Yangiliklar

O’zbekiston Respublikasi Prezidentining 2018-yil 13-apreldagi PQ-3666-son qaroriga asosan jamiyatda huquqiy ong va huquqiy madaniyatni yuksaltirish bo‘yicha davlat organlari va tashkilotlarining bu borada olib borgan targ‘ibot tadbirlarini monitoring qilish va baxolash adliya organlari tomonidan amalga oshiriladi.

Shunga ko‘ra, Jizzax viloyatidagi 20 ta davlat organlari va tashkilotlari va tuman, shahar darajasidagi 12 ta davlat tashkilotlarida monitoringlar amalga oshirildi.

Huquqiy axborotni tarqatish, fuqarolarni va tizim xodimlarini o‘z yo‘nalishlari bo‘yicha qabul qilinayotgan qonun hujjatlari bilan tanishtirib borish ahvoli, huquqiy targ‘ibot tadbirlarini manzilli amalga oshirish mexanizmi to‘liq o‘rganib, tahlil qilinganida Ekologiya va atrof muhitni muhofaza qilish boshqarmasi tomonidan mazkur tadbirlar sifatli amalga oshirilganligi kuzatildi.

Shu munosabat bilan Jizzax viloyat Ekologiya va atrof muhitni muhofaza qilish boshqarmasini huquqiy axborotni tarqatishda qiloyatdagi eng namunali boshqarma deb e’lon qilamiz.

“O’zimiz keldik” loyihasi doirasida adliya boshqarmasining intellektual mulk yo'nalishi mas’ullari umumta'lim maktablarida bo'lishib o'qituvchi va o'quvchilarga kontrafakt maxsulotlari yuzasidan tushuntirish ishlarini olib bordilar. O’zaro muloqot jarayonida mavzu yuzasidan berilgan savollarga mutaxassislar tomonidan huquqiy tushuntirishlar berib o‘tildi.

Aholi orasida intellektual mulk savodxonligini shakillantirish borasidagi bunday tashabbuslar viloyatning barcha ta'lim muassasalarida davom etadi.

Jizzax viloyat Adliya boshqarmasi boshligʻi Akmal Ergashev Manas mahallasida boʻlib, aholi bilan sayyor qabul oʻtkazdi.

Unda tuman hokimi oʻrinbosari Bobur Islomov, tuman Xalq qabulxonasi mudiri Gʻaybulla Parmonov hamda tumandagi korxona va tashkilotlar mutasaddilari ishtirok etishdi.

Sayyor qabul rasmiylikdan holi, ochiq muloqot tarzida oʻtdi.

Adliya boshqarmasi boshligʻiga aholi vakillari oʻzlarini qiynayotgan 30 dan ortiq masalalar boʻyicha murojaatlar qilishdi. Ulardan oʻntasiga huquqiy tushunchalar berildi, yigirmadan ortiq murojaatlar Adliya organlari tomonidan nazoratga olindi.

Qabul yakuniga yetgach Akmal Ergashev mahalladagi 17-sondi Davlat maktabgacha taʼlim tashkiloti hamda “Manaslik chevarlar” tikuvchilik majmuasi faoliyati bilan tanishdi.

“O’zimiz keldik” loyihasining bu galgi manzili Mirzacho'l tumani markaziy dehqon bozori. Viloyat adliya boshqarmasi xodimlari, intellektual mulk yo'nalishi mas’ullari, tuman adliya bo‘limi davlat xizmatlari markazi xodimlari tadbirkorlar o'rtasida tushuntirish ishlarini olib bordilar. O’zaro muloqot jarayonida mavjud muammolar yuzasidan berilgan savollarga mutaxassislar tomonidan huquqiy tushuntirishlar berib o‘tildi.

Ish, oila tashvishlaridan ortib ehtiyoji bo‘lsada davlat xizmatlari markazlariga borishga vaqt topa olmayotgan fuqarolarga juda katta qulaylik yaratildi. Bunday imkoniyat fuqarolarning roziligiga hamda minnatdorligiga sabab bo‘ladi albatta.

Tuman markazidan olis hududlarda istiqomat qilayotgan aholiga davlat xizmatlarini ko‘rsatish bilan bog‘liq bu kabi sayyor xizmat ko‘rsatish jarayonlarlari aholiga qulaylik va yengillik yaratish maqsadida viloyatning barcha xududlarida davom etmoqda.

"O'zbekiston Respublikasi Prezidentining 2023-yil 24-maydagi PQ-162-sonli qarorining mazmun-mohiyati, ijro intizomini tashkil etishda "edo.ijro.uz" elektron tizimining o'rni va ahamyati" mavzusida viloyat adliya boshqarmasi hamda viloyat hokimligi mas'ul xodimlar tomonidan seminar mashg'ulotlari o'tkazildi.

Mazkur seminarda, “UNICON-SOFT” MChJ mutaxassislari tomonidan "Edo.ijro.uz" tizimiga biritirilgan tashkilotlarning xodimlariga mazkur tizimda ish yuritish tartibi, bosqichlari va texnik jihatlari bo'yicha yetarlicha tushunchalar berildi.

Davlat xizmatini rivojlantirish agentligi Jizzax viloyati filiali, viloyat adliya boshkarmasi va viloyat hokimligi hamkorligida oʻtkazilgan tadbirda hokimliklar, boshqarma hamda tashkilotlarda faoliyat yuritayotgan davlat fuqarolik xizmatchilari ishtirok etishdi.

Tadbirni Jizzax viloyat hokimi Ergash Saliyev kirish soʻzi bilan ochib berdi. Shundan soʻng Toshkent davlat yuridik universiteti tajribali huquqshunos ekspertlar guruhi tomonidan yangi tahrirdagi Oʻzbekiston Respublikasi Konstitutsiyasida belgilangan konstitutsiyaviy normalarning ijrosini soʻzsiz taʼminlash boʻyicha vazifalar yoritib berildi.

Shu bilan birga viloyat adliya boshqarmasi xodimlari tomonidan yangi tahrirdagi Konstitutsiyaning mazmun-mohiyati atroflicha tushuntirib utildi.

Taʼkidlandiki, barcha sohalarda inson qadrini tom maʼnoda yuksaltirish, davlat va jamiyat hayotini “inson-jamiyat–davlat” degan tizimga asoslangan holda boshqarish mexanizmini yanada rivojlantirish, shuningdek, sud-huquq tizimi sohasidagi islohotlar tushuntirildi.

Hukumat qarori (385-son, 14.08.2023-y.) bilan Tadbirkorlik sohasidagi majburiy talablar yagona elektron reyestrini shakllantirish va yuritish tartibi toʻgʻrisidagi nizom tasdiqlandi.

Nizomga koʻra, Yagona reyestrda tadbirkorlik faoliyati sohasidagi majburiy talablar toʻgʻrisidagi ma’lumotlar Oʻzbekiston Respublikasi Adliya vazirligi tomonidan ochiq va umumiy foydalanish uchun joylashtiriladi.

Majburiy talablarni qisqartirish va ularning Yagona reyestrini shakllantirish ishlarini tashkil etish ishchi guruh tomonidan amalga oshiriladi.

Avval xabar berganimizdek, ayni kunlarda adliya vaziri o‘rinbosari X.Meliyev boshchiligidagi ishchi guruh Adliya vazirligining eng quyi tizimlari faoliyatini o‘rganishmoqda. 

Xususan, joriy yilning 11 sentyabr kuni adliya vaziri o‘rinbosari X.Meliyev tomonidan Jizzax viloyatining Mirzacho‘l, Zafarobod, Arnasoy va Do‘stlik tumanlari Adliya bo‘limlari, Yuridik xizmat ko‘rsatish markazlari, hududiy arxiv bo‘limlari, Davlat xizmatlari markazlari hamda FHDY organlari faoliyati o‘rganildi.

Quyi tizimlar faoliyatini o‘rganish jarayonida aholiga davlat xizmatlarini ko‘rsatish va bo‘limga kelib tushgan hujjatlarni ko‘rib chiqish jarayonida “taym-menejment” asosida ishni to‘g‘ri tashkil qilish ish samaradorligini oshirishi qayd etildi.

 X.Meliyev tomonidan fuqarolarga ko‘rsatilayotgan xizmatlar sifatini aniqlash va mavjud kamchiliklarni bartaraf etishdan tashqari, tizim masʼullari faoliyatini jadallashtirish, fuqarolar uchun yaratilgan sharoitlarni yanada yaxshilash, xodimlarning fuqarolar bilan muloqot qilish ko‘nikmalarni oshirish kerakligi takitlandi.

Shu bilan birga aholining huquqiy muammolari bilan joyiga chiqqan holda ishlash, sayyor qabullarni samarali tashkil qilish bo‘yicha tegishli tavsiya va ko‘rsatmalar berildi.

Bundan tashqari, quyi tizimlar faoliyati bilan bog‘liq tashkiliy kamchiliklarni bartaraf qilish bo‘yicha chora-tadbirlar belgilab olindi.

Adliya vazirligining eng quyi tizimlari faoliyati oʻrganilmoqda

Shu kunlarda adliya vaziri oʻrinbosari X.Meliyev boshchiligidagi ishchi guruh Adliya vazirligining eng quyi tizimlari faoliyatini oʻrganishmoqda. 

Ayni vaqtda vazirlik ishchi guruhi tomonidan Jizzax viloyatidagi Adliya boʻlimlari, Davlat xizmatlari markazlari hamda FHDY organlari faoliyati oʻrganilmoqda.

Quyi tizimlar faoliyatini oʻrganish jarayonida fuqarolarga koʻrsatilayotgan xizmatlar sifatini aniqlash va mavjud kamchiliklarni bartaraf etishdan tashqari, tizim masʼullari faoliyatini jadallashtirish, fuqarolar uchun yaratilgan sharoitlarni yanada yaxshilash, xodimlarning fuqarolar bilan muloqot qilish koʻnikmalarni oshirish maqsad qilingan.

“Madad” NNT tomonidan joylarda huquqbuzarlik va jinoyatchilikni oldini olish masalalari yuzasidan uchrashuvlar oʻtkazilmoqda.

Xususan, “Madad” NNT tomonidan Jizzax shahrida nodavlat tashkilotlari, mahalla faollari, yoshlar, xotin-qizlar va ommaviy axborot vositalari ishtirokida mahallalarda huquqbuzarlik va jinoyatchilikni oldini olish masalalari yuzasidan “Ochiq eshiklar kuni” oʻtkazildi.

Tadbirda aholini jinoyatchilar haqida xabardor qilish, ayniqsa, voyaga yetmagan bolalar, maktab oʻquvchilari, talabalar, yoshlar va ayollar orasida huquqbuzarliklar sodir etilishini oldini olish, qolaversa, bunday holatlarga imkon bergan shart-sharoitlarni bartaraf qilish yuzasidan tushuntirishlar berildi.
    
Shuningdek, “Madad” NNT xodimlari tomonidan “Ochiq eshiklar kuni”ga tashrif buyurganlarga turli huquqiy masalalar boʻyicha bepul yuridik yordam koʻrsatildi.