Yangiliklar

Jizzax viloyati yuridik texnikumi bitiruvchilariga oliy taʼlim tashkilotlari bakalavriatiga test sinovlarisiz oʻqishga qabul qilish uchun oʻtkaziladigan yakka tartibdagi suhbatda ishtirok etish huquqini beruvchi yo‘llanma berish bo‘yicha Maxsus komissiyani majlisi 2024-yil 28-iyun kuni 10:00 da Texnikum binosida bo‘lib o‘tadi.

Jizzax viloyati yuridik texnikumi bitiruvchilariga oliy taʼlim tashkilotlari bakalavriatiga test sinovlarisiz oʻqishga qabul qilish uchun oʻtkaziladigan yakka tartibdagi suhbatda ishtirok etish huquqini beruvchi yo‘llanma olish uchun tanlovda talabgorlarga beriladigan savollar ro‘yxati (O‘zbekiston Respublikasi Vazirlar Mahkamasining 2021-yil 22-noyabrdagi 705-sonli qaroriga (https://lex.uz/uz/docs/-5737476#-5738855) asosida) tasdiqlandi. Savollar bilan texnikumning ijtimoiy tarmoqdagi rasmiy sahifalari orqali tanishishingiz mumkin.

Barchangizni butun dunyoda arxiv jamoatchiligi tomonidan keng nishonlanadigan 9-iyun — “Xalqaro arxivlar kuni” bilan samimiy tabriklaymiz.

Mamlakatimiz ijtimoiy-iqtisodiy rivojlanishi yo'lidagi sharafli va fidokorona faoliyatingizda hamisha muvaffaqiyat yor bo'lsin!

Hurmat bilan Jizzax viloyat adliya boshqarmasi jamoasi!

Adliya boshqarma boshlig'i A.Ergashevning Forish tumanidagi "Nurak" MFYda sayyor qabuli tashkil etildi. Sektor rahbarlari, profilaktika inspektori, mahalla, xotin-qizlar va yoshlar masalalari bo'yicha mas'ullar hamda davlat organlari va tashkilotlari vakillari ishtirokida bo'lib o'tgan qabul davomida hudud aholisi bilan suhbatlashildi.

Aksariyat murojaatlarga huquqiy maslahat berish orqali masalaning echimiga to'g'ri yo'nalish ko'rsatilgan bo'lsa, bevosita sohaga aloqador murojaatlar ish yurituviga qabul qilindi.

Shu bilan birga hudud aholisiga sayyor davlat xizmatlaridan foydalanish imkoniyati yaratildi.

Zafarobod tumanida "Yosh huquqshunos" tanlovining tuman bosqichi g'oliblari aniqlandi.

Tanlov 14 yoshdan 30 yoshgacha bo'lgan yoshlar o'rtasida, test sinovlari asosida bo'lib o'tdi.

Natijalarga ko'ra 14-18 yoshgacha bo'lgan yoshlar orasidan "Uzun" mahallasida yashovchi Ch.Abdumannonova va 19-30 yoshgacha bo'lgan yoshlar orasidan Sh.Jo'raevlar eng yuqori ko'rsatgichni qayd etib, g'oliblikni qo'lga kiritdi.

Tuman adliya bo'limi yoshlarni g'oliblik bilan tabriklaydi va omad tilaydi.

Paxtakor hamda Mirzacho'l tumanlarida Jizzax viloyat adliya boshqarmasi boshligʻi oʻrinbosari B. Pirxalov, hamkor tashkilotlar hamda mahalla yettiligi bilan birgalikda "Sayyor qabul" tarzida tashkil etilgan uchrashuv davomida fuqarolarni qiynayotgan muammolar yuzasidan murojaatlari tinglandi.

Ayrim murojaatlar joyida hal etilgan bo'lsa, ayrimlariga huquqiy tushintirishlar berildi, o'rganish talab qilinganlari ish yurituviga olindi.

Shuningdek qabul davomida sayyor davlat xizmatlari ko'rsatilib, tadbirkorlik faoliyatini boshlash istagini bildirgan 4 nafar ayollarga tikuv mashinkalari topshirildi.

Adliya vaziri tomonidan joriy yilning 13-mayidan 13-iyuniga qadar “Bolalar va yoshlarning huquqlarini himoya qilish” huquqiy aksiyasi o‘tkazilmoqda.

Shunga ko‘ra, adliya bo‘limi tomonidan joriy yilning 1-iyun – xalqaro bolalarni himoya qilish kuni munosabi bilan adliya sayli o‘tkazildi.

Tadbirda, bo‘lim tomonidan yoshlar o‘rtasida huquqiy bilim va ko‘nikmalarini oshirish maqsadida turli hil o‘yinlar va viktorinalar o‘tkazildi.

Shuningdek, bolalar huquqi bo‘yicha bo‘lim tomonidan tayyorlangan buklet va flayerlar tarqatildi, ularning huquq va qonuniy manfaatlarini himoya qilishga qaratilgan tegishli tavsiya va tushuntirishlar berildi.

Dunyo tashvishlarini bolalarning birgina tabassumi orqali unuta olasiz. Bolalik beg'uborlik, yuksak orzular va imkoniyatlar fasli. Ularning samimiy olamiga faqat va faqat bayramlar yarashadi.                                                                                                                                                                                                                                                                                                                                                                                                                                                                                       
Xuddi mana shunday maqsadlarni ko'zlagan Jizzax viloyat adliya boshqarmasi ham bu kunni bolajonlar bilan birgalikda ajoyib, kutilmagan, quvnoq va noodatiy tarzda nishonlash maqsadida tadbir tashkil qildi.

O'zbekiston Respublikasi Prezidentining "Ma'muriy islohotlar doirasida adliya organlari va muassasalarining mas'uliyatini yanada oshirish hamda ixcham boshqaruv tizimini shakllantirish to'g'risida"gi Farmoni mazmun-mohiyatini keng jamoatchulikka etkazish maqsadida "Adolat mezoni" nomli ko'rsartuv tasvirga olindi.

Jizzax viloyat adliya boshqarmasi mas'ul hodimlari tomonidan farmonda belgilangan ko'shimcha vazifalar, yangiliklar va tizim faoliyatini yanada takomillashtirishga qaratilgan loyihalar yuzasidan atroflicha tushunchalar berildi.

"Ma'muriy islohotlar doirasida adliya organlari va muassasalarining mas'uliyatini yanada oshirish hamda ixcham boshqaruv tizimini shakllantirish to'g'risida"gi farmonga ko'ra "Mahalla huquqshunosi" loyihasi amalga oshiriladi.