Yangiliklar

Савол:  Иш берувчининг кўрсатмаси бўйича 2 ҳафта олдин ишга чиқишни бошладим. Аммо ташкилот раҳбари шу кунга қадар ишга қабул қилиш бўйича буйруқ чиқармаган экан. Ушбу ҳолатда мен билан ташкилот раҳбари ўртасида меҳнат шартномаси тузилмаган ҳисобланадими?

Жавоб:  Меҳнат кодексининг 82-моддасига кўра, ишга қабул қилиш иш берувчининг буйруғи билан расмийлаштирилади. Буйруқ чиқариш учун ходим билан тузилган меҳнат шартномаси асос бўлади.

Шунингдек, ишга қабул қилиш ҳуқуқига эга бўлган мансабдор шахс томонидан ёки унинг ижозати билан ходимга ҳақиқатда ишлашга рухсат этилган бўлса, ишга қабул қилиш тегишли равишда расмийлаштирилган ёки расмийлаштирилмаганлигидан қатъи назар, иш бошланган кундан эътиборан меҳнат шартномаси тузилган деб ҳисобланади.

Шу ўринда, мансабдор шахс томонидан меҳнат ва меҳнатни муҳофаза қилиш тўғрисидаги қонун ҳужжатларини бузганлик маъмурий жавобгарликка сабаб бўлади.

Улмас АБДИЕВ

Бошқарманинг ҳуқуқий тарғибот ва маърифат бўлими бошлиғи

Жиззах вилояти адлия бошқармасига Шароф Рашидов тумани, Раваллиқ МФЙ, Оқсоқол тўпик кўчаси, 61-уйда яшовчи фуқаро А.Азизов (исм фалияси ўзгартириб кўрсатилган) Жиззах вилояти “Таъмирлаш тиклаш хизмати” ДУК томонидан иш хақи берилмаётганлигидан норози бўлиб ёзган мурожаати бўйича тўпланган хужжатлар ўрганиб чиқилди.

Жумладан, фуқаро А.Азизов Жиззах вилояти “Таъмирлаш тиклаш хизмати” ДУКда Омбор мудири вазифасида ишлаб келиб, 2020 йилнинг
1 майдаги 21а-к-сонли буйруғи билан меҳнат шартномаси бекор қилинган.

Бироқ, Жиззах вилояти “Таъмирлаш тиклаш хизмати” ДУК томонидан Т.Тошпўлатовга 4.286.603 сўм иш ҳақи тўлаб берилмаган.

Жиззах вилояти “Таъмирлаш тиклаш хизмати” ДУКнинг Т.Тошпўлатовдан иш ҳақидан бўлган қарздорлиги ДУК томонидан тақдим этилган маълумотнома билан ўз тасдиғини топган.

Ҳолат бўйича бошқарма томонидан фуқаро А.Азизов манфаатида Жиззах вилояти “Таъмирлаш тиклаш хизмати” ДУКга нисбатан иш ҳақи ундириш ҳақида фуқаролик ишлари бўйича Жиззах туманлараро судига ариза киритилиши таъминланди.

Инсон ҳуқуқларини ҳимоя

2020 йилнинг 25 сентябрь куни вилоят Ер ресурслари ва давлат кадастри бошқармасида бошқарма ходимлари иштирокида адлия бошқармаси ва Жиззах шаҳар адлия бўлими ходимлари томонидан ҳуқуқий тарғибот тадбири бўлиб ўтди.

Тадбирда ''Ер ҳисоби ва давлат кадастрларини юритиш тизимини тубдан такомиллаштириш чора-тадбирлари тўғрисида''ги ПФ-6061-сон Президент Фармони ҳамда ''Ўзбекистон Республикаси Давлат солиқ қўмитаси ҳузуридаги Кадастр агентлиги фаолиятини ташкил этиш чора-тадбирлари тўғрисида''ги ПҚ-4819-сонли Президент қарорининг мазмуни моҳияти ва аҳамиятига тушунтириб ўтилди шунингдек, иштирокчилар томонидан берилган саволларга мутахассислар томонидан ҳуқуқий тушунтиришлар берилди. Тадбир қизғин ва кўтаринки руҳда бўлиб ўтди.

Тадбир тафсилотлари эфирга узатилиши учун вилоят телерадиокомпанияси операторлари томонидан ёзиб олинди.

Улмас АБДИЕВ

Бошқарманинг ҳуқуқий тарғибот ва маърифат бўлими бошлиғи

Жиззах вилоят телерадиокомпанияси орқали эфирга узатиладиган ''ТВ шарх'' кўрсатувининг бу галги сони Ўзбекистон Республикаси Президентининг “Хавфсиз, тартибли ва қонуний меҳнат миграцияси тизимини жорий қилиш чора-тадбирлари тўғрисида”ги Қарори шархига бағишланди.

Ушбу кўрсатувда Жиззах вилояти Зафаробод туман адлия бўлими бошлиғи Жаҳонгир Эшонқулов ва Республика "Истиқболли авлод" ижтимоий-ахборот маркази Жиззах вилоят бўлими ҳуқуқшуноси Эркин Муродовлар иштирок этишиб, Президентимизнимизнинг ушбу Қарори мазмун ва моҳияти ҳамда аҳамиятини тушунтириб ўтди.

2020 йилнинг 24 сентябрь куни Мудофаа вазирлигининг Жиззах шаҳридаги 59816-сонли ҳарбий қисмида ҳуқуқий тарғибот тадбири бўлиб ўтди.

Тадбирда вилоят адлия бошқармасининг масъул ходимлари иштирок этиб, улар томонидан ҳарбий қисм офицер ва сержантларига мамлакатимизда сўнги хафта давомида қабул қилинган қонун ҳужжатларининг мазмун ва моҳияти етказдирилди.

Шунингдек, иштирокчиларга коррупцияга қарши кураш борасида мамлакатимизда амалга оширилаётган ислоҳотлар юзасидан маъруза қилиниб, Ўзбекистон Республикаси Президенти Шавкат Мирзиёевнинг БМТ Бош Ассамблеясининг 75-сессиясидаги нутқи ўқиб эшиттирилди.

Ҳуқуқий тарғибот тадбири савол-жавобларга бой тарзда бўлиб ўтди.

Ўзбекистон Республикаси адлия вазирининг 2020 йил 7 январдаги 

6-ум-сон “Коррупцияга оид ҳуқуқбузарлик ҳолатларини аниқлашда жамоатчилик назорати ролини оширишнинг айрим масалалари тўғрисида”ги буйруғи ҳақида

Ўзбекистон Республикаси адлия вазирининг 2020 йил 7 январдаги
6-ум-сон “Коррупцияга оид ҳуқуқбузарлик ҳолатларини аниқлашда жамоатчилик назорати ролини оширишнинг айрим масалалари тўғрисида”ги буйруғи ижросини таъминлаш мақсадида,

Б У Ю Р А М А Н :

1. Ўзбекистон Республикаси адлия вазирининг 2020 йил 7 январдаги
6-ум-сон “Коррупцияга оид ҳуқуқбузарлик ҳолатларини аниқлашда жамоатчилик назорати ролини оширишнинг айрим масалалари тўғрисида”ги буйруғи раҳбарлик ва ижро учун қабул қилинсин.

2. Туман (шаҳар) адлия бўлимлари ва давлат нотариал идоралари устидан жамоатчилик назоратини ўрнатиш бўйича ишчи гуруҳ иловага мувофиқ тасдиқлансин ва Кадрлар бўлими (И.Рашидов) ишчи гуруҳ фаолиятини мувофиқлаштириб борсин.

3. Ишчи гуруҳ аъзолари:

туман (шаҳар) адлия бўлимлари ва нотариал идоралари фаолиятида қонун ҳужжатлари талаблари талабларига қатъий риоя этилиши устидан алоҳида назорат ўрнатсин, улар фаолиятида рейдлар ва “холис фуқаро” тадбирларини доимий равишда ўтказиш чораларини кўрсин;

ходимларнинг асосий эътиборини фуқароларга ўз вақтида сифатли хизмат кўрсатишга қаратилишини таъминласин.

4. Кадрлар бўлими (И.Рашидов) жамоатчилик назоратини амалга ошириш натижалари бўйича ҳар чоракда вазирликнинг Кадрлар бошқармасига ахборот тақдим қилинишини таъминласин.

5. Ишчи гуруҳ аъзолари жамоатчилик назоратини амалга оширишда қуйидагиларга эътибор қаратиши лозимлиги кўрсатиб ўтилсин:

ходимлар томонидан меҳнат интизомига қатъий риоя қилинишини, иш вақтида уларнинг нима билан машғуллиги;

идорада бегона шахсларнинг фаолият кўрсатмаётганлигини;

ундириладиган тўловлар миқдорлари, тақдим этиладиган ҳужжатлар рўйхати ва бошқа маълумотлар бўйича ахборот бурчакларининг кўринадиган жойларда тўғри ташкил этилганлигини;

ходимларнинг муомала маданиятини;

фуқаролар учун минимал шароитларнинг яратилганлигини;

шунингдек, хизмат кўрсатишни оғзаки равишда аоссиз рад этилиши ҳолатлари мавжудлигини;

тўловларни ҳисоблашда белгиланган тартиб ва нормаларга амал қилишини ҳолатларини кузатиш ва аниқлаш.

6. Жамоатчилик назорати вакилларининг хизмат кўрсатиш жараёнига аралашишига ҳамда хато ва камчиликларни сунъий равишда яратишга йўл қўйилмаслиги, кузатув ва ўрганиш давомида ходимлар томонидан қонунга зид хатти-ҳаракатлар содир этилганлиги ҳолатлари аниқланганда, зудлик билан вазирликка 1008 ишонч телефони ёки @antikorbot телеграмм боти орқали, шунингдек, бошқармага тўғридан-тўғри хабар бериш лозимлиги тушунтирилсин.

7. Ташкилий-назорат ва таҳлил ишлари бўлими (А.Раджабов) мазкур буйруқни бошқарма ва унинг тизимидаги идора ходимларига етказсин.

8. Мазкур буйруқ ижросини назорат қилиш бошқарма бошлиғи ўринбосарлари зиммасига юклатилсин.

Бошқарма бошлиғи                                                                              Ш.Саидов

Ўзбекистон Республикаси адлия вазирининг 2020 йил 24 февралдаги
42-ум-сон буйруғи ижросини таъминлаш ҳақида

Ўзбекистон Республикаси адлия вазирининг 2020 йил 24 февралдаги
42-ум-сон “Ўзбекистон Республикаси Адлия вазирлигининг коррупцияга қарши курашиш сиёсатини белгилаш тўғрисида”ги буйруғи ижросини таъминлаш мақсадида,

Б У Ю Р А М А Н:

1. Ўзбекистон Республикаси адлия вазирининг 2020 йил 24 февралдаги 42-ум-сон буйруғи ижро учун қабул қилинсин.

2. Мазкур буйруқ билан қуйидагилар:

Ўзбекистон Республикаси Адлия вазирлигининг коррупцияга қарши курашиш сиёсати тасдиқланганлиги;

Адлия органлари томонидан ходимлар билан тузилган меҳнат шартномаларига киритиш учун коррупцияга қарши қоидаларнинг мазмуни бўйича асосий шартлар тасдиқланганлиги;

Адлия органлари томонидан контрагентлар билан тузиладиган шартномаларга киритиш учун коррупцияга қарши қоидаларнинг мазмуни бўйича асосий шартлар тасдиқланганлиги инобатга олинсин ва ижрога қаратилсин.

3. Кадрлар бўлими (И.Рашидов) ходимлар билан тузиладиган меҳнат шартномаларида ва Хўжалик фаолияти ва меҳнатни муҳофаза қилиш бўлими (П.Каримов) давлат харидлари билан боғлиқ контрагентлар билан тузиладиган шартномаларда тегишлилиги бўйича коррупцияга қарши курашиш бўйича асосий шартлар мажбурий киритилиши таъминлансин.

4. Кадрлар бўлими (И.Рашидов) бошқарма марказий аппарати ва унинг тизими ходимларини бир хафта муддатда мазкур буйруқ билан таништирилиши таъминлансин.

5.  Ҳуқуқий тарғибот ва маърифат бўлими (У.Абдиев) Ўзбекистон Республикаси Адлия вазирлигиниг коррупцияга қарши курашиш сиёсати доирасида амалга оширилаётган ишларининг оммавий аҳборот воситалари, ижтимоий тармоқларда кенг ёритиб борилиши таъминлансин.

6.  Ўзбекистон Республикаси адлия вазирининг 2019 йил 29 июлдаги 233-ум-сон буйруғи ўз кучини йўқотганлиги инобатга олинсин.

7. Ташкилий-назорат ва таҳлил ишлари бўлими (А.Раджабов) мазкур буйруқни барча ходимлар эътиборига етказсин. 

8.  Ушбу буйруқнинг ижросини назорат қилиш ўз зиммамда қолдираман.

    Бошқарма бошлиғи                                           Ш.Саидов

O`ZBEKISTON RESPUBLIKASI ADLIYA VAZIRLIGI

JIZZAX VILOYAT ADLIYA BOSHQARMASI BOSHLIG`INING

BUYRUG`I

Ўзбекистон Республикаси адлия вазирининг 2020 йил 13 апрелдаги “Ўзбекистон Республикаси Адлия вазирлиги тизимида коррупцияга қарши курашиш фаолияти самарадорлигини баҳолаш тўғрисида”ги 

73-ум-сон буйруғи ижросини таъминлаш ҳақида

Ўзбекистон Республикаси адлия вазирининг 2020 йил 13 апрелдаги “Ўзбекистон Республикаси Адлия вазирлиги тизимида коррупцияга қарши курашиш фаолияти самарадорлигини баҳолаш тўғрисида”ги 73-ум-сон буйруғи ижросини таъминлаш мақсадида       

Б У Ю Р А М А Н:

1. Ўзбекистон Республикаси адлия вазирининг 2020 йил 13 апрелдаги “Ўзбекистон Республикаси Адлия вазирлиги тизимида коррупцияга қарши курашиш фаолияти самарадорлигини баҳолаш тўғрисида”ги 73-ум-сон буйруғи маълумот ва ижро учун қабул қилинсин.

2. Мазкур буйруқ билан:

Коррупцияга қарши курашиш соҳасида адлия органлари ва муассасаларининг юқори ва ўрта бўғин раҳбар ходимлари фаолияти самарадорлигининг асосий кўрсаткичлари асосида баҳолаш услубиёти тасдиқланганлиги;

Ўзбекистон Республикаси Адлия вазирлигининг Адлия вазирлиги тизимида коррупцияга қарши курашиш бўлими фаолияти самарадорлигининг асосий кўрсаткичларини баҳолаш услубиёти тасдиқланганлиги инобатга олинсин ҳамда ижро учун қабул қилинсин.

3. Коррупцияга қарши курашиш соҳасида адлия органлари ва муассасаларининг юқори ва ўрта бўғин раҳбар ходимлари фаолияти самарадорлигининг асосий кўрсаткичларини баҳолаш натижаларига кўра “намунали” деб топилганда рағбатлантириш, “қониқарсиз” деб топилганда эса интизомий жазо чораларини кўриш амалиёти жорий қилинганлиги инобатга олинсин.

4. Кадрлар бўлими (Ф.Мирзаев) Коррупцияга қарши курашиш соҳасида адлия органлари ва муассасаларининг юқори ва ўрта бўғин раҳбар ходимлари фаолияти самарадорлигининг асосий кўрсаткичлари асосида баҳолаш услубиётидан келиб чиқиб ишларни ташкил қилиб борсин.

5. Ташкилий-назорат ва таҳлил ишлари бўлими (А.Раджабов) мазкур буйруқни бошқарманинг манфаатдор таркибий бўлинмалари эътиборига етказсин.

6. Мазкур буйруқ ижросини назорат қилишни ўз зиммамда қолдираман.

Асос: Ўзбекистон Республикаси адлия вазирининг 2020 йил 13 апрелдаги 73-ум-сон буйруғи.

    Бошқарма бошлиғи                                           Ш.Саидов

Жиззах вилоят адлия бошқармаси Бу бўйича 2020 йилнинг 16 сентябрь куни “Ўзбекистон Республикаси фуқаролиги масалаларини кўриб чиқишда замонавий ахборот-коммуникация технологияларини татбиқ этиш бўйича қўшимча чора-тадбирлар тўғрисида” Ҳукуматнинг 557-сонли қарори қабул қилинди Қарорга мувофиқ, “E-Fuqaro” идоралараро маълумотлар базаси жорий этилади ва бу орқали: фуқаролик масалалари бўйича аризаларни қабул қилиш ва кўриб чиқиш автоматлаштирилади; мазкур аризалар идоралараро электрон ҳамкорлик йўли билан манфаатдор вазирлик ва идоралар ўртасида кўриб чиқилади; фуқароликка қабул қилиш, уни тиклаш, ундан чиқиш ва уни йўқотиш бўйича ягона маълумотлар базаси шакллантирилади. Ички ишлар вазирлиги “E-Fuqaro” ИМБнинг ягона буюртмачиси ва сақловчиси ҳисобланади. 2021 йил 1 январга қадар: республика ҳудудида фуқаролик масалалари бўйича мурожаатлар Ягона интерактив давлат хизматлари портали орқали; хорижда доимий истиқомат қилаётган шахслар томонидан эса Ташқи ишлар вазирлиги веб-сайтида жойлаштирилган интерактив консуллик хизмати орқали дастлабки ариза юбориш механизми жорий этилади. Бунда ариза юборувчи кейинчалик шахсан келиб мурожаат қилиши лозим бўлади. Улмас АБДИЕВ Жиззах вилоят адлия бошқармаси, бўлим бошлиғи

Савол:

Ассалому алайкум, саволим бор эди. Ҳозирда кредит таътили билан боғлиқ имтиёз кимларга берилмоқда? Жавоб учун олдиндан рахмат. 

ЖАВОБ: 

Кредит тўловларини кечиктириш бўйича амалга оширилаётган чоралар коронавирус пандемияси натижасида молиявий қийинчиликка учраган ҳам жисмоний шахслар, ҳам тадбиркорлик субъектлари учун мўлжалланган.

Коронавирус пандемияси натижасида тадбиркорлик субъектларида кредитларни қайтариш билан боғлиқ салбий оқибатларни юмшатиш мақсадида 2020 йилнинг 1 октябрига қадар барча кредит ташкилотларига:

▪️молиявий қийинчиликларга учраган тадбиркорлик субъектларининг кредитлари бўйича асосий қарз тўловларини ҳамда пул оқимлари фоиз тўловларини қоплаш учун етмаган тақдирда фоиз тўловларини кечиктириш;

▪️муддати ўтган қарздорликлар кечиктирилишида жарима санкцияларини қўлламаслик ҳамда ундирувни кредит таъминотига қаратмаслик бўйича Марказий банк томонидан тегишли тавсиялар берилди.

Бироқ, бу дегани тўлов муддати узайтирилган даврда фоизлар ҳисобланмайди дегани эмас. Кредит бўйича тўлов муддатлари кечиктирилган даврда ҳам кредитдан фойдаланганлик учун фоизлар ҳисобланиши давом этади ва кредит бўйича якуний тўловлар муддатларини узайтирилганлигини ҳисобга олган ҳолда, кейинги даврларда томонлар келишувига асосан бўлиб-бўлиб тўланади.

Улмас АБДИЕВ

Жиззах вилоят адлия бошқармаси, бўлим бошлиғи

Жиззах вилоят телерадиокомпанияси орқали эфирга узатиладиган ТВ шарх курсатувининг бу галги сони Ўзбекистон Республикаси Президентининг “Ер ҳисоби ва давлат кадастларини юритиш тизимини тубдан такомиллаштириш чора-тадбирлари тўғрисида”ги фармони ҳамда “Ўзбекистон Республикаси давлат солиқ қўмитаси ҳузуридаги кадастр агентлиги фаолиятини ташкил этиш чора-тадбирлари тўғрисида”ги Қарори шархига бағишланди.

ТОШКЕНТ ДАВЛАТ ЮРИДИК УНИВЕРСИТЕТИДА ТЕСТ СИНОВ ИМТИХОНЛАРИСИЗ 2- КУРСДАН ЎҚИШНИ ИСТАЙСИЗМИ ?

УНДА СИЗ УЧУН !

ЎЗБЕКИСТОН РЕСПУБЛИКАСИ АДЛИЯ ВАЗИРЛИГИ 
ЖИЗЗАХ ВИЛОЯТИ ЮРИДИК ТЕХНИКУМИ ИҚТИДОРЛИ ЎҚУВЧИЛАРНИ ДАВЛАТ ГРАНТИ ВА ТЎЛОВ-КОНТРАКТ  АСОСИДА ТАЪЛИМНИНГ КУНДУЗГИ ВА СИРТҚИ ШАКЛИДА ЎҚИШГА ТАКЛИФ ҚИЛАДИ!

ЎҚИШ МУДДАТИ 2 ЙИЛ
     • Абитуриентларнинг ҳужжатлари 2020 yil 25 августдан 25 сентабрга қадар    texnikum.dtm.uz   сайти орқали қабул қилинади.
Ҳужжатлар қуйидаги юналишлар бўйича қабул қилинади:
- Давлат -ҳуқуқий фаолият
- Юридик хизмат
- Суд- ҳуқуқий фаолият
                       
@yuridikqabul
tel 72 223 17 92  +998995560530