Yangiliklar
"Ойнинг энг яхши ходими" эълон қилинди.
Жиззах вилоят адлия бошқармаси томонидан Жиззах шаҳар адлия бўлими етакчи маслаҳатчиси Қайнаров Шерзод Зокир ўғли 2020 йил июль ойининг энг яхши ходими деб эълон қилинди.
Ш.Қайнаров адлия тизимидаги меҳнат фаолиятини 2019 йилда бошлади ва бугунги кунда тизимдаги турли лавозимларда меҳнат қилиб келмоқда.
Ш.Қайнаров адлия бўлимларига юклатилган вазифаларни самарали бажарилишида юқори натижаларга эришмоқда.
Жиззах вилоят адлия бошқармаси жамоаси Қайнаров Шерзод Зокир ўғлини табриклаб, келгусидаги ишларига муваффақият ва улкан зафарлар тилайди.
Инсон омилига чек қўйиш орқали контрабанда ва маҳсулотларнинг божхона қийматини сунъий пасайтириш ҳолатлари устидан божхона назоратини кучайтириш лозимлиги таъкидланди.
Импорт товарларининг кириб келиши, божхонадан ўтказилиши ва сотилиши бўйича ягона базани ишга тушириш бўйича топшириқлар берилди. Шунингдек, 2021 йил 1 январдан “Божхона аудити” ахборот тизимини жорий этиш вазифаси белгиланди.
Президент яширин иқтисодиётни қисқартириш учун одамларнинг легал ишлашига кўмаклашиш, уларни манфаатдор қилиш кераклигини таъкидлади.
Масалан, ўзини ўзи банд қилиш тизими соддалаштирилгани натижасида июль ойининг ўзида 184 минг фуқаро расмий секторда иш юрита бошлади.
Лекин, қурилиш, савдо ва умумий овқатланиш, транспорт ва бошқа хизмат кўрсатиш соҳаларида норасмий бандлик даражаси ҳамон юқори. Умуман, иқтисодиётда банд бўлган 10,5 миллион аҳолининг атиги 4,9 миллиони даромад солиғи тўлайди.
Йиғилишда бундай соҳалар бўйича манзилли ишлаш, норасмий фаолият юритаётган субъектларни рағбатлантирувчи механизмлар орқали яширин иқтисодиётдан олиб чиқиш кераклиги айтилди.
Савдо, умумий овқатланиш, транспорт ва маиший хизмат кўрсатиш соҳаларида пластик карталар ва бошқа турдаги контактсиз тўловларни айланма даромад солиғини ҳисоблаш базасига киритмаслик таклифи билдирилди.
Давлатимиз раҳбари тадбиркорлик фаолиятига рухсат бериш ва лицензиялашдаги ортиқча тартиб-таомилларни янада қисқартириш зарурлигини таъкидлади.
Масалан, 100 та лицензия ва 34 та рухсатномани қисқартириб, хабардор қилиш тартибига ўтказиш, яна кўпларини соддалаштириш, 14 та ҳужжатни бериш муддатларини 2 бараваргача қисқартириш мумкин. Ушбу чоралар натижасида тадбиркорлар йилига 125 миллиард сўм иқтисод қилиш имконига эга бўлади.
43 та идоранинг 270 та назорат функциясини танқидий ўрганиб, яширин иқтисодиёт ва коррупцияга сабаб бўлаётган ваколатларини қисқартириш бўйича кўрсатмалар берилди.
Яширин иқтисодиётни тармоқлар ва соҳалар бўйича таҳлил қилиш талаб даражасида эмаслиги кўрсатиб ўтилди. Халқаро экспертларни жалб қилган ҳолда, бир вилоят мисолида яширин иқтисодиётнинг статистик ҳисоботи жорий этилиши белгиланди.
“Яширин иқтисодиётга қарши курашиш тадбиркорларни жазолаш, уларнинг фаолиятига тўсқинлик қилиш дегани эмас. Бу айниқса пандемия даврида катта аҳамиятга эга. Жойларда жамоатчилик назоратини кучайтириш орқали майда коррупцияга ҳам қатъий чоралар кўриш зарур”, – деди Шавкат Мирзиёев.
Улмас Абдиев
Жиззах вилоят адлия бошқармаси,бўлим бошлиғи
Каналга уланинг @jizzax_adliya_boshqarmasi
Ўзбекистон Республикаси Вазирлар Маҳкамасининг 2019 йил 20 декабрдаги 1023-сон Қарори билан "Тадбиркорлик ва шаҳарсозлик фаолиятини амалга ошириш учун ер участкаларини электрон онлайн-аукцион оркали бериш тартиби тўғрисида Низом" тасдиқланган бўлиб, унинг асосий мақсади бюрократия, сансоларлик ва коррупциянинг олдини олишдан иборатдир.
Бироқ, афсуслар бўлсинки, хали-ҳанузгача баъзи давлат органлари эскича услубда ишлашни маъқул кўришмоқда.
Эскича услубда ишлашни маъқул кўраётганлар айниқса туман (шаҳар) ҳокимликлари бўлса, бунданда аянчли ҳолат бўлмаса керак. Чунки, улар Президентимиз томонидан амалга оширилаетган ислоҳотларнинг жойлардаги бош ижрочилари бўлишлари даркор.
Юқоридаги Низомнинг 8-бандида қурилиш бош бошқармалари томонидан ишлаб чиқилган архитектура ва режалаштириш топшириғи (АРТ) нинг ишлаб чиқиш қиймати туман (шахар) ҳокимлиги томонидан маҳаллий бюджетнинг қўшимча манбалари ҳисобидан АРТ ишлаб чиқилган кунда тўлиқ тўлаб берилиши белгиланган.
Хўш амалдачи? 2020 йилнинг 1 июнь ҳолатига Жиззах вилоят қурилиш бош бошкармаси томонидан Зомин туманидаги 14 та ер участкасининг архитектура ва режалаштириш топшириғи ишлаб чиқилган бўлса-да, унинг қиймати туман ҳокимлиги томонидан ҳозирга қадар тўланмасдан қолмоқда.
Вилоят қурилиш бош бошқармаси бир неча маротаба Зомин туман ҳокимлигига мазкур тўловларни амалга оширишни сўраб, мурожаат қилган бўлса-да, уларнинг барчаси эътиборсиз қолдирилган.
Шундан сўнг, ушбу муаммони ҳал этиш учун Жиззах вилоят адлия бошқармасига мурожаат қилинди, чунки адлия органларига давлат органлари ва бошқа ташкилотлар томонидан юқоридаги Низом талабларига сўзсиз риоя этилиши бўйича тизимли назоратни амалга ошириш вазифаси юклатилган.
Адлия бошқармаси томонидан мазкур мурожаатда баён этилган ҳолатлар атрофлича ўрганиб чиқилиб, вилоят қурилиш бош бошқармаси манфаатида Зомин туман ҳокимлигига нисбатан ишлаб чиқилган 14 та ер участкасининг архитектура ва режалаштириш топшириғи учун 10 704 000 сўмни ундириш ҳакида судга даъво аризаси киритилди.
Зомин туманлараро иқтисодий судининг 2020 йил 22 июлдаги ''Ҳал қилув қарори'' билан даъво тўлиқ қаноатлантирилиб, Зомин туман ҳокимлигидан вилоят қурилиш бош бошкармаси фойдасига 10,7 млн сўм маблағ, бундан ташқари Давлат фойдасига давлат божи ва почта харажатлари ундириш белгиланди.
Хулоса: Республика ҳудудидаги барча давлат органлари ва ташкилотлари томонидан бажарилиши мажбурий булган Ҳукумат Қарорининг маҳаллий давлат ҳокимияти органлари томонидан ижроси таьминланмаслиги қонун ҳужжатлари бузилиши сифатида қаралади ва ваколатли давлат органлари томонидан тегишли таъсир чораси қўлланилишига сабаб бўлади.
Зомин туман адлия бўлими
Бош маслаҳатчиси В.Омонов
25.07.2020 йил куни Ўзбекистон Республикаси Президентининг “Коронавирус пандемиясини юмшатиш, аҳолининг санитария-эпидемологик осойишталиги ва саломатлигини сақлаш тизимини тубдан такомиллаштириш чора-тадбирлари тўғрисида” ПФ-6035-сонли Фармони қабул қилинди.
Фармонга мувофиқ, аҳолининг санитария эпидемологик осайишталигини ва саломатлигини сақлаш бўйича қуйидаги кечиктириб бўлмайдиган чора тадбирлар амалга оширилиши белгиланди;
-лабаратория текшируви амалиётига хусусий секторни жалб қилган холда эксперт-тест ва иммунофермент таҳлили усуллари киритилади;
-аҳоли томонидан мурожаат қилинганда хамда уларда касаллик белгилари аниқланганида, тезкорлик билан коронавирус инфекциясига таҳлил олиш ва таҳлил натижаларини 3 кунлик муддатда уларни шахсий телефон рақамлари орқали хабардор қилиш чоралари кўрилади;
-тиббиёт муассасалари ўртасидаги ахборот алмашиш тизими соддалаштирилади-хисоботлар тури, даврийлиги ва бошқа қогозбозлик билан боғлиқ жараёнлар электрон тизимга ўтказилади.
Хосилмурод КУШМАТОВ
Арнасой туман адлия
бўлими бошлиғи
САВОЛ.
Мен олий таълимда 16 йилдан буён ўқитувчи бўлиб ишлайман. Рахбарият штат қискаришини сабаб килиб май ойида огохлантириш берган. Мана икки ой утиб профсоюз йигилишига таклиф килди. Катъий карантин сабаб бора олмадим ва электрон шаклда йигилишни кейинга колдиришни сураб ариза юбордим. Лекин йигилиш утказилиб мани ишдан бушатибди. Ман узим катнашиб хомиладорлигим хакида маълумотнома бермокчи эдим, лекин оғзаки равишда бўлса ҳам уларга айтганман. Штат қисқариши муносабати билан хомиладор ходимни ишдан бўшатиш қанчалик тўғри. Менга хукукий маслахат берсангиз. Сизга олдиндан рахмат.
ЖАВОБ:
Сиз билан тузилган меҳнат шартномаси Ўзбекистон Республикаси Меҳнат кодексининг 100-моддаси иккинчи қисми 1-бандига асосан ходимлар сони (штати)нинг ўзгаришига олиб келган ишлар ҳажмининг қисқарганлиги сабаб билан бекор қилинган бўляпти.
Яъни, бу вазиятда меҳнат шартномаси иш берувчининг ташаббусига кўра бекор қилинган, негаки, Меҳнат кодексининг 100-моддасининг номи “меҳнат шартномасини иш берувчининг ташаббуси билан бекор қилиш” деб номланади.
Меҳнат кодексининг 237-моддасига кўра:
ҳомиладор аёллар ва уч ёшга тўлмаган боласи бор аёллар билан тузилган меҳнат шартномасини иш берувчининг ташаббуси билан бекор қилишга йўл қўйилмайди, корхонанинг бутунлай тугатилиш ҳоллари бундан мустасно, бундай ҳолларда меҳнат шартномаси уларни албатта ишга жойлаштириш шарти билан бекор қилинади.
Яъни, мазкур қоидага биноан корхонанинг бутунлай тугатилиши вазиятини ҳисобга олмасак, бошқа ҳолатларда ҳомиладор ҳисобланган аёлни иш берувчининг ташаббуси билан, яъни Меҳнат кодексининг 100-моддаси билан ишдан бўшатиш мумкин эмас.
Юқоридаги ҳолатда иш берувчи тушуниши керак, мавжуд вазиятда гарчи расман тасдиқланган тиббий маълумотномани кейин тақдим этган бўлсангизда, қонун Сизнинг манфаатларингизни ҳимоя қилади, демоқчиманки, 237-моддадаги имтиёз Сизга тўлиқ тушади.
Сизда, юқоридаги қонунбузарлик ҳолатлари юзасидан шу туман (шаҳар)даги меҳнат инспекциясига, прокуратурага шикоят ёки фуқаролик ишлари бўйича тумунлараро судига даъво аризаси киритиш ҳуқуқи бор.
Саид РАХИМОВ
Дўстлик туман адлия бўлими бошлиғи
Дўстлик туман Санитария-эпидемиологик осойишталик марказида Ўзбекистон Республикаси Президентининг 2020 йил 19 мартдаги “Коронавирус пандемияси ва глобал инқироз ҳолатларининг иқтисодиёт тармоқларига салбий таъсирини юмшатиш бўйича биринчи навбатдаги чора-тадбирлар тўғрисида”ги ПФ-5969-сонли Фармони ижроси ташкиллаштирилганлиги ва интизомига риоя этилиши мониторинг ўтказиш йўли билан ўрганилди.
Ўрганиш жараёнида ушбу Фармон талаблари бўйича хато ва камчиликларга йўл қўйганлиги аниқланди.
Фармоннинг 17-бандида Соғлиқни сақлаш вазирлиги билан биргаликда тиббиёт, санитария-эпидемиологик ва бошқа ходимлар коронавирус инфекцияси тарқалишига қарши курашиш тадбирларига жалб қилинадиган даврда уларнинг ойлик лавозим маошига 6 фоиз миқдорида ҳар кунлик қўшимча тўловлар жорий қилинган.
Юқоридагидан келиб чиқиб, Марказ раҳбарининг 2020 йил 01 майдаги 95-сонли буйруғи қабул қилиниб, коронавирус инфекцияси тарқалишига қарши курашиш тадбирларига 27 нафар ходимлар жалб қилинган.
Лекин ушбу даврда уларнинг ойлик лавозим маошига 6 фоиз миқдорида ҳар кунлик қўшимча тўловлар тўлаб берилмаганлиги аниқланди.
Шундан келиб чиқиб, Дўстлик туман адлия бўлими томонидан Санитария-эпидемиологик осойишталик марказининг 27 нафар ходимларига ойлик лавозим маошига 6 фоиз миқдорида ҳар кунлик қўшимча тўловларни тўлаш бўйича тақдимнома киритилди.
Натижада СЭОА Жиззах вилоят Маркази томонидан ушбу ходимларга 36 439 000 so'm миқдоридаги ҳақдорлиги тўлаб берилди.
Саид РАХИМОВ
Дўстлик туман адлия бўлими бошлиғи
Ўзбекистон Республикаси Вазирлар Маҳкамасининг 2019 йил
20 декабрдаги “Тадбиркорлик ва шаҳарсозлик фаолиятини амалга ошириш учун бўш турган ер участкаларини бериш тартиб тамоилларини янада такомиллаштириш чора-тадбирлари тўғрисида” 1023-сон қарори билан
2019 йил 1 октябрдан бошлаб жорий этилган тартибга мувофиқ:
Қорақалпоғистон Республикаси, вилоятлар ва Тошкент шаҳрида қишлоқ хўжалигига мўлжалланмаган бўш турган ер участкалари (кейинги ўринларда ер участкалари деб аталади) тадбиркорлик ва шаҳарсозлик фаолиятини амалга ошириш учун фақат «E-IJRO AUKSION» савдо майдончасида электрон онлайн аукцион орқали берилиши, Ўзбекистон Республикаси Президентининг ва Ўзбекистон Республикаси Вазирлар Маҳкамасининг қарорларига мувофиқ ер участкаларини тақдим этиш ҳоллари бундан мустасно эканлиги кўрсатилган.
Бироқ, адлия бўлими томонидан туман ҳокимлигида ер ажратиш тўғрисида қабул қилинган қарорларининг қонун ҳужжатларига мувофиқлиги аҳволи ўрганилганда, Шароф Рашидов туман ҳокимлиги томонидан ер майдонларини тадбиркорлик мақсадларида юридик ва жисмоний шахсларга берилишида ҳамон қонунчиликка зид равишда қарорлар қабул қилинаётганлиги маълум бўлди.
Жумладан, тумандаги Х.Олимжон номли ФХҲУ ҳудудидадан “LIDER OSIYO” МЧЖга қурилиш материаллари ишлаб чиқариш учун ер майдонини ажратиш тўғрисида”ги 13-сон қарори билан туман заҳира фонди ҳисобида турган 59қ-контуридан 1,0 гектар ер майдони инвестициявий ва ижтимоий мажбуриятлар белгиланган ҳолда доимий фойдаланиш ҳуқуқи билан ажратиб берилган бўлиб, биргина жорий йилнинг январь ойида шу каби 14 та ноқонуний қарорлар қабул қилинган.
Ваҳоланки, Ўзбекистон Республикаси Президентининг 2018 йил
20 апрелдаги “Тадбиркорлик ва шаҳарсозлик фаолиятини амалга ошириш учун ер участкаларини доимий фойдаланишга бериш тартибини тубдан такомиллаштириш чора-тадбирлари тўғрисида” ПҚ-3677-сон қарорида
2018 йил 1 июлдан бошлаб юридик ва жисмоний шахсларга тадбиркорлик
ва шаҳарсозлик фаолиятини амалга ошириш учун ер участкаларини доимий фойдаланишга бериш «E-IJRO AUKSION» ягона электрон савдо майдончасида электрон аукцион орқали амалга оширилиши белгиланган.
Шунга кўра бўлим томонидан туман ҳокимлигига тақдимнома киритилиб, киритилган тақдимнома натижасида туман ҳокимининг 14 та қарорларини бекор қилиниши таъминланди.
Шароф Рашидов туман адлия бўлими бошлиғи
Шерматов Анвар Хўжамбердиевич
Мамлакатимиз Президентининг 2020 йил 11 майдаги “Республика ҳудудларини қишлоқ хўжалиги маҳсулотлари етиштиришга ихтисослаштириш бўйича қўшимча чора-тадбирлар тўғрисида”ги Қарори аграр тармоқни янада ривожлантиришда муҳим ҳужжат ҳисобланади.
Жаннатмакон Ўзбекистонимизнинг иқлим шароити нафақат пахта, ғалла, балки, мева-сабзавот, полиз экинлари ёки зиравордан тортиб, ҳатто тропик меваларни ҳам етиштириш учун жуда қулайдир. Юртбошимизнинг ушбу қарори деҳқончиликни янги босқичга олиб чиқишда, ҳар бир қарич ердан унумли ва самарали фойдаланишда муҳим аҳамиятга эга.
Ушбу қарорга биноан тажриба сифатида Жиззах вилояти танланган. Бугунги кунда аҳолининг озиқ-овқат маҳсулотларига бўлган эҳтиёжини тўла қондириш, мамлакатнинг иқтисодий салоҳиятини ўстиришда қишлоқ хўжалигини диверсификация қилиш, ҳудудларни тупроқ иқлим шароитига мос қишлоқ хўжалик экинларини етиштиришга ихтисослаштириш замон талабидир. Бу ички ва ташқи бозор талабларига жавоб берадиган, рақобатбардош озиқ-овқат маҳсулотлари етиштириш ҳажмини кўпайтириш ҳамда илм-фан янгиликларини жорий этиш ва маҳсулот етиштирувчиларнинг моддий манфаати ортишини таъминлашга хизмат қилади.
Қишлоқ хўжалиги вазирлиги, илмий текшириш институтлари мутахассисларидан иборат ишчи гуруҳ тавсиялари, туманлар томонидан берилган таклифлар асосида ишлаб чиқилган бу ҳужжатда вилоят бўйича 116,3 минг гектар ер майдонини босқичма-босқич уч йил мобайнида қишлоқ хўжалиги маҳсулотлари етиштиришга ихтисослаштириш вазифаси белгиланган. Қарорга биноан майдонлар эксперимент сифатида боғдорчилик ва узумчилик, сабзавот, картошка, полиз, дуккакли ва доривор ўсимликлар етиштириш ҳамда иссиқхона хўжаликларига ихтисослаштирилади.
Қарорга мувофиқ, 2020-2022 йилларда вилоятда жами боғ ва токзорлар майдонини 59 минг 417 гектарга етказиш мўлжалланмоқда. 26 минг 885 гектар токзор янги плантация шаклида барпо этилиши режалаштирилган.
Озиқ-овқат манбаининг муҳим қисми бўлган бошқа зироат экинларини кўпайтириш бўйича ҳам шундай аниқ режалар белгилаб берилди. Қарорда 2020-2022 йилларда 56 минг 893 гектар майдонда сабзавот, полиз, дуккакли экинлар етиштириш белгилаб берилган. Сабзавот экинлари майдони 10 минг 263 гектарга, полиз 6 минг 567 гектарга, картошка 1 минг 310 гектарга, дуккакли экинлар майдони 32 минг 90 гектарга етказилади. Иссиқхоналар майдони 10 минг 12 гектар, озуқабоп экинлар майдони 5 минг 650 гектарни ташкил этиши кўзда тутилмоқда.
Қарорда бу ишларни амалга оширишнинг молиявий манбалари ҳам белгилаб берилди. Хусусан, тадбиркорларга янги кўчатлар сотиб олиш учун 7 йилга 8 фоизли имтиёзли банк кредитлари, кластерларга 16 фоиз субсидия белгилангани уларнинг имкониятини янада кенгайтиради ва сидқидилдан меҳнат қилишга руҳлантиради.
Қарорга мувофиқ 2021 йил 1 январдан бошлаб 2023 йил 1 январга қадар четдан олиб кирилаётган уруғлар, кўчатлар ва пайвандтаглар, минерал ўғитлар, ўсимликларни кимёвий ҳимоялаш воситалари, замонавий энергия тежовчи иссиқхоналар ва уларнинг бутловчи қисмлари, томчилатиб ва ёмғирлатиб суғориш тизимлари ҳамда уларнинг бутловчи қисмлари божхона божидан озод этилиши қўшимча енгилликлар яратади.
Ушбу ҳужжатда узум етиштирувчилар ва вино тайёрловчиларни қўллаб-қувватлаш жамғармасининг 6 миллиард сўм маблағи эвазига 6 дона бурғилаш машинаси харид қилиниб, вилоят фермер, деҳқон хўжаликлари ва томорқа ер эгалари кенгашига беғараз ажратилиши лалми ерларни сув билан таъминлашда катта имконият яратади. Шунингдек, ихтисослаштирилаётган ҳудудларнинг газ ва электр энергияси таъминоти ўрганилиб, иссиқхона, боғ ва токзорларни барпо этишда етарли даражада қувватларни етказиб бериш ҳисобга олингани айни муддао бўлди.
Хуллас, Юртбошимизнинг узоқ келажакни ўйлаб имзо чеккан қарори вилоятимизда қишлоқ хўжалигини ривожлантиришда янги имкониятлар эшигини очиб берибгина қолмай, унинг ҳуқуқий асосларини ҳам белгилаб берди. Ҳар бир қарич ердан самарали фойдаланиш, йилига икки-уч марта ҳосил олиш учун шароит яратиб берилиши озиқ-овқат хавфсизлигини таъминлайди. Шу билан бирга ҳудудларда янги иш ўринлари яратиш, одамлар турмуш фаровонлигини оширишга хизмат қилади. Ушбу қарор қишлоқ аҳли учун фаровонликнинг ойдин йўлини белгилаб берди, десам муболаға бўлмайди.
Ўлмас АБДИЕВ,
Жиззах вилоят адлия бошқармасининг
бўлим бошлиғи.
Ўзбекистон Республикаси Вазирлар Маҳкамасининг 2019 йил
20 декабрдаги “Тадбиркорлик ва шаҳарсозлик фаолиятини амалга ошириш учун бўш турган ер участкаларини бериш тартиб тамоилларини янада такомиллаштириш чора-тадбирлари тўғрисида” 1023-сон қарори билан
2019 йил 1 октябрдан бошлаб жорий этилган тартибга мувофиқ:
Қорақалпоғистон Республикаси, вилоятлар ва Тошкент шаҳрида қишлоқ хўжалигига мўлжалланмаган бўш турган ер участкалари (кейинги ўринларда ер участкалари деб аталади) тадбиркорлик ва шаҳарсозлик фаолиятини амалга ошириш учун фақат «E-IJRO AUKSION» савдо майдончасида электрон онлайн аукцион орқали берилиши, Ўзбекистон Республикаси Президентининг ва Ўзбекистон Республикаси Вазирлар Маҳкамасининг қарорларига мувофиқ ер участкаларини тақдим этиш ҳоллари бундан мустасно эканлиги кўрсатилган.
Бироқ, адлия бўлими томонидан туман ҳокимлигида ер ажратиш тўғрисида қабул қилинган қарорларининг қонун ҳужжатларига мувофиқлиги аҳволи ўрганилганда, Шароф Рашидов туман ҳокимлиги томонидан ер майдонларини тадбиркорлик мақсадларида юридик ва жисмоний шахсларга берилишида ҳамон қонунчиликка зид равишда қарорлар қабул қилинаётганлиги маълум бўлди.
Жумладан, тумандаги Х.Олимжон номли ФХҲУ ҳудудидадан “LIDER OSIYO” МЧЖга қурилиш материаллари ишлаб чиқариш учун ер майдонини ажратиш тўғрисида”ги 13-сон қарори билан туман заҳира фонди ҳисобида турган 59қ-контуридан 1,0 гектар ер майдони инвестициявий ва ижтимоий мажбуриятлар белгиланган ҳолда доимий фойдаланиш ҳуқуқи билан ажратиб берилган бўлиб, биргина жорий йилнинг январь ойида шу каби 14 та ноқонуний қарорлар қабул қилинган.
Ваҳоланки, Ўзбекистон Республикаси Президентининг 2018 йил
20 апрелдаги “Тадбиркорлик ва шаҳарсозлик фаолиятини амалга ошириш учун ер участкаларини доимий фойдаланишга бериш тартибини тубдан такомиллаштириш чора-тадбирлари тўғрисида” ПҚ-3677-сон қарорида
2018 йил 1 июлдан бошлаб юридик ва жисмоний шахсларга тадбиркорлик
ва шаҳарсозлик фаолиятини амалга ошириш учун ер участкаларини доимий фойдаланишга бериш «E-IJRO AUKSION» ягона электрон савдо майдончасида электрон аукцион орқали амалга оширилиши белгиланган.
Шунга кўра бўлим томонидан туман ҳокимлигига тақдимнома киритилиб, киритилган тақдимнома натижасида туман ҳокимининг 14 та қарорларини бекор қилиниши таъминланди.
Шароф Рашидов туман адлия бўлими бошлиғи
Шерматов Анвар Хўжамбердиевич
Қуйидагилар ходимнинг асосий меҳнат ҳуқуқлари ҳисобланади : ўз меҳнати учун Меҳнатга ҳақ тўлаш ягона тариф сеткасининг биринчи разряди бўйича белгиланганидан оз бўлмаган миқдорда ҳақ олиш; муддатлари чегараси белгиланган иш вақтини ўрнатиш, бир қатор касблар ва ишлар учун иш кунини қисқартириш, ҳар ҳафталик дам олиш кунлари, байрам кунлари, шунингдек ҳақ тўланадиган йиллик таътиллар бериш орқали таъминланадиган дам олиш; хавфсизлик ва гигиена талабларига жавоб берадиган шароитларда меҳнат қилиш; касбга тайёрлаш, қайта тайёрлаш ва малакасини ошириш; иш билан боғлиқ ҳолда соғлиғига ёки мол-мулкига етказилган зарарнинг ўрнини қоплаш; касаба уюшмаларига ҳамда ходимлар ва меҳнат жамоаларининг манфаатларини ифода этувчи бошқа ташкилотларга бирлашиш; қариганда, меҳнат қобилиятини йўқотганда, боқувчисидан маҳрум бўлганда ва қонунда назарда тутилган бошқа ҳолларда ижтимоий таъминот олиш; ўзининг меҳнат ҳуқуқларини ҳимоя қилиш, шу жумладан суд орқали ҳимоя қилиш ва малакали юридик ёрдам олиш; жамоаларга доир меҳнат низоларида ўз манфаатларини қувватлаш.