Янгиликлар

Адлия вазирлигининг Сирдарёга навбатдаги гуманитар ёрдами етказилди

Сардобадаги техноген вазиятдан жабр чекган 26 нафар оилага Адлия вазирлигининг гуманитар ёрдамини Жиззах вилояти адлия бошқармаси бошлиғининг ўзи топшириб, уларнинг ҳоли ва турмуш шароитидан хабар олди. 

Адлия вазирлиги ва ''Шодиев Халқаро фонди'' томонидан Сардоба сув омборида юз берган офат натижасида жабр кўрганларга кўмаклашиш мақсадида эълон қилинган “Салом, Сардоба, биз биргамиз!” хайрия акцияси доирасида тўпланган навбатдаги гуманитар юклар 2020 йилнинг 8 май куни Жиззах вилоят адлия бошқармаси бошлиғи Ш.К.Саидов ва бошқарма бошлиғининг ўринбосари А.М.Эргашевлар томонидан Сирдарё вилоятининг Оқолтин туманидаги жабрланган 462 нафар фуқароларга етказилди.

Ушбу акция доирасидаги гуманитар ёрдамни тарқатилишида мудофаа вазирлиги ҳарбий хизматчилари яқиндан ёрдам беришди

Одамлар шундай оғир кунларда Давлатимииз Раҳбарининг, Ҳукуматимизнинг шунингдек, Адлия вазирлиги ҳамда ''Шодиев Халқаро фонди''нинг улар билан бирга эканликлари, улар томонидан беминнат кўмак берилиб, уларга далда бўлаётганликларидан жуда хурсанд эканликларини мамнуният билан таъкидладилар.

Шундай Улуғ айём ҳамда Хотира ва қадрлаш куни арафасида Халқимизнинг Юртбошимиз ва саховатпешалар, акция ташкилотчилари ҳаққига қилган самимий дуолари ижобат бўлсин!  

Ўзбекистон Республикаси Адлия вазирлиги ва Жиззах вилояти адлия бошқармаси жамоаси ушбу акцияда иштирок этган сахий ва саховатли халқимизнинг чинакам бағрикенг фаол кўнгиллиларига ўз миннатдорчилигини билдиради.

Шокир САИДОВ,
Жиззах вилоят адлия бошқармаси бошлиғи