Yangiliklar

Qabulda aholining bevosita muammolarini aniqlash hamda ularni joyida bartaraf etishga alohida e’tibor qaratildi.

Jizzax viloyat adliya bodhqarmasi boshlig'i A.Ergashev tomonidan sohaga oid barcha murojaatlar tinglandi, ular tegishli tartibda ro‘yxatga olinib, yechimi topilgan murojaatlar joyida hal etildi va ayrim murojaatlar huquqiy maslahat va tushunchalar bilan qanoatlantirildi.

Bunday sayyor qabullar aholi bilan ochiq muloqot qilish, mavjud muammolarga yechim topishda muhim ahamiyat kasb etadi.

Respublika ishchi guruhi tomonidan hududiy adliya organlari bilan hamkorlikda O‘zbekiston Respublikasi Prezidentining 2024-yil 24-maydagi PF–80-son Farmoni ijrosini ta’minlash doirasida navbatdagi “ZOOM” yig‘ilishi o‘tkazildi.

Yig‘ilishda joylarda huquqiy muammolarni aniqlash, ularni bartaraf etish hamda tizimli muammolarni hal qilishda yagona amaliyotni shakllantirish bo‘yicha hududiy adliya organlariga zarur tushuntirishlar berildi.

Mazkur jarayonlar adliya organlari tomonidan joylarda samarali yondashuv asosida, ijtimoiy adolatni ta’minlash va aholining huquqiy ehtiyojlariga bevosita javob berish maqsadida olib borilmoqda.

Zarbdor tuman Adliya bo‘limi FHDYO bo‘limi tomonidan Navbahor MFYda “uyma-uy” yurish shaklida ijtimoiy himoyaga muhtoj fuqarolar hamda xotin-qizlar bilan yakka tartibda suhbatlar asosida targ‘ibot tadbiri o‘tkazildi.

Tadbir davomida O‘zbekiston Respublikasi Prezidentining PF-80-son Farmoni, PQ–133-son hamda PQ-1-son qarorlari mazmun-mohiyati tushuntirildi.

Jinoyatchilik va huquqbuzarliklarning oldini olish borasida fuqarolarga aniq tavsiyalar berildi.

Aholining huquqiy ongi va madaniyatini oshirish, qonun hujjatlarini xalqchil tilda tushuntirish borasida amaliy ishlar olib borilmoqda.

Shu bilan birga, "Hech bir shaxs hujjatsiz qolmaydi" shiori ostida yuritilayotgan aksiyasi vaqtida rasmiylashtirilmagan, vafot etgan fuqarolarga oid dastlabki vafot etganlik haqidagi gerbli guvohnomalar o‘z egalariga yetkazib berildi.

Bunday uchrashuvlar aholining davlat huquqiy tizimiga bo‘lgan ishonchini mustahkamlashga xizmat qiladi.

Jizzax shahar adliya bo‘limi va Yoshlar ishlari agentligi bo‘limi hamkorligida O‘zbekiston Respublikasi Prezidentining PQ–1-sonli qarori ijrosini ta’minlash maqsadida  “Mening mahallamda jinoyat bo‘lmaydi” dasturi doirasida navbatdagi ma’naviy-ma’rifiy tadbir bo‘lib o‘tdi.

Adliya bo'limi binosida tashkil etilgan “Zukko kitobxon” tanlovida shaharning 8 ta mahallasidan yosh kitobxonlar ishtirok etdi.

Tanlov davomida ishtirokchilar badiiy, tarixiy va ma’naviy adabiyotlar bo‘yicha bilimlarini sinovdan o‘tkazishdi.

Jizzax davlat pedagogika universitetining tarix fakulteti "Milliy g'oya,  manaviyat asoslariva huquq ta'limi yo'nalishi" 4-kurs 405-guruh talabasi Normuratov Jamshid Najim o'g'li g‘olib deb topildi hamda diplom va esdalik sovg‘alari bilan taqdirlandi.

Bu kabi tadbirlar yoshlarning bo‘sh vaqtini mazmunli o‘tkazishga, ularni kitobga, bilimga oshno qilishga xizmat qilmoqda.

Ayni paytda Jizzax viloyat adliya boshqarmasi hamda O‘zbekiston mahallalari uyushmasi Jizzax viloyati boshqarmasi hamkorligida yangi saylangan mahalla fuqarolar yig'ini raislariga Oʻzbekiston Respublikasi Prezidentining “2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish boʻyicha chora-tadbirlar toʻgʻrisida”gi Qarorida belgilangan vazifalar yuzasidan onlayn davra suhbati tashkil etilmoqda. Unda mahallala raislari, xokim yordamchilari, ijtimoiy xodimlar, xotin qizlar faollari, profilaktika inspektorlari, soliq inspeksiyasi xodimlari, yoshlar faolllari yoshtirok etishmoqda.

Jinoyatlarning oldini olishda profilaktik tadbirlarning oʻrni, qonun va qoidalarga amal qilmaslik uchun javobgarlik muqarrar ekanligi, firibgarlik, aldov va tovlamachilik jinoyatlarining aholi orasida kupayib borishi aynan huquqiy savodxonlikning yetishmasligidan kelib chiqayotganligi taʼkidlandi. Har bir ishni samarali tashkil etish uchun hamkorlik asosiy jihat ekanligi aytib oʻtildi.

Savol-javob va ochiq fikr almashish shaklida oʻtkazilgan tadbir davomida ishtirokchilar tomonidan berilgan savollarga atroflicha javoblar berildi. Faoliyatda kerak boʻladigan barcha maʼlumotlar yetkazildi, kelajakdagi hamkorlik rejalar belgilab olindi.

Jizzax viloyat adliya boshqarmasi xodimlari V.Eshimov hamda D.Juraboyevalar tomonidan Paxtakor dehqon bozorida faoliyat olib boruvchi tadbirkorlar bilan uchrashib, ular o'rtasida tushuntirish ishlari olib borildi.

Ushbu tadbirdan ko'zlangan maqsad tadbirkorlarni qiynayotgan muammolarni o'rganish va yechimi yuzasidan huquqiy ko'mak berishdan iboratdir. O’zaro muloqot jarayonida mavjud muammolar yuzasidan berilgan savollarga mutaxassislar tomonidan huquqiy tushuntirishlar berildi.

Bundan tashqari tadbir davomida tadbirkorlarga firibgarlik va boshqa huquqbuzarlikdan ogoh bo'lish, kontrafakt maxsulotlar haqida tushunchalar berildi hamda sayyor davlat xizmatlari ko'rsatildi.

Jizzax viloyat adliya boshqarmasi mas'ul xodimi A.Raxmatov tomonidan O‘zbekiston Respublikasi Prezidentining 03.01.2025 yildagi 1-sonli qarorining ijrosini ta'minlash yuzasidan Paxtakor dehqon bozorida aholi o'rtasida jinoyatchilikka qarshi profilaktik tadbir tashkil etildi.

Fuqarolarga jinoyat uchun jazo muqarrarligi qonun hujjatlari bilan tushuntirilib, ular tomonidan berilgan savollarga batafsil javob berildi hamda sayyor davlat xizmatlari ko'rsatildi.

Fuqarolarga adliya boshqarmasi tomonidan ishlab chiqilgan jinoyatchilikka qarshi kurashish hamda ogohlikka chorlovchi tarqatma materiallari tarqatildi.

Tuman adliya bo‘limi va Yoshlar ishlari agentligi tuman bo‘limi hamkorligida O‘zbekiston Respublikasi Prezidentining PQ–1-sonli qarori ijrosini ta’minlash maqsadida  “Mening mahallamda jinoyat bo‘lmaydi” dasturi doirasida navbatdagi ma’naviy-ma’rifiy tadbir bo‘lib o‘tdi.

Tashkil etilgan “Zukko kitobxon” tanlovi birinchi bosqichi Zakovat savollari shaklida o'tkazilib, berilgan savollarga eng ko'p to'g'ri javob topa olgan yoshlar viloyat bosqichida ishtirok etish yo'llanmasini qo'lga kiritdi.

G‘oliblar diplom va esdalik sovg‘alari bilan taqdirlandi. Bu kabi tadbirlar yoshlarning bo‘sh vaqtini mazmunli o‘tkazishga, ularni kitobga, bilimga oshno qilishga xizmat qilmoqda.

Sharof rashidov tuman adliya bo'limi Davlat xizmatlari markazi aloqa operatori Yunusov Babur Abduroxmon o‘g‘li may oyining eng yaxshi boshqaruv xodimi deb topildi.

B.Yunusov o'z ish faoliyatini 2022-yilda huddi shu lavozimdan boshlagan va hozirgi kunga qadar mazkur vazifada samarali faoliyat yuritib kelmoqda.
  
Jizzax viloyat adliya boshqarmasi jamoasi  Babur Abduroxmon o‘g‘lini ushbu e’tirof bilan tabriklaydi. Kelgusidagi ishlarida muvaffaqiyat va omad tilaydi.

Jizzax viloyat adliya boshqarmasi huzuridagi FHDY arxivi mudirasi Xurshida Abdullayeva may oyining eng yaxshi boshqaruv xodimi deb topildi.

X.Abdullayeva o'z ish faoliyatini 2012-yil Baxmal tumani adliya bo'limi FXDY bo‘limi 2-toifali inspektori lavozimidan boshlagan. 2024-yildan buyon boshqarma huzuridagi FHDY arxivi mudirasi lavozimida faoliyat yuritib kelmoqda.
  
Jizzax viloyat adliya boshqarmasi jamoasi Xurshida Sarvarovnani ushbu e’tirof bilan tabriklaydi. Kelgusidagi ishlarida muvaffaqiyat va omad tilaydi.