Yangiliklar

O‘zbekiston Respublikasi Prezidenti rahbarligida joriy yilning 11-aprel kuni o‘tkazilgan yig‘ilishning 18-son topshiriqlar bayonida har bir vazirlik va idora rahbarlari, ularning o‘rinbosarlariga e’tiborga muhtoj yoshlar biriktirilib, har oyda kamida ikki marotaba ular bilan uchrashish va muammolarini hal etish vazifasi belgilangan.
Ushbu topshiriqlar ijrosini ta’minlash maqsadida adliya boshqarmasi boshlig'i A.Ergashev boshchiligida samarali ishlar olib borilmoqda. Biriktirilgan 47 ta o'g'il-qizlarning barchasi bilan yaqindan tanishildi, yashash sharoitlari o'rganildi, ota-onalari bilan suhbatlar o'tkazildi. Jarayonlar davomida 22 nafar yoshlarda turli yo'nalishdagi muammolar aniqlanib, ularning yechimi uchun tezkor amaliy ishlar boshlab yuborilgan edi. Qisqa fursatda esa 22 ta muammolarning barchasi ijobiy hal etildi. Bu galgi uchrashuv davomida dastlab yoshlarning maqsadlari, kelajak orzulari va rejalari tinglandi. Davra suhbati davomida esa bugunda yoshlarga yaratilgan imkoniyatlar, aynan qonunchilik bilan belgilab qo'yilgan imtiyozlar bo'yicha ma'lumotlar berib o'tildi. Ularning barcha ijobiy tashabbuslari davlatimiz tomonidan qo'llab-quvvatlanishi va amaliy yordam ko'rsatilishi ma'lum qilindi.

Jizzax viloyat adliya boshqarmasi boshlig'i A.Ergashev va sektor rahbarlari tomonidan o'tkazib kelinayotgan sayyor qabullarning navbatdagi manzili Baxmal tumani. Yuzma-yuz muloqotlar davomida "Nushkent" MFY aholisiga murojaatlarning yechimi uchun muhim bo'lgan huquqiy tushuntirishlar berildi. O'rganish va vaqt talab etadigan murojaatlar ish yurituviga olindi. Ba'zi murojaatlar aloqadorligiga ko'ra sohalarga yo'naltirildi. Shu bilan birga jinoyatchilikni oldini olish, yoshlarni turli tahdid va yolg'on g'oyalar tasiridan saqlashda huquqiy savodxon bo' lish lozimligi alohida ta'kidlab o'tildi. Bu borada mahalla profilaktika inspektori bilan hamkorlikda olib birilayotgan sa'yi-harakatlar to'g'risida ma'lumot berib o'tildi.

O‘zbekiston Respublikasi Prezidenti Shavkat Miromonovich Mirziyoyev rahbarligida joriy yilning 11-aprel kuni o‘tkazilgan yig‘ilishning 18-son topshiriqlar bayonida har bir vazirlik va idora rahbarlari, ularning o‘rinbosarlariga e’tiborga muhtoj yoshlar biriktirilib, har oyda kamida ikki marotaba ular bilan uchrashish va muammolarini hal etish vazifasi belgilangan.

Ushbu topshiriqlar ijrosini ta’minlash maqsadida adliya bo‘limi boshlig‘iga biriktirilgan jami 42 nafar yoshlar bilan o‘tkazilgan manzilli uchrashuvda, 22 nafar yoshlarning muammoli masalalari aniqlanib, shundan 11 nafar yoshlarning muammolari ijobiy hal etilishi ta’minlandi.

Yoshlarning muammolarini ijobiy hal etish borasidagi ishlar bo‘lim tomonidan davom ettirilmoqda.

Jizzax shahar adliya bo'limi tomonidan Jizzax shahar "Navro'z" mahalla fuqarolar yig'inida sayyor qabul tashkil etildi.

Sayyor qabul davomida Jizzax shahar adliya bo'limi boshlig'i M.Asatullayev tomonidan fuqarolarga huquqiy maslahatlar berildi hamda 7 nafar fuqaroning murojaatlari yozib olinib ijroga qaratildi.

Fuqarolarning huquqiy savodxonlik darajasini oshirish maqsadida, kundalik turmush tarzida duch kelishi mumkin bo'lgan huquqiy masalalar to'g'risida hamda qonunchilikdagi so'ngi yangiliklar to'g'risida tushuntirishlar berildi.

Xalq orasiga yaqinroq kirib borish va ularga beminnat xizmat ko‘rsatish borasida adliya tizimi turli tashabbuslarni amalga oshirib kelmoqda. Ayniqsa davlat xizmatlari markazlari tomonidan olis hududlarda bunday loyihalarning amalga oshirilishi aholi uchun ayni muddao. “O’zimiz keldik” loyihasini ham xalqning uzog‘ini yaqin qilish, mablag‘i va vaqtini tejash maqsadida amalga oshirilayotgan eng samarali tadbirlardan biri deb ayta olamiz.  

“O’zimiz keldik” loyihasining bu galgi manzili Yangiobod tumanidagi dehqon bozori. Dastlab viloyat adliya boshqarmasi intellektual mulk yo'nalishi mas’ullari, tuman adliya bo‘limi davlat xizmatlari markazi xodimlari tadbirkorlar o'rtasida tushuntirish ishlarini olib bordilar. O’zaro muloqot jarayonida mavjud muammolar yuzasidan berilgan savollarga mutaxassislar tomonidan huquqiy tushuntirishlar berib o‘tildi.

Ish, oila tashvishlaridan ortib ehtiyoji bo‘lsada davlat xizmatlari markazlariga borishga vaqt topa olmayotgan fuqarolarga juda katta qulaylik yaratildi. Bunday imkoniyat fuqarolarning roziligiga hamda minnatdorligiga sabab bo‘ladi albatta. Sayyor xizmat jarayonida 24 dan ortiq davlat xizmatlari ko‘rsatildi.

Tuman markazidan olis hududlarda istiqomat qilayotgan aholiga davlat xizmatlarini ko‘rsatish bilan bog‘liq bu kabi sayyor xizmat ko‘rsatish jarayonlarlari aholiga qulaylik va yengillik yaratish maqsadida viloyatning barcha xududlarida davom etmoqda.

Adliya organlari xodimlari oʻrtasida sogʻlom raqobat muhitini shakllantirish, jamoaviy ahilliklik hamda oʻzaro tajriba almashish maqsadida Adliya tajriba estafetasi loyihasiga start berildi.

Loyihaning ilk qadami Fargʻona viloyati adliya boshqarmasiga boʻldi. Bu loyiha respublikaning 14 ta hududiy adliya boshqarmalarida oʻtkazilishi rejalashtirilib, ular orasida eng yaxshi koʻrsatkichga ega boʻlgan viloyat misolida master klass shaklida uchrashuvlar tashkil etiladi.

Ushbu loyiha doirasida koʻrsatkichlari jihatidan namunali deya eʼtirof etilgan  Fargʻona viloyat adliyasi huquqiy targʻibot va jamoatchilik bilan ishlash sohasida oʻz tajribalari bilan oʻrtoqlashdi.Dastlab viloyatning Furqat tumani adliya boʻlimi, DXM, Yuridik markazlari, FHDYOsi joylashgan yagona maʼmuriy binosida boʻldik.124 ming aholisi bor ushbu maskanda aholi bilan ishlash jarayonlari bilan tanishdik.Bu yerda bir kunda oʻrtacha 200 mingdan ortiq davlat xizmatlari koʻrsatiladi. Aholi asosan kadastr,  elektron raqamli imzo, tadbirkorlik subyektlarini roʻyxatdan oʻtkazish kabi masalalarda murojaat etadi. Ushbu tuman hunarmandchilik borasida ilgʻor tumanlardan hisoblanadi.Jarayonlarni kuzatish davomida  OAVga olis hududlardan materiallar tayyorlash boʻyicha ham  fikrlar almashildi.

Jizzax shahar adliya bo'limi tomonidan Jizzax shahar "Tinchlik" mahalla fuqarolar yig'inida sayyor qabul tashkil etildi.

Sayyor qabul davomida Jizzax shahar adliya bo'limi boshlig'i M.Asatullayev, "Madad" muassasa shaklidagi nodavlat notijorat tashkiloti yuristi R.Yunusov hamda Yuridik xizmat ko'rsatish markazi bosh yuriskonsulti A.Raxmatovlar tomonidan fuqarolarga huquqiy maslahatlar berildi hamda 15 nafar fuqaroning murojaatlari yozib olinib ijroga qaratildi.

Fuqarolarning huquqiy savodxonlik darajasini oshirish maqsadida, kundalik turmush tarzida duch kelishi mumkin bo'lgan huquqiy masalalar to'g'risida hamda qonunchilikdagi so'ngi yangiliklar to'g'risida tushuntirishlar berildi.

Yoshlar bandligi – bu davlat ahamiyatiga molik masala.
Yoshlar muamolarini o'rganish va zarur chora-tadbirlarni amalga oshirish davlat ijtimoiy-iqtisodiy siyosatining dolzarb va uzoq muddatli vazifasi sanaladi.Yoshlar – bu mamlakat kelajagi ekanligi va butun jamiyatning istiqboldagi rivojlanishi ular faoliyatining boshlang'ich sharoitlariga bog'liqligi bilan belgilanadi.Tuman adliya bo'limlari tomonidan ham o'zlariga biriktirilgan yoshlar va ularning ota onalari bilan uchrashuv o'tkazib,  yoshlarning muammolarini o'rganib kelinmoqda xamda muammolarini bartaraf etish bo'yicha zarur chora- tadbirlar belgilab ushbu chora tadbirlar bosqichma bosqich amalga oshirib kelinmoqda.

O’zbekiston Respublikasining “Jismoniy va yuridik shaxslarning murojaatlari to‘g‘risida”gi Qonuni ijrosini ta’minlash maqsadida Jizzax viloyati adliya boshqarmasi boshlig'i birinchi o'rinboasri E.Maxammadiyev tomonidan joriy yilning 31-iyul kuni Arnasoy tumani, Yangibo'ston MFYda fuqarolar qabul qilindi. Qabul davomida jami 30 dan ortiq fuqarolar, shu jumladan tadbirkorlar ham qabul qilindi.

Qabul davomida 10 dan ortiq fuqarolarning (tadbirkorlarning) murojaatlari yuzasidan qonun normalarida belgilangan tartib bo'yicha tegishli tushuntirishlar berildi.

Shuningdek, 15 nafar fuqarolarning turli mazmundagi murojaatlari ish yurituvga qabul qilindi.Bundan tashqari sayyor qabul davomida fuqarolarga va tadbirkorlarga jami 10 dan ortiq davlat xizmatlari ko'rsatildi.

Bundan tashqari, sayyor qabulda ishtirok etgan tadbirkorlarga va fuqarolarga ularga qonunchilikda belgilangan imtiyozlar haqida batafsil huquqiy tushuntirishlar berildi hamda O‘zbekiston joriy yilning 20-avgust kuni O‘zbekiston Respublikasi Prezidentining tadbirkorlar bilan uchrashuvi o‘tkazilishi ma`lum qilindi.

Mamlakatimizda inson manfaatlari oliy qadriyat darajasiga koʻtarildi. Bugun barcha davlat idoralari faoliyatida aholining murojaatlari bilan ishlash boʻyicha sifat jihatidan mutlaqo yangi tizim yaratildi. Joylarda oʻtayotgan sayyor qabullar xalqning dardini eshitish, ularning muammolarini hal etishda, shak-shubhasiz, kutilgan natijalarni bermoqda. Zero, Davlatimiz rahbari taʼkidlaganidek, xalq davlat organlariga emas, balki davlat organlari xalqimizga xizmat qilishi kerak. Shu maʼnoda, Jizzax viloyat adliya boshqarmasi  boshlig'i o'rinbosari B.Pirxalov Zafarobod tumanidagi "Nurafshon" MFYda  fuqarolar bilan navbatdagi sayyor qabulini oʻtkazdi va sayyor tarzda fuqarolarga davlat xizmatlari ko'rsatildi.

Qabul davomida jami 40 dan ortiq fuqarolar, shu jumladan tadbirkorlar ham qabul qilindi.

Qabul davomida 10 dan ortiq fuqarolarning (tadbirkorlarning) murojaatlari yuzasidan qonun normalarida belgilangan tartib bo'yicha tegishli tushuntirishlar berildi.

Shuningdek, 19 nafar fuqarolarning turli mazmundagi murojaatlari ish yurituvga qabul qilindi.

Bundan tashqari sayyor qabul davomida fuqarolarga va tadbirkorlarga jami 17 ta davlat xizmatlari ko'rsatildi.Murojaatlarning asosiy qismi huquqiy savodxonlikning yetishmasligi oqibatida yuzaga kelmoqda. Shu sabab har bir masalaga huquqiy tushuntirish berish, yo'l-yo'riq ko'rsatish orqali ham ularni bartaraf etish mumkin. Dastlab eng ko'p murojaat kelib tushadigan masalalarni tartibga solib beruvchi qonun hujjatlari yuzasidan ma'lumotlar berib o'tildi. Yechimi vaqt talab etadigan masalalar ish yurituviga olindi, mutasaddilar bilan birgalikda yechimini ta'minlash borasida ishlar tashkil etiladi.