Янгиликлар
22
"Жиззах вилоят юридик коллежи" га кириш имтихонлари бўлиб ўтди.
2018 йилдан бошлаб педогог кадрлар салоҳияти, ўқитиш тизимининг сифати, моддий техник базаси жихатдан янада бойитилган Юридик коллежларига ўқувчиларни қабул қилиш жараёнларида ҳам тартиб-тамойиллар бирмунча ўзгарганлигини кузатишимиз мумкин. Бу йил Жиззах вилоят юридик коллежига 504 нафар ёшлар ўқиш истагида ҳужжат топширган. Уларнинг бари бир вақтнинг ўзида имтихонларда иштирок этиш имкониятига эга бўлишди. Ҳуқуни муҳофаза қилувчи ташкилотлар, савдо саноат палатаси, ДХА, вилоят хотин қизлар қўмитаси, Ёшлар иттифоқи вилоят Кенгаши вакилларидан тузилган назорат комиссияси аъзоларининг ҳар бир бўлим учун алоҳида ажратилганлиги, видеокузатув воситаларининг ўрнатилганлиги имтихонларнинг шаффоф ва адолатли ўтишини таъминлади. 2 кун давом этган имтихонлар юқори савияда ташкил этилди. Ўқувчилар ҳуқуқшунослик, она тили ва адабиёт фанларидан тузилган саволларга ёзма равишда жавоб беришди. Ўз билими ва қобилиятига ишонган ёшлар учун имтихонлар асло қийинчилик туғдирмайди, аксинча бу ўз билимини яна бир бора такрорлаш, синовдан ўтказиб олиши учун имкониятдир. Эслатиб ўтамиз бу йил мазкур коллежга 5 та йўнали бўйича жами 180 нафар ўғил-қизлар қабул қилинади.