Yangiliklar

Ko'rsatilgan davlat xizmatlari soni-333 529
Shundan,
✅DXM orqali ko'rsatilgan davlat xizmatlari soni-236 499
✅Yagona portal orqali ko'rsatilgan davlat xizmatlari soni-60 581
✅Ko'rsatilgan sayyor davlat xizmatlari soni-25 393
✅Filiallar orqali ko'rsatilgan davlat xizmatlari soni-11 056
✅Jami ro'yxatidan o'tgan tadbirkorlik subyektlari soni-13 935
✅Jami ro'yxatidan o'tgan yuridik tadbirkorlik soni-3 718
✅Ro'yxatdan o'tgan jismoniy shaxslar-10 217
✅Jami FHDY xarakatlari soni-47 539

Президент Фармонига (https://lex.uz/uz/docs/6171343) асосан жорий йил 1 сентябрдан бошлаб ер участкасидан ихтиёрий воз кечиш тўғрисидаги ариза фақат нотариал тартибда тасдиқланиши қатъий белгиланган, ер участкасига бўлган ҳуқуқнинг маҳаллий давлат ҳокимияти органлари қарори билан бекор қилиниши мумкин эмас.

Мазкур тартиб фермерларни мажбуран ерини топширтириш, бўш оқ қоғозга имзо чекдириш ёки фермер номидан бошқа шахс имзо қўйиши каби йиллар давомида учраб келган амалиётларга чек қўйиш, шунингдек, исталган пайтда фуқаро ва тадбиркорлик субъектларининг ерга бўлган ҳуқуқларини ҳар хил йўллар билан бекор қилишга йўл қўймаслик мақсадида жорий этилган.

Яъни ихтиёрийлик шахснинг ҳақиқатан асл хоҳиш-иродасининг ифодаси эканлигини тасдиқлаш мураккаб ҳуқуқий жараён эканлигини инобатга олиб, бу муҳим вазифа нотариусларга юклатилган.

Бироқ, жорий йилнинг 13 октябрь куни Фарғона вилояти Учкўприк тумани ҳокимлиги биносига чақиртирилган нотариус М.Э. томонидан ер ижара шартномаларини бекор қилинишини сўраб 16 та фермер хўжалиги раҳбарларидан ҳоким номига ёзилган аризалар тасдиқлаганлиги маълум бўлди.  

Яъни, нотариус ҳам ва фермер хўжаликлари раҳбарлари ҳам бевосита туман ҳокимлиги биносига чақиртирилган бўлиб, аризаларни нотариал тасдиқлаш туман ҳокимлиги биносида юз берган.

Бундан ташқари, фермерларнинг аризалари билан боғлиқ нотариал ҳаракатни амалга ошириш, жумладан давлат божи ва бошқа тўловлар Учкўприк тумани ҳокимлиги ходими Ш.М. иштирокида амалга оширилган.

Бундай амалиёт юқоридаги Фармон мақсадига, мазмун-моҳиятига, унда белгиланган тартиб ва принципларга зиддир.

Маъмурий бинога чақиртирилиб, ҳокимлик ходимлари иштирокида ушбу нотариал ҳаракатларнинг амалга оширилиши фермерларнинг асл хоҳиш-иродасини ифода этишига халақит қилувчи катта тўсиқ сифатида қаралиши лозим.

Қолаверса, 16 та фермернинг бир вақтда бирваракайига ерни топшириш қарорига келганлиги ва бир вақтда ариза ёзиш мақсадида нотариусга мурожаат қилиш ҳолати тасодиф бўлиши мумкин эмас.

Шунга асосан Адлия вазирлиги томонидан 13 октябрь куни 16 та фермер хўжалиги раҳбарларининг аризаларини бекор қилиш чоралари кўрилмоқда. Ушбу аризалар асосида ерларни туман ҳокимлиги захирасига олиб қўйиш амалга оширилмаслиги назоратга олинди.

Ўз ўрнида, ҳокимлик мансабдор шахсларининг хатти-ҳаракатларига қонуний баҳо бериш юзасидан прокуратура органларига мурожаат қилинди.

Адлия вазирлиги ҳуқуқий муносабатлар барқарорлиги, ерга бўлган ҳуқуқларнинг таъминланиши қишлоқ хўжалиги ривожланиши учун энг муҳим шартларидан бири эканлигини таъкидлайди.

Шу муносабат билан маҳаллий давлат ҳокимияти органлари мансабдор шахсларига қонунчилик ҳужжатлари талаблари, айниқса юқоридаги Фармон мазмун-моҳиятидан келиб чиқиб зид фаолият юритганлик учун жавобгарлик мавжудлигини эслатиб ўтамиз.

Ҳурматли фермерлар!

Агар сизга нисбатан ер ҳуқуқларингиздан ихтиёрий воз кечиш бўйича мажбурлаш ёки бошқа кўринишдаги босимларга дуч келсангиз, яъни мазкур ҳаракатлар ўз ихтиёрингизга қарши амалга оширилаётган бўлса, дарҳол адлия органларига мурожаат қилишингизни сўраймиз!

Адлия вазирлиги
Жамоатчилик билан алоқалар бўлими

Xalq orasiga yaqinroq kirib borish va ularga beminnat xizmat ko'rsatish bugun eng samarali tizim hisoblanadi. Ayniqsa davlat xizmatlari markazlari tomonidan olis hududlarda bunday loyihalarning amalga oshirilishi aholi uchun ayni muddao. Xalqning uzog'ini yaqin qilish, mablag'i va vaqtini tejash maqsadida amalga oshirilayotgan tadbirlar Jizzax viloyatining barcha hududlarida davom etmoqda.

Mirzacho'l tuman adliya bo'limi davlat xizmatlari markazi tomonidan "Bog'bon" MFY fuqarolariga sayyor tartibda davlat xizmatlari ko'rsatildi.

Yangiobod tuman Davlat ximatlari markazi xodimlari tomonidan markazdan 22 km o'zoqlikda joylashgan "Sarmich" qishlog'ida 30 dan oshiq sayyor davlat xizmatlari ko'rsatildi.

Baxmal tumani DXM xodimlari markazdan 30 km uzoqdagi "Sangzor" MFYda bo'lishib, u yerda mahalla aholisiga 30 dan ortik sayyor tartibda xizmatlar kursatishdi.

Jizzax viloyat Tibbiy-ijtimoiy xizmatlarni rivojlantirish boshqarmasi hamda uning tuman (shahar) bo'limlari xodimlari ishtirokida "Davlat tashkilotlari tomonidan murojaatlarni ko’rib cbiqish tartibi to'g'risida" seminar tashkil etildi.            Seminarda Jizzax viloyat adliya boshqarmasi Inson huquqlarini himoya qilish bo'limi boshlig'i M.Raximova "Jismoniy va yuridik shaxslarning murojaatlari to‘g‘risida"gi Qonun talablari bo'yicha ishlash tizimini ishtirokchilarga tushuntirib o'tdi. Soha vakillari tomonidan yo'llangan savollarga javob berildi, murojaatlar bilan ishlash sifatini yanada oshirish ta'kidlab o'tildi.  

Bugungi kunda mamlakatimizda xotin-qizlar huquqlarini kafolatlash, ularga imtiyozlar berish dolzarb vazifaga aylanib ulgurdi. Adliya boshqarmasi tomonidan hamda tuman (shahar) adliya bo'limlari tomonidan xotin-qizlar huquqlarini amalga oshirish yuzasidan viloyat miqyosida targ'ibot tadbirlari doimiy tashkil etib kelinmoqda. Navbatdagi targ`ibot tadbiri Zafarobod tuman adliya bo`limi tashabbusi bilan O‘zbekiston Respublikasi Prezidentining 07.03.2022 yildagi “Oila va xotin-qizlarni tizimli qo‘llab-quvvatlashga doir ishlarni yanada jadallashtirish chora-tadbirlari to‘g‘risida”gi PF-87-son Farmoni bilan tasdiqlangan chora-tadbirlar rejasining 9-bandida belgilangan 11-oktyabr—Xalqaro qiz bolalar kuni munosabati bilan Zafarobod tumani xalq ta’limi bo‘limiga qarashli barcha umumta’lim maktablarida tashkil etildi. Targ'ibot tadbiri “Yoshlar ishlari agentligi” Zafarobod tuman bo‘limi hamda umumta’lim maktablarning psixologlari bilan hamkorlikda o‘quvchi yoshlar hamda pedagog kadrlar ishtirokida oila va xotin-qizlarni qo‘llab-quvvatlash, ularning huquqlarini himoya maqsadida tashkil etildi.

O'zbekiston Respublikasi Vazirlar Mahkamasining 2019-yil 27-sentabrdagi 816-son qarori bilan har yili oktabr oyining birinchi haftasi respublikamizda "Keksalar haftaligi" etib belgilangan. Mazkur haftalik "Keksalarni e'zozlash, ularga hurmat-ehtirom ko'rsatish - xalqimizga xos ezgu fazilat" degan g'oya ostida bo'lib o'tadi. Jizzax viloyat adliya boshqarmasi ham tizimda uzoq yillar mehnat qilgan va xozirda keksalik gashtini surayotgan faxriylarga izzat-ikrom ko'rsatish maqsadida ajoyib tadbir tashkil etdi. Nuroniy otaxonu onaxonlar ishtirokida Jizzax shahrida joylashgan muzeylarga sayohat uyushtirildi.
Hamid Olimjon va Zulfiya ijod uyi, u yerdagi muhit faxriylar uchun yoshlik yillarini yodga soldi.
Sharof Rashidov muzeyi ham bir olam taassurotlar maskani bo'ldi.
Eng muhimi e'tibor. Inson qalbi doimo shirin so'zga, mehrga talpinadi. Uni obod etish esa, katta bir imorat qurgan bilan barobardir. Bugun keksalarimizni qardlasak, ularning soha rivoji yo'lidagi mehnatlarini e'tirof etsak adliya tizimining mustahkam qadriyatlariga mos ravishda ish yuritgan bo'lamiz.

"O'zimiz keldik" loyihasi olis hududlarda aholiga davlat xizmatlarini ko'rsatish orqali ularning uzog'ini yaqin, og'irini engil qilishdan iborat ezgu tashabbuslardan biridir. Jizzax viloyatida bu yo'nalishga alohida etibor qaratiladi.

G'allaorol tuman Davlat xizmatlari markazi xodimlari tomonidan tuman markazidan 20 km uzoqlikda joylashgan "Oqtom" MFY hududida fuqarolarga sayyor xizmatlar ko'rsatilib. 18 ta dehqon xo'jaliklari ro'yxatdan o'tkazildi.

Paxtakor tuman adliya bo'limi Davlat xizmatlari markazi xodimlari tomonidan xudud axolisiga xozirgi paytda davlat xizmatlari markazlari faoliyatidagi yangiliklar yuzasidan tushunchalar berilib, sayyor tartibda xizmatlar kursatildi.

Arnasoy tuman adliya bo'limi davlat xizmatlari markazi xodimlari tomonidan ham "Yangi bo'ston" MFY hududida sayyor xizmat ko'rsatildi hamda fuqarolarni qaiynab kelayotgan savollarga huquqiy tushunchalar berildi.

Bundan tashqari Arnasoy tuman kasb hunar maktabida Jizzax viloyati ichki ishlar boshqarmasi boshlig'ining sayyor qabuli o'tkazildi. Qabul jarayonida Arnasoy tuman adliya bo'limi davlat xizmatlari markazi xodimlari tomonidan fuqarolarga sayyor xizimatlar ko'rsatildi, qonunchilikdagi yangiliklar aks ettirilgan bukletlar tarqatildi. Adliya bo'limi tomonidan qabul ishtirokchilariga sohaga oid huquqiy tushunchalar berildi.

Baxmal tuman adliya bo'limi davlat xizmatlari markazi xodimlari tuman markazidan 25 km uzoqlikdagi "Nushkent" MFYga yetib borishdi. Hudud aholisiga huquqiy targ'ibot va sayyor xizmat ko'rsatish tashkil etildi va 30 dan ortik xizmatlar kursatildi.

    Fuqaro A.J(ayol) Uzunbuloq QVPga sanitarka vazifasiga 16.05.2022 yildan boshlab 1 shtat birligida ishga qabul qilinganligi, lekin 0.25 shtat birligida oylik ish haqi to‘lab berilganligi, may, iyun, iyul oylari qolib ketgan ish xaqlarini undirib berishda amaliy yordam so‘rab qilgan murojaati bo‘lim tomonidan o‘rganib chiqildi. Baxmal tuman tibbiyot birlashmasiga murojaat muallifini 2022 yil 16 may kunidan bog‘bon va farrosh vazifasiga ishga qabul qilinganligi, biroq ushbu OShPda shtatlar jadvaliga asosan buyruqda ko‘rsatilgan ish o‘rinlar mavjud bo‘lmaganligi, avgust oyida Uzunbuloq oilaviy shifokorlik punkitiga 0.25 shtat birligida sanitarka vazifasiga, 0.5 shtat birligida qorovullik vazifasiga hamda 0.25 shtat birligida xovli supuruvchi vazifasiga qabul qilinganligi, murojaatdagi vajlar bo‘yicha muallif o‘z tushuntirishida qorovullik vazifasida ishlamaganligini bayon qilganligi, tuman tibbiyot birlashmasi muallif ishga qabul qilinishini noto‘gri rasmiylashtirilganligi ya’ni O’zbekistan Respublikasi Mehnat Kodeksining bir nechta talablari qo‘pol buzilganligi bo‘yicha tuman tibbiyot birlashmasi mansabdor shaxslariga ma’muriy javobgarlik masalasi ko‘rib chiqilishi uchun tuman Aholi bandligiga ko‘maklashish markaziga ma’muriy taklif, mas’ul xodimlar intizomiy javobgarlik maslasini ko‘rib chiqilishi va mehnat qonunchiligidagi qonubuzilishlarni muvofiqlashtirilishi bo‘yicha taqdimnoma ta’sir chorasi kiritildi.

G'allaorol tumanidagi "Ko'kbuloq" MFYda "15-oktabr-Xalqaro qishloq ayollari kuni" munosabati bilan tuman adliya bo'limi, tuman oila va xotin-qizlar bo'limi, Mahalla va nuroniylarni qo'llab-quvvatlash bo'limi hamkorligida hududdagi xotin-qizlar ishtirokida ularning muammolarini o'rganish bo'yicha sayyor qabul tashkil etildi.
10 nafar xotin-qizlarning murorjaatlari yuzasidan tushuntirish berildi, shuningdek, 5 nafar fuqaroning  murojaatlari belgilangan tartibda ko'rib chiqish uchun ish yurituviga olindi. Bundan tashqari tadbir ishtirokchilariga qonunchilikdagi yangiliklar, islohotlar, xotin-qizlarga yaratilayotgan imkoniyatlar, imtiyozlar to'g'risida tushuntirishlar berildi.

Jizzax viloyat adliya boshqarmasi tizimida “Oyning eng yaxshi xodimi” aniqlandi.

Zarbdor tuman adliya bo'limi FHDY bo'limi mudiri Dilnoza Ne'matova 2022-yil sentabr oyining eng yaxshi xodimi deb topildi.

Jizzax viloyat adliya boshqarmasi jamoasi D.Ne'matovaning keyingi faoliyatida ham omad va zafarlar tilaydi!