Yangiliklar

Huquqiy targ'ibot tadbirlari davom etmoqda

Jizzax viloyat madaniyat boshqarmasi tizimi hodimlari ishtirokida huquqiy targ'ibot tadbiri bo'lib o'tdi.

Ushbu tadbirda Jizzax shahar adliya bo'limi YXKM hodimi A.Rahmatov ishtirokchilarga Yangi konstitutsiyaning mazmun mohiyati va mehnat, saylov qonunchiligi yuzasidan tushunchalar berdi.

#Konstitutsiyani_o'rganamiz 42-modda.  
Har kim munosib mehnat qilish, kasb va faoliyat turini erkin tanlash, xavfsizlik va gigiyena talablariga javob beradigan qulay mehnat sharoitlarida ishlash, mehnati uchun hech qanday kamsitishlarsiz hamda mehnatga haq to‘lashning belgilangan eng kam miqdoridan kam bo‘lmagan tarzda adolatli haq olish, shuningdek ishsizlikdan qonunda belgilangan tartibda himoyalanish huquqiga ega.

Uchrashuv davomida fermer xo‘jaliklari rahbarlariga o'z faoliyatiga doir qonun hujjatlarning mazmun mohiyati, ularga berilgan imkoniyat va imtiyozlar haqida so'z bordi.


Xususan ularga Vazirlar Mahkamasining 2023 yil 3 iyunda “2023 yil hosilidan bug‘doy xarid qilish va ichki bozorda narxlar barqarorligini ta’minlash chora-tadbirlari to‘g‘risida”gi 227-sonli Qaroriga ko'ra quyidagi huquqlari bor ekanligi tushuntirildi

bug‘doy ma’lum bir qismini davlat resursi sifatida hamda urug‘lik bug‘doyni O’zbekiston Respublikasi Iqtisodiyot va moliya vazirligi huzuridagi Qishloq xo‘jaligini davlat tomonidan qo‘llab-quvvatlash jamg‘armasi mablag‘lari hisobidan xarid qilish;
ma’lum bir qismini fermer xo‘jaliklari hamda boshqa bug‘doy yetishtiruvchilar tomonidan keyinchalik birja savdolari orqali sotish uchun Jamg‘armaning tijorat vakilida vaqtincha saqlash tartibi joriy qilinganligi
Bunda bug‘doy yetishtiruvchilar tomonidan vaqtincha saqlashga qabul qilinadigan 5 va undan yuqori sinflardagi tovar bug‘doy barcha tadbirkorlik sub’ektlariga birja savdolari orqali cheklovlarsiz sotilishi
Bug‘doy yetishtiruvchilarning vaqtincha saqlashga qabul qilinadigan bug‘doy birja savdolari orqali oyma-oy grafik asosida sotilishini inobatga olib, 2023 yil hosili uchun bug‘doy yetishtirish xarajatlarini moliyalashtirishga ajratilgan kreditlarni qaytarish muddati, istisno tariqasida, 2023 yil 1 noyabrga qadar uzaytirilganligi

Bugun yurtimizdagi 16 ta shahar “Bir vatanda, bir vaqtda, bir masofaga, bir maqsadda – birga yuguramiz!” umumiy yagona shiori ostida birlashdi.
25-iyun kuni respublikaning 16 ta shahrida "Yoshlar kuni" munosabati bilan "Yangi nafas" xalqaro ommaviy yugurish musobaqasi va "Vatan qalqoni" harbiy-vatanparvarlik ommaviy yugurish musobaqasi bo‘lib o‘tdi.

Yangi nafas xalqaro ommaviy yugurish musobaqasida Xalqaro Olimpiya kunini (Olympic Day) nishonlash munosabati bilan bir milyaga teng ramziy masofaga ommaviy yugurishlar  ham tashkil etildi. Jizzaxda bo‘lib o‘tgan marafonda yuguruvchilar 3 km masofaga musobaqalashdilar.

Sport tadbiri ishtirokchilari  uchun start ertalab soat 6:00 da berildi. 2000 ga yaqin ishtirokchilarni qamrab olgan tadbirda Jizzax viloyat adliya boshqarmasi xodimlari ishtirok etib, imkoniyati cheklangan bo'lsada g'alaba sari intilib g'olib bo'lgan ishtirokchilarga boshqarma tomonidan ajratilgan sovg'alarni topshirishdi.

Joriy yilning  Jizzax viloyati Adliya boshqarmasi boshlig‘i o'rinbosari B.Pirxalov tomonidan Zafarobod tumani  "Pistalikent" ShFY hududida "Inson qadri uchun" aksiyasi doirasida fuqarolar o‘rtasida sayyor qabul tashkil etildi.

Sayyor qabul davomida 17 nafar fuqarolarning o‘zlarini qiynab kelayotgan va mavjud muammolariga huquqiy yechib topa olmayotgan, shuningdek buzilgan huquqlarini tiklash va amaliy yordam ko‘rsatish masalasidagi murojaatlar tinglandi, 9 nafariga tushuntirishlar berilgan bo‘lsa, 3 tasi joyida hal etildi, 5 ta murojaat ish yurituviga olindi.

Tadbir so'ngida tumanning "Pistalikent" va "Nurafshon" ShFY hududidagi tashkilotlarning rahbar va xodimlariga yuridik xizmat ko‘rsatish markazi xodimlari tomonidan amaldagi, yangi tahrirdagi Mehnat kodeksi bo‘yicha bir kunlik o‘quv-seminar tashkil etildi.

Kontrafakt bu xuddi  "KitKat" tovarini xarid qilaman deb “tiKtaK”ni adashtirib sotib olishga oʻxshaydi.

Asosiysi arzon mahsulotni koʻrganda uni sotib olishga shoshilmang.

Eslatma! Tovar belgisidan noqonuniy foydalanib, iste’molchini chalg’itganlik uchun javobgarlik belgilangan.

Hurmatli tadbirkor, oʻzganing tovar belgisidan ruxsatsiz foydalanishdan saqlaning, oʻz brendingizni yarating va uni rivojlantiring.

Jizzax viloyati adliya boshqarmasi boshlig'ining o'rinbosari B.Pirxalov Yangiobod tumani "Xo‘jamushkent" QFYda istiqomat qiluvchi fuqarolar bilan “Inson huquqlari oliy qadriyat” huquqiy aksiya doirasida sayyor qabul oʻtkazdi.Mamlakatimizda inson manfaatlari oliy qadriyat darajasiga koʻtarildi. Bugun barcha davlat idoralari faoliyatida aholining murojaatlari bilan ishlash boʻyicha sifat jihatidan mutlaqo yangi tizim yaratildi. Joylarda oʻtayotgan sayyor qabullar xalqning dardini eshitish, ularning muammolarini hal etishda, shak-shubhasiz, kutilgan natijalarni bermoqda. Zero, Davlatimiz rahbari taʼkidlaganidek, xalq davlat organlariga emas, balki davlat organlari xalqimizga xizmat qilishi kerak.
“Inson huquqlari – oliy qadriyat” aksiyasi doirasida O‘zbekiston Respublikasining “Jismoniy va yuridik shaxslarning murojaatlari to‘g‘risida”gi Qonuni ijrosini ta’minlash maqsadida Jizzax viloyati adliya boshqarmasi boshlig‘i o‘rinbosari B.Pirxalov tomonidan Yangiobod tumani, Xo‘jamushkent QFYda istiqomat qiluvchi fuqarolar mahalla binosida qabul qilindi.
Qabul davomida Jizzax viloyati adliya boshqarmasi, Yangiobod tuman adliya bo‘limi boshlig‘i, yuridik xizmat ko‘rsatish markazi, davlat xizmatlari ko‘rsatish markazi, tumandagi mutasaddi tashkilotlarning mas’ul shaxslari ishtiroki ta’minlanib, murojaat qiluvchilarni qiziqtirgan masalalarga to‘liq javob berildi va o'rganish talab etiladigan murojaatlar ish yurituviga olindi.

Jizzax shahar hokimining 2015-yil 23-martdagi 459-sonli Qaroriga binoan Siddikova Dilorom hamda uning farzandlariga tegishli bo‘lgan Jizzax shahri, Kimyogar MFY, A.Navoiy ko‘chasida joylashgan avtomobillarni ta’mirlash ustaxonasi (noturarjoy) buzilib, yer maydoni shahar hokimligining zahira fondiga qaytarib olinishi belgilanmagan bo‘lsada, 2015-yil sentabr oyida mazkur ustaxona buzilib, 877,60 m2 (0,09 ga) yer maydoni hokimiyatning zahira fondiga qaytarib olingan.

Shu sababli, D.Siddikova buzilgan ustaxonasi uchun kompensatsiya berilishi bo‘yicha bir necha marta shahar hokimiyatiga murojaat qilgan bo‘lsada, shu kunga qadar unga kompensatsiya pullari to‘lab berilmagan. Shundan so‘ng, fuqaro buzilgan ustaxonasi uchun kompensatsiya undirib berilishi yuzasidan shahar adliya bo‘limiga murojaat qildi.

Jizzax shahar adliya bo‘limi tomonidan D.Siddikovaning murojaati o‘rganib chiqilib, O‘zbekiston Respublikasi Vazirlar Mahkamasining 2019-yil 16-noyabrdagi 911-son qarori bilan tasdiqlangan “Yer uchastkalari olib qo‘yilishi va olib qo‘yilayotgan yer uchastkasida joylashgan ko‘chmas mulk obyektlari mulkdorlariga kompensatsiya berish tartibi to‘g‘risida”gi Nizom talablari asosida kompensatsiya to‘lovlarini undirish uchun Fuqarolik ishlari bo‘yicha Jizzax tumanlararo sudiga da’vo arizasi kiritildi.

Fuqarolik ishlari bo‘yicha Jizzax tumanlararo sudining tegishli hal qiluv qaroriga asosan, D.Siddikovaga 216.378.000 so‘m miqdordagi kompensatsiya pullari javobgar Jizzax shahar hokimiyati hisobidan undirib berilishi ta’minlandi.

Xalq orasiga yaqinroq kirib borish va ularga beminnat xizmat ko‘rsatish borasida adliya tizimi turli tashabbuslarni amalga oshirib kelmoqda. Ayniqsa davlat xizmatlari markazlari tomonidan olis hududlarda bunday loyihalarning amalga oshirilishi aholi uchun ayni muddao. “O’zimiz keldik” loyihasini ham xalqning uzog‘ini yaqin qilish, mablag‘i va vaqtini tejash maqsadida amalga oshirilayotgan eng samarali tadbirlardan biri deb ayta olamiz.  

“O’zimiz keldik” loyihasining bu galgi manzili G'allaorol tumanidagi dehqon bozori. Dastlab viloyat adliya boshqarmasi intellektual mulk yo'nalishi mas’ullari, tuman adliya bo‘limi davlat xizmatlari markazi xodimlari tadbirkorlar o'rtasida tushuntirish ishlarini olib bordilar. O’zaro muloqot jarayonida mavjud muammolar yuzasidan berilgan savollarga mutaxassislar tomonidan huquqiy tushuntirishlar berib o‘tildi.

Ish, oila tashvishlaridan ortib ehtiyoji bo‘lsada davlat xizmatlari markazlariga borishga vaqt topa olmayotgan fuqarolarga juda katta qulaylik yaratildi. Bunday imkoniyat fuqarolarning roziligiga hamda minnatdorligiga sabab bo‘ladi albatta. Sayyor xizmat jarayonida 30 dan ortiq davlat xizmatlari ko‘rsatildi, 50 dan ortiq huquqiy maslahatlar berildi.

Tuman markazidan olis hududlarda istiqomat qilayotgan aholiga davlat xizmatlarini ko‘rsatish bilan bog‘liq bu kabi sayyor xizmat ko‘rsatish jarayonlarlari aholiga qulaylik va yengillik yaratish maqsadida viloyatning barcha xududlarida davom etmoqda.

Jonli muloqot davomida Advakatlik guvohnomasini berish tartibi, Yangi tahrirdagi Konstitutsiyaning mazmun-mohiyati va saylov qonunchiligi yuzasidan tinglovchilarga ma'lumotlar berildi.

Xabaringiz bor O‘zbekiston Respublikasi Adliya vazirligi tomonidan “Inson qadri uchun” tamoyili asosida 2023-yilning 2-iyunidan — 30-iyun kuniga qadar “Inson huquqlari oliy qadriyat” huquqiy aksiyasi e’lon qilingan.

Jizzax viloyat adliya boshqarmasi boshlig‘i birinchi o‘rinbosari E.Maxammadiyev ishtirokida Paxtakor tumani “Buyuk ipak yo‘li”MFYda tuman hokimligi va sektor rahbarlari bilan hamkorlikda sayyor qabul tashkil etildi. Tadbir davomida hudud aholisining murojaatlari tinglandi. Aksariyat muammolarga huquqiy tushuntirish berish orqali to‘g‘ri yo‘l ko‘rsatildi. Ijrosi vaqt talab etadigan murojaatlar ish yurituviga olindi. Kam ta’minlangan, ijtimoiy himoyaga muhtoj ayollar uchun davlatimiz tomonidan yaratib berilayotgan imkoniyatlar sabab o‘z ish joyiga, kasb xunarga, mehnat qurollariga ega bo‘layotgan xotin-qizlarimiz talaygina. Tadbir davomida ana shunday ayollarga tikuv mashinalari topshirildi, mutasaddilar ularning kelgusi faoliyatlariga omadlar tilashdi.  

Shu bilan birga, tadbir davomida hudud aholisi uchun davlat xizmatlari markazi tomonidan turli yo‘nalishda xizmatlar ko‘rsatildi. Ma’lum sabablarga ko‘ra davlat xizmatlari markazlariga bora olmayotgan fuqarolarning og‘iri yengil, uzog‘i yaqin bo‘ldi.