Yangiliklar

O‘zbekiston Respublikasi Prezidenti rahbarligida joriy yilning 11-aprel kuni o‘tkazilgan yig‘ilishning 18-son topshiriqlar
bayonida har bir vazirlik va idora rahbarlari, ularning o‘rinbosarlariga e’tiborga muhtoj yoshlar biriktirilib, har oyda kamida ikki marotaba ular bilan uchrashish va muammolarini hal etish vazifasi belgilangan.

Ushbu topshiriqlar ijrosini ta’minlash maqsadida Sharof Rashidov tuman adliya bo‘limi boshlig‘iga biriktirilgan yoshlar bilan o‘tkazilgan manzilli uchrashuvda, tumanning Rovot mahallasida yashovchi fuqaro nogironlar aravachasiga muhtoj ekanligi aniqlangandi.

Mazkur masala tez fursatda o'z echimini topdi. Adliya bo‘limi xodimlari tomonidan fuqaroga nogironlar aravachasi etkazib berilishi ta'minlandi. Bu boradagi ishlar bo‘lim tomonidan davom ettirilmoqda.

Jizzax viloyati mudofaa ishlari boshqarmasida Jizzax shahar adliya bo'limi Yuridik xizmat ko'rsatish markazi bosh yuriskonsulti A.Raxmatov tomonidan Jizzax viloyati mudofaa ishlari boshqarmasi huzuridagi chaqiriluvchilarni harbiy-texnik mutaxassisliklar bo'ycha tayyorlash markazida shaxsiy tarkibning qalbi va ongida vatanparvarlik hissini singdirish, tinchlik va osoyishtalikning qadriga yetish hamda jinoyatchilikning oldini olish maqsadida "Qimor va tavakkalchilikka asoslangan o'yinlarda ishtirok etish-jinoyatga yetaklovchi illat" mavzusida davra suhbati o'tkazildi.

G'allaorol t. G'ulchambar QFY hududida joylashgan  "G‘ALLAOROL TUMAN PAYSHANBA DEHQON BOZORI" MCHJ da aholiga huqiqiy targ'ibot va sayyor davlat xizmatlari ko'rsatildi

Ushbu topshiriqlar ijrosini ta’minlash maqsadida, Zafarobod tumani Adliya bo‘limi boshlig‘i Bunyod Ikromov Zafarobod tumanidagi o‘ziga biriktirilgan yoshlar va ularning ota-onalari bilan uchrashuv o‘tkazdi.
Uchrashuv davomida yoshlar va ularning ota-onalari tomonidan aytilgan muammolarni ijobiy hal etish bo‘yicha nazorat urnatildi.

Jizzax shahar hokimining 2015-yil 23-martdagi 459-sonli Qaroriga binoan Siddikova Dilorom hamda uning farzandlariga tegishli bo‘lgan Jizzax shahri, Kimyogar MFY, A.Navoiy ko‘chasida joylashgan avtomobillarni ta’mirlash ustaxonasi (noturarjoy) buzilib, yer maydoni shahar hokimligining zahira fondiga qaytarib olinishi belgilanmagan bo‘lsada, 2015-yil sentabr oyida mazkur ustaxona buzilib, 877,60 m2 (0,09 ga) yer maydoni hokimiyatning zahira fondiga qaytarib olingan.

Shu sababli, D.Siddikova buzilgan ustaxonasi uchun kompensatsiya berilishi bo‘yicha bir necha marta shahar hokimiyatiga murojaat qilgan bo‘lsada, shu kunga qadar unga kompensatsiya pullari to‘lab berilmagan. Shundan so‘ng, fuqaro buzilgan ustaxonasi uchun kompensatsiya undirib berilishi yuzasidan shahar adliya bo‘limiga murojaat qildi.

Jizzax shahar adliya bo‘limi tomonidan D.Siddikovaning murojaati o‘rganib chiqilib, O‘zbekiston Respublikasi Vazirlar Mahkamasining 2019-yil 16-noyabrdagi 911-son qarori bilan tasdiqlangan “Yer uchastkalari olib qo‘yilishi va olib qo‘yilayotgan yer uchastkasida joylashgan ko‘chmas mulk obyektlari mulkdorlariga kompensatsiya berish tartibi to‘g‘risida”gi Nizom talablari asosida kompensatsiya to‘lovlarini undirish uchun Fuqarolik ishlari bo‘yicha Jizzax tumanlararo sudiga da’vo arizasi kiritildi.

Fuqarolik ishlari bo‘yicha Jizzax tumanlararo sudining tegishli hal qiluv qaroriga asosan, D.Siddikovaga 216.378.000 so‘m miqdordagi kompensatsiya pullari javobgar Jizzax shahar hokimiyati hisobidan undirib berilishi ta’minlandi.

4.07.2023 yildagi “Ijro hujjatlarini ijro etmaganlik uchun solinadigan ma'muriy jarima mikdorini belgilash tartibi takomillashtirilishi munosabati bilan O'zbekiston Respublikasining Ma'muriy javobgarlik to'g'risidagi kodeksiga o'zgartirishlar va qo'shimcha kiritish haqida”gi O'RQ-851-son Qonun qabul qilindi.
Ma'muriy javobgarlik to'g'risidagi kodeksning 1981-moddasiga o'zgartirishlar kiritildi. Chunonchi, qarzdorning ijro hujjatini ijro etmasligi fuqarolarga BHMning 5 baravarigacha, mansabdor shaxslarga esa – BHMning 10 baravarigacha jarima solishga sabab bo'ladi (ilgari –BHMning 1 baravaridan 5 baravarigacha, mansabdor shaxslarga esa – BHMning 5 baravaridan 10 baravarigacha).
Shu moddaning o'zida qayd etilishicha, ushbu moddaga asosan solinadigan ma'muriy jarimaning summasi ijro hujjatida undirilishi belgilangan summadan oshishi mumkin emas.
MJTKning 2453-moddasi ikkinchi qismida Majburiy ijro byurosi nomidan ma'muriy jazo choralarini qo'llashga haqli bo'lgan vakolatli mansabdor shaxslar belgilangan. Bular:
O'zbekiston Respublikasining Bosh davlat ijrochisi;
Qoraqalpog'iston Respublikasi, viloyatlar va Toshkent shahrining bosh davlat ijrochilari, ularning o'rinbosarlari;
Majburiy ijro byurosining tuman (shahar) bo'limlari boshliqlari.
Qonunda qayd etilishicha, kiritilayotgan o'zgartirish va qo'shimchalar sud hujjatlari va boshqa organlar hujjatlarini ijro etish sohasidagi ortiqcha byurokratik to'siqlarni bartaraf etishga, Majburiy ijro byurosida yuz berishi mumkin bo'lgan suiiste'molliklarning oldini olishga, ijro hujjatlarining o'z vaqtida ijro etilishi borasida fuqarolarga qo'shimcha imkoniyatlar berishga xizmat qiladi.


Hujjat “Xalq so'zi” gazetasida e'lon qilingan va rasmiy e'lon qilingan kundan e'tiboran kuchga kirdi.

Sharof Rashidov tumanida joylashgan, 100 ga yaqin ishchi kuchiga ega yirik korxonalardan biri "Jizzax industrial to'qima" MCHJda adliya boshqsrmasi mas'ul xodimlari va tuman Davlat xizmatlari markazi mutaxassislari tomonidan korxona ishchi-xodimlariga ERI kalitlari olish va boshqa turdagi davlat xizmatlari ko'rsatildi.  Xalq orasiga yaqinroq kirib borish va ularga beminnat xizmat ko‘rsatish borasida adliya tizimi turli tashabbuslarni amalga oshirib kelmoqda. Ayniqsa davlat xizmatlari markazlari tomonidan olis hududlarda bunday loyihalarning amalga oshirilishi aholi uchun ayni muddao. “O’zimiz keldik” loyihasini ham xalqning uzog‘ini yaqin qilish, mablag‘i va vaqtini tejash maqsadida amalga oshirilayotgan eng samarali tadbirlardan biri deb ayta olamiz. 

“Jismoniy va yuridik shaxslarning murojaatlari to‘g‘risida”gi qonun mazmun-mohiyati va qo‘llanilishini tushuntirish, qonunchilik hujjatlari va topshiriqlarning ijrosini samarali tashkil etish va “Ijro.gov.uz” ijro intizomi idoralararo elektron tizimida ishlash hamda “E-qaror” elektron tizimida qabul qilinayotgan hujjatlarning qonunchilikka muvofiqligi, yo’l qo’yilayotgan xato va kamchiliklarni bartaraf etish va oldini olish yuzasidan Arnasoy, Mirzacho‘l, Paxtakor tuman hokimliklarida viloyat adliya boshqarmasining mas’ul xodimlari tomonidan seminar tadbirlari o‘tkazildi.
Seminarda dastlab boshqarma tomonidan inson huquqlarining himoya qilinishi sohasida ko‘plab ishlar amalga oshirilayotganligi, fuqarolarning buzilgan haq-huquqlarini tiklash va ularning huquqlarining to’la-to’kis ro’yobga chiqarilishi yuzasidan ta’sirchan mexanizmlar amalga oshirilayotganligini ta’kidladi, shuningdek, davlat organlari va tashkilotlari tomonidan murojaatlar bilan ishlashda kamchiliklar yo’l qo’yilganligi, mazkur kamchiliklar turli darajadagi javobgarlikni keltirib chiqarishini, shu sababdan murojaatlar bilan ishlashga mas’ul bo’lgan xodimlar tomonidan qonunchilik hujjatllari talablariga rioya etilishi lozimligini ta’kidlandi hamda mazkur faoliyatga doir savollarga javob berildi.
Shundan so'ng boshqarmaning mas’ul xodimlari tomonidan qonunchilik hujjatlari va topshiriqlarning ijrosini samarali tashkil etish va “Ijro.gov.uz” ijro intizomi idoralararo elektron tizimida ishlash tartibi, “E-qaror” elektron tizimida qabul qilinayotgan hujjatlarning qonunchilikka muvofiqligi, yo’l qo’yilayotgan xato va kamchiliklarni bartaraf etish va oldini olish yuzasidan seminar ishtirokchilariga ko‘rsatmalar berildi hamda tegishli axborot tizimlarida ish jarayonida yuzaga kelayotgan kamchiliklar va muammolarni samarali bartaraf etish yuzasidan ma'lumotlar berildi.
Tadbir yakunida seminar ishtirokchilari o‘zlarini qiziqtirgan barcha savollarga javob olishdi.

“Nilifarxon” xususiy korxonasi rahbarining G'allaorol tuman adliya bo‘limiga qilgan murojaati bo'lim xodimlari tomonidan o'rganib chiqildi.
Unda xususiy korxona va G’allaorol tumani maktabgacha va maktab ta’limi bo‘limi o‘rtasida 22.05.2023-yilda 5-sonli pudrat shartnomasi tuzilib, shartnomaga asosan, xususiy korxona tomonidan ta’lim bo‘limi binosida 651 082 482 so‘mlik ta’mirlash ishlari bajarilgani, biroq xozirgi kunga qadar ta’lim bo‘limi tomonidan belgilangan to‘lovlar amalga oshirilmaganligi, natijada ta’lim bo‘limi xususiy korxonadan penya qo‘shib hisoblaganda jami 653 082 482 so‘m qarz ekanligi aniqlandi.
Ushbu qarzdorlikni undirish yuzasidan G’allaorol tuman iqtisodiy sudiga da’vo ariza kiritilib, masala ijobiy hal etildi.

Jizzax viloyati adliya boshqarmasining xodimlari qonunchilik hujjatlari va topshiriqlarda belgilangan vazifalarni mas’ul ijrochilar tomonidan o‘z vaqtida va belgilangan tartibda ijro etilishi, topshiriqlar ijrosining samarali tashkil etilishida huquqiy-uslubiy ko‘mak berib kelishmoqda.
O‘zbekiston Respublikasi Prezidentining 2022-yil 21-sentabrdagi
“Xotin-qizlar bandligini oshirish va salomatligini mustahkamlashga oid qo‘shimcha chora-tadbirlar to‘g‘risida”gi PQ-376-sonli qarori va Vazirlar Mahkamasining
2022-yil 8-noyabdagi “Mahallalarda xotin-qizlarning bandligini ta’minlash va salomatligini mustahkamlash markazlari faoliyatini tashkil etish chora-tadbirlari to‘g‘risida”gi 650-sonli qaroriga ko‘ra mahallalarda xotin-qizlarning bandligini ta’minlash va salomatligini mustahkamlash markazlarini tashkil qilish belgilangan.
Mazkur qarorning 3-ilovasida mahallalarda tashkil etiladigan xotin-qizlar bandligini ta’minlash va salomatligini mustahkamlash markazlarining manzilli ro‘yxati keltirilgan bo‘lib, Jizzax viloyatining 178 ta mahalla va qishloq fuqarolari yig‘inlarida markazlar tashkil etish belgilangan.
Boshqarmaning O‘zbekiston Respublikasi Prezidenti hujjatlari ijrosini nazorat qilish sho‘basi boshlig‘i E.Urdushev tomonidan Zomin tumanida PQ-376-sonli qarorda belgilangan topshiriqlar ijrosini samarali tashkil etish yuzasidan mas’ul ijrochilarga, mutassadi tashkilot rahbar va xodimlariga amaliy seminar o‘tkazildi hamda tegishli ko‘rsatmalar berildi.