Yangiliklar

Ўзбекистон Республикаси Президентининг 2018 йил 13 апрелдаги
ПҚ-3666-сонли қарори билан тасдиқланган “Ўзбекистон Республкаси Адлия вазирлиги тўғрисида”ги низомга мувофиқ туман (шаҳар) адлия бўлимларига вазифа ва функциялардан келиб чиқиб бўлим томонидан бир қатор ишлар амалга оширилди. Хусусан,

1. Ижро интизоми бўйича;

2020 йил январь-сентябрь ойлари давомида бўлимга жами 516 та хат
ва ҳужжатлар келиб тушган бўлиб, ҳисобот даври бошига 27 та топшириқлар назоратда бўлиб, ҳисобот даврида келиб тушган хужжатлардан 207 таси адлия бошқармасидан келиб тушган.

Келиб тушган хужжатлардан 196 таси назоратга олинган ва 320 таси маълумот учун қабул қилиниб, шундан 182 та хужжатларнинг ижро қилиниши таъминланган. Шунингдек, 2020 йил 3-чорак якунида жами 41 та хат ва ҳужжатлар қолдиқ сифатида қолган бўлиб, 31 таси доимий назоратга олинган ҳужжатлар ҳисобланади.

Келиб тушган хат ва хужжатлар бўйича бўлимда 22 маротаба йиғилишлар ўтказилган ҳамда 12 та назорат режалари ишлаб чиқилиб, ижроси таъминланган ҳамда давлат органлари ва ташкилотларида
49 маротаба ўрганишлар ўтказилиши таъминланган.

2020 йилнинг 9 ойи давомида бўлим томонидан ижро интизоми бузилиши ҳолатига йўл қўйилмаган.

2. Инсон хуқуқларини ҳимоя қилиш соҳасида;

Бўлимга 2020 йилнинг 9 ойи давомида жами 436 та мурожаатлар келиб тушган бўлиб, шундан 329 та шикоят ва 107 та аризаларнинг 402 таси ҳал этилди, шу жумладан 319 та ёки 73,17 % мурожаатлар (шундан 215 таси шикоят ва 104 таси ариза) қаноатлантирилган, 83 та ёки 19,04 % мурожаатлар бўйича хуқуқий тушунтиришлар берилган бўлса, 22 та ёки 5.05 % мурожаат тегишлилигига кўра юборилган ҳамда 13 та ёки 2.98 % мурожаат бўйича ўрганиш ишлари якунланмаганлиги сабабли қолдиқда қолган.

Қаноатлантирилган жами 329 та шикоятлар бўйича жами 40 та тақдимнома, 90 та даъво аризалари, 18 та маъмурий жавобгарликка тортиш юзасидан таклифлар ҳамда 238 та бошқа турдаги таъсир чоралари киритилиши таъминланди.

Киритилган таъсир чоралари натижасида 7 нафар шахслар интизомий, 2 нафар шахс маъмурий жавобгарликка тортилган бўлса ва 3 та хужжат бекор қилиниши таъминланди.

Cудларга умумий қиймати 1 млрд. 123 млн. 412 минг сўмлик жами
90 та даъво аризалари киритилган бўлиб, шундан 80 таси қаноатлантирилди
ва 3 таси бўйича тегишли қарор қабул қилинганлиги сабабли иш юритиш тугутилди. Жорий йилнинг 1 октябрь ҳолатига 7 та 11 млн 12 минг
500 сўмлик даъво ариза суд томонидан кўриб чиқилмоқда.

3. Норма ижодкорлиги соҳасида;

Бўлим томонидан 2020 йилнинг 9 ойи давомида қонунчиликдаги “оқ доғлар”ни, шу жумладан коррупциянинг келиб чиқишига ва бошқа хуқуқбузарликлар содир этилишига шароит яратиб бераётган норма
ва қоидаларни бартараф этиш ҳамда қонун ҳужжатларини такомиллаштириш юзасидан жами 51 та таклифлар ишлаб чиқилиб бошқармага тақдим этилиши таъминланди ҳамда маҳаллий давлат ҳокимияти органи томонидан тақдим этилган 3 та норматив хуқуқий хужжатлар белгиланган тартибда ҳуқуқий экспертизадан ўтказилиб, хулосалар берилди.

Маҳаллий давлат ҳокимияти органларига норма ижодкорлиги фаолияти бўйича 2 та тақдимнома киритилиб, 2 та норматив тусдаги қарори бекор қилиниши таъминланди.

4. Хуқуқни қўллаш амалиёти соҳасида;

Бўлим томонидан 2020 йилнинг 9 ойи давомида ижтимоий соҳада ҳуқуқни қўллаш амалиёти соҳасида 12 та, инсон ҳуқуқларини ҳимоя қилиш соҳасида 56 та, Юридик хизмат фаолиятини ташкил этиш соҳасида 5 та, Норма ижодкорлиги соҳасида 12 та жами 85 та ўрганиш, шунингдек, ижтимоий соҳада ҳуқуқни қўллаш амалиёти соҳасида 29 та, ҳамда тарғибот соҳасида 32 та, давлат хизматларини кўрсатиш соҳасида 19 та ҳамда инсон ҳуқуқларини ҳимоя қилиш соҳасида 4 та, бошқа соҳаларда 1 та, жами 85 та мониторинглар ўтказилди

Ўтказилган ўрганиш ва мониторинглар натижасида жами 2546 та, шундан, мурожаатларни кўриб чиқишда 372 та, таълим соҳасида 17 та, соғлиқни сақлаш соҳасида 343 та, пенсия ва нафақа соҳасида 364 та, иш билан таъминлаш масаласида 9 та, уй-жой масаласида 5 та, меҳнат соҳасида 50 та, коммунал тўловларга оид 210 та, банк соҳасида 5 та, солиққа оид қонунбузилишлар бўйича 96 та, ер ажратишга оид 75 та, юридик хизмат соҳасига оид 138 та ва бошқа соҳаларда 862 та қонун бузулиш ҳолатларига йўл қўйилганлиги аниқланди.

Аниқланган қонунбузилиш ҳолатларини бартараф этиш мақсадида давлат органлари ва ташкилотларига 100 та тақдимномалар киритилди,
42 нафар айбдор мансабдор шахсларга нисбатан маъмурий баённомалар расмийлаштирилиб, жавобгарликка тортилиши таъминланди
ва ташкилотларга 789 та огоҳномалар киритилди.

Тақдимномаларга асосан жами 95 млн. 127 минг 706 сўм пул маблағлари тўлаб берилиши таъминланди ва кўрилган таъсир чоралар натижасида ноқонуний қабул қилинган жами 19 та ҳужжатлар бекор қилинди ҳамда 47 нафар айбдор шахсларга нисбатан интизомий жазо чоралари қўлланилиб, шундан 4 нафари билан меҳнат шартномаси бекор қилинди.

Бундан ташқари 2020 йилнинг 9 ойи давомида 13 та давлат органлари ва ташкилотларидан статистик кўрсаткичлари талаб қилиб олиниб,
18 турдаги статистик ҳисоботлар таҳлил қилиниши, шунингдек, 10 та идора фаолиятида жами 47 та норматив-хуқуқий хужжатлар (шундан 5 та қонун,
17 та Ўзбекистон Республикаси Президенти фармон ва қарорлари, 20 та Вазирлар Маҳкамасининг қарорлари ва 5 та бошқа идоравий хужжатлар) таҳлил қилинди.

Ўтказилган таҳлиллар натижасида 13 та қонун ҳужжатларида муаммо
ва камчиликлар аниқланди, шунингдек, мазкур жамоатчилик фикрини ўрганиш мақсадида 815 нафар фуқаролар ўртасида 8 маротаба сўровномалар ўтказилиши таъминланди.

Шу билан бирга ўтказилган ўрганишлар ва мониторинглар натижаси бўйича 6 маротаба таҳлилий маълумотномалар тайёрланиб, ташкилий-хуқуқий чоралар кўриш бўйича 2 маротаба таклиф киритилди.

5. Ўтказилган ҳуқуқий тарғибот тадбирлари тўғрисида;

Бўлим томонидан 3871 та тарғибот тадбирлари, шу жумладан 625 та
(44 та маърузалар, 80 та семинарлар, 36 та давра суҳбатлари ва 465 та
уйма-уй бориб ўтказилган тарғиботлар) оғзаки ва 3184 маротаба (16 маротаба телевидениеда, 11 маротаба радиоларда, 7 та газеталарда ҳамда
3150 маротаба веб-сайт ва бошқа электрон ахборот воситаларида) ОАВларда ҳуқуқий тарғиботлар амалга оширилди.

Шу билан бирга, фуқароларнинг ҳуқуқий онги ва ҳуқуқий маданияти даражасини аниқлаш бўйича аҳолининг турли қатламларидаги жами
815 нафар шахслар ўртасида сўров ўтказилиб, ўтказилган сўров натижаларига кўра умумлаштирилган таҳлилий маълумот ва билдирилган таклифлар бошқармага тақдим этилиши таъминланди.

6. Қонун ҳужжатларини давлат органлари ва ташкилотларга етказиш бўйича;

2020 йилнинг 9 ойи давомида жами 928 та, шундан 40 та қонунлар, Ўзбекистон Республикаси Олий Мажлиси палаталарининг 43 та қарорлари, Ўзбекистон Республикаси Президентининг 48 та Фармон ва 136 та қарорлари, Вазирлар Маҳкамасининг 432 та қарорлари, вазирликлар, давлат қўмиталари ва идораларнинг 227 та буйруқлари ва қарорлари ҳамда маҳаллий давлат ҳокимияти органларининг 2 та қарорлари электрон базаси (банки) хизматда фойдаланиш учун етказиб берилиши таъминланди.

7. Қонунлар ва бошқа норматив-ҳуқуқий ҳужжатларнинг ижросини ташкиллаштириш масалалари бўйича ҳокимларга ҳамда давлат органлари
ва ташкилотларнинг ҳар бирига 5 маротабадан алоқа хатлари чиқарилиши ҳамда туман ҳокимлиги ва давлат органларига жами 450 дан ортиқ қарорларнинг қабул қилинишида услубий ёрдам кўрсатилиши таъминланди.

Шунингдек, юридик хизмат ходимларини фаолиятига кўмаклашиш мақсадида 3 та услубий кўрсатмалар тайёрланиб, 9 та давлат органлари
ва ташкилотларига юборилиши таъминланди.

Шароф Рашидов туман

адлия бўлим бошлиғи       

Жиззах вилоят адлия бошқармаси томонидан “MEGA MOTTO MIX” МЧЖ раҳбари Т.Зокировнинг Жиззах вилояти Уй-жой коммунал хизмат кўрсатиш бошқармаси ҳузуридаги “Таъмирлаш-тиклаш хизмати” ДУК ҳамда “Таъмирлаш-тиклаш хизмати” ДУК Ғаллаорол туман филиали томонидан етказилган зарарни ундиришда амалий ёрдам беришни сўраб қилган мурожаати ўрганиб чиқилди.

Ўрганиш натижасида МЧЖ манфаатида тегишли тартибда Жиззах туманлараро ҳамда Ғаллаорол туманлараро иқтисодий судларига даъво аризалар киритилди.

Натижада ҳар иккала даъво аризалар тўлиқ қаноатлантирилиб, Жиззах туманлараро иқтисодий судининг 2020 йил 23 сенятбрдаги ҳал қилув қарори билан Жиззах вилояти Уй-жой коммунал хизмат кўрсатиш бошқармаси ҳузуридаги “Таъмирлаш-тиклаш хизмати” ДУКдан МЧЖ фойдасига 12.330.111 сўм асосий қарз ҳамда 1.850.000 сўм пеня ундириш белгиланди.

Шунингдек, Ғаллаорол туманлараро иқтисодий судининг 2020 йил 22 сентябрдаги ҳал қилув қарори билан “Таъмирлаш-тиклаш хизмати” ДУК Ғаллаорол туман филиалидан МЧЖ фойдасига 30.418.192 сўм асосий қарз ва 1.400.000 сўм пеня ундириш белгиланди.

(Ҳал қилув қарорлари илова қилинади)

Жиззах вилоят адлия бошқармаси томонидан Шароф Рашидов туман адлия бўлими бошлиғи Шерматов Анвар Хужамбердиевич 2020 йил сентябрь ойининг энг яхши ходими деб эълон қилинди.

А.Шерматов адлия тизимидаги меҳнат фаолиятини 2018 йилда бошлади ва бугунги кунда тизимдаги турли лавозимларда меҳнат қилиб келмоқда.

А.Шерматов адлия бўлимларига юклатилган вазифаларни самарали бажарилишида юқори натижаларга эришмоқда.

Шароф Рашидов туман адлия бўлими бошлиғи Шерматов Анвар Хужамбердиевични табриклаб, келгусидаги ишларига муваффақият ва улкан зафарлар тилайди.

Бугун Жиззах вилоят юридик техникумига ҳужжатларини топширган абитуриентлар тест синовларини топширдилар. Имтихонлар 2 сменада (1-смена соат 09.00 дан 12.00 га қадар, 2-смена соат 14.00 дан 17.00 га қадар) ўтказилади.

ЖИЗЗАХ ВИЛОЯТИ АДЛИЯ БОШҚАРМАСИ ТИЗИМИДАГИ
МАВЖУД БЎШ ИШ ЎРИНЛАРИ ҲАҚИДА МАЪЛУМОТ

Ойлик иш ҳақидан ташқари ижтимоий ҳимоялашга қаратилган қуйидаги чоралар ва тўловлар таъминланади:

- ойлик иш ҳақига мартаба даражалари учун ва кўп йиллик хизмати учун қўшимчалар (бундан ташқари, мукофот пули, моддий ёрдам ва бошқалар) қўшиб борилади;

- адлия органлари ходимларига бериладиган махсус унвон – мартаба даражалари берилади;

- ходимларнинг озиқ-овқат харажатларини қисман қоплаш учун ҳар ойлик компенсация тўлови (энг кам ойлик иш ҳақи миқдорида);

- Меҳнат кодексида белгиланган 6 та байрам ва 4 та чорак якунлари бўйича ойлик иш ҳақи фонди миқдорида мукофот пуллари;

- ходим таътилга чиққанда икки ойлик иш ҳақи фонди миқдорида моддий ёрдам пули;

- ходимга оилавий шароитига кўра ижтимоий муҳофаза қилиш тарзидаги пул маблағи (энг кам ойлик иш ҳақининг 5 баравари миқдорида);

- қишлоқ хўжалиги маҳсулотлари сотиб олиш учун йилда бир маротаба моддий ёрдам (энг кам ойлик иш ҳақининг 10 баравари миқдорида)

- турли хил концерт ва театрларга чипталар ҳамда санаторий ва бошқа даволаш муассасаларига, шунингдек болалар оромгоҳларига йўлланмалар;

- ходимларга уй-жойларни ижарага олганлик (ижарада турганлик) учун компенсация тўлови;

Танловда иштирок этиш истагини билдирган номзодлар 2020 йил 20 октябрь кунига қадар қуйидаги ҳужжатларни jizzax@minjust.gov.uz электрон почтасига ёки Жиззах вилоят адлия бошқармаси Кадрлар бўлимига юборишлари лозим:

- номзоднинг шахсий варақаси (маълумотнома-объективка);

- диплом (дипломдан кўчирма)нинг нусхаси, чет элда ўқиган бўлса, дипломи тан олиш ва нострификациядан ўтганлигини тасдиқловчи гувоҳнома, олий ёки ўрта махсус, касб-ҳунар таълим муассасаларининг битирувчи курсларида таълим олаётганлар бундан мустасно;

- номзоднинг паспорт нусхаси.

Ариза ва унга илова қилинган ҳужжатлар электрон шаклда юборилиши ҳам мумкин. Юборилаёган маълумотномада номзоднинг яшаш манзили ва телефон рақамлари тўғрисидаги ҳамда қайси иш ўрнига ҳужжат топшириш истаги ҳақидаги маълумотлар ҳам экс эттирилиши керак.

Танлов тартиби бузилган тақдирда ёки коррупция ҳолатлари ҳақидаги хабарларни Адлия вазирлигининг “1008” ишонч телефонига, @antikorbot телеграм каналига мурожаат қилишингиз мумкин.

Савол:  Иш берувчининг кўрсатмаси бўйича 2 ҳафта олдин ишга чиқишни бошладим. Аммо ташкилот раҳбари шу кунга қадар ишга қабул қилиш бўйича буйруқ чиқармаган экан. Ушбу ҳолатда мен билан ташкилот раҳбари ўртасида меҳнат шартномаси тузилмаган ҳисобланадими?

Жавоб:  Меҳнат кодексининг 82-моддасига кўра, ишга қабул қилиш иш берувчининг буйруғи билан расмийлаштирилади. Буйруқ чиқариш учун ходим билан тузилган меҳнат шартномаси асос бўлади.

Шунингдек, ишга қабул қилиш ҳуқуқига эга бўлган мансабдор шахс томонидан ёки унинг ижозати билан ходимга ҳақиқатда ишлашга рухсат этилган бўлса, ишга қабул қилиш тегишли равишда расмийлаштирилган ёки расмийлаштирилмаганлигидан қатъи назар, иш бошланган кундан эътиборан меҳнат шартномаси тузилган деб ҳисобланади.

Шу ўринда, мансабдор шахс томонидан меҳнат ва меҳнатни муҳофаза қилиш тўғрисидаги қонун ҳужжатларини бузганлик маъмурий жавобгарликка сабаб бўлади.

Улмас АБДИЕВ

Бошқарманинг ҳуқуқий тарғибот ва маърифат бўлими бошлиғи

Жиззах вилояти адлия бошқармасига Шароф Рашидов тумани, Раваллиқ МФЙ, Оқсоқол тўпик кўчаси, 61-уйда яшовчи фуқаро А.Азизов (исм фалияси ўзгартириб кўрсатилган) Жиззах вилояти “Таъмирлаш тиклаш хизмати” ДУК томонидан иш хақи берилмаётганлигидан норози бўлиб ёзган мурожаати бўйича тўпланган хужжатлар ўрганиб чиқилди.

Жумладан, фуқаро А.Азизов Жиззах вилояти “Таъмирлаш тиклаш хизмати” ДУКда Омбор мудири вазифасида ишлаб келиб, 2020 йилнинг
1 майдаги 21а-к-сонли буйруғи билан меҳнат шартномаси бекор қилинган.

Бироқ, Жиззах вилояти “Таъмирлаш тиклаш хизмати” ДУК томонидан Т.Тошпўлатовга 4.286.603 сўм иш ҳақи тўлаб берилмаган.

Жиззах вилояти “Таъмирлаш тиклаш хизмати” ДУКнинг Т.Тошпўлатовдан иш ҳақидан бўлган қарздорлиги ДУК томонидан тақдим этилган маълумотнома билан ўз тасдиғини топган.

Ҳолат бўйича бошқарма томонидан фуқаро А.Азизов манфаатида Жиззах вилояти “Таъмирлаш тиклаш хизмати” ДУКга нисбатан иш ҳақи ундириш ҳақида фуқаролик ишлари бўйича Жиззах туманлараро судига ариза киритилиши таъминланди.

Инсон ҳуқуқларини ҳимоя

2020 йилнинг 25 сентябрь куни вилоят Ер ресурслари ва давлат кадастри бошқармасида бошқарма ходимлари иштирокида адлия бошқармаси ва Жиззах шаҳар адлия бўлими ходимлари томонидан ҳуқуқий тарғибот тадбири бўлиб ўтди.

Тадбирда ''Ер ҳисоби ва давлат кадастрларини юритиш тизимини тубдан такомиллаштириш чора-тадбирлари тўғрисида''ги ПФ-6061-сон Президент Фармони ҳамда ''Ўзбекистон Республикаси Давлат солиқ қўмитаси ҳузуридаги Кадастр агентлиги фаолиятини ташкил этиш чора-тадбирлари тўғрисида''ги ПҚ-4819-сонли Президент қарорининг мазмуни моҳияти ва аҳамиятига тушунтириб ўтилди шунингдек, иштирокчилар томонидан берилган саволларга мутахассислар томонидан ҳуқуқий тушунтиришлар берилди. Тадбир қизғин ва кўтаринки руҳда бўлиб ўтди.

Тадбир тафсилотлари эфирга узатилиши учун вилоят телерадиокомпанияси операторлари томонидан ёзиб олинди.

Улмас АБДИЕВ

Бошқарманинг ҳуқуқий тарғибот ва маърифат бўлими бошлиғи

Жиззах вилоят телерадиокомпанияси орқали эфирга узатиладиган ''ТВ шарх'' кўрсатувининг бу галги сони Ўзбекистон Республикаси Президентининг “Хавфсиз, тартибли ва қонуний меҳнат миграцияси тизимини жорий қилиш чора-тадбирлари тўғрисида”ги Қарори шархига бағишланди.

Ушбу кўрсатувда Жиззах вилояти Зафаробод туман адлия бўлими бошлиғи Жаҳонгир Эшонқулов ва Республика "Истиқболли авлод" ижтимоий-ахборот маркази Жиззах вилоят бўлими ҳуқуқшуноси Эркин Муродовлар иштирок этишиб, Президентимизнимизнинг ушбу Қарори мазмун ва моҳияти ҳамда аҳамиятини тушунтириб ўтди.