Янгиликлар
04
Мажбурий меҳнатнинг олдини олиш билан боғлиқ қонун ҳужжатлари онлайн видеоконференция орқали тарғиб қилинди.
Жиззах вилоят адлия бошқармаси, вилоят касаба уюшмалари ташкилотлари бирлашмаси, Бандлик ва меҳнат муносабатлари бош бошқармаси томонидан вилоятдаги давлат орган ва ташкилотларига видеоконференция орқали меҳнат қонунчилиги, мажбурий меҳнатга барҳам бериш билан боғлиқ қонун ҳужжатларининг мазмун-моҳиятини тушунтириш юзасидан ҳуқуқий тарғибот тадбири ташкил этилди.
Ушбу ВКС да тумандаги касаба уюшмалари раҳбарлари ҳам иштирок этди.Иштирокчиларга Вазирлар Маҳкамасининг ''2020 йилда пахта ҳосилини йиғиб-териб олиш ишларини уюшқоқлик билан ташкил этиш чора-тадбирлари тўғрисида''ги қарорининг мазмун-моҳияти ва меҳнат қонунчилиги билан боғлиқ қонун ҳужжатларини тўғри қўллаш,уларнинг бузилишига йўл қўймаслик билан боғлиқ ишларни ташкил этиш юзасидан тушунтиришлар берилди.
Тадбир сўнгида, иштирокчиларнинг мавзуга доир саволларига мутахассислар томонидан атрофлича жавоблар берилди.