Bog'lanish

Telefon
(372) 223-53-58

Elektron manzil
jizzax@adliya.uz

Habarni yuborish
Ishonch telefoni1008

Янгиликлар

26

“LexUz” имкониятлари - тараққиёт натижалари

Жиззах вилоят адлия бошқармасида “LexUz” сайтининг янги имкониятлари ва ундан фойдаланиш кўникмаларини шакллантириш, маҳаллий давлат ҳокимияти органларининг ҳуқуқбузарликлар профилактикаси соҳасидаги ваколатлари, давлат бошқаруви ва маҳаллий давлат ҳокимияти органларида қонун ҳужжатларининг туркумлаштирилган ҳисобини юритиш қоидалари, шунингдек янги қабул қилинган қонун ҳужжатларининг мазмун-моҳиятини аҳолига етказиш масалаларига оид ўқув-семинар ташкил этилди. 1.jpg

Семинарда Адлия вазирлиги ҳузуридаги Ҳуқуқий ахборот билан таъминлаш маркази, вилоят адлия бошқармаси масъул ходимлари, маҳаллий давлат ҳокимияти органларининг юридик хизмат ходимлари, вилоятдаги назорат қилувчи органлар юридик хизмат ходимлари, нодавлат нотижорат ташкилотлари вакиллари иштирок этдилар.

Йиғилишда Адлия вазирлиги ҳузуридаги Ҳуқуқий ахборот билан таъминлаш маркази масъул ходими томонидан Вазирлар Маҳкамасининг 2009 йил 31 декабрдаги “Ўзбекистон Республикаси Қонун ҳужжатлари маълумотлари миллий базасидан кенг фойдаланишни таъминлаш чора-тадбирлари тўғрисида”ги қарорига мувофиқ, юридик ва жисмоний шахсларнинг меъёрий-ҳуқуқий ҳужжатлар матнларидан кенг фойдаланишини таъминлаш, шунингдек ахборот-коммуникация технологияларининг замонавий воситаларидан фойдаланган ҳолда ҳуқуқий ахборотларни аҳолига етказиш учун қўшимча шарт-шароитлар яратиш мақсадида, 2010 йил 1 январдан бошлаб барчанинг Қонун ҳужжатлари маълумотлари миллий базаси “LexUz” дан бепул фойдаланиши жорий этилганлиги, семинар давомида “LexUZ” тизимининг янги дизайни ва имкониятлари, хусусан излаш тизимининг тубдан қайта ишланганлиги, унга янги кўринишда маҳаллий давлат ҳокимияти органлари ҳужжатлари, халқаро шартномалар, техник тусдаги ҳужжатларни излаш шакллари жорий этилганлиги ҳақида атрофлича маълумот берилди.

1.jpgШундан сўнг, бошқарманинг масъул ходимлари томонидан Ўзбекистон Республикасининг “Ҳуқуқбузарликлар профилактикаси тўғрисида”ги Қонунининг ижроси юзасидан ҳуқуқ-тартиботни сақлаш ҳамда мустаҳкамлаш, ҳуқуқбузарликларни аниқлаш, уларга барҳам бериш, шунингдек ҳуқуқбузарликларнинг содир этилиши сабабларини ва уларга имкон бераётган шарт-шароитларни аниқлаш, бартараф этиш, тегишли ҳудудда ҳуқуқбузарликлар профилактикасини бевосита амалга оширувчи ва унда иштирок этувчи органлар ҳамда муассасаларнинг ўзаро ҳамкорлигини таъминлаши, маҳаллий давлат ҳокимияти органлари қонун ҳужжатларига мувофиқ бошқа ваколатларни ҳам амалга ошириши мумкинлиги тўғрисида гапириб ўтилди. Мазкур вазифаларни бажариш мақсадида бир қатор норматив-ҳуқуқий ҳужжатлар ишлаб чиқилганлиги, Ўзбекистон Республикаси Адлия вазирлигидан 2012 йил 14 февралда рўйхатдан ўтказилган “Давлат бошкаруви органлари ва маҳаллий давлат хокимияти органларида қонун ҳужжатларининг туркумлаштирилган ҳисобини юритиш қоидалари” мазмун-моҳияти ҳақида айтиб ўтилди.

Тадбир давомида иштирокчилар “LexUZ” тизими орқали аҳоли, тадбиркорлик субъектлари, нодавлат нотижорат ташкилотлари ҳамда давлат органлари учун зарур бўлган ҳуқуқий ахборотларни тарқатишнинг самарали ва кенг қамровли механизми яратилганлигини таъкидладилар.