Yangiliklar
Ish jarayonlarida yuqori samaradorlikka erishish va sog'lom ish muhitini ta'minlashda stressni boshqarish juda muhimdir. Shu maqsadda bu galgi ma'naviy tadbir “Mehnat jarayonlarida stressga chidamlilik” mavzusiga bag'ishlandi va tajribali mutaxassislar tomonidan trening tashkil etildi.
Treningda ishtirokchilar:
• stressning sabab va oqibatlari;
• ish muhitida ruhiy barqarorlikni saqlash usullari;
• samarali kommunikasiya va jamoaviy ishlash ko'nikmalari;
• ishchi-xodimlar salomatligi uchun psixologik gigiena qoidalari haqida bilimlarga ega bo'ldilar.
Tadbirga taklif etilgan psixologlar amaliy mashg'ulotlar va interaktiv usullar orqali qatnashchilarga o'z hissiyotlarini to'g'ri boshqarish, ishdagi muammolarga barqaror yondashish zarurligini tushuntirib o'tishdi.
Sayyor qabul davomida fuqarolarning muammolari o'rganildi va murojaatlari eshitildi.
Adliya bo‘limi tomonidan sohaga oid murojaatlar qabul qilinib, ayrim murojaatlar yuzasidan huquqiy tushuntirishlar berildi, o‘rganish talab qilingan murojaatlar ish yurituviga qabul qilindi.
Qabul davomida ishtirokchilarga aholining kundalik hayotida ko‘p uchraydigan huquqiy masalalar sodda, xalqchil tilda tushuntirildi.
Shuningdek, O‘zbekiston Respublikasi Prezidentining 2025-yil 3-yanvardagi PQ-1-sonli va 2025-yil 1-apreldagi PQ-133-sonli Qarorlarining mazmun-mohiyati bo‘yicha tushuntirishlar berildi.
Shuningdek, mahalla aholisi firibgarlik jinoyati qurboniga aylanishni oldini olish maqsadida, bu kabi jinoyatlarning yangi turlari va sodir etish usullari haqida ogohlantirildi hamda ulardan himoyalanish bo‘yicha tushuntirishlar berildi.
2025-yil 19-avgust kuni Xalq deputatlari Jizzax viloyati Kengashining navbatdagi o‘n to‘rtinchi sessiyasida qabul qilingan qarorga muvofiq, viloyatning bir qator tuman va shaharlarida yashovchi fuqarolarning mulk huquqlari qonuniy tartibda e’tirof etildi.
Qonun ijrosi natijasida fuqarolar va tadbirkorlarning mulklari qonuniylashtiriladi, fuqarolar o‘rtasidagi mulkiy nizolar, shu jumladan meros bilan bog‘liq nizolarga yechim topiladi, eng muhimi aholining kayfiyatiga ijobiy ta’sir ko‘rsatadi.
Endilikda mazkur hujjat egalik huquqi uchun asos bo‘lib, kelgusida yashash joyiga doimiy ro‘yxatga qo‘yish, meros va boshqa notarial xatti-harakatlarni amalga oshirish imkoniyatini yaratadi.
Avtomototransport vositasini boshqarish huquqini beruvchi ishonchnomani elektron shaklda rasmiylashtirish mumkinligidan xabardormisiz?
Arizalar Yagona interaktiv davlat xizmatlari portali (my.gov.uz) (https://my.gov.uz/uz/service/640) orqali qabul qilinadi.
Ishonchnoma Adliya vazirligining “Notarius” avtomatlashtirilgan axborot tizimi orqali ro‘yxatga olinadi.
Ishonchnomani elektron shaklda rasmiylashtirish uchun davlat boji “Davlat boji to‘g‘risida”gi Qonunda (https://lex.uz/docs/-4680944) belgilangan davlat bojiga nisbatan quyidagi foizlarda undiriladi:
- 1 oygacha bo‘lgan muddatga — 10 foiz;
- 1 oydan ortiq va 6 oygacha bo‘lgan muddatga — 50 foiz;
- 6 oydan ortiq va 3 yilgacha bo‘lgan muddatga — 100 foiz.
Asos: Vazirlar Mahkamasining 2023-yil 20-noyabrdagi 613-son qarori (https://lex.uz/docs/-6672128).
Barchamizga ma’lum bo‘lgan “Hugo Boss” brendiga 1924-yilda Germaniyada asos solingan bo‘lib, 2024-yilda kompaniya savdolari 4.3 mlrd. yevroni tashkil etgan. Agar mazkur kompaniya asoschilari ham oson daromad ko‘rish maqsadida boshqalarning “brendini o‘g‘irlash” yo‘lini tanlaganlarida hozirgi kunda dunyoni zabt etgan xalqaro brendlardan biri bo‘lmish “Hugo Boss” mavjud bo‘lmas edi.
Biroq, ayrim “uddaburon” tadbirkorlar tomonidan tezda boyib ketish maqsadida boshqalarning mehnat mahsuli natijasida uzoq yillar mobaynida yaratilgan brendlardan ruxsatsiz foydalanish holatlari ham uchrab turibdi.
Xususan, adliya organlari tomonidan “Hugo Boss A.G.” kompaniyasining (Germaniya) barchamizga tanish bo‘lgan “BOSS” tovar belgisiga bo‘lgan huquqlari “J.M.” YTT tomonidan buzilayotganligi to‘g‘risidagi murojaat ko‘rib chiqildi.
O‘tkazilgan tekshiruv natijasida “J.M.” YTT tomonidan “BOSS” tovar belgisiga o‘xshash bo‘lgan belgidan do‘kon peshlavhasida go‘yoki bu do‘konda “BOSS” brendidagi tovarlar sotilayotganligini ifodalash uchun foydalanilayotganligi aniqlandi.
Holat bo‘yicha adliya organlari tomonidan “J.M.” YTTga nisbatan tegishli ta’sir chorasi qo‘llanilgan holda “BOSS” tovar belgisining do‘kon peshlavhasidan olib tashlanilishi ta’minlandi.
Hurmatli tadbirkorlar! Oʻz brendingizni roʻyxatdan oʻtkazishingizni hamda brendingizdan noqonuniy foydalanish holatlariga duch kelganingizda Adliya vazirligining “1008” ishonch telefoni orqali xabar berishingizni yoki info@adliya.uz elektron pochta manzili orqali murojaat qilishingizni soʻraymiz!
Jizzax shahar adliya bo’limi, yuridik xizmat ko'rsatish markazi hamda “Madad” NNT mas’ul xodimlari tomonidan O'zbekiston Respublikasi Prezidentining 03.01.2025-yildagi PQ-1 son qarori mazmun-mohiyatini tushuntirish hamda huquqbuzarliklarning oldini olish yuzasidan boshqarma boshlig'i tomonidan tasdiqlangan “Chora-tadbirlar dasturi” asosida 18.08.2025-yilda shahrimizdagi “Toshloq” MFY hududida joylashgan 6-sonli umumta'lim maktabi xodimlari uchun huquqiy targ‘ibot tadbiri o‘tkazildi.
Tadbir davomida, Davlatimiz rahbarining 03.01.2025-yildagi “2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida”gi PQ-1-son va 01.04.2025-yildagi “Yoqilg‘i-energiya resurslaridan noqonuniy foydalanish va behuda sarflanishining oldini olish hamda energiya samaradorligini oshirish bo‘yicha chora-tadbirlarni takomillashtirish to‘g‘risida”gi PQ–133-son qarorlarining mazmun-mohiyati, jinoyatchilik va huquqbuzarliklarni oldini olish yuzasidan tushuntirishlar berildi.
Bundan tashqari, ishtirokchilarga O‘zbekiston Respublikasining “Korrupsiyaga qarshi kurashish to‘g‘risida”gi qonuniga muvofiq korrupsiyaga qarshi kurashish masalasi, mehnat qonunchiligi va qonunchilikdagi yangiliklar bo‘yicha ham huquqiy tushuntirishlar berilib, jamiyatda korrupsiyaviy holatlarga yo‘l qo‘ymaslik uchun qat’iy va rejali choralar ko‘rilishi lozimligi ta’kidlandi.
Shuningdek, umumiy o'rta ta'lim maktabi pedagog hamda mas'ullarining huquq va manfaatlarini ta‘minlashga qaratilgan normalar va standartlarning ishlashini monitoring qilish hamda mavjud muammolarni bartaraf etish choralari ko'rildi, tashkilotda faoliyat ko‘rsatayotgan xodimlarning mehnat munosabatlariga oid hujjatlari, ya’ni jamoa shartnomasi, mehnat shartnomalari, buyruqlari va boshqa lokal hujjatlari monitoring qilinib, yagona huquqni qo‘llash amaliyotini shakllantirishda metodik huquqiy yordam ko‘rsatildi.
Adliya vazirligi mas'ul xodimlari Zafarobod, Do’stlik, Arnasoy, Sharof Rashidov tumanlarida bo'lib, Davlat xizmatlari markazlari hamda FHDY bo'limlari faoliyatini o'rgandi. Dastlab, fuqarolar va xodimlar uchun yaratilgan shart-sharoitlar, moddiy-texnik baza, mavjud qulayliklar bilan tanishildi.
Xizmat ko'rsatish sifatini yanada yaxshilash, ortiqcha byurokratik to‘siqlarni bartaraf etish, xizmatlar turini kengaytirish maqsadida fuqarolar va tizim xodimlarining fikr-mulohazalari hamda takliflari tinglandi.
Shuningdek, jarayonda aholi va tadbirkorlik subyektlariga davlat xizmatlari ko'rsatilib, tizimdagi mavjud muammo va kamchiliklar aniqlandi. O'rganish davomida aniqlangan kamchiliklarni bartaraf etish yuzasidan tegishli chora-tadbirlar belgilab olindi.
Adliya vazirligi tashabbusi bilan har yili an’anaviy tarzda o‘tkazilayotgan “Adliya ayoli” tanlovining Jizzax viloyat bosqichi bo‘lib o‘tdi. Unda adliya tizimida faoliyat yuritayotgan malakali xodimlar ishtirok etib, belgilangan ikki shart asosida o‘zaro bellashdilar.
Tanlovning birinchi sharti — test sinovi bo‘lib, ishtirokchilarning huquqiy savodxonligi va amaldagi qonunchilikni bilish darajasi sinovdan o‘tkazildi. Ular 30 daqiqa ichida 30 ta test savoliga javob berishlari talab etildi.
Ikkinchi shartda esa ishtirokchilar qonunchilikka oid dolzarb takliflarini taqdim etib, ularni asoslab himoya qildilar.
Tanlov yakunida eng yaxshi natijani ko‘rsatgan boshqarmaning huquqiy targ'ibot bo'yicha bosh maslahatchisi Iroda Ablakulova 1-o‘rinni egallab, tanlovning respublika bosqichiga yo‘llanma oldi.
Shuningdek, ishtirokchilarga turli nominatsiyalar bo‘yicha boshqarma tomonidan tashakkurnomalar topshirildi.
Adliya organlari tomonidan intellektual mulk huquqlarini samarali himoya qilish hamda milliy brendlarning nufuzini yanada oshirish maqsadida o‘tkazilayotgan o‘rganishlar va qo‘llanilayotgan ta’sir choralarga qaramasdan hamon o‘zgalarning brendidan ruxsatsiz foydalanish holatlari ko‘plab uchramoqda.
Xususan, Vazirlik tomonidan “Fatih Kral Mob” MChJning barchamizga tanish bo‘lgan “ХАНСКИЙ” tovar belgisiga bo‘lgan huquqlari “R. B.” XK tomonidan buzilayotganligi to‘g‘risidagi murojaat ko‘rib chiqildi.
O‘tkazilgan tekshiruv natijasida “R. B.” XK tomonidan “ХАНСКИЙ” tovar belgisiga o‘xshash “ХАҚОНИЙ” ko‘rinishida foydalanilgan holda pishloq (сыр) mahsulotlari ishlab chiqarilayotganligi aniqlandi.
Holat bo‘yicha Vazirlik tomonidan “R. B.” xususiy korxonasiga nisbatan BHMning 100 baravari miqdorida (41 mln. so‘m) jarima tayinlandi.
Hurmatli tadbirkorlar! Oʻz brendingizni roʻyxatdan oʻtkazishingizni hamda brendingizdan noqonuniy foydalanish holatlariga duch kelganingizda Adliya vazirligining “1008” ishonch telefoni orqali xabar berishingizni yoki info@adliya.uz elektron pochta manzili orqali murojaat qilishingizni soʻraymiz!
Adliya organlarining bevosita aholi muammolarini hal etish va ularga amaliy yordam koʻrsatish borasidagi faoliyatini samaradorligi oshirish maqsadida joriy yilning 3-martidan “Hech bir shaxs hujjatsiz qolmaydi” huquqiy aksiyasiga start berilgan.
Ushbu loyiha doirasida Arnasoy tuman FHDY boʻlimi tomonidan qator ishlar amalga oshirilmoqda.
Jumladan, 2014 yildan buyon sha'riy nikoh asosida yashab kelayotgan fuqarolarga bugun 13.08.2025 yilda nikoh tuzilganligi haqida guvohnoma tantanali topshirildi.