Yangiliklar

"Huquqshunoslik" fan olimpiadasining Jizzax viloyat bosqichi o'tkazildi

Adliya vazirligi hamda Maktabgacha va maktab ta'limi vazirligining qo'shma qaroriga asosan bu yil birinchi marta "Huquqshunoslik" fan olimpiadasi tashkil etilmoqda. Mazkur olimpiada adliya tizimiga biriktirilgan umumta'lim maktablarining 8-11-sinf o'quvchilari o'rtasida o'tkazilishi belgilangan. Jizzax viloyati bo'yicha 13 ta umumta'lim maktablaridan 2 mingdan ortiq o'quvchilar tanlovning tuman bosqichlarida ishtirok etishdi. Olimpiada nizomiga ko'ra ular orasida sinflar kesimida 1-o'rinni olgan 4 nafardan jami 52 nafar yoshlar bugun olimpiadaning viloyat bosqichida o'z bilimlarini sinovdan o'tkazishdi.

Hududiy bosqich 3 ta shart asosida o'tkazildi. Olimpiadani sifatli va samarali o'tkazish maqsadida barcha tashkiliy masalalarga alohida e'tibor qaratildi. 8-9-10-11-sinflar alohida xonalarga joylashtirilib nazoratchilar ishtirokida 3 ta yo'nalish bo'yicha o'zaro bellashdilar.

Olimpiadani shaffof va adolatli o'tkazish asosiy maqsad bo'lganligi uchun sinf nazoratchilari, baholash komissiya tarkibi va apelyatsiya komissiyalari tuzilgan bo'lib, ular tarkibiga malakali mutaxassislar va pedagoglar jalb qilingan.

Olimpiada yakuniga ko'ra sinflar kesimida 3 ta shartda umumiy hisobda eng ko'p ball to'plagan 4 nafar o'quvchilarga respublika bosqichi uchun yo'llanmalar topshirildi. Shu bilan birga barcha ishtirokchilarga adliya boshqarmasining estalik sovg'alari tantanali ravishda taqdim etildi. Yoshlarning huquqiy savodxonligini oshirish, ularni qonunlarga hurmat ruhida tarbiyalashga qaratilgan bu kabi tadbirlar o'qishga va o'z ustida ishlashga undashi tabiiy.

Olimpiadaning respublika bosqichida viloyatimiz sha'nini Paxtakor tumanidan 8-sinf o'quvchisi Kamol Norboev,
Yangiobod tumanidan 9-sinf o'quvchisi Shabbona Berdikulova,
Zarbdor tumanidan 10-sinf o'quvchisi Bahora Jumaboeva,
Zafarobod tumanidan
11-sinf o'quvchisi Xosila Shodieva himoya qiladi.

Jizzax viloyat adliya boshqarmasi va Maktabgacha va maktab ta'limi boshqarmasi barcha ishtirokchilarga respublika bosqichida ham omad tilaydi!

1989-yil 21-oktabr kuni “Davlat tili to‘g‘risida”gi Qonun qabul qilingan bo‘lib, unga muvofiq o‘zbek tiliga davlat tili maqomi berilgan.

Til-millatning yuragi, uni asrash burchimiz! Jamiyki ezgu fazilatlar inson qalbiga,eng avvalo,ona tilining betakror jozibasi bilan singadi. Ona tili bu millat ruhidir.

Bu yil ushbu tarixiy sana — Davlat tilining 36 yilligi nishonlanmoqda!        

Jizzax shahar Adliya bo'limi jamoasi barcha yurtdoshlarimizni O'zbek tiliga davlat tili maqomi berilgan kun bilan  samimiy tabriklaydi. Ona tili-millatningruhi, uning or-nomusi,ma'naviy qiyofasi, orzu-umidlarning namunasidir.

Barcha yurtdoshlarimizga til bayrami kuni muborak bo'lsin!

DIQQAT

HURMATLI FUQAROLAR!

Agarda Siz Jizzax viloyat adliya tizimi xodimlari orasida oʻz xizmat majburiyatlarini bajarish bilan bogʻliq holda jismoniy va yuridik shaxslardan biron-bir sovgʻa olish yoki ish jarayonida mehmondorchilik, qarz so‘rash, kafolatlar, kafilliklar, mukofotlar shaklida rag‘bat olish va shu ko‘rinishdagi korrupsiya alomatlarini shu bilan birga, odob- axloq qoidalarini buzganlik holatlarini, noqonuniy ishlar va xatti-harakatlarni sezsangiz boshqarmaning @jizzax_antikor_bot telegram boti orqali darhol xabar berishingiz so‘raladi.  

Sizning bu harakatingiz qonuniydir. Hurmatli fuqarolar, jamiyatda korrupsiya illatiga barham berish bilan bog‘liq fuqarolik burchingizni bajaring!

Koreya mehnat qonunchiligi, huquqiy yordam va himoya

KOREYA

Ayni paytda otaliqqa olingan umumiy o‘rta ta’lim maktablari o‘quvchilari o‘rtasida “Huquqshunoslik” fan olimpiadasining Yangiobod tuman bosqichi boʻlib  o`tmoqda.

Tanlov 8-9-10-11 sinflar o'rtasida tashkil etilib, tuman bosqichi 3 ta shart asosida tashkil etilib sinflar kesimida eng yuqori bal to'plagan ishtirokchi olimpiadaning hududiy bosqichi uchun yo'llanmani qo'lga kiritadi.

Mazkur olimpiada Adliya vazirligi hamda Maktabgacha va maktab ta'limi vazirligi bilan tuzilgan qo'shma qaror asosida ilk bora tashkil etilmoqda. Bu tashabbus yoshlar o'rtasida huquqshunoslik faniga bo'lgan qiziqishni oshirish, ular o'rtasida qonunlarga hurmat ruhini kuchaytirish kabi ezgu maqsadlarlarni o'zida jamlagani bilan ahamiyatlidir.

Mazkut olimpiada ayni paytda bir vaqtning o'zida viloyatimizdagi barcha otaliqqa olingan maktablarida o'tkazilmoqda.

Jizzax shahar adliya boʻlimi xodimlari o'rtasida Jizzax shahar adliya boʻlimi va tuman maktabgacha va maktab ta’limi boʻlimi bilan hamkorlikda malakali psixologlarni jalb qilgan holda psixologik mashgʻulotlar oʻtkazildi.

Mazkur mashgʻulotlar malakali psixologlar tomonidan olib borilib, jamoaviy tadbirlar va psixologik treninglar, vaqtni samarali taqsimlash, toʻgʻri fikrlash va maqsad qoʻyish, unga intilish koʻnikmalarini shakllantirish, negativ fikrlardan halos boʻlib, foydali mashgʻulot bilan shugʻullanish kabi yoʻnalishlar qamrab olindi.

Ushbu tadbir xodimlarning bilim saviyasi hamda faoliyat samararorligini oshirishga koʻmaklashadi.

Zafarobod tuman adliya bo‘limi binosidagi "Ziyo ulash" kutubxona burchagidan turli janrdagi kitoblar o'rin olgan. Bugunda hudud aholisiga beminnat xizmat qilib kelmoqda!

Ushbu loyiha katta ijtimoiy ahamiyatga ega bo‘lib, undagi kitoblar boshqalarga bilim va ma’rifat ulashish imkonini yaratadi.

Ushbu loyihadan maqsad fuqarolar hamda adliya bo‘limi xodimlariga kitob mutola qilish imkoniyatini yaratish va ularning kitob o‘qishga bo‘lgan qiziqishini oshirishdan iborat.

Zarbdor tumani adliya bo‘limi tomonidan “Toza hudud” davlat mussasasi Zarbdor tuman bo‘limida ishlayotgan fuqaro Sh.E va boshqa xodimlarning ish haqlari berilmayotganligidan norozi bo‘lib yo‘llagan murojaatlari o‘rganib chiqildi.

Aniqlanishicha, fuqaro E.Sh va jami 30 nafar xodimlarga 2025-yilning o'tgan oylari uchun jami 145 019 900 so‘m ish haqi va unga tenglashtirilgan to‘lovlari hozirgi kuniga qadar to‘lab berilmaganligi ma’lum bo‘ldi.

Vaholanki, Mehnat kodeksining 253-moddasiga asosan, xodimlarga ish haqi to‘lash muddatlari jamoa shartnomasida yoki ichki hujjatda, ular mavjud bo‘lmaganda esa mehnat shartnomasida shart qilib ko‘rsatilgan muddatlarda belgilanadi va har yarim oyda bir martadan kam bo‘lishi mumkin emasligi belgilangan.

Yuqoridagilarga ko‘ra, aniqlangan qonunbuzilishi holati yuzasidan “Toza hudud” davlat mussasasiga taqdimnoma ta’sir chorasi kiritilib, jami 145 019 900 so‘m ish haqi va unga tenglashtirilgan to‘lovlar xodimlarga to‘lab berilishi ta’minlandi.

Adliya vazirligining tashabbusi bilan “Xorijda ham millat yuzi bo‘lib qolaylik” shiori ostida 2025-yil 5-oktabrdan 5-noyabrgacha aksiya e'lon qilingan.

Aksiya doirasida tuman adliya bo'limi xodimlari tomonidan  joylarda turli uchrashuv va davra suhbatlari o‘tkazilmoqda.

Belgilangan mahallalarda navbati bilan o‘tkazilayotgan tadbirlar davomida uyma-uy yurishlar davomida aholi bilan yuzma-yuz muloqonlar jarayonida chet elga ketish istagidagi fuqarolar bilan suhbatlashilib, xorijdagi fuqarolar uchun  muhim qoidalar hamda xorijiy davlatlar qonunchiligi va tartib-qoidalari haqida tushuntirishlar berib borilmoqda.

Shu bilan birga, “San’at va ijod himoyasi” oyligi doirasida fuqarolarga mualliflik va turdosh huquqlarni himoya qilish samaradorligini oshirishga qaratilgan yangiliklar haqida batafsil tushuntirishlar berilmoqda.

Jizzax viloyat adliya boshqarmasi tashabbusi bilan maktabgacha va maktab ta'limi boshqarmasi hamkorligida amalga oshirilayotgan xodimlar o'rtasidagi psixologik trening mashg'ulotlari qiziqarli tus olmoqda.

Zarbdor, Paxtakor, Mirzacho'l va Arnasoy tumanlarida o'tkazilgan psixologik seminarlarda xodimlarning ishga, mehnat qilishga bo'lgan ishtiyoqini oshirish, maqsad qo'yish, ish vaqtini taqsimlash, o'ziga bo'lgan ishonchni oshirish, mativatsiya berish orqali kayfiyatini ko'tarish, fuqarolar bilan ishlash jarayonida chiroyli muomala qilish orqali ularni rozi qilish kabi ko'nikmalar yana bir bora mustahkamlandi.

Turli psixologik mashqlar bajarish orqali jamoadagi birdamlik, do'stona muhit, xodimlarning bir-biriga bo'lgan ijobiy munosabatlari sezilarli darajada o'zgaradi. Inson o'z ustida ishlashi, o'zini rivojlantirish orqali har tomonlama yutuqlarga erishishi va yon-atrofidagilarni ham mana shunday ezguliklarga undashga qodir.