Yangiliklar

Ҳар бир давлатнинг рамзи, халқининг ғурури ва фахри бу шубҳасиз унинг само узра хилпираб турган байроғидир. Ўзбекистон байроғи мамлакатимиз сарҳадларида қадимда мавжуд бўлган давлатлар билан тарихан боғлиқлигини англатиб, республиканинг миллий-маданий анъаналарини ўзида мужассамлаштиради. Шу сабаб 18 ноябрь Ўзбекистон Республикаси байроғи қабул қилинган сана муносабати билан Жиззах вилоят адлия бошқармаси, Ички ишлар бошқармаси, Ўзбекистон Ёшлар иттифоқи вилоят Кенгаши, Олий таълим муассасалари билан ҳамкорликда “Байроғим-ғурурим” шиори остида кенг кўламли тарғибот акцияси ташкил этилди. 



Байроқларнинг яратилиш тарихи, унинг аҳамиятини янада ёрқинроқ намоён қилиш ҳамда бизнинг байроғимиз, ўтмишда аждодларимиз томонидан ўз салтанатининг рамзи сифатида яратилган байроқларининг кўргазмаси ташкил этилди. Жиззах политехника институти, Ўзбекистон Миллий университети Жиззах филиали талабалари ва Жиззах юридик техникуми ўқувчиларидан ташкил топган 3 та жамоа ўртасида викторини ташкил этилиб, ёшларнинг тарихий байроқлар ҳақидаги билимлари синовдан ўтказилди.



Барча саволларга аниқ ва атрофлича жавоб берган Ўзбекистон Миллий университети Жиззах филиали талабалари 1-ўринни, Жиззах юридик техникуми ўқувчиларидан ташкил топган жамоа 2-ўринни ва Жиззах политехника институти жамоаси 3-ўринни қўлга киритди. Жамоаларга муносиб иштироки учун адлия бошқармаси томонидан диплом ва қимматбаҳо совғалар топширилди.



Мазкур акция давомида Жиззах шахри худудидаги 100 дан ошиқ транспот воситаларига автомобил ойналарига ўрнатиладиган байроқчалар тарқатиб чиқилди. 

Жиззах шаҳар СЭОМда иш фаолиятини олиб бораётган С.Мирзабековнинг Вазирлар Маҳкамасининг 583-қарорига асосан 6 фоизлик қўшимча пул маблағлари жорий йилнинг 21 август кунидан 20 сентябрь кунига қадар тўланмаганлигидан норози бўлиб қилган мурожаати асосида Жиззах шаҳар адлия бўлими марказда мониторинг олиб борди.

Мониторинг давомида яна 24 нафар ходимларга 21 август кунидан 20 сентябрь кунига қадар кунлик 6 фоизлик қўшимча тўловлар бўйича жами 52 млн. 489 минг 688 сўм пул маблағлари тўланмаганлиги аниқланди. Натижада, бўлим томонидан Жиззах шаҳар СЭОМга қонун бузилиш ҳолатларини бартараф этиш юзасидан киритилган тақдимномага асосан мазкур маблағлар ходимларга тўланиши таъминланди.

Жиззах шаҳар адлия бўлими ходимларнинг бузилган меҳнат ҳуқуқларини тиклашга доим тайёр ва Сизларнинг меҳнат ҳуқуқларингиз қонун билан кафолатланади.

Шерзод Қайнаров

жиззах шаҳар адлия бўлими

етакчи маслаҳатчиси

Адлия бошқармаси ва вилоят прокуратураси ҳамкорлигида маҳаллий давлат ҳокимияти органларининг юридик хизмат ходимларига давра суҳбати ўтказилди.

Давра суҳбатида Жиззах вилоят адлия бошқармаси томонидан маҳаллий давлат ҳокимияти органлари юридик хизмати ходимларининг фаолияти танқидий таҳлил қилингани, таҳилиллар, жорий йилда маҳаллий давлат ҳокимияти органлари томонидан жами 18 мингдан ортиқ қарор ва 2 296 та фармойишлар қабул қилинган бўлиб, уларнинг 178 таси прокуратура ва адлия органларининг протест ва тақдимномаларига асосан бекор қилингани кўрсатгани маълум қилинди.  

Мазкур қарорлар юридик жихатдан мукаммал ишланмаганлиги, ҳато ва камчиликлардан ҳоли эмаслиги бунга асосий сабаблардан бири бўлганлиги, шунингдек юридик хизмат ходимларининг билим ва маъсулияти айнан бу жараёнда катта аҳамият касб этиши давра суҳбатида таъкидлаб ўтилди.

Шунингдек, вилоят прокуратураси Иқтисодий соҳада қонунчилик устидан назорат қилиш бўлим бошлиғи Т.Худойбердиев туман (шаҳар) ҳокимликларининг тадбиркорлик субъектларига ер ажратиб бериш ҳақида кўплаб ноқонуний қарорлари қабул қилинаётгани, жорий йилда 34 та шундай қарорларни бекор қилинишини сўраб протестлар киритилганини билдирди.

Бугунги кунда Вазирлар Маҳкамасининг 2019 йил 20 декабрдаги 1023-сонли қарорига кўра ер участкалари тадбиркорлик ва шаҳарсозлик фаолиятини амалга ошириш учун фақат "E-IJRO AUKSION" савдо майдончасида онлайн - аукцион орқали берилиши лозимлиги белгиланганлигини таъкидлаб, маҳаллий давлат ҳокимияти органларининг юридик хизмати бу каби ҳолатларга ўз муносабатларини билдиришлари лозимлигини кўрсатиб ўтди.

Ушбу тадбир доирасида Жиззах вилоят адлия бошқармаси, Савдо саноат палатаси Жиззах вилоят ҳудудий бошқармаси ва Жиззах вилоятида фаолият кўрсатувчи Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил девони билан ҳамкорликда Жиззах вилоятидаги жами 12 та Кичик саноат зоналаридаги фаолият кўрсатувчи тадбиркорларнинг муаммоларини ўрганиш ва бартараф этиш, уларнинг қонуний манфаатларини самарали ҳимоя қилиш мақсадида жойига чиққан ҳолда суҳбатлар ўтказилиши ҳақида келишув имзоланди.

Бугунги тадбир Жиззах шаҳар "Сўлоқли" кичик саноат зонасида ўтказилди.

Ҳудудда фаолият юритаётган жами 13 нафар тадбиркорлар билан суҳбат ўтказилиб, уларни кийнаётган муаммолари ўрганилди.

Суҳбатлар жараёнида, ушбу ҳудудда фаолият юритаётган тадбиркорлар томонидан солиқ, банк соҳасида, электр, сув ва газ таъминотида муаммолар борлиги маълум бўлди ҳамда тегишли тартибда тадбиркорларнинг мурожаатлари қабул қилиниб ижрога қаратилди. 

Бундан ташқари, тадбир иштирокчилари мазкур ҳудудда фаолият юритаётган "HAQIQAT-OTABEK" КТИЧК, "AS-SHAR BIZNESS" ва “KEYS LUKC” масулияти чекланган жамиятлари фаолияти билан яқиндан танишишди.

Жиззах вилоят Уй-жой коммунал хизмат кўрсатиш бошқармасининг 2019 йил 24 майдаги буйруғи билан тасдиқланган танлов комиссиясининг 64-сонли мажлис баённомасига асосан ўтказилган танлов натижасига кўра “Бўрибоев-Самандар” МЧЖ ғолиб деб топилиб, жамият томонидан Мирзачўл туманида хожатхоналар қурилиш бўйича манзилли рўйхат тасдиқланган.

Шу асосида, “Кўп хонадонли уйларни, иссиқлик таъминоти объектларини қуриш бўйича инжиниринг компанияси” ДУК Жиззах вилояти филиали билан “Бўрибоев-Самандар” МЧЖ ўртасида 2019 йил 22 ноябрда 46-Ж-сонли пудрат шартномаси тузилган.

Шартномага мувофиқ, “Бўрибоев-Самандар” МЧЖ томонидан белгиланган ишлар бажарилиб, томонлар ўртасида бажарилган ишлар қиймати тўғрисида ҳисоб-фактура маълумотномалари имзоланган бўлсада, корхона томонидан жамиятга ўрганиш кунига қадар жами 239002000 сўм қарздорликлар тўлаб берилмаган.

Ваҳоланки, шартноманинг 7.4-бандида жорий молиялаштириш ҳар ойда бажариладиган ишлар миқдоридан берилган аванс миқдорини ушлаб қолиб, объектнинг шартномавий қиймати 95 фоизи миқдорида амалга оширилиши белгиланган эди.

Юқоридагилардан келиб чиқиб, “Кўп хонадонли уйларни, иссиқлик таъминоти объектларини қуриш бўйича инжиниринг компанияси” ДУК Жиззах вилояти филиалига “Бўрибоев-Самандар” МЧЖ учун тўлаб берилмаган қарздорликни зудлик билан 3 кунлик муддатда (дархол) тўлаб бериш юзасидан талабнома киритилган.

Аммо, киритилган талабнома ижроси таъминланмаганлиги сабабли, Мирзачўл туман адлия бўлими томонидан “Бўрибоев-Самандар” МЧЖ манфаатида Жиззах вилоят иқтисодий судига даъво аризаси киритилиб, мавжуд қарздорлик суд тартибида ундирилиши чоралари кўрилди. Натижада, 2020 йилнинг 3 ноябрь куни Жиззах вилоят иқтисодий судининг ҳал қилув қарори қабул қилиниб, тадбиркор манфаатига 239 миллион 2 минг 892 сўм миқдоридаги ҳақдорлиги ундириб берилди.

Мирзачўл туман адлия бўлими

Абдиев Ўлмас Абдусалиевич 

Инсон дунёга келган кундан бошлаб ўзининг бирламчи ҳақ-ҳуқуқларига эга бўлади. Вақт ўтган сари эса ижтимоий-сиёсий муносабатларга киришиши натижасида яна кўпгина ҳуқуқ ва эркинликларга эга бўлади. Бугун юртдошларимиз яшаш, меҳнат фаолиятини олиб бориш, ижтимоий ҳизмат кўрсатиш ва бошқа барча соҳаларда ўзларининг ҳуқуқларидан қай даражада фойдалана олишяпти? Жамиятда инсон ҳуқуқларига ҳурмат руҳини ҳамда фуқаролар ҳуқуқлари бузилишига муросасиз муносабатни шакллантириш мақсадида Жиззах вилоят адлия бошқармаси Инсон ҳуқуқлари бўлими томонидан корхона ва ташкилотларда ходимларнинг меҳнат ҳуқуқларига риоя этилиш аҳволи юзасидан сўровномалар ўтказиш орқали юқоридаги саволларга жавоб топиш имкони пайдо бўлмоқда.

Бир хафта давомида соғлиқни сақлаш муассасалари,  таълим муассасалари, Давлат ва ҳужалик бошқаруви органлари ҳамда молия ташкилотларида ўтказилган сўровномаларда 500 дан ортиқ ишчи ходимлар иштирок этишди.

Сўровномаларнинг аноним тарзда тўлдирилаётгани аниқлик ва шаффофликни таъминламоқда. Соҳалар кесимидаги бу каби ўрганишлар жараёни камчилик ва муаммоларни эрта аниқлаш ва бартараф этиш, коррупция, лоқайдлик каби жамият учун ўта хавфли бўлган иллатларнинг олдини олишга қаратилганлиги билан аҳамиятлидир.

Илғор Рашидов

Инсон ҳуқуқлари бўлими бошлиғи

Мамлакатимизда тадбиркорлик субъектларига бўлган эътибор, уларни қўллаб-қувватлаш, ҳуқуқий манфаатларини ҳимоя қилиш биринчи галдаги вазифалардан бири эканлигини эътироф этиш жоиз.

Жиззах шаҳар адлия бўлими томонидан бу борада самарали ишлар амалга оширилди.

Жумладан, "Шижоатли Шохжахон" фермер хўжалиги раҳбари Ш.Қосимовнинг “JIZZAX AGROKIMYOHIMOYA” HAJ Шароф Рашидов туман унитар корхонаси томонидан етказиб берилмаган маҳсулот бўйича қарздорликни ундиришда амалий ёрдам беришни сўраб қилган мурожаати юзасидан ўрганиш олиб борилди. Ўтказилган мониторинг натижасида яна 41 та фермер хўжаликларининг корхонадан ҳақдорлиги борлиги аниқланди. Шунга кўра, етказиб берилмаган маҳсулот учун жами 554 млн. 74 минг сўм қарздорликни ундириш юзасидан Жиззах туманлараро иқтисодий судига фермер хўжаликлари манфаатида даъво аризалар киритилиб, жами 554 млн. 74 минг сўм қарздорлик корхонадан фермер хўжаликлари фойдасига ундирилиши таъминланди.

Бундан ташқари, якка тартибдаги тадбиркорлар Р.Ғофуров, Х.Мирзаев ва А.Мирзаевларга Жиззах шаҳар ҳокимлиги томонидан жами 92 млн. 549 минг 866 сўм зарар етказилганлиги аниқланиб, мазкур холат юзасидан Жиззах туманлараро иқтисодий судига киритилган 3 та даъво аризалари асосида етказилган зарарлар тўлиқ қопланишига эришилди.

Тадбиркор ва ишбилармон юртдошларимизнинг ўз йўналишлари бўйича самарали натижаларга эришиши улар манфаатларининг ҳуқуқий асосларига боғлиқ албатта.

Шерзод Қайнаров

Жиззах шаҳар адлия бўлими

етакчи маслаҳатчиси

Дўстлик туманида яшовчи фуқаро Н.Эгамбердиева туман адлия бўлимига “Жиззах сув таъминоти” МЧЖ Дўстлик туман филиали томонидан инспекторлик вазифасидан ноқонуний бўшатилганидан норози бўлиб, ишга тиклашда амалий ёрдам беришни сўраб мурожаат қилган. Ўрганиш натижасида мазкур жараёнда иш берувчи томонидан бир қатор хато-камчиликларга йўл қўйилганлиги аниқланди.

Жумладан, Ўзбекистон Республикаси Меҳнат кодексининг 242-моддасига асосан иш вақтининг муддати ўн олтидан ўн саккиз ёшгача бўлган ходимларга ҳафтасига ўттиз олти соатдан ошмайдиган қилиб белгиланади. Ўрганиш жараёнида Н.Эгамбердиева ва “Жиззах сув таъминоти” МЧЖ Дўстлик туман филиали раҳбари ўртасида 2020 йил 12 август куни тузилган 28-сонли меҳнат шартномасининг 6.3.-бандида ходимга иш вақти ҳафтасига 40 (қирқ) соатни ташкил қилиши кўрсатилиб, қонунбузилишига йўл қўйилганлиги аниқланган.

Шу билан бирга Н.Эгамбердиева 2020 йил 13 сентябрдаги буйруққа асосан меҳнат шартномаси бекор қилинган бўлсада, буйруқ нусхасининг ходимга тақдим этилганини тасдиқловчи ҳужжат мавжуд эмас. Аниқланган қонун бузилиш холатларини инобатга олиб “Жиззах сув таъминоти” МЧЖ Дўстлик туман филиали томонидан Н.Эгамбердиева билан бекор қилинган меҳнат шартномаси қонунга хилоф тарзда расмийлаштирилганлиги сабабли филиал бошлиғининг меҳнат шартномасини бекор қилиш тўғрисидаги буйруғини бекор қилиб, меҳнат қонунчилиги талабларига етарли даражада риоя қилмаган масъул ходимларга нисбатан интизомий жазо чорасини қўллаш бўйича Дўстлик туман адлия бўлими томонидан киритилган тақдимнома тўлиқ қаноатлантирилди.

“Жиззах сув таъминоти” МЧЖ Дўстлик туман филиали бошлиғининг 2020 йил 30 октябрдаги №142-К бўйруғи асосида ходим ишга тикланди, кадрлар бўйича етакчи мутахассисга интизомий жазо чораси қўлланилди.

Мусахон Асатуллаев

Дўстлик туман адлия

бўлими бошлиғи

Жиззах вилоят адлия бошқармаси бошлиғи томонидан хафтанинг ҳар пайшанба куни вилоят халқ қабулхонасида фуқаролар мурожаатлари қабул қилинмоқда. Бугунги қабул давомида 5 нафар фуқароларнинг муаммоли масалалар юзасидан мурожаатлари тингланди.                                                                  

Бахмал туманида яшовчи фуқаро М.Мамадиева 4 нафар фарзанднинг онаси. Турмуш ўртоғи вафот этган. 2011 йилги зилзила оқибатида уй-жойи таъмирталаб аҳволга келиб қолган. шу сабаб арзон уй-жойлардан олиш, ёки уйини таъмирлашда ёрдам сўраб қилган мурожаатлари эътиборсиз қолган. Адлия бошқармаси томонидан вазият ўрганилиб тез орада амалий ёрдам кўрсатилиши белгиланди. Қолган мурожаатлар ижроси бўйича ҳам амалий ёрдам кўрсатилади.

Жиззах вилоят адлия бошқармаси Инсон ҳуқуқлари бўлимига Ш.Рашидов туманида яшовчи фуқаро вилоят "Таъмирлаш тиклаш хизмати" ДУК томонидан иш ҳақи берилмаётганлигидан норози бўлиб мурожаат қилди. Ўрганишда чиланган вазифасида ишлаб келаётган фуқаро Х.Нга 4.036.802 сўм иш ҳақи корхона томонидан тўланмаганлиги аниқланди. Натижада, адлия бошқармаси томонидан фуқаро манфаатида Фуқаролик ишлари бўйича Жиззах туманлараро судига даъво аризаси киритилиб 4.036.802 сўм иш ҳақи ундирилган.