Yangiliklar

2023-yil 27-mart kuni Jizzax shahar hokimligi, sektor rahbarlari, mahalla fuqarolar yig'inlari raislari, hokim yordamchilari, xotin qizlar faollari va yoshlar yetakchilari va boshqa tashkilot xodimlari uchun Konstitutsiya islohotlarini umumxalq referendumi orqali amalga oshirilishida aholining huquqiy va siyosiy savodxonligini oshirishga qaratilgan targ‘ibot tadbiri bo‘lib o‘tdi.

Tadbirda Oliy Majlis Qonunchilik palatasi deputati Mehnat va ijtimoiy masala qo‘mitasi a’zosi O‘ral Kamolovich, Jizzax shahar hokimi Komil Athamovich hamda Jizzax shahar Adliya bo‘limi bosh yuriskonsulti Abdulaziz Raxmatov ishtirok etishdi.

Amalga oshirilishi kutilayotgan konstitutsiya islohatlari, referendum o‘tkazish maqsadi va vazifalari, bugungi kunda qabul qilinayotgan qonunlar mazmun va mohiyati hamda boshqa huquqiy masalalar yuzasidan tushuntirishlar berildi.

Mudofaa vazirligi huzuridagi jamoatchilik kengashi Jizzax viloyati mintaqaviy bólinmasi ishchi organi bilan hamkorlikda yosh avlodni vatanparvarlik ruhida tarbiyalash, ma'naviy, huquqiy savodxonligini oshirish hamda mafkuraviy immunitetni mustahkamlash maqsadida Jizzax viloyati mudofaa  ishlari boshqarmasi huzuridagi chaqiriluvchilarni harbiy-texnika mutaxassisliklari bo‘yicha tayyorlash markazi chaqiriluvchilari bilan ma'naviyat soati tashkil etildi.

Tadbirda adliya boshqarmasi bosh maslahatchisi Sh.Sulaymonov tomonidan yangilanayotgan Konstitutsiyamiz xalqimiz xohish-irodasi bilan amalga oshirilayotgani, undan koʻzlangan maqsad yurtimiz farovonligi va axolining yashash sharoitlarini yanada yaxshilashga qaratilganligini taʼkidlab oʻtdi.

Jizzax viloyat adliya boshqarmasi hodimi Sh.Sulaymonov va Jizzax viloyati yuridik texnikumi kafedra mudiri X.Muxammadiyev FM 105,5 hamda 106.2 toʻlqinlarida "Yoshlar vaqti" radio loyihasining navbatdagi soni mehmoni bo'ldi.
Jonli muloqot davomida 30-aprelda bo'lib o'tadigan Referendum jarayonlari hamda yangilanayotgan Konstitutsiyaning mazmun mohiyati haqida tinglovchilarga ma'lumotlar berildi

Malumki joriy yilda davlatimizning bosh qomusi Konstitutsiyamizni  o‘zgartirish bo‘yicha xalq saylovi — Referendum 30-aprel kuni bo‘lib o‘tadi. Hozirgi kunda adliya hodimlari tomonidan yangilanayotgan konstitutsiyamizning mazmun-mohiyatini aholiga yetkazish maqsadida turli targ'ibot tadbirlari amalga oshirib kelinmoqda va mazkur tadbirlar yurtdoshlarimiz tomonidan ko'tarinki kayfiyatda qabul qilinmoqda.

Shunday tadbirlarning biri bugun G'allaorol tuman madaniyat saroyida bo'lib o'tdi. Unda adliya hodimlari tomonidan ishtirokchilarga “Oʻzbekiston Respublikasi Konstitutsiyasi toʻgʻrisida”gi Konstitutsiyaviy Qonun mazmun-mohiyati yuzasidan tushunchalar berildi.

Yangilanayotgan Konstitutsiya O’zbekiston jamiyatining evolyutsion rivojlanishidan kelib chiqayotgan hayotiy zarurat bo‘lib, bu ish mamlakat, millat va xalq sifatida keyingi qadamlarimizni aniqlab olishimiz uchun g‘oyat ahamiyatli masala, adolatli jamiyat qurish yo‘lidagi ulkan qadamdir.

E’tibor bersak, mamlakatimiz har jihatdan katta davlatga aylanmoqda. Aholimiz 2040 yilga borib 50 millionga yetadi, jamiyatning yarmidan ko‘pini yoshlar tashkil qiladi. Ularga munosib hayot sharoiti yaratish uchun esa barqaror iqtisodiyot, xavfsiz davlat, samarali boshqaruv, ijtimoiy kafolatlar bo‘lishi lozim.
Yangilanayotgan Konstitutsiyamizning ahamiyati, uning hayotimizdagi o‘rnini xalq orasida keng tushuntirish, fuqarolarga yetkazish borasida adliya organlari tomonidan joylarda targ‘ibot tadbirlari samarali tashkil etib borilmoqda.
Do‘stlik tuman adliya bo‘limi hamda oila va xotin-qizlar bo‘limi hamkorligida tumandagi mavjud 12 ta fuqarolar yig‘inlari xotin-qizlar faollari uchun "O’zbekiston Respublikasi Konstitutsiyasi to‘g‘risida"gi Konstitutsiyaviy Qonuni loyihasi bo‘yicha o‘quv seminari tashkil etildi.

G’allaorol tuman adliya bo‘limi hamda oila va xotin-qizlar bo‘limi hamkorligida 35 ta fuqarolar yig‘inlari xotin-qizlar faollari ishtirokida bo‘lib o‘tgan tadbir “Men o‘zimni, o‘z oilamni kelajagi uchun ovoz beraman” shiori ostida, ko‘tarinki kayfiyatda tashkil etildi.

Zarbdor tuman adliya bo'limi tomonidan xotin-qizlar faollari bilan tashkil etilgan tadbirda ham Yangilanayotgan Konstitutsiya, Referendum o‘tkazish tartibi haqida batafsil tushunchalar berib o‘tildi.
Shuningdek, Referendumda muddatidan oldin ovoz berish jarayoni 19-26 aprelda bo‘lib o‘tishi, Referendum kuni o‘z turar joyida bo‘lish imkoniyatiga ega bo‘lmagan fuqarolar muddatidan oldin ovoz berishi va tartiblari haqida ham ma’lumot berildi.
Targ‘ibot tadbirlari barcha joylarda sohalar va mahallalar kesimida keng ko‘lamda olib borilmoqda.

Jizzax viloyat "Barkamol avlod" bolalar maktabida yangi tahrirdagi Oʼzbekiston Respublikasi Mehnat Kodeksini oʼrganish yuzasidan o'quv- seminar o'tkazildi.

O'quv - seminarda viloyatdagi barcha "Barkamol avlod" bolalar maktablari direktorlari hamda xodimlar bilan ishlash bo'yicha mutaxassislari ishtirok etdilar.

Seminarda Jizzax shahar adliya bo'limi YXKM bosh yuriskonsulti  Nargiza Fayziyeva ishtirok etib, yangi Mehnat Kodeksining mazmun- mohiyati va  ahamiyatini tushuntirib o'tdi va ishtirokchilarning savollariga javob berdi.

“Obod va fayzli mahalla – yurt ko‘rki” shiori ostida o‘tkazilayotgan umumxalq xayriya hashari Jizzax viloyat adliya tizimida ham tashkil etilib, ayni damda qizg'in davom etmoqda. Boshqarma va tuman, shahar adliya bo'limlarida bahorgi yumushlar xodimlar tomonidan hamjihatlikda olib borilmoqda. Hashar — bu xalqimizning qadimiy va azaliy qadriyatlaridan biridir. Uning zamirida obodlik, hamjihatlik, mehr-oqibat, xayr-sahovat va bunyodkorlik mujassam.

Shu bilan birga adliya boshqarmasi xodimlari Jizzax shahri boʻylab olib borilayotga obodlik va bunyodkorlik ishlarida faol ishtirok etishmoqda. Jizzax viloyati Sharof Rashidov tumani “Oqtosh ota” MFY hududidagi 41.3 gektar yer maydonida barpo etilayotgan “Yangi Oʻzbekiston” massivida boʻlib oʻtayotgan hashar tadbirlarida archa koʻchatlarini ekish ishlariga yordam berishmoqda. Bunday tadbirlar yumushlarni birgalikda, jamoaviy tarzda bajarish orqali xodimlar orasida birdamlik, bir-birini qoʻllab-quvvatlash, mehr-oqibat tuygʻularini oshirishga xizmat qilishi bilan ahamiyatlidir.

Kadastr agentligi va Davlat kadastrlari palatasining  Jizzax viloyati boshqarmalarida O‘zbekiston Respublikasi Prezidentining “2023-yilda qayta tiklanuvchi energiya manbalarini va energiya tejovchi texnologiyalarni joriy etishni jadallashtirish chora-tadbirlari to‘g‘risida”gi  hamda “Nogironligi bo‘lgan shaxslarni qo‘llab-quvvatlash tizimini takomillashtirishga doir qo‘shimcha chora-tadbirlar to‘g‘risida”gi qarorlari mazmun-mohiyati va ahamiyatini xodimlar o‘rtasida keng targ‘ib qilish maqsadida o‘quv seminari tashkil etildi.

O‘quv seminarida Jizzax shahar adliya bo’limi xodimi D.Nizomov ishtirok etib, qarorlar bilan qayta tiklanuvchi energiya manbalarini keng joriy etish hamda nogironligi bo‘lgan fuqarolarimiz huquqlarining kafolatlarini yanada mustahkamlash yo‘nalishida joriy etilayotgan yangiliklar haqida maʼlumot berdi.

Tadbir davomida mavzuga oid  Jizzax TV 2 teliekanalida ham namoyish etildi.

G'allaorol tuman xalq ta'limi bo'limi tasarrufidagi umumiy o'rta ta'lim maktablarida faoliyot olib borayotgan kadrlar bo'yicha menedjerlar ishtirokida targ'ibot tadbirlari o'tkazildi.
G'allaorol tuman Adliya bo‘limi Yuridik xizmat ko`rsatish markazi tomonidan G'allaorol tumani xalq ta'limi bo'limi tasarrufidagi barcha umumiy o'rta ta’lim maktablarining kadrlar bo'yicha  menedjerlari ishtirokida huquqiy targ'ibot tadbirlari o‘tkazildi. Targ'ibot tadbirlarida  tizim orqali yuborilgan huquqiy tusdagi hujjatlarga hulosa berishda yuzaga kelayotgan kamchiliklar hamda ularni bartaraf etish chora tadbirlari va ularning yechimi masalalari yig'ilganlarga atroflicha tushunchalar berildi.
Shuningdek, ushbu targ'ibot tadbirida, O'zbekiston Respublikasining yangi Mehnat kodeksining mazmun-mohiyati hamda O'zbekiston Respublikasining amaldagi Mehnat kodeksidan yangi tahrirda qabul qilingan Mehnat kodeksi o'rtasidagi  farqlar xususan, Mehnat kodeksida 2 ta qism ya'ni umumiy va maxsus qism hamda 15 ta bob va 294 ta modda mavjud bo‘lib, Mehnat munosabatlariga oid ishlar boshqa normativ-huquqiy hujjatlar bilan tartibga solinar edi. Yangi tahrirdagi Mehnat kodeksida 2 qism, 7 bo'lim, 34 ta bob va 581 moddadan iborat bo‘lib, boshqa normativ-huquqiy hujjatlar bilan tartibga solinadigan normalar kiritilib, amaliyotda bir hilda qo‘llash uchun mukammalashtirilib, qabul qilinganligini aytib o‘tildi.
Targ'ibot tadbiri yakunida ishtirokchilar tomonidan o'zlarini qiziqtirgan savollarga atorflicha javoblar berildi. Kelgusida e-huquqshunos elektron tizimida to'g'ri faoliyotni yo'lga qo'yishga kelishildi.

Jizzax shahar adliya bo'limida Jizzax shahar maktab va maktabgacha ta'lim bo'limi rahbar xodimlari ishtirokida, Adliya bo'limining tashabbusi bilan o'quv seminar tadbiri tashkil etildi. Tadbirda Jizzax shahar adliya bo'limi boshlig'i M.Asatullayev hamda Jizzax shahar xalq qabulxonasi boshlig'i I.Hazratqulovlar tomonidan qonun talablari to'laqonli tushuntirilib, maktab va maktabgacha ta'lim tashkilotlari tomonidan yo'l qo'yilgan xato va kamchiliklar yuzasidan taklif va tavfsiyalar berildi.
O‘zbekiston Respublikasining 11.09.2017 yildagi "Jismoniy va yuridik shaxslarning murojaatlari to‘g‘risida" O‘RQ-445-sonli  Qonuni yuzasidan olib borilgan o'rganishlar natijasida Jizzax shahrida sodir etilgan huquqbuzarliklar aynan maktab va maktabgacha ta'lim tashkilotlari tomonidan sodir etilganligi alohida qayd etidi. Har bir murojaat orqasida kimningdir huquqi, erkinligi hamda qonuniy manfaati yotishi to'g'risida yig'ilish ishtirokchilariga tushuntirildi.
Murojaatlar to‘g‘risidagi qonunchilik Qonun va boshqa qonunosti hujjatlari to'g'risida yig'ilish ishtirokchilariga alohida tushuntirishlar va tavfsiyalar berilganidan so'ng. Jizzax shahar adliya bo'limi yuridik xizmat ko'rsatish markazi boshlig'i F.Ataboyev hamda bosh yuriskonsulti N.Fayziyevalar tomonidan tizimdagi muammo va kamchiliklar bilan bir qatorda maktab va maktabgacha ta'lim tashkilotlarining huquqiy masalalariga atroflicha tushuntirishlar berildi.