Yangiliklar
Пенсионерларга пенсиялар тўлиқ миқдорда тўланади.
Ўзбекистон Республикасининг Конституциясининг 39-моддасида ҳар ким қариганда, меҳнат лаёқатини йўқотганда, шунингдек боқувчисидан маҳрум бўлганда ва қонунда назарда тутилган бошқа ҳолларда ижтимоий таъминот олиш ҳуқуқига эга.
Пенсиялар, нафақалар, ижтимоий ёрдам бошқа турларининг миқдори расман белгилаб қўйилган тирикчилик учун зарур энг кам миқдордан оз бўлиши мумкин эмас деб кўрсатиб ўтилган.
Ўзбекистон Республикасининг “Фуқароларнинг давлат пенсия таъминоти тўғрисида” ги Қонунида Ўзбекистон Республикаси фуқароларининг қариганда, меҳнат қобилиятини тўлиқ ёки қисман йўқотганда, боқувчисиз қолганда ижтимоий таъминланишдан иборат конституциявий ҳуқуқларини рўёбга чиқариш, давлат пенсияларининг ягона тизимини, уларни тайинлаш, ҳисоблаб чиқариш, қайта ҳисоблаш ва тўлаш тартибини белгилайди дейилган.
Ўзбекистон Республикаси Президенти Шавкат Мирзиёев Миромонович томонидан пенсиянер янда қўллаб қувватланмоқда яъни “Фуқароларнинг пенсия таъминоти тизими самарадорлигини ошириш ва пенсионерларни ижтимоий қўллаб-қувватлашни кучайтиришга оид қўшимча чора-тадбирлар тўғрисида”ги фармонига кўра Пенсионерларни ижтимоий жиҳатдан янада қўллаб-қувватлаш учун қулай шарт-шароитлар яратиш, мамлакатимиз ижтимоий-иқтисодий ва ижтимоий-сиёсий ҳаётида амалга оширилаётган кенг кўламли ислоҳотларда уларнинг салоҳияти, тажрибаси ва билимини тўлақонли жалб қилиш, пенсия таъминоти тизими самарадорлигини ошириш, шунингдек, мазкур йўналишда халқаро тамойил ва стандартларни жорий этиш мақсадида, 2019 йил 1 январдан бошлаб барча ишловчи пенсионерларга пенсиялар тўлиқ миқдорда тўланиши белгиланган.
“Конституциямизда аҳолининг муҳим ижтимоий ҳуқуқи сифатида кафолатланган пенсия таъминоти келгуси йилларда ҳам энг долзарб масалалардан бири бўлиб қолади”, - дея таъкидлаб ўтганди давлат раҳбари.
Ўзбекистон Республикаси Президенти Шавкат Мирзиёев Миромонович
2019 йилдан бошлаб пенсия тўловининг юқори чегараси энг кам ойлик иш ҳақининг
8 баробаридан 10 баробарига оширилиши ва ишлаётган пенсионерларга пенсиялар тўла миқдорда тўланишини белгиланган.
Бахмал туман адлия бўлими
бош маслаҳатчи Н.Қодиров
“Жисмоний ва юридик шахсларнинг мурожаатлари тўғрисида”ги Ўзбекистон Республикаси Қонунининг мазмун-моҳияти ҳақида тушунтириш берилди.
Жиззах вилоят адлия бошқармаси томонидан жорий йилнинг 29 ноябрь куни Зомин туман адлия, прокуратура, ИИБ бўлимлари ва “Адолат ёлқини” газетаси вакиллари иштирокида “Мустақиллик” МФЙда “Ҳуқуқингни бил ва талаб қил” акцияси доирасида адлия органларида мурожаатларни кўриб чиқиш соҳасига бағишланган тадбир бўлиб ўтди. Тадбирда “Жисмоний ва юридик шахсларнинг мурожаатлари тўғрисида”ги Ўзбекистон Республикаси Қонунининг мазмун-моҳияти тушунтирилди ҳамда адлия бошқармасига келиб тушган ва ижобий ҳал этилган мурожаатлардан мисоллар келтирилди.
Жиззах вилоят адлия бошқармаси раҳбариятининг 2018 йил 2-ярим йиллик учун тасдиқланган сайёр қабул қилиш жадвалига асосан 2018 йил 29 ноябрь куни Дўстлик туман ҳокимлигида бошқарма бошлиғи вазифасини бажарувчиси Э.Махаммадиевнинг туманда истиқомат қилувчи фуқароларнинг сайёр қабули бўлиб ўтди.
Сайёр қабулда адлия бошқармаси, туман адлия бўлими ҳамда тегишли ташкилотларнинг ходимлари иштирок этди.
Қабулда фуқароларнинг иш ҳақи, туғилганлик гувоҳномасини олиш, нафақа, уй-жой, комунал, ишга жойлаштиришга оид мурожаатлар қабул қилинди.
Пахтакор туман адлия бўлими томонидан Мингчинор ҚФЙ да Вазирлар Маҳкамасининг 461-сон қарори бўйича тарғибот ишлари олиб борилиб 5 нафар фуқаролардан ўзбошимчалик билан қурилган уй-жойларга мулк ҳуқуқини бериш тўғрисида аризалар олинди.
Зомин туман адлия бўлими томонидан давлат хизматлар маркази, туман ҳокимлиги ва туман ФҲДЁ бўлими билан ҳамкорликда Вазирлар Маҳкамасининг 461-сонли Қарори ижроси юзасидан жойларда уйма-уй юриб жами 20 та туғилганлик ҳақида гувоҳнома ва 25 тадан ортиқ кадастр ҳужжатлари олинмаганлиги ҳолати юзасидан фуқароларга жорий йилнинг 9 октябрь куни бўлиб ўтган тадбирда тантанали равишда ўз эгаларига топширилди. Ушбу тадбир uz-24 телеканали томонидан тасвирга олинди.
“Фуқаронинг меҳнат ҳуқуқи таъминланди”
Фуқаро Г.Саттарова Бахмал туман тиббиёт бирлашмаси томонидан асоссиз равишда штат бирлигини 0.5 штат бирлигига туширилганидан норози бўлиб Жиззах вилоят адлия бошқармасига мурожаат қилган.
Ушбу ҳолат юзасидан адлия бошқармаси ўрганиш ўтказиб натижасига кўра, бошқармаси томонидан қонун ҳужжатлари бузилишини, уларнинг сабабларини ҳамда бунга олиб келувчи шарт-шароитларни бартараф этиш юзасидан Бахмал туман тиббиёт бирлашмасига тақдимнома ҳамда Жиззах вилоят Бандлик бош бошқармасига туман бирлашманинг мансабдор шахсларини маъмурий жавобгарликка тортиш масаласини кўриб чиқиш учун таклиф киритилди.
Тақдимнома натижасида фуқаро Г.Саттарова штат бирлиги тўлиқ бўлиши таъминланиб, ҳуқуқбузар шахслар, бирлашманинг кадрлар бўлими бошлиғига "Хайфсан"интизомий жазоси берилган ҳамда туман тиббиёт бирлашмаси бошлиғига нисбатан энг кам ойлик иш ҳақининг 2 баравари миқдорида маъмурий жарима қўлланилган.
Бахмал туман адлия бўлими
бош маслахатчиси Н.Қодиров
Ўзбекистон Республикаси Президентининг 2017 йил 4 январдаги Фармони