Yangiliklar

О'zbekiston Milliy Metrologiya Instituti Davlat Muassasasi Jizzax filialida Jizzax shahar adliya bo'limi tomonidan O‘zbekiston Respublikasi Prezidentining 21.12.2022 yildagi "YANGI O‘ZBEKISTON MA’MURIY ISLOHOTLARINI AMALGA OSHIRISH CHORA-TADBIRLARI TO‘G‘RISIDA"gi  PF-269-sonli Farmoni va O‘zbekiston Respublikasi Prezidentining 21.12.2022 yildagi "YANGI O‘ZBEKISTON MA’MURIY ISLOHOTLARI DOIRASIDA RESPUBLIKA IJRO ETUVCHI HOKIMIYAT ORGANLARI FAOLIYATINI SAMARALI TASHKIL ETISH CHORA-TADBIRLARI TO‘G‘RISIDA"gi PQ-447-sonli qarori yuzasidan targ'ibot tadbiri tashkil etildi. Ushbu tadbirda Jizzax shahar adliya bo'limi yuridik xizmat ko'rsatish markazi bosh yuriskonsulti A.Mamatov tomonidan yurorida qayd etilgan farmon hamda qarorlar to'g'risida yig'ilish ishtirokchilariga atroflicha tushuntirishlar berildi.
Jizzax shahar adliya bo'limi

Ushbu qaror va farmonlar zamirida Yangi O‘zbekiston ma’muriy islohotlari doirasida mamlakatimizda natijadorlikka yo‘naltirilgan ixcham va professional davlat boshqaruvi tizimini yaratish bo‘yicha chora-tadbirlarning o‘z vaqtida va samarali amalga oshirilishini ta’minlash, shuningdek, respublika ijro etuvchi hokimiyat organlari faoliyatini yangilangan talablar va tamoyillar asosida tashkil etish masadi turganligi alohida takidlandi.
Jizzax shahar adliya bo'limi bosh yuriskonsulti A.Mamatov

Yangi O‘zbekiston ma’muriy islohotlari doirasida barcha respublika ijro etuvchi hokimiyat organlarining qariyb 5 ming funksiyalari xatlovdan o‘tkazilib, 500 ga yaqin takrorlanadigan, o‘z ahamiyatini yo‘qotgan hamda amalga oshirish mexanizmlari bilan ta’minlanmagan funksiyalar aniqlanganligini inobatga olgan holda respublika va hududiy ijro etuvchi hokimiyat organlari funksiyalarining ochiq reyestrini (keyingi o‘rinlarda — Funksiyalar yagona reyestri) shakllantirish va uni doimiy yuritish amaliyoti yo‘lga qo‘yilishi yig'ilish ishtirokchilariga alohida tushuntirildi.
О'zbekiston Milliy Metrologiya Instituti Davlat Muassasasi  Jizzax filiali rahbari G'.Mannonqulov

Yig'ilish so'ngida tadbir ishtirokchilarining savollariga javoblar berildi. Shundan so'ng О'zbekiston Milliy Metrologiya Instituti Davlat Muassasasi Jizzax filiali rahbari G'.Mannonqulov tomonidan Jizzax shahar adliya bo'limi xodimiga alohida minnatdorchilik bildirildi.

Zafarobod tuman Adliya bo‘limi boshlig‘i B.Ikromovning Xalq deputatlari tuman Kengashining navbatdagi 55-sessiyasida                                                         2022-yil 4-choragida amalga oshirilgan ishlari bo‘yicha hisoboti eshitildi.

Xalq deputatlari tuman Kengashi tomonidan tuman Adliya bo‘limi boshlig‘ining joylarda norma ijodkorligi, huquqni qo‘llash amaliyoti hamda korrupsion holatlarga barham berish borasida amalga oshirilayotgan ishlar holati bo‘yicha axboroti eshitildi. Axborot berish jarayonida qabul qilinayotgan qonunlar va boshqa normativ-huquqiy hujjatlarning mazmun-mohiyati va ahamiyatini ijrochilarga yetkazishda “respublika—viloyat—tuman—mahalla” prinsipi bo‘yicha amalga oshirilgan ishlar, jismoniy va yuridik shaxslarning murojaatlarini ko‘rib chiqishda natijadorlikka erishilganligiga to‘xtalib o‘tildi.                                                                    

Gʻallaorol tumani, "Mulkush" QFY hudidagi 19-maktab binosida tuman adliya bo‘limi boshlig‘i tomonidan mahalla raisi, hokim yordamchisi, yoshlar yetakchisi,  xotin qizlar faoli bilan birgalikda seminar tashkil etildi.                                                                                      

Seminarda, O‘zbekiston Respublikasi Vazirlar Mahkamasining  16.05.2022 yildagi  2022-2023 yillarda jamiyatda huquqiy madaniyatni yuksaltirish bo‘yicha chora-tadbirlar dasturini tasdiqlash to‘g‘risidagi 259-son qarori ijrosi yuzasidan jinoyatchilik va huquqbuzarliklar profilaktikasi bo‘yicha, ularning oldini olish yuzasidan zarur choralar ko‘rish tartibi, uni bartaraf etish mexanizmlari tushuntirildi.                                                                                                                                                                

Shuningdek tadbirda joriy yilning yanvar oyida mahalla hududida sodir etilgan jinoyatlar muhokama qilindi.

"Jizzax ovozi" gazetasining 28-yanvar sonida adliya boshqarmasi tomonidan "Yangi O'zbekistonda ma'muriy islohotlar jarayoni" mavzusida o'tkazilgan matbuot anjumani tafsilotlari yorotilgan maqola chop etildi.

"Jizzax ovozi " gazetasining 2023-yil 28-yanvardagi 5-sonida Jizzax shahar adliya bo‘limi yuridik xizmat ko‘rsatish markazi bosh yuriskonsuli Nargiza Fayziyevaning "Mehnat kodeksida nimalar o'zgardi?" nomli maqolasi chop etildi.

Arnasoy tuman аdliya bo'limi DXM hodimlari tomonidan qishning sovuq kunlarida fuqarolarga yanada qulay bo'lishi uchun davlat xizmatlari joylarga chiqqan xolda sayyor tartibda ko'rsatilmoqda.

Bunda asosiy e'tibor markazga kelishga imkoniyati cheklangan hamda nogironligi bo'lgan insonlarga qaratilmoqda. Aholining uzog'ini yaqin, og'irini engil qilishga qaratilgan bunday loyihalar xalq roziligiga sabab bo'lmoqda.

Zarbdor tuman adliya bo'limi yuridik xizmat ko’rsatish  markazi bosh yuriskonsulti A.Abduvaitovning “Bahmal hayoti” gazetasida "Nogironlik nafaqasidagi o'zgarishlar", “XXI asr “ gazetasida esa  “Job offer yohud ishga marhamat !” nomli maqolalari chop  etildi.

Yangiobod tuman adliya bo’limiga H.Mamarasulov va I.Mamurboyev murojaat qilib, 2021-yil aprel oyidan buyon Yangiobod tuman maktabgacha ta’lim bo’limiga qarashli 7-sonli maktabgacha ta’lim tashkilotida qorovul bo’lib ishlab kelayotganligini, 2022-yil dekabr oyida esa boshqa xodimning mehnatga layoqatsizlik ta’tiliga chiqishi munosabati bilan uning vazifasi bu ikki xodimga yuklanganligi va ushbu qo’shimcha ish uchun ish haqi to’lab berilmaganligini ta’kidlab, amaliy yordam so’ragan.

Adliya bo’limi tomonidan murojaat yuzasidan tuman maktabgacha ta’lim bo’limida o’rganish o’tkazildi.

Tuman adliya bo’limi maktabgacha ta’lim bo’limiga taqdimnoma kiritdi va xodimlarga jami 920 000 so’m ish haqlari to’lab berilishi ta’minlandi.

G'allaorol tuman adliya bo'limi DXM hodimlari tomonidan tuman markazidan 60 km uzoqlikdagi "Jiydali" va "Gulchambar" QFY fuqarolariga qishning sovuq kunlarida yanada qulay bo'lishi uchun hududlardagi mahalla binolarida sayyor tartibda xizmatlar ko'rsatildi. Xalq ishonchi va roziligiga erishish ish unumini belgilaydi.

Sharof Rashidov tuman adliya bo‘limi tomonidan fuqaro K.Olimovning tuman gaz ta’minoti bo‘limi xodimlari tomonidan noreal qarzdorlik hisoblanganligi va ushbu qarzdorlikni olib tashlashda amaliy yordam berishni so‘rab, qilgan murojaati o‘rganib chiqildi.

O’zbekiston Respublikasi Vazirlar Mahkamasining 2005-yil 26-maydagi 132-sonli qarori bilan tasdiqlangan “Tabiiy gaz iste’molchilari va gaz bilan ta’minlovchi tashkilotlar o‘rtasidagi o‘zaro hisobkitoblar tartibi to‘g‘risida”gi Nizomda hisob-kitob davri – kalendar oyi ekanligi va uning doirasida gaz yetkazish hajmi belgilanishi hamda yetkazib berilgan gaz uchun yetkazib beruvchi bilan tabiiy gaz iste’molchisi o‘rtasida o‘zaro hisob-kitob qilinishi kerakligi ko‘rsatilgan.

Biroq, “Sharof Rashidovtumangaz” gaz ta’minoti bo‘limi xodimlari tomonidan fuqaro K.Olimovning shaxsiy hisob raqamiga “Billingaz” dasturi orqali 12.794 m3 yani, 4 mln 861ming 932 so‘m asossiz qarzdorlik kiritganligi ma’lum bo‘ldi. Vaholanki, O’rganish davomida, fuqaro K.Olimov tomonidan foydalanilgan tabiiy gaz uchun amalga oshirilgan to‘lovlari qayta hisob-kitob qilinganda 432 ming 880 so‘m qarzdorlik mavjud ekanligi aniqlandi.

Tuman adliya bo’limi aralashuvi bilan tuman “Sharof Rashidovtumangaz” tomonidan fuqaroga nibatan ortiqcha hisoblangan qarzdorlik bekor qilindi.