Yangiliklar

Mazkur loyihaning bu galgi manzili Zomin tuman Dashtaobod dehqon bozori.

Adliya boshqarmasi xodimlari, tuman adliya boʻlimi davlat xizmatlari markazi xodimlari ishtirokida bozor hududida faoliyat olib borayotgan tadbirkorlar bilan yuzma-yuz uchrashuvlar tashkil etildi. Intellektual mulk borasidagi yangiliklar va maʼlumotlar aks ettirilgan targʻibot materiallari tarqatildi. Shu bilan birga fuqarolarga sayyor davlar xizmatlari korsatildi. Bunday loyihalar aholining uzogʻini yaqin, ogʻirini yengil qilishga qaratilgan eng samarali tashabbuslardan biridir.

Inson qalbiga yo'l mehr-muruvvatdan boshlanadi. Ming yillar davomida shakllangan mehr-oqibat, sahovat tushunchalari asrlar mobaynida el-yurtimizning dunyoqarashi, ma'naviy hayotining negizi sifatida vujudga kelgan, ongimizdan chuqur joy olgan buyuk qadriyatlarning amaliy ifodasidir.

Ushbu yuksak tushunchalar davlatimiz rahbari tomonidan yoshlar siyosati sohasidagi ishlar natijadorligini oshirish maqsadida o'tkazilgan videoselektor yig'ilishida ham o'z aksini topgan holda har bir hududdagi alohida e'tiborga, ijtimoiy-moddiy jihatdan davlatning yordamiga muhtoj bo'lgan yoshlarning ro'yhatini shakllantirish va ularni viloyat, tuman, shahar hokimlariga shuningdek, sektor rahbarlari va tashkilot rahbarlariga biriktirish, muammolarini yechimini izlash va doimiy qo'llab-quvvatlash bo'yicha topshiriqlar berilgandi.

Shu maqsadda Jizzax viloyat adliya boshqarmasi boshlig'i A.Ergashev ijtimoiy-moddiy jihatdan yordamga muhtoj bo'lgan yoshlar va ularning ota-onalari bilan uchrashib muammolarini o'rgandi.

Jizzax viloyat adliya boshqarmasiga fuqaro Z.Jalilov vakolatli organ tomonidan ma’muriy huquqbuzarlik to‘g‘risidagi ishlarni yuritishda qonunbuzilishi holatlariga yo‘l qo‘yilganligidan norozi bo‘lib murojaat yo'llagan. Uning murojaatida mazkur noqonuniy qarorlarni bekor qilib etkazilgan moddiy va ma’naviy zarar undirishda amaliy yordam soralgan bo'lib, bu masala boshqarmaning Inson huquqlari bo'limi tomonidan o‘rganib chiqildi.

O'rganish natijasida noqonuniy ma’muriy jarima qo‘llash to‘g‘risidagi qarorlar bekor qilinib, etkazilgan moddiy va ma’naviy zararni undirish to‘g‘risida fuqarolik ishlari bo‘yicha sudga da’vo ariza kiritildi. Jizzax tumanlararo sudining hal qiluv qaroriga ko'ra fuqaro Z.Jalilovga 2.100.000 so'm moddiy zarar va 500.000 so'm ma'naviy zarar undirib berildi.

Zomin turizm va servis kolleji binosida tuman tadbirkorlari hamda mahalla fuqarolari ishtirokida 2023 yil 30 aprel kuni mamlakatimizda o‘tkaziladigan “O‘zbekiston Respublikasi Konstitutsiyasi to‘g‘risida”gi Konstitutsiyaviy qonun loyihasi bo‘yicha referendum targ‘ibotiga bag‘ishlangan tadbir bo‘lib o‘tdi.

Tadbirda so‘zga chiqqan tuman Adliya bo’limi mutaxassisi Mirzamurod Rustamov yangi Konstitutsiya loyihasida inson va uning haq-huquqlari borasida kiritilayotgan yangi normalar to‘g‘risida tushunnchalar berdi.

«Konstitutsiya meniki, seniki, bizniki! Konstitutsiya o‘zimizniki» shiori ostida o’tkazilgan tadbirida barcha ishtirokchilar o‘z vakolatidan foydalangan holda umumxalq Referendumida faol ishtirok etishga chaqirildi.

Adliya boshqarmasi tomonidan Jizzax viloyat maktabgacha va maktab ta'limi boshqarmasida "Yangi O'zbekistonda - yangi tahrirdagi Konstitutsiya" mavzusida davra suhbati tashkil etildi.

Unda boshqarma xodimlari I.Ablakulova va Sh.Sulaymonov  ishtirok etib, tadbir ishtirokchilariga yangi tahrirdagi konstitutsiya loyihasi yuzasidan keng tushuntirishlar berdi.

Jumladan, yangilanayotgan konstitutsiyada inson huquq va erkinliklari qonunlarimizning, har bir vazirlik va idora faoliyatining mazmuniga aylanishi qat’iy talab sifatida belgilanmoqda.

Shuningdek, “Inson qadri” tamoyiliga asosan qonunlardagi noaniqliklar inson foydasiga hal bo‘lishi shart va zarur ekanligi,  davlat va inson o‘rtasida munosabatlarni tartibga soluvchi qonunchilikdagi noaniqliklar, turli tushunmovchiliklar bartaraf etiladi, fuqarolarning ortiqcha ovoragarchiliklari oldi olinishi aytib o‘tildi.

Bugun Jizzax viloyat soliq boshqarmasida "Yangi O'zbekistonda - yangi tahrirdagi Konstitutsiya" mavzusida  viloyat Adliya boshqarmasi  mutaxassisi bilan uchrashuv tashkil etildi.

Unda Adliya boshqarmasi bosh maslahatchisi Sh.Sulaymonov  ishtirok etib, tadbir ishtirokchilariga yangi tahrirdagi konstitutsiya loyihasi yuzasidan keng tushuntirishlar berdi.

Jumladan, yangilanayotgan konstitutsiyada inson huquq va erkinliklari qonunlarimizning, har bir vazirlik va idora faoliyatining mazmuniga aylanishi qat’iy talab sifatida belgilanmoqda, bu hol davlat organlari hamda mansabdor shaxslarning faqat va faqat fuqarolarning manfaatlarini ko‘zlab faoliyat ko‘rsatishiga asos bo‘lishi ta’kidlab o‘tildi.

Shuningdek, “Inson qadri” tamoyiliga asosan qonunlardagi noaniqliklar inson foydasiga hal bo‘lishi shart va zarur ekanligi,  davlat va inson o‘rtasida munosabatlarni tartibga soluvchi qonunchilikdagi noaniqliklar, turli tushunmovchiliklar bartaraf etiladi, fuqarolarning ortiqcha ovoragarchiliklari oldi olinishi aytib o‘tildi.

Zero, yangilanayotgan Konstitutsiyada jamiyatning barcha qatlamlari manfaatlari inobatga olingani, Yangi O‘zbekistonni qurish g‘oyasi atrofida butun jamiyat jipslashgani, Bosh Qomusimiz tom ma’noda xalq Konstitutsiyasi bo‘layotganidan dalolat beradi.

Uchrashuvda ishtirokchilar tomonidan berilgan savollarga atroflicha javoblar qaytarildi.

Oʻzbekiston Respublikasi Mehnat kodeksining 154-moddasida ish beruvchi oʻzining moliyaviy holatidan qatʼi nazar xodimga bajargan ishi uchun haqni belgilangan mehnat haqi shartlariga muvofiq ushbu Kodeksning 161-moddasida koʻrsatilgan muddatlarda toʻlashi shart deb belgilangan. Shuningdek, 161-moddasiga muvofiq, mehnatga haq toʻlash muddatlari jamoa shartnomasi yoki boshqa lokal normativ hujjatda belgilanadi va har yarim oyda bir martadan kam boʻlishi mumkin emas.

Ammo, O‘zbekiston pochtasi AJ Jizzax filiali Paxtakor tumanlararo pochta aloqa bo‘limida ushbu normalarga amal qilinmagan holda 5 nafar xodimga 3 oy davomida ish haqi  to'lanmagan. Ushbu muammo yuzasidan qilingan murojaat Arnasoy tuman adliya bo'limi tomonidan ijobiy hal etildi. O'rganishlar asosida tashkilotga kiritilgan hatga ko'ra  xodimlarga to'lanmay kelingan jami 18 mln 50 ming so'm miqdordagi ish haqlari to'lab berildi.

O'z vaqtida olinmagan tug'ilganlik tog'risidagi guvohnomasi, bir qancha  muammolarni keltirib chiqarishi aniq. Sababi har birimizning shaxsimizni tasdiqlovchi dastlabki hujjat bu tug'ilganlik tog'risidagi guvohnoma hisoblanadi.

Ammo yurtdoshlarimizning orasida o'z vaqtida tug'ilganlik tog'risidagi guvohnomani rasmiylashtirmay keyinchalik muammolarga duch kelayotganlar ham yo'q emas.

Huddi shunday fuqarolardan biri Paxtakor tuman adliya bo'limiga murojaat bilan kelgan. Tuman adliya bo'limi hodimlari tomonidan tegishli tartibda murojaat o'rganib chiqilib, fuqaroning murojaati ijobiy hal etildi va 1 yildan ko'proq vaqtga kechikkan tug'ilganlik tog'risidagi guvohnoma o'z egasiga topshirildi.

Jizzax viloyati yuridik texnikumi bitiruvchilariga diplom topshirish marosimi  bo‘lib o‘tdi.
Joriy yilda Jizzax viloyati yuridik texnikumining 125 nafar bitiruvchi-o‘quvchilariga texnikumni tamomlaganligi bo‘yicha davlat namunasidagi diplom taqdim etildi.
Tadbirda Jizzax viloyat adliya boshqarmasi boshlig‘i A.Ergashev ishtirok etib, bitiruvchi yoshlarga egallagan kasbi bo‘yicha yetuk kadr bo‘lib  doimo xalq xizmatiga tayyor, vatanparvar, fidoyi inson sifatida faoliyat yuritishni va yuksak natijalar, muvaffaqiyatlar hamroh bo‘lishini tiladi.
Tadbirda o‘quvchilarning ota-onalari, sud va huquqni muhofaza qiluvchi organ vakillari ham ishtirok etdi.

"Jizzax ovozi" gazetasining novbatdagi sonida "Adliya maslahatxonasi" ruknida Jizzax viloyat adliya boshqarmasi xodimlarining maqolalari chop etildi.