Янгиликлар

Сайёр қабул ташкил этилди

Жиззах вилоят адлия бошқармаси томонидан Ўзбекистон Республикаси Вазирлар Маҳкамаси селектор йиғилишининг баёни ва унинг ижроси бўйича тасдиқланган Адлия вазирлигининг чора-тадбирлар режасининг 3-бандига асосан адлия бошқармаси раҳбариятининг жисмоний ва юридик шахслар вакилларини шахсий қабул қилиш юзасидан Жиззах шаҳар ҳокимлигида сайёр қабул ташкил этилди.

Сайёр қабулда Жиззах шаҳар ҳудудида яшовчи 15 нафар фуқаролар, Жиззах шаҳар ҳудудида фаолият юритувчи 10 дан ортиқ тадбиркорлик фаолияти субъектлари ва хорижий инвестициялар иштирокидаги корхоналарнинг вакиллари ўз муаммо ва масалалари билан иштирок этди.

Бошқарма раҳбарияти ва бўлим бошлиқлари томонидан фуқаролар, тадбиркорлик фаолияти субъектлари ва хорижий инвестициялар иштирокидаги корхоналарнинг вакилларига уларнинг муаммо ва масалалари юзасидан ҳуқуқий тушунтиришлар ва маслаҳатлар берилди.