Yangiliklar

Jizzax viloyatida biometrik pasportni ID kartaga qayerda almashtirish mumkin?

Bugungi kunda biometrik pasportlaringizni ID-kartaga almashtirish uchun istalgan Ichki ishlar organlari yoki tegishli Davlat xizmatlari markazlariga murojaat qilishingiz mumkin.

Batafsil yuqoridagi infografikada☝️☝️

Аksiyani o'tkazishdan asosiy maqsad:
- fuqarolarning qonunchilikda belgilangan huquq va manfaatlarini
ro‘yobga chiqarilishini ta’minlash;
- tegishli tashkilotlar bilan hamkorlikda ommaviy sayyor qabullar
o‘tkazish orqali fuqarolarni uzoq vaqtlar davomida qiynab kelayotgan
muammolariga yechim topish;
- fuqarolarning buzilgan huquqlarini tiklashga doir chora-tadbirlar
ko‘rish;
- hududlarda eng ko‘p qonunbuzilish holatlariga yo‘l qo‘yilayotgan
sohalarni aniqlash maqsadida hududlar kesimida aholi orasida onlayn
so‘rovnomalar tashkil etish;
- fuqarolarning jamiyatdagi huquqiy ongi va madaniyatini yanada
yuksaltirish.

Jizzax viloaytida ham mazkur aksiya doirasida turli uchrashuvlar, sayyor qabullar tashkil etish rejalashtirilgan.
Batafsil malumotni ????72.2235200 raqamidan olishingiz mumkin.

Inson huquqlari tiklangan joyda adolat qaror topadi!

Jizzax viloyat adliya boshqarmasi tomonidan OAV xodimlari, jurnalist va blogerlar uchun  “Xotin-qizlar va bolalar huquqlari, erkinliklari hamda qonuniy manfaatlarini ishonchli himoya qilish tizimi yanada takomillashtirilishi munosabati bilan O‘zbekiston Respublikasining ayrim qonun hujjatlariga o‘zgartish va qo‘shimchalar kiritish to‘g‘risida”gi Qonunning mazmun-mohiyati va ahamiyatiga bag'ishlangan matbuot anjumani tashkil etilimoqda.

7-iyun kuni soat 11:00 da Zoom platformasi orqali bo'lib o'tadigan online matbuot anjumanida ishtirok eting! Mavzu yuzasidan barcha savollarga malakali mutaxassislardan javob olishingiz mumkin.

Paxtakor tumani "Olmazor" MFYda yashovchi K.Q, "Toshkentlik" MFYda D.O' va "Olmazor" MFYda yashovchi D.K ish beruvchi o'rtasidagi yakuniy hisob kitoblar qilinmaganligidan norozi bo'lib tuman adliya bo'limiga murojaat qildi.

Murojaatlar tuman adliya bo'limi tomonidan o'rganib chiqilib, haqiqatan ham 8 322 000 so'm miqdordagi yakuniy hisob kitoblar o'qituvchilarga to'lab berilmaganligi aniqlandi va tuman maktab va maktabgacha ta’limi bo‘limi tomonidan yakuniy hisob-kitobni to‘liq amalga oshirilishi ta'minlandi.

#Kostitutsiyani_o'rganamiz

Eslatib o'tamiz Konstitutsiyaning 52-moddasi

O‘zbekiston Respublikasida o‘qituvchining mehnati jamiyat va davlatni rivojlantirish, sog‘lom, barkamol avlodni shakllantirish hamda tarbiyalash, xalqning ma’naviy va madaniy salohiyatini saqlash hamda boyitishning asosi sifatida e’tirof etiladi.

Davlat o‘qituvchilarning sha’ni va qadr-qimmatini himoya qilish, ularning ijtimoiy va moddiy farovonligi, kasbiy jihatdan o‘sishi to‘g‘risida g‘amxo‘rlik qiladi .

O‘zbekiston Respublikasi Adliya vazirligi, BMT Taraqqiyot dasturi va Yevropa Ittifoqining “O‘zbekning qishloq hududlarida davlat xizmatlarini taqdim etishni takomillashtirish va boshqaruv darajasini oshirish” qo‘shma loyihasi doirasida seminar trening tashkil etildi.  Jizzax viloyati mezbonlik qilgan mazkur tadbirga mamlakatimizning yana 7 ta hududidan tinglovchilar taklif etilgan. Ayollarga davlat xizmatlarini ko'rsatishda Ayollar maslahat guruhining faoliyati va barqarorligini yaxshilash mavzusida tashkil etilgan tadbirda tajribali xalqaro ekspertlar Latviya va Yevropa Ittifoqining eng yaxshi amaliyotlarini o'zaro tajriba almashish yo'li orqali ishtirokchilarga tushuntirib berishdi.

O’zaro fikr almashish, qiziqarli o‘yinlar, savol-javoblar tarzida bo‘lib o‘tgan uchrashuvda yurtimizda xotin-qizlarga yaratilayotgan keng imkoniyatlar, imtiyoz va yangiliklar haqida ham e’tirof etib o‘tildi. Joylarda faoliyat yuritayotgan xotin-qizlar faollari faoliyatida yuzaga kelayotgan muammolar, ularni bartaraf etishda asosan nimalarga e’tibor qaratish kerakligi yuzasidan har bir ishtirokchi o‘z fikr-mulohazalarini bildirib o‘tdi. Mana shunday hamkorlik natijasida xotin-qizlarning jamiyatda, oilada mavqeini oshirish borasida samarali natijalarga erishish mumkinligi ta’kidlab o‘tildi.

Yangiobod tuman  "Sarmich" MFY da yashovchi fuqaro  03.03.2002 yildan 06.06.2015 yilgacha Yangiobod tumanidagi “SHUKURBOY O’G’LI XASAN” fermer xo'jaligida ishlagan davri uchun byudjetdan tashqari pensiya jamg’armasiga to’langan sug’urta badallari to’g’risida ma’lumotlar mavjud bo’lmaganligi hamda tuman Byudjetdan tashqari Pensiya bo’limi pensiya nafaqalar tayinlash komissiyasi tomonidan hisobga olinmaganligi sababli , hisobga olinmagan ish stajlarini qo’shib to’liq pensiya tayinlashda amaliy yordam so‘rab tuman adliya bo'limiga murojaat qilgan.

Taqdim etilgan hujjatlar asosida murojaat o'rganib chiqilib, fuqaroning mehnat daftarchasida ko’rsatilgan ish stajlarini qoʼshib pensiya tayinlashga erishildi.

Baxmal tuman 12- sonli davlat maktabgacha ta’lim tashkiloti "Bolalik qasri" ko'chmas mulkidan bir necha yildan buyon foydalnib kelgan biroq ijara pullarini to'lamagan .

Shu sababli "Bolalik qasri" ko'chmas mulki egasi  S.M to'lanmagan ijara pullarini undirib berishda amaliy yordam so‘rab tuman adliya bo'limiga murojaat qildi.

Tuman adliya bo'limi fuqaroning murojaatini o'rganib chiqish jarayonida , fuqaro S.Mga tegishli ko‘chmas mulkdan 2018-yil yanvar oyidan 2022 yil dekabr oyiga qadar 12-son DMTT ijarada foydalanganligi uchun bir oyga 12.852.181 so‘m 5 yil (60 oy)ga jami 771.130.860 so‘m ijara pullari to‘lanmaganligi ma'lum bo'ldi .  To'lanmagan  771.130.860 so'm ijara pullari tuman adliya bo'limi aralashuvi bilan fuqaro S.Mga to‘lab berilishi ta’minlandi.

Arnasoy tumani 14-son umumta'lim maktabining  2 nafar o'qituvchilari mart va aprel oyining ish haqlari to'lliq to'lab berilmaganligidan  norozi bo'lib tuman adliya bo'limiga murojaat qilishdi.  

Taqdim etilgan hujjatlar asosida murojaat o'rganib chiqilib, mart va aprel oylari uchun to‘lanmasdan qolgan jami 7 mln 600 ming so‘m ish xaqlari o'qituvchilarga to‘lab berilishi ta’minlandi. Umumta'lim maktabining  bosh hisobchisi ma’muriy javobgarlikka toritildi.

Amaldagi mehnat qonunchiligiga ko'ra, xizmat safari xodimning ish beruvchi farmoyishiga binoan doimiy ish joyidan tashqarida xizmat topshirig‘ini bajarish uchun boshqa joyga ma’lum muddatga qiladigan safaridir.

Xizmat safariga yuborilgan taqdirda ish beruvchi xodimga quyidagilarni qoplashi shart:  

- yo‘lkira xarajatlari;

- turar joy ijarasi xarajatlari;

- doimiy yashash joyidan tashqarida yashash bilan bog‘liq qo‘shimcha xarajatlar (sutkalik);

- xodim tomonidan ish beruvchining ruxsati yoki roziligi bilan qilingan boshqa xarajatlar.

Shunga ko'ra, fuqaro T. Xalilovaning Do'stlik tuman tibbiyot birlashmasida ishlab kelib,  2022-yil dekabr oyida qilgan xizmat safarlari xarajatlari to'lab berilmaganligidan norozi bo'lib,  uni undirishda amaliy yordam so'rab qilgan murojaati tuman adliya bo'limi tomonidan o'rganildi. O'rganish davomida T.Xalilova va yana 31 nafar xodimlarning 2022-yil dekabr, 2023-yil yanvar,  fevral,  mart va aprel oylaridagi ja'mi 22 mln 136 ming so'm xizmat safarlari xarajatlari to'lanmay kelinganligi aniqlandi va Do'stlik tuman tibbiyot birlashmasiga taqdimnoma ta'sir chorasi kiritildi. Natijada, barcha xodimlarga xizmat safarlari xarajatlari to'lab berildi.

Yillik asosiy ta'til muddati kamida 21 kalendar kun etib belgilanmoqda .