Yangiliklar

Adliya vazirligi tashabbusi bilan #ziyo_ulash aksiyasi hududlarda davom etmoqda.

Bugun “14-fevral -Xalqaro kitob hadya qilish kuni” munosabati bilan 34 ta mahallada yoshlar uchun kutubxonalar tashkil etildi.

Kutubxonalarga 6,7 mingdan ziyod Prezident asarlari, oʻzbek va jahon adabiyoti durdonalari, bolalar va huquqiy adabiyotlar, 26 ta kompyuter va 451 ta mebel jihozlari sovgʻa qilindi.

Shu bilan birga, 40 ming kitobni oʻzida jamlagan elektron kutubxonadan foydalanish imkoniyati yaratildi.

Aksiyamizga Respublika Maʼnaviyat va maʼrifat markazi, Yoshlar ishlari agentligi, Avtomobil yoʻllari davlat qoʻmitasi hamda Notarial palata ham qoʻshildi.

#ziyo_ulash aksiyasiga start berilgandan buyon 100 ta mahallada kutubxonalar tashkil qilinib, 31 mingga yaqin kitoblar, 66 ta kompyuter va 1100 dan ortiq  mebel jihozlari sovgʻa qilindi.

Kelgusida aksiya doirasida yana 108 ta mahallada kutubxonalar tashkil qilish rejalashtirilgan.

Barcha yurtdoshlarimizni #ziyo_ulash aksiyasida ishtirok etishga taklif qilamiz!

Jizzax viloyat adliya boshqarmasi tashabbusi bilan Do'stlik tuman adliya bo'limida ochiq eshiklar kuni tashkil etildi.

Unda tumandagi ixtisoslashtirilgan maktab o'quvchilari yahlit adliya uyi negizida birlashgan  Do'stlik tuman adliya bo'limi, davlat xizmatlari markazi, yuridik xizmat ko'rsatish markazi hamda FHDY bo'limi ish faoliyati bilan yaqindan tanishdilar.
Bevosita jonli jarayonlarni kuzatish asnosida o'quvchilar xizmat ko'rsatishda aholiga yaratilgan qulaylik hamda raqamlashgan ish uslubining afzalliklariga ham guvoh bo'lishdi.

Ushbu ochiq eshiklar kuni davomida adliya sohasiga qiziqqan o'quvchilar bu erda faoliyat olib borishi uchun qanday bilimlarga ega bo'lish lozimligi haqidagi savollariga batafsil javob olishdi.

Jizzax viloyat adliya boshqarmasi tomonidan 2023-yil davomida “Jizzax viloyat adliya boshqarmasi va uning tizimidagi tuman (shahar) adliya boʻlimlarining faoliyati, erishilgan yutuqlar va kelgusidagi rejalar” hamda “Adliya ochiq va shaffof tizim” mavzusi yuzasidan matbuot anjumani tashkil etildi.

Unda adliya boshqarmasi boshlig'i A.Ergashev tomonidan ommaviy axborot vositalari, jurnalist va blogerlar, keng jamoatchilik vakillariga sohada erishilgan natijalar, yil davomida davlat xizmatlari markazlari, FHDY boʻlimlari, yuridik xizmat koʻrsatish markazlari tomonidan amalga oshirilgan ishlar toʻgʻrisida batafsil maʼlumotlar berildi.

Shu bilan birga korrupsiyaning huquqiy asoslari, tizimda bunday holatlarga yo'l qo'yilmasligi uchun olib borilayotgan ishlar toʻgʻrisida ham aytib oʻtildi. OAV hamda ijtimoiy tarmoq imkoniyatlaridan foydalangan holda mazkur masala haqida aholi xabardorligini oshirish yuzasidan jurnalist va blogerlar bilan kelshib olindi.

Notarial palataning Jizzax viloyat hududiy boshqarmasi, Jizzax viloyat Iqtisodiy sudi, Jizzax viloyat adliya boshqarmasi bilan hamkorlikda   notariuslar ishtirokida “Iqtisodiy sudlar tomonidan ishlarni koʻrishda mediatsiya institutini qoʻllash va ushbu institutni qoʻllashda yuzaga kelayotgan muammolar” mavzusida seminar tashkil etildi.

Seminarda sohasidagi qonunchilikni takomillashtirish yuzasidan takliflar ishlab chiqish hamda sohada mavjud muammolarni muhokama qilish masalalari yuzasidan fikr almashildi.

Buyuk mutafakkir, so'z mulkining sultoni Alisher Navoiy tavalludining 583-yilligi munosabati bilan Adliya vazirligi tomonidan #ziyo_ulash chellenjiga start berildi. Mazkur shior ostida respublika boʻyicha tuman va shaharlardagi 4-sektorda joylashgan mahallalarda yoshlar uchun kutubxonalar tashkil etish loyihasiga amalga oshirildi.

Jizzax viloyatining olis Baxmal tumanidagi “Fayzobod” mahallasi yoshlari uchun bu tashabbus haqiqiy bayram tusini oldi. Kutubxonaning ochilish marosimida soʻz olganlar mamlakatimizda yoshlar va oilalar orasida kitobxonlikni keng targʻib qilish, ularda kitob oʻqishga boʻlgan qiziqishni oshirish, kitobxonlik madaniyatini joriy qilish orqali ularda milliy gʻurur, iftixor Vatanga boʻlgan muhabbat va daxldorlikni yanada shakllantirishda mana shunday loyihalarning oʻrni beqiyos ekanligini eʼtirof etdi.

Dunyodagi eng yaxshi sovgʻa bu kitob albatta. Uni kimgadir hadya etish orqali esa yanada baxtiyorlikni xis etish mumkin.

O‘zbekiston Respublikasi Prezidentining “Mahalla institutining jamiyatdagi rolini tubdan oshirish va uning aholi muammolarini hal etishda birinchi bo‘g‘in sifatida ishlashini ta’minlashga qaratilgan chora-tadbirlar to‘g‘risida” 2023-yil 21 dekabrdagi PF-209-son Farmoni hamda “O‘zbekiston mahallalari uyushmasi faoliyatini yo‘lga qo‘yish va mahallalarda boshqaruv tizimini takomillashtirishga oid qo‘shimcha chora-tadbirlar to‘g‘risida” 2023-yil 21-dekabrdagi PQ-402-son qarorining mazmun-mohiyati va amalga oshirish mexanizmlarini ijrochilarga sifatli yetkazish maqsadida Davlat xizmatini rivojlantirish Agentligi, Davlat boshqaruvi akademiyasi hamda biriktirilgan hududiy trenerlar bilan hamkorlikda tumanda “mahalla yettiligi” uchun o‘quv-seminari davom etmoqda.

Aksiya doirasida Jizzax shahar adliya bo'limi davlat xizmatlari markazi xodimlari tomonidan "Shodlik" MFYdagi zarur hujjatlarga ega bo'lmagan fuqarolarni xatlovdan o'tkazish ishlari olib borilmaqda. Shu bilan bir qatorda, aholiga aksiyadan ko'zlangan asosiy maqsad to'g'risida ma'lumotlar ham berildi.

O'rganishlar natijasida fuqaro Sh.Tojiboyevning onasi T.Xasanova 1991-yil 28-fevral kuni vafot etgan, biroq shu kunga qadar uning  o'limi FXDY organida qayd etilmaganligi aniqlandi. Shunga ko'ra,  Jizzax shahar FHDY bo’limi tomonidan "O'lim haqidagi guvohnomasi" rasmiylashtirilib, guvohnoma uning o'g'li fuqaro Sh.Tojiboyevga topshirildi.

Hamid Olimjon va Zulfiya nomidagi ijod maktabida “Rahbar va yoshlar uchrashuvi” tashkil etildi.

Unda Jizzax viloyat Adliya boshqarmasi boshlig‘i Akmal Ergashev o‘quvchi yoshlarning huquqiy madaniyatini oshirish, jamiyatda yoshlar uchun yaratilayotgan shart-sharoitlar, Adliya tizimidagi yangiliklar haqida atroflicha ma’lumot berdi.

Shuningdek, Jizzax shahar Adliya bo‘limi boshlig‘i M.Asatullayev, Adliya boshqarmasining  Huquqiy axborot bo‘yicha bosh maslahatchisi I.Ablaqulovalar o ‘quvchilarni qiziqtirgan savollarga javob berishdi.

Samimiy ruhda o‘tgan uchrashuvdan yoshlar o‘zlari uchun kerakli tavsiyalar olishdi. Viloyat Adliya boshqarmasi tomonidan huquqiy sohaga doir kitoblar jamlanmasi ijod maktabi uchun taqdim etildi.

O‘zbekistan Respublikasi Prezidentining “Mahalla institutining jamiyatdagi rolini tubdan oshirish va uning aholi muammolarini hal etishda birinchi bug‘in sifatida ishlashini ta’minlashga qaratilgan chora-tadbirlar to‘g‘risida” 2023-yil 21-dekabrdagi PF-209-son Farmoni hamda “O‘zbekistan mahallalari uyushmasi faoliyatini yo‘lga qo‘yish va mahallalarda boshqaruv tizimini takomillashtirishga oid qo‘shimcha chora-tadbirlar to‘g‘risida” 2023-yil 21-dekabrdagi PQ-402-son qarorining mazmun-mohiyati hamda amalga oshirish mexanizmlarini ijrochilarga sifatli yetkazish maqsadida Davlat xizmatini rivojlantirish Agentligi, Davlat boshqaruvi akademiyasi hamda biriktirilgan hududiy trenerlar bilan hamkorlikda  Zarbdor tumanida “mahalla yettiligi” uchun o‘quv-seminari tashkil etildi.

Tumandagi 24 mahalalardagi “mahalla yettiligi” 11 ta mavzular bo‘yicha o‘quv-seminari yuqori saviyada o‘tkazilmoqda.

Jizzax shahar adliya bo'limi yuridik xizmat ko’rsatish markazi boshlig'i N.Fayziyeva  hamda Yuridik xizmat ko'rsatish markazi bosh yuriskonsultlari A.Mamatov tomonidan  Jizzax viloyat yuridik texnikumida  “Huquqiy axborot kuni” doirasida amalga oshirilayotgan
islohotlar va qabul qilinayotgan qonunchilik hujjatlari mazmun-mohiyatini
yoshlarga yetkazishga qaratilgan targ‘ibot tadbiri tashkil etildi.
Tadbirda yoshlarning  huquqiy savodxonlik darajasini oshirish maqsadida O‘zbekiston Respublikasining 03.01.2017 yildagi “Korrupsiyaga qarshi kurashish to‘g‘risida” O‘RQ-419-sonli Qonuni, O‘zbekiston Respublikasining 08.08.2023 yildagi “Normativ-huquqiy hujjatlarning va ular loyihalarining korrupsiyaga qarshi ekspertizasi to‘g‘risida” O‘RQ-860-sonli Qonuni hamda Jinoyat kodeksining korrupsiyaviy jinoyatlarni sodir etish bilan bog’liq jinoyatlarga oid moddalari bo’yicha tushunchalar berildi.
Tadbir so'ngida, tadbir ishtirokchilarining savollariga atroflicha javob berildi.