Yangiliklar

Zarbdor tuman adliya bo'limiga fuqaro S.Anagin tomonidan murojat kelib tushdi.

Unda fuqaro tuman  adliya bo'limidan "O‘zbekiston Respublikasi fuqaroligini va pasport olish uchun yashaganlik faktini belgilash"da amaliy yordam ko‘rsatishni so‘ragan.
Aniqlanishicha, Zarbdor tumani IIBning javob xatiga ko‘ra fuqaro S.Anaginga tegishli bo‘lgan hujjatlar yig‘ma jildida 1996-yilda O‘zbekistonda tug‘ilib, yashab kelayotganligini tasdiqlovchi hujjatlar yetarli bo‘lmaganligi uchun doimiy propiskaga qo‘yish rad qilingan.

Fuqaro manfaatida FIB Zarbdor tumanlararo sudiga da’vo ariza kiritilib, sudning hal qiluv qaroriga asosan S.Anaginga Zarbdor tumanida yashaganlik fakti belgilandi va u O‘zbekiston Respublikasi fuqarolik pasporti olish huquqini qo‘lga kiritdi.

Jizzax viloyat adliya boshqarmasi, OʻzNNTMA viloyat hududiy boʻlinmasi hamda Xalq deputatlari Jizzax viloyati kengashi huzuridagi jamoat fondi bilan hamkorlikda NNT va fuqarolik jamiyatining boshqa institutlari uchun oʻquv seminar tashkil etildi.

Ushbu oʻquv seminarda adliya boshqarmasi tomonidan Vazirlar Mahkamasining 2023-yil 4-oktabrdagi “Nodavlat notijorat tashkilotlari tomonidan ijtimoiy foydali dasturlar va loyihalar amalga oshirilishida ijtimoiy sheriklik hamda xalqaro xamkorlikni yanada qoʻllab-quvvatlash chora-tadbirlari toʻgʻrisida”gi qarorining mazmun-mohiyati haqida tushunchalar berildi.

Oliy Majlis  va viloyat Kengashi huzuridagi jamoat fondlari tomonidan  davlat grantlari hamda davlat ijtimoiy buyurtmalariga eʼlon qilingan tanlovlarga ijtimoiy ahamiyati dolzarb boʻlgan loyihalar bilan qatnashishlari toʻgʻrisida kerakli tavsiyalar berildi.

Shuningdek, nodavlat notijorat tashkilotlar faoliyatidagi yuzaga kelayotgan muammolar o'rganilib, ularning yechimlari haqida ma'lumotlar berildi.

Joriy yil 15-dekabr kuni Adliya vaziri A. Toshqulov hududiy adliya organlarida mehnat faoliyatini olib borayotgan faol yosh mutaxassislar bilan uchrashdi.

Maqsad – iqtidorli yosh xodimlarning tashabbuslarini qo‘llab-quvvatlash, ularda tizimga bo‘lgan sadoqat va fidoiylik qadriyatlarini shakllantirish, ularning xizmatga moslashuvini, kasbiy rivojlanish jarayonlarini tezlashtirish, yuqori tajribaga ega malakali xodimlarning ish amaliyoti bilan yaqindan tanishishtirish hamda tajriba almashish amaliyotini yo‘lga qo‘yishdir.

Uchrashuvda Adliya vaziri tomonidan tizimda amalga oshirilayotgan islohotlar, bunda yoshlarning alohida o'rni va ishtiroki muhimligi ta’kidlandi.

Yosh mutaxassislar tomonidan faoliyatni yanada takomillashtirish va ularni qo'llab-quvvatlash yuzasidan taklif va tashabbuslari tinglanib, mehnat faoliyati unumdorligini oshirish, ulkan maqsadlarga erishish yuzasidan kerakli tavsiyalar berildi.

Shuningdek, yosh xodimlar vazirlikda yaratilgan shart-sharoitlar, tarkibiy bo'linmalarining ish faoliyati bilan yaqindan tanishishdi.

Bundan tashqari, ular "Adliya organlari tarixi muzeyi", "Media markazi"da ham bo‘lib, O'zbek Milliy akademik drama teatrida ma'naviy hordiq chiqarishdi.

Adliya boshqarma boshlig'i A.Ergashevning Jizzax shahridagi "Jizzaxlik" MFYda sayyor qabuli tashkil etildi. Sektor rahbarlari, profilaktika inspektori, xotin-qizlar va yoshlar masalalari bo'yicha mas'ullar ishtirokida bo'lib o'tgan qabul davomida 50 nafarga yaqin fuqarolar bilan suhbatlashildi.

Aksariyat murojaatlarga huquqiy maslahat berish orqali masalaning echimiga to'g'ri yo'nalish ko'rsatilgan bo'lsa, bevosita sohaga aloqador murojaatlar ish yurituviga qabul qilindi.

Bundan tashqari ijtimoiy himoyaga muhtoj va nogironligi bor fuqorolarning muammolari ham tinglandi. Chiqindi, kommunal to'lovlar bilan bo'g'liq masalalar yuzasidan mutasaddi idoralarga ko'rsatmalar berilib, ijrosi nazoratga olindi. Qonunchilikda belgilangan imtiyoz va yangiliklar haqida ham ma'lumotlar berildi.

Shu bilan birga hudud aholisiga sayyor davlat xizmatlaridan foydalanish imkoniyati yaratildi

Unda Jizzax viloyat yuridik texnikumi 1-2-bosqich o'quvchilari yahlit adliya uyi negizida birlashgan Jizzax shahar adliya bo'limi, davlat xizmatlari markazi, yuridik xizmat ko'rsatish markazi hamda FHDY bo'limi ish faoliyati bilan yaqindan tanishdilar.

Bevosita jonli jarayonlarni kuzatish asnosida o'quvchilar xizmat ko'rsatishda aholiga yaratilgan qulaylik hamda raqamlashgan ish uslubining afzalliklariga ham guvoh bo'lishdi.

Yuridik xizmat ko'rsatish markazida, o'quvchilarga Yuridik xizmat ko'rsatish markazi ish faoliyati to'g'risida tushuncha va ma'lumotlar berildi.

Ushbu ochiq eshiklar kuni davomida tizimda faoliyat yuritish istagida bo'lgan o'quvchilar qanday bilimlarga ega bo'lish lozimligi haqidagi savollariga batafsil javob olishdi.

Xodimlarning mantiqiy bilimlarini oshirish, intellektual o‘yinlarga keng jalb qilish shuningdek, mantiqiy fikrlash salohiyatini yuksaltirish maqsadida Jizzax viloyat adliya tizimida muntazam ravishda "Zakovat" intellektual o'yinlari o'tkazib kelinmoqda.

Bugun o'yinning final bosqichi bo'lib o'tdi. Qizg'in va murosasiz kechgan bahsda jamoalar bor bilim va salohiyatini ishga soldilar. Finalgacha etib kelgan 3 ta jamoa ishtirokida o'tkazilgan o'yin yorqin lahzalarga boy bo'ldi.

1-o'rin ISHONCH
2-o'rin UNION
3-o'rin ADOLAT jamoasiga nasib etdi.

Baxmal tuman adliya bo'limiga fuqaro S.Xolmo'minovadan murojaat kelib tushdi. Uning mazmuni quyidagicha;
Men tuman tibbiyat birlashmasiga qarashli KTMP tibbiy brigada hamshirasi vazifasida ishlar edim. 2022-yildan 1-iyundan hamiladorlik va tug'ish ta'tiliga chiqdim. 2023-yil 1-noyabrda TTB boshlig'i nomiga ish joyimga qaytishni so'rab ariza bilan murojat qilgan bo'lsamda, shu kunga qadar ish joyimga qaytarilmadim. Ushbu masalada qonuniy yordam ko'rsatishingizni so'rayman.

O'rganishlar natijasida fuqaroning murojaatda bayon etgan gaplari asosli ekanligi ma'lum bo'ldi. Adliya aralashuvi bilan S. Xolmo'minovaning tuman adliya bo'limiga yo'llagan murojaati ijobiy hal etilib, ishga qaytish to'g'risidagi arizasi 24.11.2023-yilda TTB boshlig'i tomonidan rezolutsiya qo'yildi va hozirgi kunda fuqaro o'z ish faoliyatini davom ettirmoqda

“Korrupsiya soʻziga taʼrif bering” deb nomlangan tanlovimiz g'olibi aniqlandi.

Mazkur tanlovda Korrupsiya - jamiyat rivojlanishi va barqarorligining kushandasi, inson manfaatlari paymol etilishi garovidir ushbu tarif 100 ta ovoz bilan g'oliblikni qo'lga kiritdi.

G'olib JDPU Jismoniy madaniyat fakulteti 1-bosqich talabasi Tajibayev Jamshid Farhod o‘g‘li.

Har bir xalq, millat o‘z istiqloliga erishganidan so‘ng jahonda yangi mustaqil davlat sifatida tashkil topganligi, maqsadi, kelajak istiqbollarini Konstitutsiyada belgilab qo‘yadi. Chunki dunyodagi mavjud konstitutsiyalarning barchasi ularni ijod etgan xalqning, millatning siyosiy tafakkuri, ma’naviyati va madaniyati bilan uzviy bog‘liqdir. Xuddi shu ma’noda O’zbekiston Respublikasi Konstitutsiyasi ham xalqimiz tabiatiga mos barcha ma’naviy-madaniy qadriyatlarni, xalqimiz donishmandligini, axloqiy fazilatlarini o‘zida mujassam etgan. Asosiy qonunimiz yillar davomida xalqimizning dilidan joy oldi, inson va fuqarolarning huquq va erkinliklarini hamda majburiyatlarini o‘zida mujassam etgan dasturul amal sifatida namoyon bo‘ldi. Yillar o‘tgan sayin Konstitutsiyamizning mukammalligi, hayotiyligi, uning kelajakning ham talablariga javob bera olishi isbotlanmoqda. Bu esa istiqlolning ilk yillarida Asosiy qonunni yaratish yo‘lida amalga oshirilgan ulkan va mashaqqatli mehnat samarasidir. O’tgan davr ichida nimaga erishgan bo‘lsak Konstitutsiya asosida amalga oshirildi, uning normalariga amal qilgan holda erishdik.

Konstitutsiyaning 23-moddasida davlat o‘z hududida ham, uning tashqarisida ham o‘z fuqarolarini huquqiy himoya qilishi va ularga homiylik ko‘rsatishi, 24-moddasida respublika hududida chet el fuqarolarining va fuqaroligi bo‘lmagan shaxslarning huquq va erkinliklari xalqaro huquq normalariga muvofiq himoyalanishi kafolatlab qo‘yildi. Konstitutsimizning
13-moddasida: “O’zbekiston Respublikasida demokratiya umuminsoniy prinsiplarga asoslanadi, ularga ko‘ra inson, uning hayoti, erkinligi, sha’ni, qadr-qimmati va boshqa daxlsiz huquqlari oliy qadriyat hisoblanadi. Demokratik huquq va erkinliklar Konstitutsiya va qonunlar bilan himoya qilinadi” deb belgilab qo‘yilgan.

O’zbekiston Respublikasining Konstitutsiyasi, barcha qonunlarimiz, olib borilayotgan islohotlar, avvalo, inson huquq va erkinliklarini ta’minlashga, himoya qilishga yo‘naltirilgan. Shu ulug‘ maqsad yo‘lida davlatimiz umumbashariy insonparvarlik qoidalariga asoslanib, fuqarolarimizning erkinliklari, huquq va qonuniy manfaatlarini to‘liq ta’minlab kelmoqda. Istiqlol yillarida Yurtboshimizning tashabbusi va bevosita rahbarligida milliy qonunchiligimizda nafaqat inson huquq va erkinliklarini himoya qilish, balki insonparvarlik tamoyillari ham kuchaytirildi. Mamlakatimiz mustaqilligining dastlabki kunlaridanoq Inson huquqlari umujahon deklaratsiyasi ratifikatsiya qilindi va undagi insonparvar mezonlar O’zbekiston Respublikasi Konstitutsiyasining asosiy me’yorlariga aylandi. Har bir insonning o‘z haq-huquqlarini bilib olishi uchun yetarli sharoitlar tashkil qilindi. Shuning uchun ham davr o‘tishi bilan biz Konstitutsiyamizning ahamiyati va mohiyatini, hayotimizdagi o‘rni va ta’sirini, qadr-qimmatini yanada chuqurroq anglab bormoqdamiz va unga bo‘lgan hurmat-e’tiborimiz tobora ortmoqda. Demokratik jamiyatning eng muhim belgilaridan biri jamiyat a’zolarining qonun oldidagi tengligi, Konstitutsiya va qonunlar ustunligining ta’minlanganidir.

B.T.Zulfiqorov
X.Sulaymonova nomidagi RSEMning
Jizzax viloyat bo‘limi
yetakchi eksperti

Yangi O‘zbekistonning yangi konstitutsiyasi xalqimizning hohish-irodasi, takliflari asosida yaratildi. Bu yilgi Konsitusiya bayramining 31 yilligi shu jihatlari bilan ham xalqimiz uchun ahamiyatlidir.

Bayramda “Konstitutsiya ko‘chasi” tashkil etildi. Xalqimizning erki, huquqini o‘zida ifoda etgan ko‘rgazmalar namoyishi o‘tkazildi. Adliya boshqarmasi hamda boshqa huquqni muhofaza qiluvchi organlar huquqiy maslahat burchaklarini tashkil qilib, yoshlar hamda fuqarolarning huquqiy savodxonligini oshirishda faollik ko‘rsatishdi.

Shu bilan birga huquqiy viktorina o'yinlari o'tkazilib, bilimdon yoshlarga sovg'alar ulashildi.