Янгиликлар
Короновирус – кўринмас душман
Ҳозирги кунда дунё ҳамжамиятини ларзага солган COVID-19 короновирус инфекциясини тарқалишини олдини олишга қаратилган
чора-тадбирлар ва амалга оширилаётган ишларнинг кўлами кенглиги ушбу вируснинг нафақат жамият ҳаётига балки ҳар қандай давлатнинг ижтимоий, сиёсий, иқтисодий ва бошқа соҳаларига таъсири ва ҳавфини белгилаб бермоқда.
Бу шуни кўрсатадики, пандемияга қарши кураш бу бирликни, таъбир жоиз бўлса 7 ёшдан 70 ёшгача бўлган ҳар бир инсоннинг бир ёқадан бош чиқариб харакат қилишини талаб этади.
Аммо, эслаб кўрингчи, Сиз COVID-19 вируси ҳақида биринчи маротаба эшитганингизда, оммавий ахборот воситалари орқали огоҳликка чақирилаётганида “ваҳимачилар” дея кулиб қўйганмисиз?
Тиббий ниқобларни кийиб юриш ва кўчага ниқобсиз чиқмаслик ҳақида биринчи маротаба айтилганида, барчамиз амал қилдикми? Нега энди, ниқобсиз юрган фуқароларга нисбатан жавобгарлик масаласи ўртага қўйилгандагина амал қилишимиз керак? Ахир бу офатга қарши кечикиб эмас олдинроқ курашиш барчамизнинг бурчимиз-ку?!
Айтишим жоизки, ҳозиргача пандемиянинг ҳавфини тушуниб етмаган, балким тушунишни ҳоҳламаётган бефарқ инсонлар ҳам йўқ эмас. Энг ачинарлиси карантин қоидаларини кўпол равишда бузаётган кимсаларнинг борлиги барчамизни хавотирга солмоқда. Биргана мисол, автотранспорт воситалари учун берилган стикерлардан мақсадли фойдаланиши устидан ўтказилган назорат-рейд тадбирлари давомида автотранспортни қалбаки стикердан фойдаланган ҳолда бошқариш ҳолатлари аниқланмоқда.
Жиноят кодексининг 228-моддасига кўра, ҳужжатларни қалбакилаштириш ёки сотиш:
11 млн 150 минг сўмдан 22 млн 300 минг сўмгача миқдорда жарима;
360 соатгача мажбурий жамоат ишлари;
3 йилгача ахлоқ тузатиш ишлари билан жазоланади деб белгилаб қўйилган.
Ҳужжатнинг қалбаки эканлигини била туриб, ундан фойдаланиш:
5 млн 575 минг сўмдан 11 млн 150 минг сўмгача миқдорда жарима;
300 соатгача мажбурий жамоат ишлари;
2 йилгача ахлоқ тузатиш ишлари;
2 йилгача озодликни чеклаш;
2 йилгача озодликдан маҳрум қилиш билан жазоланади.
Бугун эса мана шундай ноқонуний ишларга қўл ураётган шахслар фақат ўзларининг эмас оиласини, бутун бошли халқни ҳам хавфга қўймоқда.
Такидлаганимиздек, қаршингда кўриб турган душманингни енгиш осон, бироқ бу вирусни – кўринмас душманни енгиш калити бир кишининг эмас, бутун бир ўзбек ҳалқининг, миллатнинг биргаликдаги бефарқлик ва лоқайдлик иллатини четга сурган ҳолатдаги ҳаракатидир.
Биргаликда курашайлик ва яна бир бор дунёга ўзбек ҳалқининг юксак сабри ва матонатини исботлайлик!