган қарзларни “Аброр Элёр қурилиш” МЧЖ манфаатида ундириб бериш ҳақида ариза билан мурожаат қилинди.

Суд мазкур аризани кўриб чиқиб “Аброр Элёр қурилиш” МЧЖ фойдасига жами 367.937.492 сўм ундириш ҳақидаги ҳал қилув қарорини чиқарди.

Ж.Ишонқулов

Зафаробод туман адлия

бўлими бошлиғи 

Жорий йилнинг 2 декабрь куни Дўстлик туман адлия бўлимининг навбатдаги сайёр қабул жараёни “Бунёдкор” МФЙ (3-сектор) ҳудудида жойлашган Маданият маркази биносида ўтказилди.

   Дўстлик туман Халқ қабулхонаси, Бош вазир қабулхонаси, “Мадад” ҳуқуқий маслаҳат бюроси, “Бунёдкор” МФЙ мутасаддилари билан биргаликда ташкил этилган қабул давомида 35 нафар фуқаролар ўз мурожаатлари билан иштирок этишди.

   Қиш мавсуми бўлганлиги сабабли мурожаатчилар асосан суюлтирилган газ баллонини олиш, уй-жой билан таъминлаш, 2 ёшгача бўлган болалар нафақасини ва моддий ёрдам олиш, электр симёғочларни ўрнатиш, кўп қаватли уйлар олдидаги тандирхона ва хожатхоналарга электр энергиясини ўтказиб бериш масалаларида амалий ёрдам беришларини сўрадилар. Барча мурожаатларга ўз вақтида ечим топиш юзасидан мутасадди ташкилот вакиллари билан келишиб олинди.