Yangiliklar

Jizzax viloyati adliya boshqarmasiga yangi rahbar tayinlandi.

Joriy yilning 26-iyul sanasida Jizzax shahar Adliya bo'limi yuridik xizmat ko`rsatish markazi bosh yuriskonsulti Abdulaziz Raxmatov tomonidan Budjetdan tashqari pensiya jamg'armasi Jizzax shahar bo'limida qonunchilikdagi so'ngi o'zgarishlar yuzasidan huquqiy targ'ibot tadbiri o`tkazildi.
Abdulaziz Raxmatov yig'ilish ishtirokchilariga qonunchilikdagi eng so`ngi o'zgarishlar yuzasidan, jumladan; Joriy yilning 22-iyul sanasida O’zbekiston Respublikasi Vazirlar Mahkamasining “Ichki ishlar organlari patrul-post xizmati faoliyatiga zamonaviy axborot texnologiyalarini joriy etish chora tadbirlari to’g’risida” gi VMQ-399 sonli qarori qabul qilinganligi, Prezident “Ichimlik suvi ta’minoti va oqova suvlarni chiqarib yuborish to’g’risida”gi qonunni imzolaganligi. Endilikda ichimlik suvi tarmoqlari ta’mirlanayotganida aholiga ichimlik suvi transportda yetkazib berilishi yo’lga qo’yilishi bo'yicha atroflicha ma'lumotlarni taqdim etdi.
  Yig'ilish ishtirokchilari o'zlarini qiziqtirgan barcha savollarga huquqiy maslahatlar oldilar.

Mamlakatimizda ulkan o'zgarishlar ro'y berayotgan, yoshlar jamiyat hayotida tobora faollashib, o'z o'rniga ega bo'lib borayotgan bir vatda ayrim irodasi sust o'smirlarimiz giyohvandlik balosiga mubtalo bo'layotgani barchamizni tashvishga soladi. Zero og'u inson jismini qanchalik harob qilsa, huddi shunday jamiyatga ham misilsiz darajada zarar yetkazadi. Shu sababli barcha tumanlarda ushbu Asr Vabosiga qarshi targ'ibot tashviqot ishlari amalga oshirilmoqda.
Forish tumani adliya bo'limi tomonidan reja-grafik asosida Osmonsoy MFY, Farhod dehqon bozori hamda Forish tuman tibbiyot birlashmasida "Giyohvandlik Asr Vabosi", "Giyohvandlikka qarshi birga kurashamiz" mavzularida targ'ibot tadbirlari o'tkazildi.
Shuningdek tadbirda "Odam savdosiga qarshi kurashish to'g'risida"gi qonunning mazmun-mohiyati ham tadbir ishtirokchilariga tushuntirib o'tildi. Tadbirda fuqarolarga ko'rgazmali targ'ibot materiallari tarqatildi.

Ma’lumki, mamlakatimizda amalga oshirilayotgan keng ko‘lamli islohotlar doirasida aholining tinch va osoyishta hayotini ta’minlash, xalq farovonligi saqlash, xalq dardiga malham bo'lish, xalq dardini tinglash har bir mansabdor organlarning burchidir.
Joriy yilning 26-iyul kuni Zomin tuman adliya bo'limi, Davlat xizmatlari markazi xodimlari, 20 km uzoqlikda joylashgan Turkman MFYda 4-sektor faollari bilan birgalikda "O'zimiz keldik" loyihasi doirasida sayyor qabul o'tkazildi. Qabul davomida Davlat xizmatlari xodimlari tomonidan tumanda yashovchi fuqarolarga davlat xizmatlari ko'rsatildi.

Ro‘yxatga olish yalpi hisobga olish asosida aholining, uy-joyning soni va tarkibi, iktisodiy birliklarning tarkibi hamda holati to‘g‘risidagi ma’lumotlar va boshqa ma’lumotlar olishini ta’minlaydigan tadbirdir.
Ro‘yxatga olish mamlakatni demografik va ijtimoiy-iqtisodiy rivojlantirishning  ayrim xususiyatlar hamda yo‘nalishlari bo‘yicha o‘tkazilishi, shuningdek O‘zbekiston Respublikasining butun hududida yoki uning muayyan hududlarida amalga oshirilishi mumkin.
Respondentlarning induvidual ma’lumotlarini yig‘ish O‘zbekiston Respublikasining Vazirlar Mahkamasi tomonidan tasdiqlanadigan Ro‘yxatga olish dasturida belgilangan savollarga muvofiq amalga oshiriladi.
Ro‘yxatga olishni o‘tkazish to‘g‘risidagi qaror sanasi va muddati, shuningdek moliyalashtirish manbalari ko‘rsatilgan holda, O‘zbekiston Respublikasining Vazirlar Mahkamasining taklifiga binoan O‘zbekiston Respublikasi Prezidenti tomonidan qabul qilinadi.
«Aholini ro‘yxatga olish to‘g‘risida»gi O‘zbekiston Respublikasi Qonuniga muvofiq O‘zbekiston Respublikasi fuqarolari, doimiy yoki vaqtincha yashovchi yoxud vaqtincha O‘zbekiston Respublikasida bo‘lib turgan chet el fuqarolari va fuqaroligi bo‘lmagan shaxslar, shuningdek, O‘zbekiston Respublikasida doimiy yashovchi, ammo aholini ro‘yxatga olish davrida vaqtincha xorijiy davlat hududida bo‘lgan O‘zbekiston Respublikasi fuqarolari respondent sifatida ro‘yxatga olinadi.
Respondentlarning shaxsga doir ma’lumotlarini yig‘ishda ro‘yxatga olish sanasidan keyin sodir bo‘lgan demografik holatlar hisobga olinmaydi. 2023 yil 1 noyabrdan keyin tug‘ilgan bolalar uchun ro‘yxatga olish varag‘i shakllari va boshqa ro‘yxatga olish hujjatlari to‘ldirilmaydi, biroq ushbu sanadan keyin vafot etgan shaxslar uchun to‘ldiriladi. Bunda vafot etgan shaxs to‘g‘risidagi ma’lumotlar uning voyaga yetgan, muomala layoqatiga ega oila a’zolari yoki mahalla idorasidagi mavjud ma’lumotlar asosida to‘ldiriladi.
Dastlabki ma’lumotlarga ko‘ra 2022 yil 1 iyul holatiga viloyatning doimiy  aholi soni 1457,7 ming kishini tashkil etib, yil boshidan 14,3 ming kishiga yoki 101,0 foizga ko‘paydi. Shundan shahar joylarida  684,2 ming kishi (jami aholining 46,9%) va qishloq joylarida  773,5 ming kishi (jami aholining 53,1%) istiqomat qiladi. Viloyat bo‘yicha tirik tug‘lganlar soni 18330 nafarni tashkil etgan, ko‘chib kelganlar soni 3455 nafarni tashkil etib, ko‘chib ketganlar soni esa 4372 nafarni tashkil etdi.

                                                                                                                                                                                                                                                                                                         Viloyat statistika boshqarmasi

G`allarol tuman adliya bo‘lim tomonidan Qo‘ytosh shahar fuqarolar yig’inida sayyor qabul tashkil etilib, unda tuman Davlat xizmatlari markazi, Davlat soliq inspeksiyasi, tuman bandlikka ko‘maklashish markazi, Mahalla va nuroniylar bo‘limi, Obodonlashtirish boshqarmasi ma’sul xodimlari ishtirok etib, fuqarolarning murojaatlari tinglanib, 10 ta murojaatlar belgilangan tartibda ko‘rib chiqish uchun bayonlashtirildi, 3 ta murojaat yuzasidan tushuntirishlar berildi.

Forish tumani adliya bo'limi, ichki ishlar xodimlari, "Yoshlar ishlar agentligi" MFY raislari va boshqa mas'ul xodimlar tumandagi barcha MFYlarda huquqbuzarliklarning oldini olish, yoshlar o'rtasida vujudga kelayotgan baxsli munozaralarga yechim topish hamda yoshlar vaqtini mazmunli o'tkazish, huquqiy madaniyatni shakillantirish maqsadida targ'ibot tadbirlarini tashkil qilishdi. Jonkuyar xodimlar tomonidan olib borilayotgan ishlar o'z natijalarini ko'rsatmoqda.
Har bir tadbir davomida tumanda yashovchi fuqarolarning murojaatlari ham tinglanib, muammolarga yechim topilmoqda. Shuningdek, mas'ul xodimlar tomonidan olib borilayotgan tadbirlar qanchalik muhim ahamiyatga ega ekanligi haqida fuqarolar o'z fikr-mulohazalarini bildirishdi.
Asosan olib borilayotgan tabirlar "qizil hudud" doirasiga kirgan tumandagi MFYlarda tashkil qilinib, ushbu hududda yashovchi aholilarga tushuntirishlar olib borilmoqda. Xususan, Uchma, Bog`don, Osmonsoy, Egizbuloq, Nurak MFYlarida targ`ibot tadbirlari tashkil etildi.
Ushbu tadbirlarni tashkil etishdan asosiy maqsad tumanda joylashgan MFYlarda jinoyatchilik, o'g'rilik, talonchilik, zo'ravonlik, qotillik kabi yuz berayotgan qonunbuzarliklarning oldini olish hamda xalq farovonligi taminlashdir.

O'zbekiston Respublikasi Prezidenti Administratsiyasining 2022-yil 31-maydagi 02-RA1/1-793-sonli topshiriq xatida belgilangan vazifalar ijrosini ta’minlash maqsadida Oila va xotin-qizlar qo’mitasi, Oliy Sud, Bosh prokuratura, Ichki ishlar vazirligi, Adliya vazirligi, Din ishlari qo’mitasi bilan xamkorlikda "Oila institutini mustahkamlash va xotin-qizlarni qo’llab-quvvatlashda mutasaddi vazirlik va idoralarning o'zaro hamkorligini takomillashtirish chora-tadbirlari to'g'risida"gi Qo’shma qaror tasdiqlangan.
Shu munosabat bilan ushbu Qo’shma qaror bilan tasdiqlangan "Oilalarni mustahkamlash va xotin-qizlarni qo’llab-quvvatlashga qaratilgan chora-tadbirlarni tizimli tashkil etish bo'yicha mutasaddi vazirlik va idoralarning 2022- yilning iyun-dekabr oylariga mo'ljallangan hamkorlik dasturi"ning 3-bandida belgilangan vazifalarning ijrosini ta’minlash maqsadida tumandagi Sarmich MFYda tuman adliya bo'limi, DXM, FXDY hamda mahalla raisining xotin-qizlar masalalari bo'yicha yordamchisi bilan birgalikda nikohi qonuniy rasmiylashtirilmagan oilalarga uyma-uy yurgan holda nikohni qonuniy rasmiylashtirish yuzasidan huquqiy tushuntirishlar olib borildi. Shuningdek Sarmich MFYdagi Dasht mahallasida sha’riy nikohda yashovchi fuqarolar Alimqulov Shodiqul va Jurayeva Yorkinoylarga nikohni qonuniy rasmiylashtirishda amaliy yordam ko’rsatildi.

Konstitutsiyaviy islohotlar muhokamasi hali ham davom etmoqda. Xususan, Paxtakor tumani adliya bo'limi xodimlari tomonidan joriy yilning 20-iyul sanasida "Konstitutsiya Bosh qomusimiz" mavzusi doirasida seminar tashkil etildi. Ushbu seminar davomida Konstitutsiyamizga kiritilayotgan o'zgarishlar mazmun-mohiyati hamda aholi tomomidan berilayotgan takliflar yuzasidan fikr almashildi. Shuningdek, Referendum o'tkazilishiz tartibi haqida atroflicha fikr almashildi.                                                                                                                    

Mirzacho'l tumanida tuman adliya bo'limi, Respublika P.Bobojonov boshchiligidagi ichki guruh vakillari, viloyat prokurori I.Ergashxodjayev, hamda viloyat ichki ishlar boshqarmasi boshlig'i G'.Qodirovlar  tomonidan aholining barcha qatlamlari huquqiy savodxonlikka erishishi, mustahkam irodali, o‘z huquqlarini biladigan va qonunlarni hurmat qiladigan, huquqiy bilimlarini kundalik hayotda qo‘llay oladigan, faol fuqarolik pozitsiyasiga ega bo‘lgan va huquqbuzarlikka nisbatan murosasiz munosabatda bo‘ladigan fuqarolarni tarbiyalash borasida seminar o'tkazildi.
Tadbirda barcha huqubuzarliklarning negizida avvalo tarbiya hamda yoshlar vaqtini mazmunli tashkil etish borasida tushuntirish ishlari olib borildi.  
Seminar davomida Mirzacho'l tumanida amalga oshirilgan ishlar ijobiy ekanligi takidlandi hamda aholi orasida huquqbuzarlikka qarshi, huquqiy tadbirlarni yanada ko'proq tashkil etish borasida takliflar ilgari surildi.